كيف انسق غرفه ولدي؟؟

[*روعه*]

السلام عليكم ورحمه الله وبركاته
انا نقلت بيت جديد الحمدلله والغرفه اللي مخصصتها لولدي لون البويه حقتها موف فااااتح ومو حابه اني اغير الدهان لانه جديد وحلو .. بس المشكله انها غرفه لولد .. يعني ابغى ارائكم ايش لون الاثاث اللي اشتريه لغرفه لولدي عشان يتناسق مع لون البويه من غير ما يطلع شكلها بناتي ؟؟؟؟؟؟؟؟؟؟؟؟؟؟؟؟؟؟:24:

ودمتم بخير:32:​

 

[طيف الروح]

بم انه ولد اشتري سماوووي

على اسود

او ابيض باسود

دخلي كتالوج ايكيا للقسم الاولاد وتشووووفين التناسق على اصووووله ​

 

[*روعه*]

مشكوره طيف الروح على المرور ممكن تفيديني بالكتالوج ؟؟

 

[طيف الروح]

هااذا هوه كتالوج ايكيا

طبي واختاري بس من الالوان الي تعجبك

http://onlinecatalogue.ikea.com/2010/ikea_catalogue/SAA/

تصفحي واعطينا خبر​

 

[*روعه*]

طيف بما انك متابعه لموضوعي ابشرك .. اشتريت غرفه لونها موف مايل للسماوي مع اخضر فاتح .. ايش رايك كيف بتطلع ؟؟
وايش عندكم افكار اضيفها في جدار الغرفه عشان تكون لولد ؟؟؟؟؟؟​

 

[طيف الروح]

نزلي صووورها ونشووووف

وعلى كلامك كانهااا تبع بنات ​

 

[أحبتكي]

بالنسبة للجدار ..فيه بالمكتبات الان زي الشريط الطويل اللي ينحط دار مادار وسط جدران الغرفه<<ماادري وصلت الفكره
قصدي الشريط اللي يجي مع ورق الجدران
اختاري الالوان اللي تتناسق مع الموف واشتري رفوف خفيفه من ايكيا او ساكو وحطي فوقها خداديات على شكل سيارة او كورة وهذي بكل مكان
موفقه ياعسل

 

[*روعه*]

طيف.. كان من عيوني بس لسه ما جات الغرفه
احبتكي .. يا قلبي افيديني من فين الاقيها انا في جده ؟؟؟؟

 

[**الماسه**]

منزل مبارك عليكم وعقبال الملك ان شاء الله
بالنسبه للون على حسب درجة اللون فيه منه مايوحي انه بناتي وفيه اللي يصلح للجنسين .....وبماانك ناويه ماتغيري

ممكن تضيفي للغرفه اللون البني الغامق مع لون اااخر ياااما اللون الالخضر العشبي او السماوي او بيج
وممكن تضيفي ستكرات باشكال هندسيه وبتعدي عن الاشكال الانثويه من ورووود وقلوب وارواح

وهذي صوره تساعدك على تنسيق الالوان افضل
اعتبري البني لون اساسي وهو بني لاتغيرينه لانه مناسب للموف جدا
واحد الالوان اقلبيه للموف ويبقى اللون الثالث لك حرية الاختيار تضيفينه للموف يالسماوي يالاخضر العشبي......

 

[*روعه*]

الماسه.. مررررره شكرااااااااااا يا عسل وانا اشتريت الغرفه سماوي مع اخضر عشبي بس لسه ماجات
المهم يعني تنفع للجنسين( وكمان البويه لونها موف فاااااتح عشان كده ما غيرت اللون اقصد ينفع للجنسين ويمكن في المستقبل ان شاء الله اغير لون البويه ) الله يكتب لي اللي فيه الخير

بس انا والله احترت وخايفه تطلع مو متناسقه .. بس من كلامكم ان شاء الله حلوووه يا حلوين ​