كيف امدح زوجي الشمالي الغربي ؟؟

[آفهمني تملكني]

السلام عليكم ورحمة الله وبركاته

انا ابستفسر عن شغلتين
الاولى كيف امدح الشمالي الغربي
ادري بتستغربون من كلامي بس صدق لاجيت بمدح ماعرف وشلون امدحه
ابعرف نوع المدح اللي يحبه الشمالي الغربي

والاستفسار الثاني
هل الشمالي الغربي مايهمه كلام الناس
يعني مثلا الاثاث لما يكون ناقص شي مثلا سجاد او اي شي
اقوله الحين وش يقولون الناي بيتهم ناقص احس عادي عنده
مايهمه كلام الناس ولا لما ابغا لبس جديد اقول له وش يقولون زوجة فلان لبسها مو شي
ماحس ياثر فيه هالشي
كذا الشمالين الغربين من هالناحية
ووش اللي ياثر فيه لما ابغا ملابس او اثاث او شي من هالقبيل

 

[$دمعه غلا$]

عادي امدحيه مثل الخلق للحين محددو نوع المدح لكل نمط الكلمه الحلوه لها اثر على اي بني ادم اين كان نمطه

 

[آفهمني تملكني]

دمعة غلا مشكوره الله يرزقك من حيث لاتحتسبين
طيب وين البنات منتظره الاجابة على السؤال التاني

 

[احبه مووووووووت]

up up

 

[تفــآصيلـ]

اممم~
بالنسبهـ للمدح.. اللي عندي شمالي غربـي.. يععععشق المدح..
والإطراء بكل أنواعهـ..
فديتج انتي شوفي شو يحب بشكله بشخصيته وابدي ركزي عليه بالمدح..
واشكريه << بس الشكر يكون بمحلهـ..
..
.
بالنسبه لكلاام النـآس
واللهـ أبو الشباب يبيعنــي عشان كلام النـآس
ـهههههههههههههههههههههههـ
بس في طريقهـ صصصراحه وايد تأثر فيه.. مثلاُ قاعدين نسولف.. اقوله:
والله فلانه سوالها ريلها الشغله الفلانيه.. وأقعد أبدي اعجابي بحركت الريال
تلاقيه لا شعوريا قام يسويلي مثلها يوم يوميــــن
وبعدين يرجع لوضعه الطبيعي<<الوضع الصعيدي هــع
...
..
بعديـــن عندي تعليق:
انتي ليش تربطين مطالبج بالناس!!!!!
لا تحاولين تلفين وادوريـــن.. عوديه أنه يوم ودج بشي.. إطلبيه لرغبتج فيه ولحاجتج لـ هالشـي
يعني مثلاً انتي مو متحلمه الحجره بدون الزوليه(السجاده) قوليله ترى يا فلان يوم ينزل الراتب بنسير نشتري سجاده.. محتاجتها
و هكــذآ
..
.
وبين وقت وقت.. وبلحظات صفا.. ابدي وياه مود التخيل..
يعني دخليه جو أحححلام.. مثلاُ:
أنا اقول لريلي: تصدق احس أنك فانوس الأحلام حقي.. يعني كل الأماني بتحققها لي
وابدي اسردي أمانيــج براااحتج..
بنأجر يخت.. بنساافر.. بنشتري ملاابس بنشتري سجججاده....إلخ

=)
موفقه يا رب
دعواتج لي ربي يخفف من العصبية اللي فيني

 

[آفهمني تملكني]

تفاصيل مشكوره حبيبتي كلامك واااااااااايد عجبني
الله يسعدك مع زوجك يارب ويحببه فيك اكثر واكثرررر

 

[أم ميسوـوـو]

نفسسس كلام تفاصيل

ان ششششششاء الله تخف عصبيتك يالدوباااا

ههههههههههههه

~ْ~​

 

[آفهمني تملكني]

ام ميسو مشكوره يسعدك ربي