كيف اقطع هالعاده عند زوجي؟؟؟ دلووني

د

دنيا سحابة

New member
إنضم
2008/01/09
المشاركات
109
اخووواتي وحبيبااتي ....
فيه حركة عند زووجي تقهرني وتحزنني كثيير .... ودي بطريقه اقطع فيها هالحركة وكيف اتصرف معاااه

هالحركه هي ان زووجي ما يسمع مني ابدا ولا يقتنع مني ابداااا لكن اخوااته الثنتييين يسمع لهم ويقتنع بكلامهم بالرغم من انهم نفس كلامي

حزننت امس كثير كنت عند اهلي وهو عند اهله ومن ركبت السيااره يوم جاا يااخذني علا طوول سأألني وش راااييك نرووح دبي والشاارقه ..؟؟
خييييييييييير:icon28: انا من فتره طويله وانا احااول اقنع فيك وما اقتنعت وماتسمع لي والحين جلسه وحده هنااك جيتني تركض .. بصرااحه حزنت وعرفت ان اللي اقنعووه هم لانهم مالهم سيره هاليوميين الا دبي ... وسألوني مره قالو ليش ما تروحون دبي قلت كنا بنرووح بس ظرووفنا مااسمحت ؟؟
هذا مثاال بس فيه اشيااء كثيير تصير مثل هالحركه يرتفع ضغطي علا انه هو يحبني كثيير ومايستغني عني ومافيه فرق بيني وبين اخوااته كثيير لاني احبهم وننسجم مع بعض بس ليييه هو كذا مدري:dunno: يمكن عشاان متعوود عليهم لان علاقتهم قويه ببعض وانا ماصار لي سنه ونص متزوجته .... علمووني كيف اتصرف في مثل هالمواااقف وكيف اعوده علا انه يسمع مني وياخذ بكلاامي ويقتنع في اي شيئ ... واللله حزنت :icon1366:ومافرحت بالسفره انا من النوع الي احب خصوصيتي واحب يكون لي في حيااتي مع زووجي شيئ من السريه في امورنا الخاااصه مثل السفر والطلعه وامور حيااتنا اليوميه بالله يا اهل الخبره فهالموااضيع انصحوووني .... طلبتكم
 
حبيبتي دنيا سحابه انا اشوف ان هاذي الاشياء ماتستاهل الزعل لذلك حاولي تطنشيييين اهم شي انك طلعتي وبعدين قولي لزوجك باسلوب هادي ان الشى هذا يضايقك عشان يتقبل منك \
 
لا ياا منوووله بالعكس فيه ناس كثير متفاهمين مع ازواجهم والاهل داايم بعييد في هالامور الي تخص الزوجيين بشكل مباااشر ... نفسي زوجي يصير مثل هالرجاال اللي ما يعطون اهلهم مجاال في حيياتهم الخااصه .. بس وشلووووون ؟؟
 
هههههههه ذكرتيني اخوي مع زوجته .....مايقتنع بكلامها ابدا واذا احنا قلنا نفس الشي وافق واقتنع
بس هي الله يهديها ماعندها اسلوب لما تطلب الشي وهو ماخذ فكره انها تبالغ وتضخم الامور
ارحمها صراحه ............
هي فتره وتعدي لما يثق فيك ومع العشره كل شي ينحل ........
الله يوفقك ويخلي زوجك يسمع كلامك
 
لاتقولين له اس شي
لان بطببع الرجال يحب يمسك ع زوجته الزله
الافضل لك تجاهل الامر
ويمكن 30 بالمئه هيك رجال
 
صراحه أنا بالنسبة لي الموضوع يسوى أنه الوحده تزعل... ليش ما يحسسها أنها زوووووووووووووووووووووجه. من حقها أنه يدلعها و تكون لهم خوصيه والا لأ؟
يقهروني بعض الرجال اللي ما يعترف بالرومانسيه وخوصية الحياة الزوجيه، ولو بغى يطلع يطلع معاه اللي يغث الزوجه، ومن هنا تبتدي المشاكل.
ياخي تبغى اطلع حد محد قالك لأ، لكن اعرف الوقت المناسب والطريقة الصح عشان تطلع أي حد. أف من الرياييل اللي كذي.
 
معظم الرجال مثل زوجك بس مع العشره يبدأون يتغيرون
 
السلام عليكم و رحمة الله و بركاته
حبيبتي فوتي و لا بيصيدج شي باسم الله عليج
اعرف وحدة 3 من عيالها في الجامعة قالت لزوجها فكرة ديكور و لا كأن سمع شي و لما قال نفس الفكرة اخته و زوجها رجع لها و قال ايش رايج نسوي كذا !!!!!!!!!!!!!
و لا كانها فكرتها اصلا ...
و الحق ينقال مرة قالت لي انها قالت له فكرة وهو معارض لما حد ثاني اكدها قال لها مرة ثانية بصدقج .... و طبعا ما سواها
طنش تعش يا حبيبتي المشوار طويل جدامج لا تدورين الامور اللي تزعلج تراج بتلاقين وايد ...
دوري الامور الزينة و شوفي الناحية المشرقة في الموضوع
يعني مثلا زوجي خذ معانا بعض محارمة في اخر سفرة ما زعلت اخذتها فرصة عشان اشوف طريقة تعاملهم معاه و ما كان يرد لهم طلب فرحت السوق بدون ما اطلب و لا اتعب نفسي و اشتريت اغراض لنا شبعت و صرنا نطلع كل يوم بدون حنه و لا رنه :shiny:
اولا: فهمتي قصدي شوفي الناحية الايجابية دايما :a084:
ثانيا : احنا احيانا نطلب راي من اللي حوالينا و لما اكثر من شخص يقول نفس الراي نتشجع و نسويه اكثر من لو شخص واحد قاله
تيكت ايزي يا عزيزي
الله يسهل امورج و يسعدج دنيا و آخره
 
مادري اذا هالحركه راح تنجح وياج ولا لا
لما يقترح عليج حتى لوكان مفيد لاتسويه وعارضي بشده وجيبي اعذار من تحت الارض
بعدها بيوم وروحي كلمي اهلج عالتلفون
بعد ماتخلصين من المكالمه اقترحي عليه نفس الاقتراح
واذا سألج ليش قوليله اختي قالتلي وتدلعي عليه واسأليه تضايقت مني؟
قوليله عيل انا شو احس لما اقترح عليك زوجي حبيبي وبالاخر تنطر خواتك يقترحونه
من الي بيعيش معاك العمر وبيربي عيالك ..لازم يكون لك ثقه فيني وفي اقتراحاتي
يمكن تنجح
 
حبيبتي إخذي الموضوع بحسن نية
شكل زوجك متعود على خواته أكثر منك
لأنه في بساطه شديده عاش معهم أكثر ما عاش معك
عشان كذا عنده ثقه برايهم أكثر منك حتى لو كان الراي متشابه
بكره تطول العشره بينك وبينه
ويسير متعود عليك أكثر ... فقط اصبري حبيبتي
 
اخذي هالرابط بيفيدج

كيف تتقنين مهارات الاقنااع

http://www.niswh.com/vb/t33874.html


يمكن انتي قلتي له خلنا نروح دبي

بدل ما تقولين له خلنا نروح كانه طلب قولي شررايك <<< بما معنااا تتشاركون بالراي
 
حبيبتي اغلب الرجال ..
كذا انا حصل لي نفس موقفك كان نفسي اسافر وهو رافض بعد فتره لما امه واخته قالوله وافق يسافر بس انا رفضت اسافر وزعلت ليه مايقتنع بكلامي ؟؟ ومن بعدها الحمد لله تغير ....
 
شوفي حبيبتي انت جديده علي زوجك

وارائك كلها بيشك فيها بحكم انه ما تعود علي وجودك بحياته

اما خواته فهم دايما معه يشاورهم ويشاورونه قبل وجودك انت بحياته

كلنا كمتزوجات مررنا بها لتجربه

لكن مع الوقت سيكون لكلمتك المقام الاول

لا تحملي الامور اكثر مما تحتمل كل هذا عادي جداااااااااااااااااا

تحياتي
 
وانا مع راي الاخت جلجامش
وعسى ربي يهديلك زوجك ويسعدك دنيا واخره
 
ياربي طيب ليش القهر
شكلي بسوي نفس الحركة
واذا قال شي بطنش واذا سمعتها من خواته بسوي نفسي اقتنعت>>>>>> خلوه يحس بالقهر ههههههههههههه
 
حبيبتي لا تكبرين الموضوع خليج زينه معاهم دامهم معاج زينين وهذيل خواته من لحمه ودمه بس اذا بغيتي بروحج تروحين قوليله اريد اطلع بروحي اما اذا جمعه فاصبري حطي مكانج مكانه اذا عندج اخو ما يهتم فيكم من تزوج شو بيكون حبيبتي الي ما فيه خير لاهله ما فيه خير للناس
اذا ما تبينهم يروحون معاج قوليله خاطري انام هناك نغير جو واكيد ما بيروحون معاج
اما اذا راحوا معاج بيني انج مستانسه معاهم ترا الطلعه ما تحلى الا بالجمعه
الله يهدي سرج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل