كيف اعلم ولدي على الحمام (عزكم الله)

[أحلى عيون]

السلام عليكم ،،

ولدي ،، وهو اول ولد وما عندي غيره ،، متعبني مع سالفة (عزكم الله الحمام) :icon1366:

الحين راح اكمل السنه وانا اعلمه ولا فيه فايده ،، وهو الحين عمره 4 سنوات !!

استخدمت طريق كثيييييره !!!! التحفيز ،، اللعب ،، القصص ،، الجوائز ,,, الصراخ لما كان صبري ينفذ ،، الضرب لما خلاص ما اتحمل ... !!!!

كله ما ياب نتيجه !! :crazy:

آخر وسيله قلت خلاص راح يتعلم عليها ،،، صرت اوعده بجائزه واعطيه بعد الحمام على طول ،،
فرح في الفكره ،، واستمرينا اسبوع دايما الشغل الحلو يصير فالحمام ... :clap:

لكن بعد الاسبوع ،، صار يسألني ... ماما انا اريد جائزه ،، واقوله الجائزه للي يروح الحمام ..
ساعات يمثل علي .. ويروح الحمام .. ما يسوي شي .. ويجذب علي ويقولي انا سويت يله عطيني جائزه ... انا كنت اسايره في الموضوع .. :sly: واعطيه ..

لكن خلصت الجوائز ،،، بعد فتره اسبوعين ،،
ورجع الولد ولا كأنه تعلم ....................... :no:

مش عارفه شو الحل معاه ،، اكلمه ،، اقنعه ،، احاول اشجعه ،، مافيه فايده ،،
هو عارف شو الموضوع ،، وعارف ان هذي وصاخه ،، وعارف اني ماحب هالشي ،،

لكن محطي في باله انه ما يبي يتعلم .... انا حسيته آخر شي جي صار الموضوع .. :dunno:


شو اسوي وياه .. ؟؟؟؟؟

 

[aldana]

قبل كل شي .......... أنت تأخرتي في عملية التعليم على الحمام كثييييييير ...

ثانياً ::::: تعويد الطفل على الحمام ضروري يكون فيه جزم وإصرار وطولة بال .

بمعنى ... شيلي الحفاظة تماماً ...

ولازم يشعر طفلك بثقتك فيه ...وأنه متوقع منه الذهاب إلى الحمام وطلب ذلك وقت الحاجة ...

يعني لبسيه ملابسه بدون الحفاظة ...وقبل الخروج ...ذكريه أنه ضروري يطلب الحمام حتى لا تتسخ ملابسه ...

وأثناء خروجكم اسئلية كل شوي هل تحتاج للحمام !!!

فقط هذا كل مافي الموضوع بس خلك صبورة .

 

[رسيل1973]

اختي بالفعل تااااااااااااااخرت كلام الدانه صح
تصدقي اختي انا حاولت مع ابنتي من عمرها سنه شهر واستجابات

بس دخل البرد وظروفي الصحيه تركتها بعدين من صار عمرها

سنه سته اشهر اخذتها الحمام

اولا امنعي الحليب قبل النوم بساعه بعدين قبل النوم خذيه الحمام

اذا صحيت بالليل بعد عند صلا ه الفجر

ومجرد يصحي خذيه انا اختي كنت اخذ بنتي كل ساعه
اصفق لها واقول برفوووووووو اذا سويتها اضربها علي يدها
وصبرت عليها صدقيني خلال اسبوع كنت اشيل عنها الحفاظه حتي الليل

عليلك اختي بالصبر والحزم اختي اضربيه علي يده
مافي اي مشكله احرميه من شيء يحبه

الله يعينك اصبري شوي ​

 

[أحلى عيون]

انا بديت اعلمه وهو عمره .. سنتين ما كمل الثلاث ..
وتميت اعلمه ... الحين هو عمره 3 سنوات .. وبيدخل 4 ..

ليش اتأخرت ؟؟ امي كانت تقولي كل ولد يختلف عن الثاني فالتعليم .. وقريت بعد في موقع اجنبي
انه لو ما كان مستعد لا تجبرينه .. والتعليم عادي من سنه لين 4 سنوات .. حسب اليهال ..

المهم .. انا بديت معاه اول ما حسيته بدى يفهم العمليه .. وكان عمره سنتين، وبدينا شوي شوي ..
وكنت كل شوي اوديه الحمام .. عقب طولت الوقت وصرت كل ساعتين آخذه الحمام ..
وكان ماشي معاي .. لما اوديه يروح معاي عادي .. بس ما يبي يتعدى هالمرحله

كنت معطتنه الثقه ...

عقب فتره .. صرت حتى لما اشوفه سوى شي .. انتظر منه هو بنفسه ايي يقولي ..
ولما يقولي انا ما سويت شي ما اضغط عليه .. كنت بس اقوله لو فيك شي حبيبي سير الحمام .. واخليه

الولد ما يبي يتعدى هالمرحله .. والحين مثل اللي هو بنفسه تعب من عمره ..
وصار ما يبي يروح ابدا .. بالغصب اشله اوديه الحمام !!!

كل الكلام اللي قلتوه على عيني وراسي وشكرا للمشاركه .. لكن كله سويته من قبل سنتين !!
والحين بيدخل السنه الرابعه .. وماعرف الحال يزدااااااد سوووووء !!

 

[ام دودي و رودي]

انا معك اختي ان الاطفال يختلفون
عني انا علمت بنتي من عمر سنتين بس بعد كم شهر ولدت وجبت ولد طبعا توقعت منها تغار وفعلا بدت تسويها بالليل بسريرها وقلت معليه ما راح اضغط عليها حرام صغيره وصرت البسها بالليل كم شهر وخلاص بس بعد سنه انقلبت ميه درجه صارت تسويها على نفسها قدام الناس والله اني كنت اخاف بس قلت خلني احتويها احسن وفتحت منتدى لدكتورة اطفال كاتبه تعليمات كثيره وهي:
-توليت صغير للاطفال يكون حلو وفيه رسوم
-لوحه تعلقينها با الحمام وتعلقين فيها نجوم كل ما راح وتكتبين xاذا سواها على نفسه
-مايشوف التلفزيون اكثر من ساعتين في اليوم (وهذا ضروري وناجح جدا)
-تعطينه مثل عن شخص يحبه ويقلده وانه كبير ويروح
-واهمممممممم شي ما تقولين عنه شي قدام الناس
-ولا يشرب شي بعد الساعه 6 يعني قبل النوم بساعتين
-واقطعي عنه البامبرز نهائيا
-اقري له قصه قبل النوم
اتمنى اكون افدتك بس والله جربتها كلها ونجحت تماما من اول يوم

 

[أحلى عيون]

يزاج الله خير حبيبتي ..

كل شي انا جربته .... بس بعد بجرب سالفه اللوحه وال x
ويمكن التلفزيون يكون له تأثير بحاول اسكره .. لان صح هو وااااد يقعد جدام التلفزيون

مشكوره الغاليه عالنصيحه ..

 

[الهديه]

سالفة الضرب ع اليد ماتنفع أبدا لالالالالالالا

 

[ضياء القمر]

المسالة تحتاج تهيئة للام قبل الطفل في حسب رأي لانة الموضوع يحتاج صبر وتعب ووساخة ونجاسة
فعزيزتي اولا كوني انتي مستعدة لخوض التجربة المتعبة وبعدين ابدي تعلمين طفلك بالنسبة لي كان ولدي عمرة سنتين واربع شهور يوم علمتة على الحمام لانة كانت ضروفي ما تسمح اعلمة قبل هالسن لانة كان عندي بيبي صغير وانا موظفة فالضروف كانت صعبة اشوي بس استفاديت منها في الطفل الثاني ما شاء الله ما كملت السنيتن الي وهي تروح الحمام لانة اخوها ايشجعها وكنت انا دائما اشجعها وخالة ليهم في الحمام بالقرب من المرحاض صوره دبدوب جالس على مرحاض وهم دائما يستانسون علية لانهم شاطرين مثلة ما يلبس حفاظ واحاول اشجعها ايظا وقت الي اقول بتروح الحمام اسوي ليه صوت اسعاف بمعنى الحين حالة طارئة والي في الحمام يطلع بسرع لانة الصغيرة بتدخل وهي في الحالة تموت من الضحك لانة اتحس روحها شئ مهم والفترة الاخيرة قامت اهي تسوي لروحها صوت اسعاف يعني باروح الحمام ماما من فضلك وديني الحين

 

[ضياء القمر]

المسالة تحتاج تهيئة للام قبل الطفل في حسب رأي لانة الموضوع يحتاج صبر وتعب ووساخة ونجاسة
فعزيزتي اولا كوني انتي مستعدة لخوض التجربة المتعبة وبعدين ابدي تعلمين طفلك بالنسبة لي كان ولدي عمرة سنتين واربع شهور يوم علمتة على الحمام لانة كانت ضروفي ما تسمح اعلمة قبل هالسن لانة كان عندي بيبي صغير وانا موظفة فالضروف كانت صعبة اشوي بس استفاديت منها في الطفل الثاني ما شاء الله ما كملت السنيتن الي وهي تروح الحمام لانة اخوها ايشجعها وكنت انا دائما اشجعها وخالة ليهم في الحمام بالقرب من المرحاض صوره دبدوب جالس على مرحاض وهم دائما يستانسون علية لانهم شاطرين مثلة ما يلبس حفاظ واحاول اشجعها ايظا وقت الي اقول بتروح الحمام اسوي ليه صوت اسعاف بمعنى الحين حالة طارئة والي في الحمام يطلع بسرع لانة الصغيرة بتدخل وهي في الحالة تموت من الضحك لانة اتحس روحها شئ مهم والفترة الاخيرة قامت اهي تسوي لروحها صوت اسعاف يعني باروح الحمام ماما من فضلك وديني الحين

 

[الماسترية]

زي ماا قالت اختنا ضياء القمر هيئي نفسك بالأول والمسألة يبيلها صبرر لكن بترتاحين بعدين واستخدمي الحوافز التشجيعية حلاو ولعب وطلعات لمدينة الملاهي اذا مر يوم وماسواها على نفسة او برى الحمام وحاولي تلبسية قبل تعويدة على شيل الحفاض نهائيا في هالفترة حفاض على شكل كلوت حتى يتعود بسرعه وافضل شي كلوت بيبي جوي يعزز عنده احساسة بأنة كبير وان شاء الله تسهل أمورك بس يبيلك صبر ومتابعة كل ساعتين دخلية الحمام موكل نص ساعة عشان مايكرة دخولة الحمام ويطفش