كيف اعرف انه يخون ؟؟ وان عرفت ماذا افعل ؟
اسعد الله أوقاتكم بكل خير
أخواتي يعلم الله أني ترددت كثيراً في كتابة هذا الموضوع
إلا اني تعبت جداً من التفكير وقلت مالي إلا الله سبحانة وتعالى ثم استشارتكم مشكلتي شكي بزوجي
عمري 27 وزوجي 31 متزوجة من 5 سنوات كنت موظفة و تركت العمل لأستكمال دراستي عندي ولد عمره 3 سنوات
تزوجت زواج تقليدي ح زوجي يحبني منذ ايام الخطوبة والحمدالله وانا حبيتة لمعاملتة الطيبة وصدقه و حبه لي فترة زواجنا مرت عاديه جداً
كأي زوج وزوجة نختلف احياناً لكن الحمدالله لم يحصل بيننا زعل أو مشكله كبيرة
زوجي لأعب رياضي ويضطر احياناً للسفر وكان يسافر مع المنتخب احياناً لأسبوع واحياناً 3 أيام وطبعاً كنت ارفض احياناً واحياناً اقول هو ملتزم بالمشاركة واخليه يروح
طبعاً جميع البطولات رسمية وكان يعطيني التاريخ و بعض البطولات تبث على التلفزيون يعني متأكدة من مصداقيته ولا مجال للشك
لكن في آخر مره ذهب لأحد دول الخليج لمدة 4 ايام ورجع طبيعي جداً كنت العب في جوالة و اشوف الصور ومريت على الرسائل فوجدت رساله مرسلة منه لرقم مكتوب فيها
إذا كنتي فاضية ودي اكلمك ؟
بصراحة انصدمت جدااااا فلم اشك بزوجي ابدااااااااا رغم انه اعترف لي سابقاً بأن له علاقه قبل الزواج لكن كأي شاب علاقه عابرة وراحت وكان عمره 20 سنه والشهادة لله لم يتغير علي ابداا
من الناحية المالية يعطيني مااريد وزيادة ولا يقصر في حق ولده ومن الناحيه العاطفية ماتغير علي يحبني ولا يزعلني بكلمة لكن الأحظ انه يهتم بجواله اكثر من قبل يعني كان يطلع احياناً وينسى الجوال الحين مستحيل لازم الجوال بيده
رغم اني ماشفت مكالمات غريبة أو سمعت شي لكن هالرسالة جننتني وسكت ولاتكلمت معه ولا حتى واجهته تضايقت وبكيت وانقهرت لكن بدون مايحس ولاحاولت ابين له شي كل تعاملي معه طبيعي ولاقصرت معه بشي
طبعاً انا سكتت مو من فراغ بطبعي احب ادرس المشكلة من جميع النواحي وبحكم دراستي في علم الاجتماع تعلمت اصبر وانظر للأمور بأكثر من طريقة
فكرت
ايجابياتي وسلبياتي درستهم وشفت اني مو مقصرة معه علشان يخووون بالعكس هو اللي سلبياته أكثر وانا اتحمل وهو معترف بهالشي
هالموضوع له شهر وأنا حاسه بضيقه بمجرد ماافكر بهالموضوع أو اشوفه ماسك جواله وطالع
وش تنصحوني فيه
اصبر لين اتاكد من خيانته ؟ بعدين اواجه
أو اسكت على الموضوع
وجاوبوني على السؤال اللي في عنوان موضوعي
كيف اعرف انه يخون ؟؟ وان عرفت ماذا افعل ؟
الله يسعدكم ويرزقكم ماتتمنون افيدوني بنصحية تريح قلبي
اسم الموضوع : كيف اعرف انه يخون ؟؟ وان عرفت ماذا افعل ؟
|
المصدر : الأستشارات الزوجية العامة