كيف اعرف اذا كان مسافر برا .. تكفوووووووون ساعدوني

[الكيان كيانيه]

صديقتي متملكه على واحد من فتره بسيطه المهم زوجها قالها انا بسافر للشرقيه وممكن اروح للبحرين وقالتله البحرين لاااااااا لانه تكلملها عن ماضيه وقالها انه كان يروح للمراقص بالبحرين من قبل وهو قالها خلاص انا بالشرقيه ومارحت بس هي قلبها حاسها انه يكذب وهي ماترد على اتصالاته ولا على مسجاته .. وامس دق قبل صلاة العشاء وماردت وبعدها عاد الاتصال الساعه 5 الفجر وهي توقعت انه كان مشغول بشي طول الليل.. وقلبها قارصها..


هي تبغى تعرف طريقه تكشف فيها سفره يعني هل هو هنا بالسعوديه ولا طلع..

فيه طريقه؟؟؟؟

يعني من الاتصال ممكن تكشف شي؟؟ او مثلا الوسائط توصل للي برا؟؟ يعني ابي اي طريقه

لانها تقول اذا هو كذاااب وراعي سفريات ومراقص ننفصل من اللحين دامنا عاللبر

وصديقتي حلوه وصغيره يعني خساره فيه اذا طلع كذاب

بلييييييييييييييييييييييييييييييييييييز لاتبخلون بحلولكم

 

[حنون21]

بسيطة ولا يصيير خاطرك الا طيب
مجرد اتصال عليه من الجوال بتعرفين إذا كان مسافر البحرين أو لا
بالعربي يعني اتصلي عليه وإذا رن الجوال بتلاحظين أن الرنة مختلفة عن الرنة العادية يعني هو خارج الحدود
وهذه دائماتحدث لنا نعرف المتصلين عليه اذا هو مسافر متغير في صوت الرنه وسلامتك

 

[صبا صبا]

ممكن تشوف الجواز كماااااااااااااااان

 

[مؤاسم الدهر]

المشكلة الحين يمدي الشباب السفر الى دول الخليخ من دون جواز سفر يعني با البطاقة
فيكون صعب تعرفي انه طلع برى البلاد

 

[أمنيـــه]

هذه إذا من بدايتها شكـ..ربي إيعينها..

إذا حلووة وصغنوونه ...ومعترف لها بمغامرااته قبل .. يعني بادي معاها صح..فليش الشكـ_الله يهديها_

اعتقد انه مومسافر للبحرين..وإذا صار وسافر تتفاهم معااه بالتي هي أحسن..

هذا رأيي..ربي يسعدها ويهنيها ويبعد عنها الشكـ..ويوفقها للخير داائماً

لاخلا

وبعدين

 

[أمنيـــه]

هذه إذا من بدايتها شكـ..ربي إيعينها..

إذا حلووة وصغنوونه ...ومعترف لها بمغامرااته قبل .. يعني بادي معاها صح..فليش الشكـ_الله يهديها_

اعتقد انه مومسافر للبحرين..وإذا صار وسافر تتفاهم معااه بالتي هي أحسن..

هذا رأيي..ربي يسعدها ويهنيها ويبعد عنها الشكـ..والله يوفقها للخير داائماً



لاخلا
​

 

[الكيان كيانيه]

شكرا للجميع

حنون حاولت تجرب طريقتك بس تقول محوله على موجود وارسلتله مسجات تقوله الغ التحويل بس لاحياة لمن تنادي

هي تقول اوقع انه ساكن بالشرقيه والسهره بالبحرين واذا رجع بيشيل التحويل ويقول كنت نايم..

ماااااااااافي طررررررريقه ثااااااانيه؟؟؟؟؟

 

[البحر غدار]

من اولها سفر ومغامرات ومراقص شو هالجوازة المتعبة وازا كان اولها البحرين والمراقص شو راح يكون اخرها الله اعلم

 

[قمة التحدي]

إذا كان هذا أولها ينعاف تاليها

 

[كويمسي]

مرحبا
يابنات هدو بالكم وبعدين المفروض صديقتك هذي ماتتعب حالها كذا ترا الرجال اذا حس بزوجتة تشك فية يصير يزيد..وش يمنع هي ترتاح وتريح نفسها واذا دق ترد علية وبكلام طيب ولا كأن فية شي وبعدين تسولف معاه وتقولة اللي مضايقها
ولو طلع يروح للبحرين مابتقدر تمنعة (فهميها مش البحرين المشكلة اذا الاساس مو صح) يعني وش بيفيدها لو كذب عليها وقال مااروح وبعد الزواج طلع يروح؟
لا تبدين حياتك بشك ترا مابترتاحين المراه تقدر بحسها تعرف اذا راح ولالا؟
وهو اعترف وقال انة راعي روحات .. وماكذب عليها بدايتة صح يعني.. اللي ابيك تسوينة اللحين تصارحينة بمخاوفك واللي ممكن يصير لو صار راعي روحات ..وبس اما سالفة تتأكد ومااعرف ايش لا غلط كلها
بس بقولك شي.. مو شرط اللي يروح البحرين انة سيئ ..ترا فية ناس من غير ماتتحرك من مكانها البلاء حتى ببيوتها مو محتاجين روحات البحرين​

 

[AlKhaizaran]

fe 6areqa sahla o base6a .. etha dag o 6ala3 raqma +96*** ya3ny msafer ,, laken etha el raqam 6ala3 3ade ma3nata la2 .. bas madre etha 3endekum methelna

 

[الواحه]

لاتزعلي نفسك واثناء غيابه لاتنسي صلاة الليل والدعاءبان لايرى ولايسمعمايغضب الله
واستودعي الله سمعه وبصره وقلبه وان شاء الله يرجعلك بالسلامه

 

[لحظه أخيره]

شوفى حبيبتى بعلمج طريقه تفيدج بس أبى أعطيها بعد أذنك نصيحه
فى وحده راقبة زوجها بكل الطرق حتى لدرجة اذا سافر تعرف رقم الكرسى اللى راح يجلس عليه
وأيضا تعبت ماقدرت تكمل لأنه لما كشفها صار يسافر بالباخره
أهم نقطه ان ن الرجل لازم ما يعرف انه مراقب لأنه راح يحاول يلقى طريقه ما راح تكشفينه فيها
وإليك طريقه تساعد فى معرفة مكانه
أولا لازم يكون معاك خط كرت تعبئه وليس فواتير
ثانيا تأكدى من الرصيد الموجود كم
وارسلى مسج
ثم ارجعى تأكدى من الرصيد وشوفى كم نقص
لأن المسج داخل الدوله له سعر والمسج اللى ترسلينه برا الدوله له سعر ثانى
عاد مادرى عندكم بالسعوديه نفس الشى ولا غير
بس عشان ماتطيحين بلبس أو تصير لخبطه وبالتالى تظلمين الرجال اتصلى على شركة الاتصالات وتأكدى من التسعيره
ولا تنسن عطينى الرد أذا فادتك أو لا

 

[الكيان كيانيه]

تسلموووووووووووووون كلكم

بس جيت اقولكم اخر الاخبار شي مستحييييييييل تصدقونه والله احس نفسي اتابع فلم

تخيلو وش صار اليوم؟؟

هي امس ارسلتلتله مسج وقالت ادري انك بالبحرين وبمرقص و و و الخ

بالبدايه انكر لكن بعدين اعترف

وصديقتي قالتله انتهينا خلااااااااص وقفلت جوالها

وهو من امس يدق عليها مقفل

وكلمتني اليوم وقالتلي وش صار حاولت اهديها واقولها مو لازم تطلقين يمكن نزوه ومن هالكلام

وتخيلوا كانت تكلمني وهي بمقهى وتتقهوى وتضحك ولا كأن شي صاير << ياقو قلبها

والبنت معزمه عالطلاق وتقول سبحان الله كنت احبه لكن من عرفت انه يكذب طاح من عيني وخلاص ماله مكان عندي

هي طبعا اليوم وامس تستخدم جوال خدامتهم وجوالها مقفل

وهو يدق ومقفل والرجال تفرق << صدق ماينفع مع الرجال الا الحرمه القويه :icon28:

المهم قلتلها انا متى بتقولين لابوك انك بتتطلقين قالت اول ماارجع البيت

المهم سكرت منها .. وبعد ساعتين صرت ادق على جوال الخدامه اللي معها مقفل وجوالها بعد

وبصراحه قلقت عليها قلت اخاف ابوها سوالها شي او رفض طلبها وسوت بنفسها شي << قلتلكم البنت قويه

المهم دقيت عالبيت وردت علي الخدامه وقالت كولوا بيت روح مستشفى عشان فلانه تعبان

وطاااااح قلبي دريت السالفه فيها ان

ودقيت على امها وردت وقالت انها وهي راجعه للبيت صارلها حادث بس انها بخير ومافيها الا العافيه مجرد رضوض خفيفه والله ستر ((الحمدلله يارب))

وهو من كثر مادق ومقفل جوالها دق على اخوها يبيه يشوف حل مع اخته لكن قاله انها بالمستشفى وجاها ركض

تصدقون ساااافر لها على طول << ابوك يالحب الله يرزقنا والسامعين ههههههههه

المهم مالكم بالطويله صديقتي ماعطته وجه وقالتله انتهينا وخلااااااص وش ينفع حبك اذا كنت كذاب وقالتله خلاص انا فقدت احترامي لك وماعاد ينفع نستمر وقالتله انا صغيره وغلطتي دخلت هالعالم بدري وبعيش حياتي وبعد سنتين بفكر اتزوج والله بيرزقني اللي احسن منك
والرجال انهااااااار عند رجولها يبيها تسامحه وهي رافضه << والله رحمته يحززززززن :icon1366:

المهم قاله ابوها انا بحاول اقنعها بس انت اتركها كم يوم لين تهدى

اللي مجنني صديقتي باااااااارده ومبسوووووطه يعني مو متضايقه عكس اول قبل تكتشف الموضوع فعلا طيبة الخاطر شينه

حبيت اقولكم التفاصيل لانكم مابخلتوا علي بمساعداتكم

وعلى فكره هي تسلم عليكم كلكم وتشكركم على وقفتكم ونصيحتكم

 

[ربي ارحمنا]

الله يعينها ويوفقها.............
لكن المراقبه بهالوقت مو شغلها شغل اهلها...........

 

[shaden333]

ماااشااء الله عليهااااا فعلااااا قووووووووووووويه

بس انا سمعت اذا بتعرف زوجها سافر برى تحذف رقمه نهائي فاذا دق عليعا وطلع + موجب قبل رقمه معناه برى السعوديه

اما اذا بدء بالصفر على طول فهذا ماطلع منهاا....


اعرف سالفه صديقتك انتهت لكن حبيت افيدك وافبد البناات علشاان مايكذبوا عليناا لازم نكون عصاابه عليهم هههههههه

 

[الكيان كيانيه]

شادن تسلمين يقلبي فعلا معلومه مفيده

وحلوه عصابه ههههههههههههههه

 

[أم مصرية]

خليها تتمسك بموقفها

 

[حبيبت رشيد1]

ماشاء الله ياليت قلبي مثل قلب صديقتك الله يكون في عونها

 

[سر العيون]

نصيحة لا تاخذه دامها بعدها عالبر خل تسلم بروحها ..
وهي بعدها صغيرة بيي نصيبها ..​