كيف اصير زوجه مرحه

[ام العبابيد]

سلام عليكم حبيباتي

زوجي طلب مني اصير مرحة ، وصار لي يومين ادور مواضيع و مو محصله
ممكن تساعدوني بافكاركم كيف اصير مرحة
انا مو فاهمة ، يعني اشلون الوحده تصير مرحة ، يعني تنكت وتتنطط ولا
كيف
فهموني احس روحي مبلمه بهاالموضوع

 

[some1]

حبيبتي شو قصد زوجك ؟ يعني هل انت نكدية ؟؟ لا أعتقد ، ولكن حاولي تكوني هادئة لدى حضوره و عودته للمنزل لانه يكون تعبان ومرهق ومايحب الزوج ان تبدأ الزوجة بالتذمّر و الشكوى و غيرها من الامور السلبية ،،
أعتقد انه هذه الطريقة سوف تساعدك بتغيير وتخفيف العبء ،،،
أتمنى لك حياة سعيدة مع زوجك ،،


​

 

[munaa]

هلا حبيبتي

انا من رائيي
\
انج تغيري اسلوبج

حاولي تنكتي وايد وتضحكي وخلج دايما مبتسمه
وكل ما قال شي وسولف حاولي تحرفي السالفه ودخلي فيها كلمه تضحك واضحكي وخليه يكمل الموضوع

كوني هاديه واعصابج بارده لا تعصبي ولاشي
دايما وانتي فاضيه رددي انا اعصابي بارده انا اعصابي بارده

انا مرحه انا سعيده انا حبوبه رددي هالكلمات وايد
داخلج وراح تتغيري تلقائيا وبدون ما تحسي بتحصلي نفسج غيرررر

اتمنى اني افدتج بشي ولا خطر عبالي شي راح ارجع اخبرج

 

[شغاف]

اتمنى اكون مرحة

مع اني لما كنت عند اهلي كنت مرحة مررررة ولما تزوجت تغيرت ......... يمكن من المسؤلية!

 

[لحن الأنوثة]

مرحبا حبيبتي

حاولي تكونين مرحه يعني:

داعبي زوجك بالكلام النكتي والحلو

ومازحيه بطريقه حلوه وبالحركات

والله يهدي سركم ويسخر لك زوجك آآآآمين

 

[غلا الجوري81]

هلا حبيبتي أم العبابيد معاج مريم
كوني دائما متفائلة بالخير وكوني سعيدة
لما يرجع زوجج من الشغل أول ما يدخل طبعا بوسة على الخد
طبعا تكونين كاشخة بشكل بسيط ومتعطرة طبعا
وبعدين سوي له كاس عصير أو حتى كاس ماي
وطبعا تدلعي مثلا قولي تبي شي حبيبي يا سي سيد
وطبعا راح يضحك ولما يروح يبدل لحقي وراه وملليه
ومسكيه من خصره ونقزيه بخفيف مو تخرعينه :no:
امزح معاج ولعبي بعفوية مع اليهال وتدلعي بتحسين
انج مفرفشة :clap:

 

[ام العبابيد]

ما شاء الله ما شاء الله

خمس ردود كل رد احلى من الثاني يا هناتي وفرحتي

اشكر كل اللي ردو علي ونستووني وايد

وردودكم كلها بطبقها ان شاء الله ،
انا احس نفسي مرحة بس ساعات اطلع حرة امه فيه

مريووم شكرا على المعلوومه الجديده ، من اليوم بملله وبمسكه من خصره وبخليه ينقز
وبخرعه بعد
وينج من قبل ليش ما علمتيني هالحركات ، لو سمحتي فكري بوايد حركات وحطيها في الموضوع

الحمد لله اللذي رزقني صديقه عزيزه وطيبه مثل ام فجر

الله يسهل اموركم كلكم حبايبي ويسعدكم مع ازواجكم و يهنيكم ويجعلكم امرح الناس في عيونهم


ممكن افكار اخرى يابنات

وشكرا للجميع

 

[سمينة طيب]

احلى شي في الدنيا لما الزوجة تكون مرحة و غشمرية و صاحبة مقالب لأن الريال يكون رسمي طول الوقت في شغله و بعدين رسمي معا امه و أهله فلما يدخل بيته يحب ايصير كل شي غير ... يشوف شي يونسه ... يسمع نكته او سالفة تضحكه ...

على هالطاري مرة نصحنا وحدة من الشللة ان ماتصير مبلمة لما تقعد مع زوجها يعني تسولف و تاخذ و تعطي بالكلام ...حضرتها صار من يدش البيت و توه مسلم عليها إلا تلقفته بسوالف العزا و الحوادث و بعدين تقول مادري اشفيه ماتغدى :sad_1:

 

[red&blue]

سمينة طيب
ذكرتيني بوحدة من قريباتي يوم كانت صغيرة..
تقول ليش جدي ما يحبني قالت لها امها سولفي معه زيها..
تحمست وراحت تسولف:
جدي شلون ماتت امك؟ وشلون مات ابوك؟وشلو ماتت جدتك؟
صرخ عليها وقال لا عاد اشوف وجهك!!
:shiny:
:shiny:

 

["بطة"]

وانتي شعليج من امه بالعكس كسبيها ولا تبينين انج متضايقه منهاوهاديها بالعطور والطبخات حتى اذا سوت شي يعرف انه منها وخلج مرحة معاه يمكن انتي جدية واسلوبك لما تكلمينه رسمي او بسرعة تزعلين اذا تغشمر معاج ديري بالج في وحدة دايما جدية مع زوجها وكل مايرد البيت يلقاها نايمه او لاهية مع عيالها ومو حليوة مع اهله راح دور غيرها وخلاها للنوم وتربية العيال لانها وايد اهملته

 

[ألماس ثلجي]

حياتي لازم يصير تغيير بحياتج خفي نفسج شوي لعبي رياضه بروحج وجدامه واضحكي مع عيالج لو تتكلفين على نفسج وتحرشي فيه

 

[اجمل فراوله]

أذا كنتي نحيفه اذا جـــــــــــــــاء من العمل اجـــــــــــــــــــــــري وانقزي عليه واحضنيه ترى الرجـــــــال يحبون هـــــــــــــذا الحركات بس مو دائم تنقزين عليه مره كذا ومره اجري واستقبليه بوسه واحضنيه وقوليله كلام حلوا ومـــــــــــــــــره هلي فيه مع بوسه خفيفه وانتي واساليبك .

 

[اجمل فراوله]

أذا كنتي نحيفه اذا جـــــــــــــــاء من العمل اجـــــــــــــــــــــــري وانقزي عليه واحضنيه ترى الرجـــــــال يحبون هـــــــــــــذا الحركات بس مو دائم تنقزين عليه مره كذا ومره اجري واستقبليه بوسه واحضنيه وقوليله كلام حلوا ومـــــــــــــــــره هلي فيه مع بوسه خفيفه وانتي واساليبك .

 

[ملاك الورد]

شخبارج ياحللللللوه مع المرح ............. : ) .....؟؟

 

[سنيورتا***]

انا كنت مثلك بس الحمدلله مع الايام الواحديتغير
ويفرفش بس هذا يتطلب من الزوج انه يونسك
وماينكد عليك