كيف استقبلك زوجك بعد النفاس

[سوسو المملوحه]

بنات كيف استقبلك زوجك بعد النفاس ؟
وكيف انتي استعديتي لهذا اليوم
تكفووووووووووون
جاوبو بسرعه باقي خمس ايام
واطلع من الشر ان شاء الله
ابي شي يعوضه غيابي لاني من نص السادس وانا عند اهلي
ويعوضني انا بعد
الله يرزق من تجاوب الجنه والذريه الصالحه يارب العالمين ​

 

[هواجسهـ]

سوسو استعدي له مثل العروسه

اتوقع كذا كااافي





ولاتسمعين عن استقبال الازواج لزوجاتهم علشان ماتقارنين واذا قصر تنقهرين
ترا فيه رجال مايعرفون مثلا ان النفاس حلو تعطيها هديةاذا ولدت زوج بنت عمي منقهر يقول ليه مااعلمتوني هع

 

[سوسو المملوحه]

هواجسه
ماراح انقهر تدرين ليه
لاني اعرف اللي وراه وقدامه مصارف المستشفى والجمعه طلعت كل اللي بجيبه
حتى الطلايع اللي جتني خذتها زي ماهي وعطيته اياه
ماخذت منها الا 2000ريال وكلها بتروح للمشغل مابين حلاوه ووووالخ وبشتري لي فستان نعوم عشان لارحت للحموله بعد ماطلع ان شاء الله
انقهرت لانه اخذه ماضلمه ماوافق ياخذها على طول قعدت 3 ايام احاول فيه ياخذها
واذا ع البيت ضامنه انه مرتب بس مافيه الا غبار لاني طالعه انا وياه من شقتنا من يومي بالسادس
هو عند اهله وانا عند اهلي وطالعين وبيتنا مرتب ماعد جيناه من غير شر
وشكلي من ولدت وهو كل يوم قدام خشتي مليت منه وليته لاجا يعطيني وجه والا يسولف معي ماسك بنته ويسولف معها كانها تفهمه ماغير يقلب فيها
الله يسهل امورنا
انا ابي ازين شي لنفسي ابي نفسيتي تزين كل التغيرات اللي بسويها عشان اسعد نفسي
لاني لو بنتظره موب جايني الا الضعوي

انا مع مقوله دلع نفسك بنفسك
هههههههههههههههه

​

 

[سوسو المملوحه]

ايه صح ونايه اخذ شغالة اهلي واخليها تنظف البيت احس بنفتح فرع ثاني للثمامه من غبرة شقتي ​

 

[رامااا2009]

حبيبتي اشتري لك لبس بيت حلوووووووووووووووو
واصبغي وقصي
وغيري من شكلك
هذا اللي قدرت عليه

 

[سوسو المملوحه]

بليززززززززززززز ردو
ابي رده فعل رجالكم

 

[تعبت انا]

اسمعي سوي تنظيف بشره عميق بخار وكريمات وفتله او شمع قصي شعرك مدرجات اذا كان طويل واصبغي واذكان قصير قصي حركه خفيفه واذكان شعرك خشن سوي فرد واذكان ناعم احفظي لك تسريحات بيت نعومه وحلوه من النت وغيري حركة الغره بالبيت وجيبي لك شبصات جديده ومميزه مع الملابس ترى تحلي الشكل واصبغي صبغه حلوه سوي حلاو لجسمك ودلكه عشان يصير ناعم
جيبي لك عطر جديد ماعمره شمه من نعومي لوقت النوم +عطر بيت +مفرش جديد لغرفة النوم
الرجال يحبون غرف النوم النظيفه والمتجدده تتغير نفسيته+جيبي لك كم قميص نوم عشان تعيشي شهر عسل جديد
سوي زمام لو تحبي وجيبي لك الوان تركبيه على حسب البس
تعلمي الكحل غيري شوي في تعاملك كانك وحده جديده
وهذي الاشياء مو يوم وخلاص
خليك فتره
الله يسعدك ويهنيك
ادعي ان ربي يسهل ولادتي ​

 

[تعبت انا]

انتي تبي ردة فعل رجالنا ......اكيد اذا شافو شي حلو ومعمول بذمه وضمير ينبهروا
سواء كان في تغيير اللوك او في البيت

ولاتنسي بعد مايشوفك ويشوف غرفة النوم عندك اوتجراف او خليه يكتب شعوره في هذه الليله
فيه رجال مايعرفون يعبرو
واهم شي اسعدي نفسك واحبيها قبل كل شي
​

 

[سوسو المملوحه]

تعبت انا
الله يسعدك ع الرد
ويسهل ولادتك ويفرحنا فيك يارب
والحلاوت اللي دخلو شاركونا برايكم لاتبخلون علينا ​

 

[فداك قلبي]

اول شئ الف الحمد لله على سلامتك ياسوسو

اهم شئ تشتري لك ملابس جديده للخروج

وللبيت واصبغي شعرك مو شرط تقصي وشقري حواجبك

وسوي حمام مغربي ضروري بصراحه روعه للنفاس

وبالتوفيق لك يارب

 

[آحلآم طفوليه]

انا مابد اجرب نفاس بس مفكره لليوم الي برجع بيتي بعد النفاس
اول شي بروح المشغل بصبغ وبقص شعري وبشيل جسمي كله حلاوه
وبسوي تنظيف بشره وبسوي بديكير ومنكير وبعدها بحجز عند وحده تحني
بتحنا حنا عروس وبشتري لي ملابس جديده من ملابس بيت وملابس طلعه وملابس نوم
واليوم الي بتروحي بيتك روحي المشغل سوي لك تسريحه بسيطه ومكياج ناعم وألبسي فستان
حسسي نفسك انك عروس

 

[princessh]

يالغاليه لسى مابعد جربت النفاس ولسى ماحملت ادعيلي..زي ماقالو البنات غيري اللوك واللبس ودايم اشوف اللي يطلعون من النفاس يتغيرون يجيبون سودانيه عالبيت تسويلهم دلكه ودخون اهم شي لانه يصفي البشره ونقش حنا نقشي ظهرك وصدرك ورقبتك كفوفك خليك عروس
روحي البيت قبله واستقبليه هناك اشتريله عطر او كبك او ساعه رتبي البيت مع الخدامه وخليها تنظفه وعطري البيت وغيري جووه الله يسعدك ويهنيك يارب

 

[عيوني الثنتين]

البنات ماقصرو بس حبيبتي باختصار انتي عروووووووووووس

 

[سوسو المملوحه]

بنات الله يسعدكم ع الردود كلامكم مثلكم عسل
بس انا اسال عن رجالكم وشلون استقبلوكم
من ناحية نفسي اعرف وش اللي ابيه واللي مخططه عليه بس ابي اعرف اذا رجالكم يفرحون برجعتكم والا عادي ?
واذا عطوكم طلاعه والا لا ?
او اذا كان مضبط نفسه مثل ما انتي مضبطه نفسك? محلق متنظف والا وعادي ?
هذا اللي اقصده ​

 

[بنوته أموره*]

حااااااااااامل يعني ما بعد الله يسهل علي


بس اللي قالوا البنات يكفي من قص وصبف وتغير في اللوك

 

[*نوار قطر*]

هو اكيد زوجج بيكون فرحان برجعتج ..
ومن يشوفج كاشخه وتعدله له اكيد بيفرح ..
كشخي كشخة عروس يعني سوي اللي سويتيه يوم عرس بالضبط
والله يهنيج

 

[.PRADA.]

//

سوسو انتي لمحي له انه من عادتكم ان الوحده بعد الولاده ترجع عروس وزوجها يجيب لها ذهب ومن هالحكي >>> حتى لو كان كذب ^_*

يعني خليه يجيب لك اللي انتي تبين وتحججي انه لاااازم لانه من عاداتكم ​

 

[سوسو المملوحه]

ياحبي لك يابرادا
الفجر جايني برودكاست حق الوليد انه مهدي زوجته يخت بعد ماصقطت وفيه تعليقات كثيره قمت ارسلته له
ودي انه عندي وهو يقراه عشان اشوف رده فعله

والله ماهمني هديه لاني اعرف وضعه الحين بس ودي نروح مكه ناخذ يومين نعتمر ونرجع لو يوديني طريق بر ماهمني لاني اعشق الخطوط
هههههههههههههههههههههههههههههه​

 

[دلع الخليج]

اسمعي سوي تنظيف بشره عميق بخار وكريمات وفتله او شمع قصي شعرك مدرجات اذا كان طويل واصبغي واذكان قصير قصي حركه خفيفه واذكان شعرك خشن سوي فرد واذكان ناعم احفظي لك تسريحات بيت نعومه وحلوه من النت وغيري حركة الغره بالبيت وجيبي لك شبصات جديده ومميزه مع الملابس ترى تحلي الشكل واصبغي صبغه حلوه سوي حلاو لجسمك ودلكه عشان يصير ناعم

جيبي لك عطر جديد ماعمره شمه من نعومي لوقت النوم +عطر بيت +مفرش جديد لغرفة النوم
الرجال يحبون غرف النوم النظيفه والمتجدده تتغير نفسيته+جيبي لك كم قميص نوم عشان تعيشي شهر عسل جديد
سوي زمام لو تحبي وجيبي لك الوان تركبيه على حسب البس
تعلمي الكحل غيري شوي في تعاملك كانك وحده جديده
وهذي الاشياء مو يوم وخلاص
خليك فتره
الله يسعدك ويهنيك

ادعي ان ربي يسهل ولادتي ​

اعملي مثل ماخبرتج الاخت تعبت انا
يعني ردي عروووس قلبووو وربي يوفقج​