كيف استعيد زوجي

أ

أم الثلاثه

New member
إنضم
2009/06/12
المشاركات
13
السلام عليكم

انا لي 7 سنوات زواج عندي 3 اطفال .. في بداية زواجي كنت احس بحب زوجي من خلال تعامله و تحمله لاخطائي و سعة صدره و خلال كم سنة الي فاتت سارت مشاكل و كانت شبه يوميه و الحين خفت بس ماعاد رجع زي اول احس بسرعه يزعل ما ينسى ما يسامح
احس ماعاد لي نفس الحب القديم شلون اجدد حبي في قلبه

مع العلم انه سمعي تحليلي
مشكورين مقدما ..
 
جددي في نفسك اول شي عشان هوه يحس بتجديد
جلسي معه ناقشيه بهدواء وخذي واعطي معه,,,,,,,

وحاولي ترجعي ذاكرتك لأايام زمان كيف كنتي معه
وشو صار وتغير كل شي بينكم

واتمنالك كل التوفيق
 
صدق ما يحبون النقاش حاولي تناقشيه في وقت يكون فيه رايق ولا تكثري من الكلام احس زوجك نفس زوجي ما يحب النقاش يحب يمشي كلامه حاولي تطنشيه اكثر لا تهتمي في تصرفاته سوف يرجع منه ومن نفسه بس كل فتره وفتره عطيه جرعات من النقاش
 
فديتج غيري من أسلوبج معاه
- حاولي تكوني غامضة
- حاولي تكوني هادئة
- حاولي إنج تخففي من كلامج معاه
- حاولي تلبي له رغباته بكلمة آمر ، من عيوني ، ان شاء الله الحين، لبيه
- اذكري الله دائما على لسانك وقولي لا اله الا الله دائما ردديها واستغفري
- كوني امرأة سعيدة تحب عيالها وتلاعبهم وناعمة معاهم لاتصرخي عليهم كلميهم بحنان لو غلطوا
- صدقي غنه راح يحس بفرق
راح يحس بنعومتج وتغيرج

ولك الاختيار في التغيير
 
حبيبتي الرجال يتغيرون كل فتره هذا شي طبيعي بعد العشره والعيال يبدا الملل يتسلل للحياه الزوجيه وانتي باسلوبك وشطارتك تقدرين تغيرينه اهم شي لايشوفك متضايقه وحزينه لان هالشي يبعده عنك انبسطي وعيشي حياتك وربي يوفقك
 
جزاكم الله خير .. فعلا بدايتها الكئابه و الحزن من طرفي احس انتقلت له
 
اوك انتي لا تناقشينه وجه لوجه
اكتبي له رساله بس بدون ذم حاولي تمدحين فيه شوي وقولي له الي تبينه واساليه وشو الي مو عاجبه فيج
وخليه يرد عليج برساله لان النقاشات احس الواحد صعب يتفاهم فيها كلها اصراخ وصياح والواحد يقط كلام يجرح بدون ما يحس
بس انتي خليه يقراها وانتي مو موجوده عنده
بعد مرور سبع سنوات من الزواج تصير الحياه ممله وكلها روتين
بس انتي حاولي بنفسج اول
والله يوفقج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل