الحمد لله طلعنا امس ورحنا نشتري لي هدية واخذنا اليهال الالعاب ورجعنا وسهرنا سهرة حلوة والحمد لله الصبح فطرنا مع بعض وبعدها فتح النت وانا قاعدة اسولف معاه الا ضرب جارنا الجرس راح يفتح له انا قمت وفتحت الشات حقه والله مش قصد التفتيش بس مادري ليش والا انصدمت انه امس كلم وحدة بعد مارجعنا يمكن نص دقيقه وقايل كلام والله ماقدر احطة من كثر ما هو قذر ..انصدمت صدمة حياتي .. ودخل علي وانا اشوف طبعا عصب لاني كشفته لان قبل اعرف انه يكلم وبس الحين عرفت نوعيه الكلام القذر اللي يدور .. الصراحه سبيته وقتله يالحقير ويالنذل وكنت بروح لهلي بس تعوذت من ابليس ونزلت تحت وصليت استخارة وما رحت لاني حسيت انه هذا شي خاص بيني وبينه ومااقدر اروح اهدم صورته قدام هلي يكفي اللي اللي صار اللي ذابحني اني عارفه انه يكلم بس لانه مايطوف صلاه ولا كل يوم يصلي ركعتين قيام والشفع والوتر يرتفع ضغطي يوم يصلي يعني تعرف ان الله حق ..
المهم هو طلع وانا كنت تحت ورجع بعد ساعه واناداني وصرخ علي انه مش مقصر علي باي اي شي واني طماعه وليه ادور وراه وانه سكت اكثر من مرة على التفتيش واني اذا حاولت مرة ثانية في حياته ان افتش ماراح اشوف خير ومن هالكلام وبرر تبرير سخيف جدا
00 في مشكله صارت بين هلي وبينه من سنتين وهو مش قادر ينسى ابدا لدرحة هذيك الفترة حاول يتزوج علي عشان ينتقم من هلي بس عدت بس هو اي مشكله في حياتنا تتحول لهذيك السالفه لدرجة كل اسبوع او اثنين يدخل على ماد البوز ومايكلمني كم يوم وبعدها يفتح موضوع هلي ويسهب في الشرح واخيرا يحاول يتعذر لي اني مالي دخل بس هذولا هلي وانه اذا انقهر منهم لاي عذر تافه او كايد يرجع لهذيك السالفه الصراحه هي سالفه كبيرة والكل قاعد يعاني من اضرارها بس انا مالي اي يد فيها لا من قريب او بعيد .. يعني مظلومه وخيانات بعد 00
فبرر انه مضايق من هذيك المشكله ولا يبي كل يوم والثاني يسولي سالفه .. ولا يقدر يفضفض مع احد عن هالمشكله لا هله ولا اصدقائة فكان يفش خلقه في هالسوالف اتخيلو العذر اذا كذا محد في الدنيا بيتم الكل بيخون ايش يبيله الكل عنده مشاكل انا ايش اقول عيل
هذولا هلي وهو زوجي اروح اركض لاقرب حضن يحتويني عيل ..
المهم صرخ وصرخ .. وبعدها طردني من الغرفه يعني ولا هامه .. انا طبعا لجأت الى افضل طريقة وهي الدعاء والقران والصلاة حتى لا اتخذ اي قرار من الشيطان وصليت استخارة مرة ثانية اني اكلم اهله بس بعد مارتحت ..
اعينوني اعانكم الله ادعولي اني اولد واروح بيت اهلي فترة وارتاح لاني واااااااااااااايد تعبانه وماني قادرة اتحمل هالضغوط وطل مانا في البيت راح اتعب زيادة الله يخليكم ادعولي
حسبي الله ونعم الوكيل
ربي اني مسني الضر وانت ارحم الراحمين ..
