كيف اخلي زوجي يقولي متى عرسه

الحالة
مغلق و غير مفتوح للمزيد من الردود.
الحمد لله بتشجيع من الاخوات صرت اقدر على رغبات نفسي وقدرت اتماسك اليوم لي 5 ايام ما كلمته
مع انه تجيني رغبات قويه بان نفسي اكلمه نفسي يرجع لي احس اني كذا ضايعه
بس ان شاء الله ربي يصبرني واقدر ابعد عنه
أنقر للتوسيع...
إييييييييييييييييييييييييييييييي هذا اللي نبيه ,, استمري سوي حركة الاستغفار دام انها جابت نتيجة معاك ,,
حبيبتي دنيا قوية حازمة بقراراتها وصارمة بأفعالهااااااااا ,, عند كلمتها ماتثنيها ,,
الحين ابو الشباب صدق انه مشغول بس صدقيني مستغرب انقطاع اتصالك وصبري شوي وبيشتاااق وبعدين لمن يدق انتي لاتردين اثقلي وجننيــــــــــــــــــــه الين مايقول بس كافي الله يرحم والديك,,
بالتوفيق,,
 
احسن انه حصلك تصلي

علشان ماتحاولي تطلعي فيها مفاوضه وتقومي تتفاوضي معاه بحجة الولد

او تتناقري معاه شيله لا تشيله

لان انتي بعدك جروحك ماشفت .. وبتطلعي كأنك تستجدي مشاعر

وطبيييييييييييعي الأخ طليقك بيحوس صوبكم هالأيام هذا الغموض ومايسوي

انتبهي انتبهي انتبهي لا تتفاعلي مع أي شي يقوله ولا يفعله

هذا انا حذرتك .. لاتخافي ربي معاك .. باذن الله بتوصلي لبر الأمان

بالنسبة للأيام اللي ماكلمتيه فيها خبرينا شو عملتي خلال يومك فيها علشان نقيمك ونضيفلك بعض الفعاليات الحلوة
 
أعالي الحبور
انشاء الله الله بيصبرني ويقوي شخصيتي

تعرفي انا افكر انه لما جا واخذ ولدي اليوم العصر وبعدين رجعه
اتوقع كان يبغاني اكلمه
لاني كنت قايلتله اولادي ما تشوفهم زوجتك وباخر مكالمه لي قالي اخذ عيالي غصب عنك واتحدى احد يردني
مني فاهمه ليش اخذه وبعدين رجعه بسرعه
 
اعلامية طموحة قال:
احسن انه حصلك تصلي
أنقر للتوسيع...
اعلامية طموحة قال:

علشان ماتحاولي تطلعي فيها مفاوضه وتقومي تتفاوضي معاه بحجة الولد

او تتناقري معاه شيله لا تشيله

لان انتي بعدك جروحك ماشفت .. وبتطلعي كأنك تستجدي مشاعر

وطبيييييييييييعي الأخ طليقك بيحوس صوبكم هالأيام هذا الغموض ومايسوي

انتبهي انتبهي انتبهي لا تتفاعلي مع أي شي يقوله ولا يفعله

هذا انا حذرتك .. لاتخافي ربي معاك .. باذن الله بتوصلي لبر الأمان

بالنسبة للأيام اللي ماكلمتيه فيها خبرينا شو عملتي خلال يومك فيها علشان نقيمك ونضيفلك بعض الفعاليات الحلوة
أنقر للتوسيع...


اليوم صحيت الضهر 12,30
صليت الظهر وبعدين رحت عند امي جلست عندها
وقبل العصر قررت من اليوم ابدا بقراءة سورة البقره وقريت سورة البقره
صليت العصر الي جا في حزتها طليقي واخذ ولدي
طبعا انا عصبت على اخوي اخوي صغير عمره 10 سنوات وهزئته ياقلبي خاف مني باين في عيونه لانها دمعت
وبعدين نزلت عند امي واختي الكبيره الي كانت مسيره علينا اليوم وعيالها يعطون البيت جو مميز
والانترنت عندنا بالبيت من كم يوم صاير بالنهار ما يشتغل مدري ليه وهو اشتراك ديسل
وطبعا يتخلل وقتي اني اقوم فتره اروح استغفر وارجع
وبعد المغرب كان وناسه اجتماع عائلي لخالاتي جو عندنا بالبيت وكنا وناسه وفله
طبعا انا تكشخت وحطيت مكياج خفيف وعطر مس مي .. ولا كاني عندي مشاكل
وطبعا من كثر الحزن صار وزني 44 اه ياحسرة قلبي يعني صرت كني بزر .... صرت نحيفه وقصيره
وزوجي يحبني اصير مليانه بس وش اسوي الدنيا ومشاكلها ذبحتني
واول ما طلعن البنات يمكن الساعه 11 دخلت على النت
وهذي قصتي اليوم :sly:

 
الله يسخره لك اختي ويحنن قلبه عليك
ليه ياحبيبتي ترفضين ياخذ الاولاد خليه ياخذهم متى مايبغى نصيحه مني لبسيهم وكشخيهم وعطريهم بعطرك الي يحبه ولا تكلميه ولاحاجه خليه ياخذهم عن طريق اخوانك صدقيني راح يشتاقلك اولادك مفتاح لجمعتكم و وعفيه عليك لاعاد تدقي عليه لانه اهانه لك وراح يحقرك لانك تدقي على واحد مايبغاك ومطلقك بهالطريقه راح تكسبيه لصفك وراح يحن ليكي
 
يااختي تكفين لاتقولين زوجي خلاص ارضي بلامر الواقع حتى لورجعتي له بتعيشين بحسره والله بيذلك دام هاذا طبعه وبتنقهرين وتعيشين بنكد انسيه والله يعوضك بلي احسن منك,,,,,,,,,,,,,
وبعدين هو له كم شهر مطلقك ,,,,,,,,,,,,,,,,
ولاتزعلين اختي مني وتقبلي كلامي ,,,,,,,,,,,,,,,,,,
يار
 
الله يعينك وربي همك يهد جباااااااااااااااااااااااااااااااااااااااال

مدري شقولك بس ماحبيت ادخل ومارد
 
لما كنت اكلمه كان هذا هو سوالي الدائم متى بترجعني
مرات يقول قبل العرس وبعدين تراجع وقال بعد العرس بسبوعين
وبعدين قال ما معي دراهم مني مرجعك قبل السنه
يعني بهذل بي كل مره يقول بعدين

أنقر للتوسيع...


وانا اخر مره كلمته يوم الاثنين الي فات قاي تبين شي انا اتغدى عند ابو العروس وقال لي لا عاد تتصلين فيني لاني خلاص الي بيني وبينك انتهى انا خلاااااااص عفتك اه يا جرح قلب :tears::tears:
أنقر للتوسيع...
تكفيــــــــــن طالبتك لاتذلين روحك له .. !! وش تبين اكثر من كلامه لك واذلاله اعوذبالله
وترجعين تكلمينه وتطلبينه وتقولين له متى يرجعك ..؟؟!!

صدقين ياقلبي انتي شوفي روحك لابدى اي احد يترجاك بشي مثلاً طفلك
يترجاك بشي وانتي مشغوله ويرص فوق راسك مو تنطقييين منه بذيك اللحظه وتعاندين اكثر
وتهوشينه ولاكان مخطي تحرينه ؟ ولو انك تحبينه وهو قطعه منك بتسوين هالشي بذيك اللحظه

فاانتي الله يرضى عليك بما انه يذلك انا عرفت احساسه ودريت انه مستلذ بإهانتك ويدري انك تحبينه وتموتين عليه فيتلذذ بتعذيبك وقهرك ويحرك بطاري زواجه ويهزئك لاكلمتيه يدري ان قلبك بجوفه
ويحركك على مايبي لأنك موقادره تسوين شي

لكن انتي الحمدلله هذاك بديتي تستردين قوتك بعون الله .. وتقوين شخصيتك الحمدلله
استمري على هالمنوال ولاتخلين له فرصه بتفكيرك وعشي حياتك مع اهلك كنك عزوبيه
وتذكري ايامك قبل تزوجين وعيشيها بالضبط وانسيه وعيشي اولادك وفرحيهم ورحوا واطلعوا وانبسطوا

صدقيني بيدري انك نسيتيه وانه الحين مايعني لك شي وبينقهر انك ماصرتي مثل اول منذله له
ولاعاد يهمك وجوده وعدمه والدليل انك ماتكلميه .. يعني قدرتي على فرقاااااه

صدقيني بيعرف قدرك وهو بيرجع لك ان شاءالله

وغير كذا حطي ببالك ان الزوجه اللي اخذها اكيد مو حابته زي حبك له ومو مثل طبعك وحنيتك وبيندم
وبيعرف ان خسر خساااره عظيمه ..

والله يفرج لك ياارب


 
اختي my first love
والله فكرتك ما طرت على بالي
كان يموووت على ريحة واحد من عطوري
يارب حقق لي الي بالي

اخيتي وحبيبتي يار
اقسم بالله المستقبل مخوفني خايفه اعيش بحسره مثل ما قلتي
وربي من كثر مني خايفه مدري شلون بتصير حياتي بس ادعي ان ربي يموتي وارتاح من هالدنيا
والحين لي شهر و25 يوم يعني باقي خمس ايام واكمل شهرين

فديتني اهبل
ياعمري يا اختي وربي لما اشوف دعواتكن ترتاح نفسي

اختي وشلون ما اغليك
تدرين اليوم المغرب جتني حاله هستيريه من كثر البكا
احس اني خلااااااص نجضت انذبحت نفسي اكلمه نفسي لو يدق علي
ليه هو ما يحس بي لها الدرجه
يمكن فعلا هو يستلذ بتعذيبي
اقسم بالله بس قعدت اصيح واقول يارب موتني
نفسي لو اصير مثله قاسيه ما يهمني ولا يصير اكبر همي بس وش اسوي
اتمنى لو يحس اني خلاص ما ابيه
بس الحقيقه الي فيني مرض مو حب انا احس انه كذا
نفسي لو احقد عليه نفسي لو اقدر ادعي عليه بس قلبي ما يطاوعني


اخيتي فكر راقي
اللهم امين ولك بالمثل
 
حبيبتي استغفري لربج ... شو تدعين على نفسج بالموت علشان واحد هنتي عليه وما مسكك علشان اولاده .. شو هالقلوب اللي فيكم .. وين رحمتكم بعيالكم الام تتمنى تموت علشان طليقها .. والزوج لاهي بالحرمة الثانية ولا على باله تشتت العيال وحرمانهم من الاستقرار العائلي ... بس حرااااااااااااااااام اللي اتسويه اختي واسمحيلي وين عيالج كانوا عنج ومن حياتج لما اصريتي على الطلاق ليش مافكرتي فيهم وين حنية الام والتضحية ،
حيبتي كبري عقلج هالحين لا ترسمين احلام اليقظة . الريال عرس وانتي عارفة شلون فرحة العرس ،لا تتري اتصال منه ابد، صبري واستغفري ربج بنية الاصلاح لحياتج الزوجية وبنية انج تبين عيالج في حضن ابوهم , وعليج بقيام ركعتين الليل وادعي ربج انه يسر امرج في اللي فيه خير .. ولا تنسين استخيري ربج في العودة لطليقج ان كان فيه خير لج ولعيالج ييسره لكي وان كان فيه شر فيبعده عنك ، واسمحيلي اختي ان كنت ضايقتج
بس الحقيقة مرة.
 
اعلامية أسأل الله العظيم أن لايحرمك أجر ماتعمليه من أجل الجميع

تبارك الله ونعم المرأة حفظك الله لكل عين ترجيك


_________________

دنيا كئيبة ترى انا مريت بنفس اللي تمرين فيه

أوصيك ثم أوصيك ثم أوصيك بالدعاء والصلاة في جوف الليل عندما ينزل الله جلا وعلا من سابع سماء الى السماء الدنيا


حدثنا يحيى بن يحيى قال قرأت على مالك عن بن شهاب عن أبي عبد الله الأغر وعن أبي سلمة بن عبد الرحمن عن أبي هريرة أن رسول الله صلى الله عليه وسلم قال ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول من يدعوني فأستجيب له ومن يسألني فأعطيه ومن يستغفرني فأغفر له
ينزل الله إلى السماء الدنيا كل ليلة حين يمضي ثلث الليل الأول فيقول أنا الملك أنا الملك من ذا الذي يدعوني فأستجيب له من ذا الذي يسألني فأعطيه من ذا الذي يستغفرني فأغفر له فلا يزال كذلك حتى يضيء الفجر

وحدثنا قتيبة بن سعيد حدثنا يعقوب وهو بن عبد الرحمن القاري عن سهيل بن أبي صالح عن أبيه عن أبي هريرة عن رسول الله صلى الله عليه وسلم قال ينزل الله إلى السماء الدنيا كل ليلة حين يمضي ثلث الليل الأول فيقول أنا الملك أنا الملك من ذا الذي يدعوني فأستجيب له من ذا الذي يسألني فأعطيه من ذا الذي يستغفرني فأغفر له فلا يزال كذلك حتى يضيء الفجر
إذا مضى شطر الليل أو ثلثاه ينزل الله إلى السماء الدنيا فيقول هل من سائل يعطى هل من داع يستجاب له هل من مستغفر يغفر له حتى ينفجر الصبح



من اعطاك زوجك وأولادك أليس هو الله تبارك وتعالى

من الذي خلقك ورزقك وأعطاك ومنعك أليس هو الله


اخلصي نيتك لوجه الله تعالى وارضيه سبحانه يرضيك


القرب من الله يكفيك الدنيا وماعليها يكفينا انه خالقنا فماذا نريد بالدنيا واهلها والله موجود


سبحانه له الحمد والشكر


اخيتي عليك بصدق الدعاء

ولاتنسي كلما ذهبتي الى دورة المياه سواء لقضاء حاجة او الاستحمام توضئي وصلي ركعتين وادعي الله بصدق


اداب الدعاء واسباب الاجابه
-الاخلاص لله بالدعاء بان تدعو الله وحده لا اله الاهو لا تشرك به شيئا وتتيقن ان الله سامعك وحده قادر علي الاجابه ..
-ان نبدأ بالحمد والثناء علي الله والصلاة علي خير المرسلين ويختم بذلك ايضا..
-الجزم في الدعاء تيقن الاجابه قال تعالي"واذا سألك عبادي عني فاني قريب اجيب الداعي اذا دعان " وقال تعالي"امن يجيب المضطر اذا دعاه"
وان نحسن الظن بالله سبحانه قال علي لسان حبيبه_صلي الله عليه وسلم_"انا عند ظن عبدي بي..."
-الالحاح في الدعاء وعدم استعجال الاجابه فسبحانه عالم الغيب اعلم بما هو انفع لنا واعلمي اختي ان الدعاء اذا مااستجيب في الدنيا فهو لكي في الاخره سبحان الله
قال عمر بن الخطاب:والله اني لااحمل هم الاجابه ولكني احمل هم الدعاء فاذا الهمت الدعاء كانت الاجابه معه.. _رضي الله عن الفاروق_
-حضور القلب عند الدعاء واعلمي اختي ان الله لايستجيب لقلب لاهي غافل..
-الدعاء في الرخاء والشده قال تعالي"فاذكروني اذكركم" فالدعاء اخيتي عباده هل تتركينها عند الرخاء وتركني اليها عند الشدائد لا والله ما هكذا علمنا معلم البشريه الذي ظل يصلي حتي تفطرت قدماه وعندما سألته امنا عائشه قال:افلا اكون عبدا شكورا_صلي الله عليك ياحبيبي يارسول الله_
وتتفطر قدماه وهو المغفور له ماتقدم من ذنبه وماتأخر فما بالنا نحن العاصون المقصرون ..
-استقبال القبله عند االدعاء..
-رفع الايدي عند الدعاء..
-الوضوء قبل الدعاء ان تيسر..
-التوسل الي الله بأسمائه الحسني وصفاته العلي اوبدعاء رجل صالح حي وليس ميتا..
-تحري اوقات الاجابه .اسألي الله من فضله في ليلة القدر..وقت السحر.دبر الصلوات المكتوبه..بين الاذان والاقامه..يوم عرفه بعرفه..عند نزول الغيث..ساعه من يوم الجمعه_الارجح انها الوقت مابين العصر والمغرب_..عند شرب ماء زمزم..اذا نمت علي طهاره واستيفظت بالليل..دعاء المسلم لاخيه بظهر الغيب..عند قول:لااله الا انت سبحانك اني كنت من الظالمين..دعاء المظلوم..دعاء الصائم حتي يفطر..الدعاء في السجود..وغيرها من مواطن الاجابه
-ان يكون المطعم والمشرب والملبس حلال قال صلي الله عليه وسلم"الرجل اشعث اغبر يطيل السفر يقول يارب ومطعه حرام ومشربه حرام وملبسه حرا اني يستجاب لهذا"
-الدعاء بالخير لابالشر.. الا تدعو بصلة رحم او بالمصيبه لاحد ، واعلمي اختي ان هناك ملك مكلف بالرد عليكي فيقول ولكي بالمثل فانظري ماتريدينه لنفسك..
 
اعلامية طموحة قال:
هلا حبوبه​


شو رايج تلبسي عباتج بنطلع لمكان حلو:smoke1:​


أنقر للتوسيع...

الله يجزاك خير
انا فعلا بدائت من امس قرائت سورة البقره لكن الحفظ احس صعب علي
بس فضلها وربي ما كنت اعرف فضل سورة البقره اعرف انها تطرد الشياطين
مشكووووره
وجودك يسعدني دائما
 
السلام عليكم ..
اختي ماعليك منه ولاتسالينه وبالعكس سوي نفسك انكمو مهتمه لانوهو مرح يقولك ..
وتمنايتي لك الصبر ياقلبي..
 
أميرة قصري
لا بالعكس انا لما اقرء ردودكن تتفتح عيوني على اشياء كثيره
لانو فعلا يمكن فرحة العرس خلته ينساني ... بس كان هو يحب يطلع من البيت كثير حتى اول ايام زاجي منه عشان كذا اقول يمكن يكلمني
ويمكن ما يطلع من عندها
يارب افرج لي كربتي

يعشق هواي

الله يجزاك كل خير على اداب الدعاء لاني فعلا بحاجتها
وطيب اذا دعيت ان ربي يرجعه ويخليه لي لحالي انا كثير ادعي كذا
يصير دعائي اثم مدري صراحه ما استجرئت اسال شيخ اخاف يقول لي حرام وانا نفسي
تفارق طليقي زوجته
ونفسي يرجع لي مثل اول انا وهو بس


فداك الجرح
ويريح قلبك انتي بعد

ملكه الوفاء
اقسم بالله نفسي انساه بس كل شي يذكرني فيه
كل ما اروح لمكان اتذكر يوم انا وهو صح كانت حياتي معه مره بس ياليتها ترجع
 
حبيبتي انتي اذا مايبيك لاتجبرين نفسك عليه
وحاولي تنسينه وتلقين من يقدر حبك بعدين
والله يكون بعونك
 
اسألي شيخ ياقلبي مو لازم تكلمين الشيخ ارسلي له رساله مثلي انا اذا بغيت اسألهم ارسل رساله
 
نسايم الود
لا هو يحبني وانا مكلمه امه بعد ما تطلقنا تقول يوم طلقني كان يبكي
انا كنت زعلااانه وقهوووووره عشانه ملك واصريت عليه وقلت له كل كلمه سيئه عشان يطلقني وفعلا طلقني
ابوه يقولي انا شايب واعرف ولدي يحبك
بس ليه يعاملني بقسوه ما ادري ليه
قبل ما يتزوج بفتره كان يكلمني برواق ويرسل لي كلام حلو
بس ما يدق كنت انا الي لازم ادق
بس يوم قرب عرسه قلب علي 180 درجه
 
الحالة
مغلق و غير مفتوح للمزيد من الردود.
عودة
أعلى أسفل