اختي على هالكلام اللي سمعته ودي اشيل جوالك واغمصه في كوب ماي ونفتك منه اذا كان هو الرابط الوحيد بينك وبين الأخ زوجك
حبيبتي انتي مازلتي تدوري في فلك زوجي زوجي زوجي اللي في الواقع هو مش زوجك وانما طليقك
خلاص حبيبتي راح وانتهى أمره .. عاد رجع ولا مارجع هذا أمر آخر في علم الغيب بس انتي الحين مطلقه ولست متزوجه
مشكلتك لايمكن تنحل وشخصيتك لايمكن تتعدل الا اذا فهمتي هالشي انتي تطلقتي انتي مطلقه .. كرريها وحسي بمرارتها في حلقك علشان تصحي من هالاكذوبه اللي اسمها "زوجي"
لا تفهمي ان انا ماودي ترجعي لا والله حشا .. انا ودي ترجعي بس غير المرأه الأولى اللي حياتها كلها تدور في فلك هالريال كأن هو المنقذ الوحيد من الرتابه والملل في الحياة ... وابشرك زوجك حتى لو رجع بيرجه انسان آخر نص وقت نص اهتمام النص بالنص مع وحده ثانية .. يعني اذا ما تغيرتي مابيكون لك نصيب لا من حياة ولا من عيال (اللي أصلا الحين مش محصلينك يعني مثل الأيتام اللي ماتوا امهم وأبوهم) ولا من شي .. بيكون لك نصيب من الهم وبس
انصحك تقري قصة أم بسمة لانها تشابه قصتك نوعا ما
واذا تريدي تتغيري لازم لازم لازم تجتهدي وتتعبي وتبكي وتطلعي كل هالمشاعر المسمومه اللي بتقتلك هذا اللي انتي فيه مش حب هذا دمار
