كيف اثقف نفسي ..وانا في ضل فسااااااااااد

[سكون اليالي]

السلالالالالالالام عليكم ورحمة الله وبركااااااااااته

انا الان رح اقل لكم معاناتي انا اعيش مع ام جاهله واب متعلم ولكن اسلوبه لايوحي بانه متعلم بل جاااهل
عندهم حب التفريق بين اخوتي .... اذا حبوا شخصيه معينه يحبوها ويعاملوها كانها ملاك والباقي مايهمهم كانهم ماعيالهم عادي انهم يحطموهااا تحطييم
وغير كذا احس معودنا عالاساليب السئه دايم نقاشاتهم بالهواش حتى لو ماتستدعي اهواش ...وعندهم حييل عنصريه امي اذا صارت وحده من اخواتي بيضاء تقول هذي تشبهني واذا لا هذي ماتشبه لها ...واذا احد من الحريم جاي تنادي الي تحب من ذوات البشره البيضاء عشان يشوفوا الحريم اعيالها البيض الجميلين ...
امي اذا تبي تعصبنا تقول يالسوداء يالقزمه يالدبه .......
احس اسلوبي صار كذا مثلهمي
امي وابوي دائما اذا رح يتهاوشون
دايم قدامنا وغير الفاظهم جدااااا سيئه (البقره - الحماره و و الفااظهم جدا سيئه
وامي عادي اذا تهاوشت مع ابوي .امور الزواج الي تصير بينهم عاادي تذكرها قدامنااا
في اشيااء اكثيره ماكنت افهمها فهمتها من هواشهم حتى اخواتي الي بالبتدائي اعتقد انهم فهموا كل شي عن هالاموور......امي دايم الفاظها قذره ومستحيييييل رح تغير اسلوبها دايم ننصحها بس مافي فايده ..احسها تستانس انها تعاندنا
احس الكلام الوسخ صاااار شي قدسي عندها .....ابي حياتي تتغير لشي افضل بس ماقدر
احس حتى تفكيري كله صااااير بكلامها هالوسخ اثرت حتى بتفكيري ..بايام رمضان ابي احس اني مسلمه اني عندي ايماااان احس انو اخلاقي تسيء اكثر واكثر بسببهم

---------------------

ابيكم تدلوني على شيء اني ماتأثر فيهم ؟؟
انا خااايفه اذا تزوجت اسلوبي يصير مثلهم ..واخاف اتزوج وانا بهالاسلووب الي انو فيها مااعرف اتناقش الا بهواش مثلهم تماام وكلام وسخ
ابي تدلوني ع كتب عن الاسلوب
وعن كيف اتعامل مع الزوج وعن التعامل مع الابناء
لانو انا مابي اتزوج واجيب اعيال واصير افرق بينهم ويصير اسلوبي مثل اهلي
مابي اسلك الطريييق مثل اهلي

بس كيييييف ماتأثر فيهم وانا معهم في بيت واحد ..:30:.

بصراحه احس اسلوبي وتصرفاتي كل ماجالها تسيء بسببهم احس عقلي صغر بسبب الهواش والفاظهم احس تفكيري صاااااار محدوود جداااااااااا صار تفكيري مثلهم صاار اسلوبي وتصرفاتي غير منطقيه ولاعندي ثقه بنفسي :8:
ابي عقلي يتفتح بش مفيد ماابي يتفتح باشياء تدمر عقلي وتفكيرري

 

[يابعدها سماي]

وعليكم السلام ورحمة الله وبركاته

بعض التصرفات تلاقينها كثير من البيوت مثل التفريق بين الاخوان -بغير قصد- لا تعطينها اكبر من حجمها والامور اللي ممكن تنعدى عديها مو من شان احد من شان نفسيتك ومزاجك وراحتك انت في المقام الاول

أنت قلتها بنفسك امك جاهلة ..؟!
مع ان الواقع ان الامهات الغير متعلمات اكثر تحضر من المتعلمات !
ليه متوقعة تصيرين مثلها ..؟!!

انت غير عنها والدليل انتقادك لها !
لا تتصورين انك بتكونين نسخه منها !
بالعكس اجعلي منها درس لك حتى ما تقعين بنفس اخطائها
امك صارت كذا مااقول لانها مو متعلمة لا !
لكن امك هذا خلق او صفة فيها
والصفة ما تورث الى الابناء تكتسب من الحياة

اجعلي من امك الشخصية اللي المفروض اكون عكسها تماماً
تعمدي الاسلوب الطيب في التعامل مع جميع اللي حولك مع اخوانك ووالدينك
مع صديقاتك مع اي شخص تواجهينه بحياتك
هذا الاسلوب الطيب مع الجميع مع الوقت من ممارستك له
رح تصير صفة من صفاتك
اذا حبيتي تكونين غير عنهم رح تكوين غير حتى لو كنتم من بيت واحد
مااقول اوضاعهم ما تأثر عليك لا ..
لكن في امكانك تحدين من هذا التأثر واجعل منهم درس

امك..
مثل ما فيها صفات سيئة اكيد فيها صفات طيبة لكن نظرتك لها قاصرة
ما فيه انسان سيئ دائما وفي كل الاحوال !
لذالك بسطي سلبياتها
اكثري انت من الكلام الطيب لها حتى لو قابلتك بالعكس
ذكريها في تعاملات الرسول - صلى الله علية وسلم- في حياته
لاتنتقدينها بشكل مباشر
لا تنتظرين منها مقابل حتى لو مدح
لانك تمارسين برك بوالدتك وانت اعرف بعظم آجر بر الأم !

خلك متفائلة ومبتهجة والامور ابسط بكثير لو خليناها بسيطه !
الالفاظ والاخلاق السيئة موجوده الحين بكل مكان
في الاسواق ..في العمل .. في المدارس ..في الشارع ..الخ !
لو بنتأثر كان صرنا كلنا اخلاقنا سيئة
حتى لو كانت الالفاظ من اهل بيتك

ما فيه احد الحين نسخة من احد حتى لو امك !
فكري في الناس اللي حولك كل البنات نسخة من امهاتهن ..؟!!

اقرئي سيرة الرسول - صلى الله علية وسلم- واساليبه في التعامل
لو طبقتي اسلوب الرسول -عليه الصلاة والسلام- في التعامل تكسبين كل الصفات الجميلة في الحياة​

 

[صمت الحنينـ]

كويس انك ماطلعتي زي امك
كتابتك للموضوع بحد ذاته دليل انك ماتاثرتي فيه
واهم شي انك عارفه غلط اهلك
ان شاءالله تبعدي عنهم قريب<<<بالزواج طبعا

 

[سورية مغتربة]

الله يهديهم ويصلحهم....انا رح اعطيكي مجموعة كتب عن فن التعامل
فن التعامل مع الزملاء للكاتبة نورمان هل...هذا موجود بالنت
وفي كتاب كيف تكسب الاصدقاء لديل كارنيجي حلوو مررة..موجود بالنت كمان
وكتاب الذكاء العاطفي..جدا جدا رائع..موجود بالنت
في كتب رائعة مترجمة بمكتبة جرير والعبيكان عن هذا الموضوع...لااتذكر اسماؤها
واتمنى لك من قلبي ان يهدي الله اهلك وتعيشي معهم عيشة هنية..موفقة

 

[ملكة السعاده]

حبيبتي انا بنصحك نصيحه وان شاء الله تنفع بس يبيلك صبر صبر يمكن سنه سنتين عادي ​

ياقلبي لما تقابلين امك ولا ابوك قابليهم باابتسامه طوول اليوم وخلي في قرارتك نفسك انك سعيدة وانك راح تغيرين اهلك وراح يكونون مثل مااتبين واكثر​

وكثري من الكلام الحلوووو والله يااختي انه بلسم دايم بمزح قولي ياعمري ياايمه يااحياتي الكلمه اللي قلتيها ماتستاهل تطلع من فمك الحلوو ومن هالكلاام وابوك نفس الشي ​

وغير النصايح هاذي فيه اهم نصيحه انك بثلث الاخير من الليل تقومين وتتوضين وتدعين ربي يهديهم ​

وطول اليوم استغفري ​

وبعد فتره تعالي وقولي لنا ايش صار معك وانا متفائله خير فيك ياافلبي ​

وراح تكونين زوجه متميزة وام متميزة وغير كذا ابنة متميزة وبالتوفيق يااقلبي ​

 

[سكون اليالي]

الله يوفقكم ويبعد عنكم الاذى


انا تأثرت اكيد لاني بعض الالفاظ صر عادي اقولها معني كنت قبل ماكنت اقولهااا



الله يوفقنا ويبعد عنا الاذى

 

[انين الزهور]

الله يوفقك انا مع الاخت ملكت السعاده ...
والله يهديكم يارب ......