كيف اتعامل مع ولدي وانا وحيده

[يارب فرجها]

بسم الله الرحمن الرحيم
استاذتي الفاضلة

عندي مشكله ولدي واطمح منك بسماعدتي
عندي ولد عمره 4 سنوات ونصف وبنت عمرها سنة
وانا عايشة عند اهلي تقريبا 5 شهور لان عندي مشكله مع زوجي هو تركنا وراح يعيش لحاله
ولا يسأل ولا يتصل لي ولا لاطفاله يعني صار لهم 5 شهور ما شافوه ولا كلموه
ولدي دايما يسألني وين ابوي واتحجج له بانه مسافر
بس ولدي صاير عصبي جدا جدا كانه رجال كبير
يصرخ على اقل شي مثلا لو يبي يشرب ماي من كاس كبير انا حطيت له بكاس صغير يصرخ
ويهاوش ويقط كلام سيء واذا عصب حذف اي شي جدامه كرسي مزهرية اي شي ويصربني ويضرب ابوي وامي والشغاله مجنني
حاولت اتكلم معاه هو يقولي انا اللي اسويه غلط واخر مرة ويرجع اليوم الثاني نفس الشي
انا مهتمه فيه اكثر من اخته واخذ له اللي يبه باعتدال وساعات اعاقبه ما اكلمه او اخليه في الغرفة واقوله لين عرفت غلطك تعال وايي ويعتذر ويرد على مثل قبل
احسه ما يقدر يتحكم باعصابه يعني لما يصرخ يكون خارج عن ارادته
هل لاني قاعده في بيت اهلي والكل يشارك في التربية انا وامي وابوي واخواني وخواتي
وهو بعد حركي وايد وعنده نشاط كثيييييييييييييييييير

ساعديني شلون اقدر اغيره

جزاك الله خير

والله يهدي الجميع يا رب

 

[أ.نجوى ناجي]

يعني أصبح هكذا بعد الإنتقال من بيت والده ؟ وهل يرى والده بإستمرار ؟

 

[يارب فرجها]

شكرا استاذة على التجاوب معي

هو منذ ان كنت في شقتي كان كذا بس اخف بكثير يعني كان يتأدب لما اعقابه ووعصبيته اخف قليلا
بس احين احس صار فوق الطبيعي يعني عمري ما شفت طفل عصبي مثله

وابوه بسبب المشكله معي قطع علاقته بعياله بعد ما يشوفهم ولا يتصل يسأل عنهم ولو اتصل ما يرد
وهو كل يسأل عن ابوه وانا اقوله مسافر وهو يقول متى يرجع ابوي وحشني انا احبه اكثر واحد

الله كريم

جزاك الله خير

 

[يارب فرجها]

استاذة ما زلت بانتظار ردك

وشكرا