كيف اتعامل مع زوجي يوم يرد من شهر العسل

صدقج يالسهم اشكايل انت عندامج وتشوفين تلفونه
 
سـحـر الأثـيـر قال:
ما أشوفك غلطتي يا أختي ولا شيء

هو اللي غلط يوم يدعي الالتزام

أنا ملتزمة الحمد لله وعايشت رجال ملتزمين كثيييييييييير من أقاربي وأزواج صديقاتي

ترى الالتزام مو كذا>>>>>>>>>>>>زي ما يسوي زوجك حتى الأناشيد ما يسمعها والرسول صلى الله عليه وسلم كان يسمع الحادي في السفر وكان يقول له: رويدك يا أنجشة (اسم الحادي أو المنشد) رفقا بالقوارير...


الالتزام والله وناسة وسعة صدر وراحة نفسية

ولو لاحظتي أستاذة ناعمة من قصصها وردودها تراها إنسانة ملتزمة على الرغم من استمتاعها بالحياة
لأن الدين يحث الإنسان على العمل لدنياه كأنه سيعيش أبدا

وبالنسبة لزواج زوجك

والله إني أرى فيها الخير لك إن شاء الله من عدة وجوه:
1- ترتاحين شوي من أوامره ونواهيه على الطالع والنازل
2- تتفرغين لنفسك كثيييييييييييييييير ولعبادتك ولربك
3- إذا ما كنتي تعشقينه>> أعتقد لتشدده معك.. يمكن زواجه رحمة بك عشان لا تتعبين قلبك معاه

والله العظيم إني أعرف وحدة زوجها متزوج عليها ثنتين ويدور الرابعة
إنها مبسووووووووووطة في نفسها وعايشه حياتها طول بعرض وما خلت على نفسها قاصر زي ما يقولون وتفطر هي وبناتها في مطاعم>>> تمر تاخذهم من المدرسة!!!

وإذا تضايقت من زوجها لتصرف قوي يقهر>> تقول ما يمديني أدقق على التصرفات الصغيرة

تعبي المغطس مويه دافيه وزيت النعناع وتتسبح وتلعب في المويه أقل شيء ثلث ساعة

كملت دراستها وماخذة الماجستير بامتياز مع مرتبة الشرف>>>> ماشاء الله
وبتحضر الدكتوراه وبتصير أستاذ مساعد في جامعتنا

وبحكم إن ظروف الدراسة جمعتني بها وتعرفت عليها عن قرب كنت أحيانا ألاحظ عليها حزن عميق ولما أسألها عنه تقول: ما يضيق صدري إلا أخواتي وأهلي وبعض صديقاتي لو عرفوا إني حامل يقولون لي: يعني باقي تبغين تعيشين معاه......؟؟؟؟!!!

نصيحية: لا تفتحين أذنك لكلام الناس>>>> ترى ممكن يكونون هذولا الناس أمك وأخواتك
سوي اللي يريحك في حياتك وافرضي على زوجك يعطيك نفقة معتبرة ترفهك وتغنيك عن وجهه
واحمدي ربك إنه زواج ماهو زنا وخيانة والعياذ بالله
أنقر للتوسيع...

بارك الله فيج كلام جميل جدا
عزيزتي بنت محمد اتركي عنك المثاليات والخنوع والسلبة حقوقج لا اااااااا تتنازلين عنهاااا والله يوفقج
 
اووووووووووووووووووف
قلبي عورني وراسي صكني شنو هذا الى متى هذا الاستسلام
شنو يقولك روحي راضيها ؟؟؟؟؟
انتي صاحيه
انتي بوعيك؟؟؟
وبعدين لو كان رجل ملتزم ويخاف الله لازم يحافظ على مشاعرك..... الله سبحانه وتعالى حلل الزواج نعم لكن بشروط و قال ايضا العدل
انا اللي شايفته انه لافي عدل ولا بطيخ
حبيبيتي شركتك او ضرتك قبل لا توصل متحكمه في زوجك شحال اذا جابها عندك والله يطلعك من بيتك ويسكنها
بس كافي سذاجه
اووووووووووف صج حريتيني
 
بصراحه اول ماقريت قلت حسبناالله ونعم الوكيل هو زوجك خذ حقه في التعدد ونسى اعظم حق ووهو الخوف ممن اعطاه هذا الحق وهو الله الذي امرالرجال بأن يتقوى الله في النساء ....ولان اتمنى منك ان تتصرفي بحكمه وتستشيري قبل اي خطوه واستخدمي الشده والحزم في بعض الامور التي من حقك وماهو الخطأ عشان تعتذرين منها..مستغربه من بعض البشر عندهم الظلم مثل شرب الماء.
 
مايقولج هالكلام
ويتعامل ماج بهشكل اله اكيدة مسويه له عمل
اعوذ بالله
خذي الحذر منها
 
بس هو من رجع كل يومين يقول بطلقها اذا كانت مسويه له عمل ماكان بيخليها في بلادها وهو يقراء يوميا سورة البقره وفي مسج قريته الي فهمت منه انه قايل لها انه في المستشفى وكان الرد كاني انا الي مطرشه المسج لانها كتبت اسفه على الازعاج طمنيني اذا اتحسن وضعه شوتفهمون من الي سواه هل هو يتهرب منها
 
.,’آ’

الله يعينك ياقلبي

اتركيه خليه يحل مشكلته بنفسه

بس اهم شي خليك قوية وصابره,.
.,’,

فرج الله همك ونفس كربك















,’آ’,.,’آ’,.
 
والله حااااااااااااااااااااجه تصطح وبقووووووه
- ياصبر ايوب على بلواه -
والله انك عجيبه عجيبه عجيبه
واشوف ان تصرفك هذا وسكوتك (تصرف الانسانه الضعيفه وتصرف مومنطقي ابدا ابدا )
والاسلوب اللي تعامليه زوجك هذا راجع لك انتي وطبيعة زوجك ولازم تكوني قويه وحازمه وواثقه من نفسك
وبعدين هذا والله اعلم متلبس بالدين وشكل المتدينين -مثل غيره كثيييييييييييير من الرجال -
لاتغترين بدينه الدين قول وعمل ,,,, واكبر دليل انه تعرف على زوجته الثانيه وخذاها وهي متبرجه


اذن هو فاقد عندك هالشي - اقصد التجمل واللبس وحركات المتبرجات في الخارج - انتي طبعا تقتبسين من هالحركات في بيتك وعند زوجك
وخلي عنك انه يتحكم في بعض لبسك ,,, ماعليك لاتردين عليه والبسي وتخلعي وتعري وتكشخي بالي يعجبك حتى لو انتقدك او عارض ,, راح يتعود وبعدين راح يعجب فيك ويغرم بك
وهذا اكبر دليل انه يحب اللبس والتحرر فيه انه مال وتزوج اللي المتبرجه


الله يكون بعونك ويلهمك الصواب

واعذريني ان قسوت عليك او غلطت بحقك ,,, هذا والله من حبي لك وماودي تكونين هيك ضعيفه
 
السلام عليكم

اختي مافيه مجال ننقد زوجك او نقول زواجه فيه شي او من هذي الاشيا
لاننا ماراح نستفيد
بس راح ناخذ من الكلام ما قل منه ودل
وش الي عليك تسوينه
يعني راح نتكلم عن المستقبل

خيتو اتوقع لو تطلعين شخصيه زوجك راح تعرفين كيف تتعاملين معها
وهذا طبعا باختبار شخصي راح اجيب لك الرابط

الشي الثاني والي انا اشوفه وعلى قد ما قريت وشفت
راح اقولك شنو تسوين
والله اعلم


اول شي
خليك عـــادي وياه
موضوع العنوان لحياتك الجديده وياه


( انا وبس )

لانه اول هو كان جزء من عنوان حياتك
( انا وزوجي فقط )

لكن الحين شيلي كلمه زوجي
اعملي لنفسك فقط
شوفي كيف الاشيا الي منعك منها ( المكياج اللبس الجميل حتى في قمصان النوم تحكم فيك )
واسمحي لي هذي مو طاعه للزوج هذي محق للنفس
لانه ماله حق يمنعك بهذي الاشيا
لانها من حقك
ولانه منعك من هذي الاشيا
وهو رجل يحتاج هذي الاشيا مهما كان نضرته له
والدليل انه شاف هذي الاشيا في انسانه اخرى
وتزوجها لانه يبيها

يمكن هو فيه فكره براس زوجك انها ماتناسبك هذي الاشيا وهي التزين والاناقه
او انه له كان نضره انها اشيا مو كويسه
لكن تغير رايه لما شافها في هذي المتبرجه
وهو كانسنان يهوى الجميل اياً كان

انتي كل الي عليك

البسي الي تبين ( طبعا في حدود لا يغظب لله منك )
حتى وانتي ببيتك تزيني
البس قمصان النوم الي تبين منها
فهذه حياتك وخاصه فيك ماله اي امر في انه ينهاك عن لبس حلال لك تلبسينه

اكشخي دائما
اشغلي نفسك باشيا تبدع نفسك
مثل سجلي بدوره
كملي دراستك
ثقفي نفسك
وخليه يلاحض هالشي

اهتمي بأناقتك اهتمي بعلاقتك
افرحي وابتهجي دائما
حسسيه انك موجوده بحياته وانك موموجوده
بحيث انك موجوده بانه يشوفك وانك بانتي احسن حال وانك مو محتاجه له
ولكنك غير موجوده لانك ما اهتميتي للي سواه

صدقيني لو استمريتي بهالشي راح يندم
راح يشوف اشيا كثيره ترغبه فيك
ويكتشف شي فيك كان مستور
لا تعطينه فرصه ابدا يتحكم فيك بهالطريقه
مثل ما قد قريت لموضوع لاحد االاستاذات في قسم أ موزه خلفان للدورات المجانيه
هناك انانيه محموده وانانيه غير محموده

انتي لما تهتمين بنفسك وتعطين فرصه حق نفسك تشوفين الحياه وتبتسمين لها
وبدون ان يحوي عنوان حياتك زوجي

فصدقيني مو انانيه
فهذا شي من حقك لا احد ابد اي كان يمنعك او يحرمك من حقوق منحها لك الرب


وفي نفس الوقت خيتو لا تعامليه بقسوه
عامليه ببرود فقط
وبنفس الوقت لا تحرمينه نفسك
فاجعليه اول الحين ينظر الى تغيرك وينظر الى الجانب الجميل الذي ظهر بك فجأه
وبعد ذلك لاتحرميه نفسك فلو طلبك اجعليه يقترب منك ليتذذوق حلاوتك
ولكن انتي لا تدعينه لان يتذوقها فهو من يهم لها
فهذه ثانيه مرحله
ثالث مرحله وهي الاخيره بأذن الله ويبي لها وقت وصبر وحنكه وتدبر
راح يتركها ويرجع لك لانك انتي الاساس




فيبقى شي واحد عند عودته لك

ان تستمرين بحرصك على نفسك لكي لا تجلعي له فرصه يلتفت لغيرك

بتتعبين كثير لكن بالنهايه انتي التي سوف تكسبين



والله اعلم

رددي الدعاء الي بتوقيع الاستاذه ناعمه الهاشمي
وهم راح اجيبه لك اختي

وعليك بالدعاء
واكيد راح ادعي لك


لكِ ودي
 
السلام عليكم
عدت ومعي شي عسى ربي ان ينفعك به
هذا مثل ما قلت لك اقرئي واعرفي الشخصيه الي انتي فيها والشخصيه الي يجب ان تكوني فيها
http://www.niswh.com/vb/showthread.php?t=18202

ركزي على قصه فطومه
وانا ما اقولك صيري انانيه مثللها
لكن خذي منها الجانب الحلو مثل ما ركزت عليه استاذه بينك دوف
وهي الانانيه المحموده والتي يعشقها الرجال
وهذا الي اطلب منك تسوينه خاصه بهذا الوقت انتي بحاجته لكي يكتشف زوجك فيك
الجانب الجميل

وهذا هو الاختبار الي قلت لك اختبري زوجك فيه
http://www.niswh.com/vb/showthread.php?t=75273

وان شالله راح تعرفين شخصيته وتعرفين كيف تتعاملين معه

والدعاء والله مالقيته
رحت للتوقيع لكن شكلي غلطانه مو لاستاذه ناعمه
بس لو حصلته راح اجيبه لك وعليك بالدعاء والاستغفار مره مره مره رائع بنيه الشي الي تبينه مهما كان صغير او كبير
وعن مجربه : )

دعواتك لي بالتوفيق والسعاده والجنه ووالديني وكل من احب :$
ودي واحترامي
 
مشكورين خواتي على الردود وانا من دخلت المنتدى مشيت على كلام الاخوات وكان مستغرب مني ومن لبسي لدرجة انه قال بديتي تختربين قصده في اللبس واني مااسمع كلامه من ناحبة اللبس وكل ما يشوفني يقول نفسيتي تعبانه ومايقاوم تعرفون شو قصدي لدرجة اني تعبت منه ومستغربه قبل ما كان جي احس من عرس بزياده اقوله توك معرس ما شبعت يرد علي دوم الجديم احلى على فكره انا اشتغل ويقول الحين خلاص انتي مب محتاجتني وكل خايف اني اتركه بتينن من تصرفاته يوم اسال ليش تزوجت يقول لي شفتها انتي وما بغيت احد ثاني ياخذج هل هذا انسان عاقل
 
صار تطور كبير البارحه عزمني على الغداء وكان غالق تيلفونه وسالته ليش غالق التيلفون قال ماابغي احد يزعجني يوم اكون معاج المهم طلع شوي وعاد الفضول ذابحني ابغي اعرف اذا هي طرشت مسج ولا لا المهم فتحت التيلفون وصل مسج من عندها اتقول انا اعرف ان طول ما انا معاك بعيش بنكد وما راح اطوف السالفه على خير هي محرجه ليش غالق تيلفوناته شكلها بدت اتمل واتقول اتسرعت يوم خذتك
 
الله يعينج اختي
بس صدقيني هو يحبج ويبغاج له
بس تزوج الثانية يمكن من نية حسنة
بس تصرفاته غريبة نوعا ما
الله ييسر امرج
 
الله يصبرك أختي بس لا تستسلمي وخليك الكل في الكل دايما
إحنا في المغرب في قانون طلع جديد لو كان مطبق عندكم كانت الأمور تغير وتعدلت .. القانوت ده بيقول إن الزوج مايقدرش يتجوز على مراتو إلا إذا زوجته الأولانية وقعت لو على الموافقة وسلمت للقاضي وسمع منها إنها موافقة غير كذا مايقدرش ....
ده من ضمن العديد من القوانين اللي طلعت في مدونة الأسرة الجديدة من أجل ضمان حقوق المرأة.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل