كيف اتعامل مع خطيبي

[همس amirah]

صباح الخير بنات انا توي مملكة قريب وفترة الملكة راح تطول تقريبا سنه ونص وانا مو عارفة شلون اكون وياة اثقل عليه والا عادي بليز سااااعدوني

 

[الساهره لعيونه]

صباح النووور والسرور حبيبتي همس..
انا جلست سنه ونص مملكه.. وما اخفي الحقيقه.. اني كنت وراه دايم رسايل بالدقيقه...
كنت احسب بهالحركه اني اجذبه واخليه يلهف علي.. هو صح كان ينبسط.. من رسايلي
لكنه كان ثقيل شوي يادوب يرسل لي رساله باليوم احيانا,,
بعد الزواج ندمت بصراحه على الخفه اللي كانت فيه...
لاني اكتشفت ان الرجال يحبون المرأه الثقيله..
يعني شوفي حبيبتي.. مكالمات طبعا هو اللي يكلم يعني انا اشوف موحلوه البنت تسبق في الاتصال,,
الافي حالات قليله جدا...مثلا اذا كان تعبان تبغي تطمني عليه او شي جدا ضروري..
اما الرسايل..فراسليه وبكلام حلو وغزل ..لكن.......... بثقل يعني خليه يشتاق لرسايلك...

والله يوفقك ويسعدك .....وتري ايام الملكه احلى الايااااااااااااام