كيف اتعامل مع اهل زوجي بعد ان سببولي مشاكل مع زوجي؟

[رسيل الحب]

السلام عليكم ورحمة الله وبركاته :icon30: كيف حالكم شوفوا حبايبي انا وزوجي متزاعلين من امس هو بغرفه وانا بغرفه والمشكله بدأت بعد ماراحت شغالت اهل زوجي وصاروا ياخذون شغالتنا والمشكله اني انا متكرمه عليهم وصاروا يتمادون ويخلونها تجلس عندهم بالسعات حسبي الله ونعم الوكيل وصرت انا اللي اشتغل بالبيت والله امس جانا اخوي ومتفشله منه علشان شاف البيت حوسه وهو عذره امه يقول ما ابغى امي تشتغل مع انه عندها بنات بس والله من دون مبالغه ما يرفعون الصحن وهي مدلعتهم لأخر شي والضحيه انا وعيالي والله من القهر صرت بس اصارخ عليهم واضربهم كلمت زوجي علشان ننقل عن البيت بس رافض يقول ماني دافع ايجار على الفاضي واحنا ساكنين بعمارة المرحوم عمي انا تحت واهله فوقي برأيكم ويش الحل ؟انتظركم بفارغ الصبر مع تحياتي لكم

 

[الفراشه الورديه]

حبيبتي تحملي واكسبي معروف اكيد هم راح يجيبون شغاله خاصه شهر شهرين تتعبين وراح تكسبين معروف طول العمر،،،

 

[رشروش]

طيب اشتغلي بيبيتك انتي ما بتنظفي لحدا غعريب هم زوجك واولادك ما رح ينقص منك شي لو نظفتي بيتك
اكره شي اسمه شغالات
وبعدين لا تخلي الموضع يرفع ضغطك ويسبب مشاكل الك ولزوجك خليكي واعيه والموضوع اكيد مؤقت وزوجك اكيد معه حق يريح امه واذا على خواته يمكن ما اتعلمو
خلص دبري حالك هالفترة وانت رتبي بيتك بايدك

 

[رسيل الحب]

مشكورررررررررررررررره اختي رشروش بس انا شو ذني وانا دافعه نص راتب الشغاله علشان ارتاح واخرشي يجون ياخذونها والله قهر

 

[رسيل الحب]

مشكوووووووووووووووره الفراشه الورديه صادقه بس هم مايقدرون ولايحترموني ويكلمون الشغاله علشان توصل الكلام لي بانهم وغصب عني راح ياخذونها

 

[هبـا]

ذكرتيني بالماضي زوجي اخذ الشغااالة فجاة وعطاها امه هدية وانا ممنوع اتكلم ولا كلمة بس اشوفها وهي تشتغل لامه واهله وتصدقي انها لما اخذتها منعتها انها تصعد عندي او تشتغل لي وعاااااااادي نسينا

 

[رسيل الحب]

مشكوره اختي هيا بس ياريت احد الاستشاريات ترد على لاني ماني عارفه وش بسوى بالمستقبل اخاف اتطلاق بسبب هذا الموضوع

 

[لولو&]

لاحول ولاقوة الا بالله...معقول اختي توصلي موضوع الشغاله الى طلاقك..اتعودي من الشيطان خليك ذكيه وحلي مضوعك بهدوء من غير زعل ولاتظهري لزوجك انك زعلانه من موضوع بالنسبه له تاااااااااااافه وتخيلي ايش بيكون نظرته لك ...حاولي تترفعي عن اتفه الامرو بس بنفس الوقت لاتتنازلي عن حقك مادام انك دافعه نص الراتب .. جربي تتكلمي بود مع زوجك بانك تخلي مسؤليتك من الشغله وماراح تدفعي نص راتبها...واجلسي بدون شغاله كدا شهر وارجعي جيبي شغاله ادا امكن من راتبك وانتي دفعي كامل راتب الشغاله ساعتها مابيقدرو اهل زوجك ياخدوها مادام انك انتي اللي دافعه راتبها ...اهم شيء الهدوووووووووووووء في تفاهمك مع زوجك ..
اما عن اهل زوجك فلاتظهري لهم ابد ابدا بدا انك زعلانه ..اظهري لهم اللامباله بهالموضوع ولاتحري قلبك على مثل هده الامور وانتبهي من الشغاله تظهريلها زعلك لانها اكيد راح توصل هده الزعل لاهل زوجك
والله يساعدك وطمنيني عنك ادا فادك راي..​