][كيف اتعآمل مع زوجـي ][

[أم حموود]

السلام عليكم ورحمة الله وبركاته
اشحالكم ..اخباركم ؟؟؟
اول مشاركة لي معاكم يا اخوات وحابة اشاركم بقصتي واخذ بآراءكم
قصتي يمكن تكون قصة وحده منكم ...الخيانة الزوجية
انا متزوجة من 6 سنوات ولدي 5 اطفال (اولاد) واشتغل مدرسه ..زواجي وشغلي كانو بنفس الفتره ومن اتزوجت وانا اطيع زوجي بكل شي وبطاقتي عنده ...ضحيت باشياء احبها علشانه ..وبالمقاابل جزااني بزواجه علي !!!بالخش والدس ...وتغيرت حياتنا بس الحين اباكم تشاركوني وتعطوني اآراءكم ومحتايه منكم انكم تقوون من شخصيتي وكيف اتعاامل مع زوج منآآفق !!:tears:

 

[أم زيزي]

الله يعينك يا اختي على حالك...والله يهدي زوجك....


ماشاء الله عليك ..مدرسة وعندك أولاد يعني المفروض تكون شخصيتك قوية...


بس لا تخافين انشاء الله بتكونين الغالية بقلبه ..وما الحب الا للحبيب الأولي..

والسمووووحة عالقصور

 

[نازي]

الله يكون في عونك يا قلبي بس معلش أصبري عندك 5 أطفال الله يخليهم ليش وشوفينهم عرسان يا ربي أشغلي نفسك فيهم ولا تفكرين بالطلاق أبدااااااااااااا آنا ما أقول ليش أفني نفسك لا دلليها وأعشقي نفسك والصبر مفتاح الفرج​

 

[حرب الأحساس]

تابعي المنتدى واقري مواضيع أ ناعمة وبتتعلمين كثير
ونصيحة امسكي فلوسك بالطيب خذي بطاقتك منه
ولا تحولين حياتك نكد عيشي حياتك تمتعي بعمرك وبمالك
واحتمال يرجعلك خاصة اذا بيتك ماكان نكد
والثانية بتغار منك انت ماعليك منهم بس مالك من حقك وسلاح قوة بيدك
وربي يعينك ويسدد خطاك

 

[القلب الحنين]

اولا قوي شخصيتك ثانيا خذي منه البطاقة اللي تعبك وجهدك فيها ثالثا وقفي حمل ما شاء الله في ست سنوات عندك خمسة اطفال ؟؟؟؟؟ وانتبهي لنفسك
ثالثا شوفي جسمك وشكلك اكيد يبغى لهم عناية سوي رجيم اذا تحتاجين اهتمي ببشرتك واهتمي بشعرك سوي لوك جديد لازم تتغيرين جذريا وشوفي نفسك من تحت اذا واسعة اهتمي بها المنطقة من الغسولات او سوي عملية تجميلية لان الرجل يحب المراة التي تهتم بنفسها وخلي الطيبة في حدود الطاعة والمعروف لان الرجال كلهم خونة الا من رحم الله
ترى الرجل مايحب المراة الضعيفة ويستغلها ويستغفلها
اقري القصص والمقالات والاستشارات اللي كتبتها الاستاذة ناعمة الهاشمي راح تستفيدي كثير
اكثري من الاستغفار في اليوم الف مرة والله يعينك

 

[رقيقه العود]

الله يفرج همك يارب وهم كل المسلمين
والله هذي نهايه صرت خلاص حافظتها من كثر ما تصير للمتزوجات حسبي الله على الرجال الخونه
المهم حبيبتي انتي لا تضغطين على نفسك بالعكس احمدي ربك ان الله كشفه علشان تمسكين فلوسك واول شي لاززم تسوينه حبي نفسك وحاولي تهتمين بنفسك ودلعيهاااااا للآخر واهتمي بعيالك بس وانتي ان شاء الله انك قويه وقدها
ما تحتاجين تقويه شخصيه تحملتي بما فيه الكفايه الي تحتاجينه تتركين طيبتك وحاولي تغيرين شخصيتك مو 180 درجه لا 280 درجه ومن اليوم ورايح
مصروفك لك لحالك وانتي الوحيده الي يحقلك تتصرفين فيه وهو الي يصرف على عياله لانه هو الملزوم فيهم
وواجب عليه يصرف عليك وعليهم
وعلاقتك فيه خليها عاديه بس احرميه من مصروفك لو طلبك قال ضروري قولي ما عندي مثله هوو
ما عنده وتصرفين عليه ويتزوج من فلوسه الي مجمعها ومصروفك حاولي تشترين لك شي يأمن مستقبلك مثلا ارض شقه جمعي وبدون ما يدري وادخلي اقري كل القصص الي كاتبها الاستاذه ناعمه الله يجزاها خير ما قصرت
ناسيه اسماء القصص بس قريت قصه مشابهه لقصتك رح تفيدك كثيرر والطيبه الزايده الي فيك انسيـــــــها
خلاص كوني انسانه جديده تحب نفسها وبس ضحيتي بما فيه الكفايه
والرجال بطبيعتهم ما يحبون التضحيه والحين دورك انك تصونين نفسك وتدلعينها
ومحد بهذي الدنيه يقدر يقولك لا
والله يسعدك يارب ويجبر بخاطرك ويوفقك ويسخرلك زوجك ويهديه ويرجعه للافضل يارب ياكريم
هذا كل الي عندي ان شاء الله البنات مارح يقصرون معاك بجد

 

[بطه ورديه]

اول شي انتي تنازلتي عن حقج ليش ماعطته كرتج كرتج خله عندج لاتسوين فيها ذكيه سوري بس انقهرت واحس من كلامج انج هملتي نفسج حاولي اذا كنتي سمينه تضعفين او تتعدلين تعلمي فن الاتكيت في كل شي ترى الريال تجذبه الاشياء التافه الي النسوان ايحسبونها مالها تاثير

 

[أم حموود]

مشكورين وماتقصرون على ردوودكم وربي يعطيكم اللي تتمنونه .....
انا اعترف ان كانت شخصيتي ضعييييفه وايد لاني كنت احبه بجنون وماتخيلت يوم انه بخوني المهم يا اخوااتي انا محتايه منكم الدعااااااء والاآراء لكي اتصرف تصرف صحيح ......

 

[ناناسي]

الله ينصرك عليه اغلبية الرجال كذا ظلاااااااااام ومايخافون الله

 

[لتيــــن]

عيوني انا قريت موضوعك ومن غير مااقرا ردود البنات بس من واقع تجربة لوحدة من اخواتي راح اقولك:
1- خدي صرافك منه..
2- لاتعطينه فوق قدره..
3- عامليه رسمي جدا وخليه يندم على افعاله..
4- بيته وعياله هو يصرف عليهم زي مايبغى.. كثير واللا قليل..
والله الله بفلوسك الله الله بوظيفتك ... وطالما تزوج عيشي حياتك وخليه اااااااخر اهتماماتك... يرجعلك زي ال......

 

[حلاتي بسكوتي]

هلابك اختي الله يكون بعونك ويجبرك ابد اتكلي على ربك سبحانه والطلاق لاتفكرين فيه الا اذا ماقدرتي تحملين اهم شي نفسك عيالك اشغلي عمرك ولا تناظرينه وعيش حياتك واحمدي ربك انك موظفه وحاولي تكون فلوسك لك يارب يفرج همك ويعوضك بي عيالك ويذوقك برهم يارب العالمين

 

[أم حموود]

اول شي انتي تنازلتي عن حقج ليش ماعطته كرتج كرتج خله عندج لاتسوين فيها ذكيه سوري بس انقهرت واحس من كلامج انج هملتي نفسج حاولي اذا كنتي سمينه تضعفين او تتعدلين تعلمي فن الاتكيت في كل شي ترى الريال تجذبه الاشياء التافه الي النسوان ايحسبونها مالها تاثير

لا تنقهرين مني ترى يمكن 80فالمئة من الحريم هذا حالتهم قاصين عليهم الريايل
المهم زين اني صيحت قبل ما يفوت الاوان علي....
رب ضارة نافعة...
صحيت من نومي و غفلتي وبهتم من عمري اكثر من اي حد...
شكرا يا اخواتي

 

[مؤاسم الدهر]

الله يسخر لك زوجك

ويجعل حياتكم كلها افراح وسعاده

 

[جلعهـ من نصيبي]

الله يسخره لك ياااااااارب