كيف اتصرف

[إحساسي أساسي]

السلام عليكم ,,
الحقوني بنات ,,
امي حرمه كبيرة عمرها 73 سنة ومعها زهايمر يعني تخرف وماتوعى,,
وانا احميها في الحمام بغفلة مني خذت الصابون "لايفبوي" وقضمته وكلت القضمة في فمهها وطحنتها تحت اسنانها ,,
وبعدين عطيتها شوية قشرالرمان طبعا خلطته في بنبون طري ,, نفس طريق دواها ,,
وبعدين شربتها كثير ,, وما كلت شي ,, والحين منطقة المطحنة وارم مدري مطحنة مدري لثتها ,, بس عطيتها مسكن والمدلله خف الألم والرشح ,,
ايش اسوي هالمرة امانة في رقبتي ولا تدر تنزل اي مكان عشان اشلها عيادة او طبيب ,,
قولوا لي ايش اسوي ؟؟​

 

[حكايا ورد]

الله يجزاك خير حبيبتي ع اهتمامك بوالدتك
والله مادري حبيبتي اذا تقدري جيبي لها دكتور بالبيت
يكشف عليها....
الله يشفيها يارب وماتشوف شر ان شاء الله
بالله طمننا عليها لاتنسي..

​

 

[..ضباب..]

الله يجزاك خير على برك بوالدتك وان شالله عيالك يبرون فيك
دخلت لاني اعجبت ان في هالزمان ناس مثلك
وبالنسبه للمشكله ماعندي حل لكن ادعي ان ربي يشفي الوالده ​

 

[إحساسي أساسي]

مشكوررررين خواتي حكايا ورد وضباب ,,
هذي امانة في رقبتي واخواني الرجال متزوجين كلهم ,, لمين اخليها مع ان يجوها ويطمنون عليها دايما ,,
وانا اولى من حريم خواني في خدمتها ,,
اول شي اطمنكم اني جبت لها مضاد حيوي وحبوب مسكنة واتلالم تقريبا راح بس عاد الورم اله يستر بكرة ويهدا ..
مشكورين كثير على دعاكم ,, حكايا ورد الله ما ينسى عبيده ابدا و تاكدي ان الله اذا رأى انكتجيبي عيال بتجيبي ,,
بس من تجربة صدقيني احيانا الواحد منا ما يشوف غير اللي امامه وفي البعيد عنه حكمة كبيرة كثير ,,
يعني مثلا انا كنت مستاءة جدا من فسخ خطوبتاي الكثيرة وما قدرت اتوفق في الوقت الي بدت امي فيه تنسى وتلخبط وجلست عندها انا ورفضت في اي شي ثاني ..
الحين انا جنبها فرحانة وادعي دايما اللهم الزمني الرضا وزالقناعة ,, عشان لا يشوف قلبي مرأى يختلف عن رؤية الله فيني ..
اللهي كون بعون الجميع الحياة ما تخلي الله يكفينا شرها ..​

 

[ورد الفل]

ربي يجزيكي الخير ويرزقك الجنة على برك لامك

 

[الزين القصيمي]

حبيبتي ياإحسسسسساسي ..

صدقيني انتي عمله نادرة انا جدا فخورة بك ..


وامك ماعليها الا العافيه ادهني لثتها بعسسل وحبة سوداء وقري عليها وماقدامها الا العافيه ...

مشاء الله علييك كثير عجبتيني بسم الله على قلبك

 

[حلم الصبا]

الله يجزاك خير على اهتمامكي بوالدتك وان شالله ما عليها غير العافيه

 

[هدواء المطر]

يعطيكـ العافيه ان شاء الله ربي يعطيكـ ع قد نيتكـ

يجزاك الله خيرر

 

[نورة النورة]

جزاك الله الجنة اختى احساسي

 

[حلاوة وشقاوة]

جزاكي الله خيرا ..وتأكدي انه كل ما تفعليه لوالدتك ..لن توفي حقها عليك..ولكن الله يأجرك على عملك..
فوالله احببتك في الله..

 

[سهام اليل]

الله يعطيك العافيه
ع برك بوالدتك
والله يشفي اميمتك ويعافيهاا ياارب

 

[إحساسي أساسي]

الله يا بنات ,,
من جد دعواتكم وكلامك بكاني ,,
ما كنت اعرف هالقدر الموضوع قوي ,,
انا احسه واجبي وامشي على بركة الله
عموما انا اقرا عليها فعلا والقنها قبل النوم ,,
واحيانا اغيب كم ساعة واحصنها اخليها في حفظ الرحمن مع مراقبة من حد من خواني ,,
وجزاكم اله الف خير

يقولون كل انسان يرى بعين طبعه واكيد ما دعيتوا لي الا وانتم قبلي بارين ..​