كيف اتصرف مع سلفتي اللي تستعرض لزوجي

الله يعينك عليها ولا حول ولاقوة الا بالله عليك بالدعاء ان الله يصر ف عنك كيدها وان يشغلها بنفسها عنك وعن زوجك وخاصه في اخر الليل لان الدعاء فيه مستجاب
 
يعني بالمختصر المفيد لا تبينيله اي شئ عنها وانتي يوم بتيلسين ومعاها ولمحيلها أن زوجج يوم تكونين لابسه قصير او شعرج كشف ما يحبج تقربين من الباب .
والله يسعدج دنيا وآخرة
 
dr_sayed_sara قال:
من ستر مسلم ستره الله يوم القيامة بلاش تقولي لزوجك إنها لعوب و كدة بس انا رأيي لا تعيريها أي إهتمام و مش معقول زوجك يطالع مرة أخوه مستحيل و يا رب يهديها و إنت خلي بالك من نفسك و تكسخي و سوي البدع و خليها تشوفك و إنت كاشخة و في بيتك بس ما يكون زوجك موجود
أنقر للتوسيع...



تعو\ي من اليشطان ولا تقولين انها لعوب لزوجك او لاي احد.. حتى لو كانوا ثقه الي قالو لك
تراه حررررررررررررررررررررررررام.. شي ماشفتيه بنفسك لاتصدقيه
يمكن البنت عليها تصرفات مريضه.. بس استري عليها وانصحيها حتى لو برساله
والله يسخر زوجك لك ويجعلك قرة عينه ويديم المحبه بينكم ويحفضكم من كل سوء
 
حيرتني مشكلتك يا اختي ودي اقولك واشجعك إنك تقولين لزوجك او تلمحين الي سوء سمعتها علشان يحذر لكن ارجع واقولك خليه غافل احسن وإلجئي للحي القيوم القادر انه يشغلها بنفسها عن زوجك
 
لاتشوهين سمعتها يمكن تخربين بيتها!..

ويمكن فعلا اهي تابت

احسن حل انك تكلمينها

وتقولين لها انك انسانه غيوره

(كلميها بكل احترام)

قولي لها لو سمحتي لا تققعدين عند الباب وانت لابسه عريان اخاف زوجي يشوفك

واذا عاندت

قولي لها انك بتشكينها عند زوجها!
 
اسمعيني حبيبتي انتي اول شي خليكي واثقه من نفسك ومن زوجك وما عليكي فيها وانتي لا تعطيها ابدا ولا فرصه انها تجي بيتك وهيا تسوي هاذي الحركات

ثاني شي ليش ما تنقولي بيت ثاني ما دام انك منتي مرتاحه واذا زوجك قلك ليش قوليلو احس اني ماني مرتاحه في هذا البيت واذا كان يحبك من جد يشتري راحتك واذا ما نقلتي بيت ثاني انتي تقدري توقفيها عند حدها حاولي تكلمي لو حتى زوجها

وانا والله ما نفسي تصير هاذي المشاكل بس اتمنىانك تكوني مرتاحه وسعيده

واتمنى من الله العزيز ان يفكك منها وتعيشي مرتاحه طول عمرك والله يسعدك وسعدنا اجمعيين

اختك ومحبتك في الله @ام ود@
 
اخت لا تكلمي عنها عند رجالك ولا تهتمي به وادعي الله ان يصرفه عنكم
 
لا حول ولا قوة ألا بالله أفضل أن تخبري زوجك وأن تحذريه منها والله المستعان
 
هلا حبيبتي شوفي قولي لها لو سمحتي لا تقعدين عند الباب وانت لابسه عريان اخاف زوجي يشوفك لانه أكثر من مره قالي أخبرك لا تلبسي كذا لانه مش من الأدب بس أنا بس كنت خايفه لا تفهميني غلط.....
ولا تسمحي لزوجك يدخل شقتها وحده مهما كان,,,,,أنا برأي لا تخبري أحد عن سوالفها السابقه أستريها,, والله يوفقج للخيييييييييييييييييييير
ودمتم بحب​
 
ياقلبي عليك

بصراحه شي يقهر

ذكرتيني بوحده من جمعتنا عينها على زوجي

احس نفس قريبه من قصتك

بس انا شوهت صورتها قدام زوجي وهو اصلا ماكان يطيقها من اول بس الحين يكرهها كره مو طبيعي وانا الحين ارتحت


الله يعينك بصراحه شي يموت من القهر

ماتخاف من ربي هذي
 
(اخت القمر) قال:
انا مشكلتي من زوجة اخو زوجي معجبه بزوجي كثييييييييييييييييييير (لانها ماتعرف الا مدح اهله له قدامها ماعاشت معاها وشافته على حقيقته)

المهم اني اعرفها من قبل ماتتزوج انسانه لعووووووووووب وتحب تلفت انظار الرجال وكان لها علاقات مع شباب ومن اكثر من مصدر عرفت
واللي تسويه الحين مع زوجي تبى تلفت انتباهه
كيف اتصرف بموت قهر وخاصة ان الشقه قدام الشقه والاخت اغلب وقتها عند الباب باللبس الحلو والكشخه والقصير والعريان وخاصة احنا مانكشف قدام اخوان الزوج
انا ماني مقصره مع زوجي من الناحيه هذي
لكن الشيطان شاااااااطر وبنفس الوقت ما ابغى زوجي يشوف جمالها مادري يمكن ماعندي ثقه بنفسي او يمكن لان زوجي هو اللي اثار الموضوع هذا عندي لانه دايم يقول اهلي يقولوا انت احلى منها من قبل الزواج
الحين البنت تعدلت وما ابغى زوجي تتغير نظرته هذي


ياليت تعلمينا كيف اتصرف بالموضوع هذا


انا فكرت اني احاول اشوه صورتها بعين زوجي
عشان حتى لو شافها واعجبته لاسمح الله يكون كاره شخصيتها
فكرت اقولها انها لعوب من قبل الزواج وراح احلف له ان رجال من محارمي قالوا لي عن الشي ذا وهم رجال ملتزمين جدا وانا صادقه
وراح اقوله ان عندها جوال ورقم مايدري زوجها عنها وانا صادقه
غير انها قدامي تجيها ارقام ماترد عليها الا بعد ماتقوم بمكان ثاني
واشيا ثانيه انا صادقه فيها
خاصة انها دايم تشتكي من زوجها وعلاقاته بصاحباته بالشغل
هل تؤيدوني اتكلم معاه او اسكت ؟؟؟؟؟
((((((((((((((((هل راح اكون بعينه غيرانه منها وبكذا الفت انتباهه انا لها ؟؟؟؟؟؟؟؟؟؟؟)))))))))))))))))))

طبعا هي ماراح تسرق زوجي لانها متزوجه لكن هي تشوف زوجي بيتوتي من قبل مايتزوج وطبعا تفكر يجلس عشاني وهي زوجها حق طلعات طوال الوقت ومقهوره
وطبعا ماتطلع وتستعرض الا وقت ماهي كاشخه وهي فنانه بالمكياج والا وقت ماتكون لا ماتفكر تستعرضرجال
لا والقهر انه اذا اخترب شي بشقتهم وهم مسافرين يروح زوجي يسويه :busted_red:

غير صورتها اللي معلقتها بالصاله وحتى زوجي دخل اكثر من مره وقالهم شيلوها قالوا لا عادة مافي

انا قلت لوحده من اخواته الكبار قلت ترا هي تستعرض عند زوجي قالت ايه صدق وهي عندها احساس بالنقص لانك احلى

وقلت لزوجي كلام اخته

قالي طيب ليش تبغى تسوي كذا هي ؟؟
قلت تبغى اذا دخلت بالغلط تقهرني وانه شوفي زوجك جالس يطالع فيني انا حلوه ترى
لانها احيانا تلمح ان ازواج اخوات زوجي يطالعونها دايم
المهم اخته قالت خوفيها انتي بنفس اسلوبها كانك طالعه قدام زوجها وهي بتتادب بس احترت والله احترت
مستحيل انا اسوي كذا بالرغم ان زوجها مايقصر دايم يطب واحنا جالسين يعني من نفس طينتها سبحان الله

بس ناويه اكره زوجي فيها باي طريقه


دلوني كيف اتصرف ؟؟؟
لا تقولوا المواجهه لانها مستحييييل
الموضوع ذا مازم لي حياتي ودايم عايشه بقلق بسببه لا يدخل وهي لاتستعرض


والله يجزاكم كل خير
أنقر للتوسيع...


الله يساعدك يا الغلا بس لازم توقفينها عند حدها وعندى لك شي فاعل باذن الله اجلسي مع زوجك وقوليله ....
انا عرفت انى غلطانه سلفتى ماتسوى كذا عشان تقهرنى لا ...
هى تسوى كذا عشنها هى كذا وممكن تسويه هاشي مع اي واحد وقدامها غريب
اي واحد لا نها ماتخاف ربها ولا تستحى من نفسها او الناس مسكين اخوك واحزن عليه كيف زوجته عندها هاذي التصرفات في رجل يقبلها على نفسه؟؟
هاذي عرضه والي ماتحافض على عرضها في وجود زوجها او غيابه ممكن تسوى اي شي وانت الي تشوفه سويه بس لازم تكلمه وتوعيه
عشان يقكلمها ويوقفها عند حدها عشان ماتكررها ولا تسويها قدام رجال غريب وتفضحكم واجلسي مع امهم اذا هى موجوده وعلميها بتصرفتها وقوليلها هاذا بتجيبلكم الكلام تخيلي لو سوتها مع رجال غريب ايش بيقولون؟؟
بيقولون زوجة فلان
مابيقلون بنت فلان..
لانها متزوجه
مانبغى فضايح مع الناس
خليها تعرف تتصرف وتهزئها
تعرفي ليش اقولك كذا؟؟
لان الي مايخاف من الله ولا تستحى منه ماتستحى من الناس ولا من نفسها ولا من ربها اول شي...
النوع ذا مايمشي غير بدق والعين الحمراء
قبل لا تغويه بغيها الشيطان يجري في بنى ادم
مجرى الدم وهاذي شكلها ابليس
اذا في خاطرها تغوى اخو زوجها ..
تقبلي تحياتى والله يسرلك امرك يالغلا​
 
بيالة شاي قال:
يووووووووووووووه موضوعك يقهر ....وفعلا رأيت على شاكلتها الكثير ....استغفر الله ...رغم ان ربي سترهم وزوجهم وعندهم رجاااال والنعم ولكن رجلها مايترس عينها ....​



شوفي كوني وااااااااااااااثقه من نفسك ..............وانا لو اني منك سأستغل اي فرصه لاعلق بتعليق يعطي عنها فكره سيئه لزوجي (هذا من حقك...فهي تسعى لخراب بيتك ....ولك حريه الاختيار بين الدفاااع عن بيتك او التفرج من بعيد)...مثلا شفتيها متعدله وتستعرض وزوجك جا وهي ماحاولت تبتعد عن نظره قولي (( استغفر الله العظيم ماادري كيف ماتخاف الله في نفسها )) قولي (( عندهم رجال بس مب تارسين عينهم ))....قولي ((يارب يهديها قبل لايجيها عقاب من رب العالمين على استهتارها ))...قولي ((حتى ولو احنا ساكنين في بيت واحد اللي يخاف من ربه يعرف شلون يستر نسه عن غير المحارم))......................................يعني كأنك تستنكرين عليها التصرفااات وتستنكرين عليها قلة عقلها وتستنكرين عليها استهتارها بالدين .....وبكذا بتلقين زوجك يستحقرها ويستحقر حركاتها وبتكبرين بعينه​
أنقر للتوسيع...




عليك بهذا التصرف و بأذن الله راح ترتاحين





:icon30:
 
عادي ياقلبي امسكيه واضربيها وخلي اللي ما يشتري يتفرج عليها
خخخخخخخخخخخخ امزح
بس خليك ذكيه وحاولي تزعزعين ثقتها بنفسها في المجالس
وتذكري انه من امن العقوبة اساء الادب
هي لو ماهي شايفتك ضعيفه ما كان تجرأت علي زوجك
يا اختي هذه خطوط حمراء ينبغي عدم تجاوزها وطالما انها تجاوزتها فهذا يعني انك انتي السبب
هيا قومي ووقفيها عند حدها وعرفيه قدرها مو تتبعين السبل الملتويه ركزي عليها اول وبعدين علي زوجك
 
قلبي اخت القمر

ابدا لاتذكريها قدام زوجك لا بالخير ولا بالشر
لانه يمكن زوجك مايكون منتبه لتصرفاتها بس انتي بكلامك عنها راح ينتبه
ويمكن بعد هو يحاول يشوفها من كثر ماتسبين بلبسها وحركاتها لانه الرجال عندهم حب استطلاع غير طبيعي
وعلى فكره
انت ماراح تقدرين تسبينها بوجهها عشان ماتبينين انها مهمه بالنسبه لك صح
يعني ماراح تسبينها الا قدام زوجك
وقدامها راح تكوني عاديه صح
وبهذي الطريقه راح تحطي في بال زوجك انك منافقه قدامها بوجه ومن وراها بوجه
عشان كذه ماانصحك تجيبي سيرتها نهائيا لا بالخير ولا بالشر
وصدقيني الحياه حلوه ولاتخربي حياتك عشان وحده ماتستاهل
طنشيها واهتمي بزوجك ونفسك وبيتك ولا تخليها تاثر فيك
والله يوفقك ويهدي سرك يارب
 
الله يعينك اختي انا عندي نفس المشكلة وطلبت من زوجي ناخد بيت لحالنا لكنه ما وافق لان ظروفه المادية ما تسمح لكن وجودي انا وزوجي في البيت هذا فتنة رهيبة وأخشى ضياع ديني .. مرة اخوه إنسانة خبيثة كتير ودايما تنقل الكلام وتسجل الأحاديث وتفرق بين زوجها وعيلته .. كمان جريييييئة مرة ولبسها ضيق .. لما تزوجت لقيت علاقتها بزوجي تتعدى حدود الأدب في المزح والتعامل ومراسلته عالشات مع العلم أن زوجها مسافر اغلب الوقت بطبيعة شغله وزوجي احيانا يطلع لها شقتها لو محتاجة حاجة في غياب زوجها وهذا الشئ قاهرني .. طلبت منه بعد الزواج يحجم علاقته بيها ولمحتله أنه حرام يطلع في عدم وجود اخوه .. هو بالفعل قدامي بدأ يقلل من الكلام معاها لكن هي لسة جريييئة ووقحة في التعامل لا تخاف الله ولا تحترم أحد..واكتشفت انها ترسل لزوجي عالشات رسائل غير لائقة .. فكرت انسخ الرسائل وافضحها عند زوجها لكن خشيت أن أفسد العلاقة بين زوجي وأخوه..ابغي اكره زوجي فيها هو يقولي هي مثل اختي لكن والله هادي خرابة بيوت ولا تتقي الله ابدا ..ساعدوني كيف اكره زوجي فيها بالمكر وبدون ما يحس إني اقصد كدا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل