كيف اتصرف مع اختي ؟؟

[طعنة قلب]

السلام عليكم

بنات انا بدخل بالموضوعت علطول

انا عندي اخت وحدة بس وعمرها 13 سنة

زوجي علاقته فبيت ابوي قوية جدا وبما انه ماعندنا بنات غير وحدة وكانت صغيرة فبداية زواجي فزوجي ينام ويجلس فبيت اهلي وهو ماخذ راحته طبعا بوجودي

الي بديت احسه من كبرت اختي انها دايم تسال عن زوجي تتكلم عنه وتحب تسمع اخباره

انا اعرف انه زوجي مستحيل يفكر فيها لانه يمكن اصغر عنه بحدود 20 سنة

بس انا خايفة وودي اتصرف تصرف صح ,, اخاف بحركاتها باجر يعجب فيها وتكبر العلاقة

الحين مافي شي بينهم مجرد هي تستانس بوجوده وتحب تسمع اخباره ,, ساعات اقول يمكن لانه زوجي وايد مرح فيحب يتغشمر معاها ومع اخوي الصغير

فهي انجذبت له

في مرة فتحت ايميلها اتعبث فيه حصلت رسالة لصديقتها تقول لها انه تحب ولدي خالي وهو يصغرها بسنة وكانت مطرشه صورته لها

انا ارتحت انه مو زوجي ولو تحب ولد خالي فهي سوالف يهال وهم مايجتمعون ابد لانه نحن في دولة غير عنهم ,, بس لاحظت انها مطرشه رسالة ثانية صورة زوجي بس موكاتبة شي

واجهتها قامت تنكر وسكتت بس قالت انا طرشت صور اخواني كلهم مو بس هو بس الحقيقة لا بس هم

انا استغبرت وعاقبتها والحين مانعه الكمبيوتر منها

حتى مرة قلت لزوجي انت لا تلاطفها وايد لانه مطرشه صورتك لربعها واخاف تفكيرها يصير غير

حتى هو اتسغرب قال ماعرفتي ليش قلت له لا

بس اتفقت معاه انه يكون جامد شوي معاها




قولو لي صح تصرفي والا غلط

لاتقولون لايجتمعون فمكنا واحد لانه زوجي اذا قطع من بيت اهلي بيحسون انه في شي لانه هو دايم عندهم

ودي اعرف ليش اختي جذي تفكر شو توقعاتكم

بلييييييييز ودي ارتاح من حيرتي​

 

[زمان الوصل]

مقال للأستاذة ناعمة تطرقت فيه لمثل مشكلتك

الأخرى في حياتك...

 

[ام مصعب]

اللي اشوفه حركات مراهقين

 

[ice creeem]

طفله وتتعلق باشخاص ووجوه تحبها او تألفها ماتشوفينها تعجب بمطربين وممثلين لكن زوجك موجود بالحياة والواقع تقربي منها وتكلمي معاها وشلون ان الوحده اللي تحافظ على نفسها وعلى جمال روحها الداخلي بتلقى يوم اللي يحبها ويحافظ عليها وقولي لها انها لازم تحط شروط واشياء تحبها فيه وانها بتستمتع بالحياة اذا كان شخص بعمرها او قريب من سنها واتحاشي تتكلمين قدامها عن دلع زوجك لك او طلعاتكم وروحاتكم خلي الكلام عام وزوجك لاعاد تفتحين الموضوع معاه يمكن يحط الموضوع بباله

 

[Cool&Cute]

الله يهديج فتحتي عيون ريلج على اختج الزوج مايشوف خوات الزوجه بنظره خايسه الا لو حس انها معجبه فيه وانتي خليتيه يفكر واختج مراهقه وتصرفها عادي ومستحيل تفكر تحبه او تسوي حركات انتي قولي حق ريلج انه اختج ياهل وان شالله يرزقها ولد الحلال ولاتمدحين ريلج وااايد عند اختج عشان ماتشوف فيه فارس احلامها الله يهدي اختج وانتي لاتتكلمين عن اختج وحركاتها عند ريلج الله يريح بالج وقلبج

 

[أحبكم مووووووت]

ليش أتقولين حق ريلج شو بقول عنها وبعدين أنتي جذيه فتحتي عيونه على شي هو مش منتبه له المفروض أصلا دام أختج كبرت ما تقعد مع ريلج بالمره أتخلينها تخالطه وآخر شي تقولين معجبه فيه أكيد لازم وهي صغيره ما تعرف مصلحتها الأختلاط يسوي أكثر من جذيه

 

[نــور عـيـونـه]

أكبر غلط إنك خبرتي زوجك بالموضوع والمصيييبه انهاا شكووووووك و ما إنتي متأكدة من الموضوع..

تقولين إن زوجك دووم ببيت أهلك ومهما كان هو رجل غريب عن أختك وهي مراااهقة يعني طبيعي بتعجب فيه و تبدأ معها الأحلام الوردية و البنفسجية!!

هي عااايشة هذا الجو وماهي مستووعبه إنه متزوج من أختها اللي هي إنتي لأن كل تفكيرهاا حب ومشاعر و وهــم
لو تحبه بجد كان خططت ودبرت وسوت لكن هي مرااااهقة وتفكيرها هذا طبييييييييعععي جدااا..

بس الله يهديكي أخذتيه بجديه لو أشغلتيها بشيء ثااني..

يعني لو ماخبرتيها عن صورة زوجك لو سألتيهاا عن ولد خالكم هي تحبه بجد كيف مشاعرهاا تجاهه يعني لو وجهتي تفكيرهاا لولد خااالكم بدل زوجك كان أفضل..

بالنسبة لزوجك هو يدري الحين واللي صار صار

قوليله إنك تصالحتي مع أختك و إنك كنتي فاهمة المووضووع غلط

لااااااااازم تقنعينه إنك كنتي غلطاااااااااااااااااااااااااانه و إنك ظلمتي أختك

وانتي لازم تتصالحين مع أختك لأنها مراهقة وضروري تحتوينهاا وما تكبرين الفجوة بينكم

حتى لو تحب زوجك هذه أوهاام تقدرين تشغلينها بشيء ثاني وبتنسينها هذه الخرااابيط صدقيني

و يا أختي نصيحـــة مرة ثانيـــة لاتتصرفين بعجلة وبدون تفكيير حاولي تتصرفين بحكمة وتروي مع أي مشكلة تواجهك..

الله يصلح الأحوال بينكم و يفرج همك يارب



​

 

[المتغيرة للأفضل]

طبعا اكبر غلط الي سويتيه اختك لازالت طفله مراهقه لاتفكر مثل تفكيرك هي فقط وجدت حنان من زوجك فتعلقت به كتعلق طالبه باستاذها او مريضه بطبيبها عليك ان تصادقي اختك وتصححي لها اعتقادها بزوجك وتكلمي معها عن احلامها المستقبليه بذلك فقط تستطيعي ان تكسبي اختك وزوجك

 

[الوفية لزوجها]

عزيزتى اختك بمرحلة مراهقة وهي الان لا تعرف الصج والخطا
وانت تعرفي ما يحدث من اضطراب عاطفي خاصة للحساسين والعاطفيين
اختك ممكن تكون متعلقة بزوجك لاكن في صورة اعجاب بس لا اكثر ولا اقل لا تفزعى وممكن اذا استمرت بهذه المشاعرتجاهه راح تطور
واجبك اولا الاهتمام باختك واكيد هي محتاجة لمشاعر الحب والاهتمام كثيرا اهتمي بها عند زيارتك لهم وخليها تقعد معاك وتتحدث معاك كثيرا واكسبي ثقتها بان تحكى لها بطرق ذكية لتوعيتها وتحذيرها من العلاقات ومحاولة اشغال وقتها قدر الامكان في الرياضة الرسم الخ
اخبري امك ان تهتم بها وكذلك ابوك خاصة وان الفتيات بحببن ان يهتم بهن ذكر يعنى رجل وتحس باحساس الانثي انه مهتم بها وكونى صديقة لها وحدثيها عن المراهقة ومشاعرها ووتجهيها الى الطريق الصح واياك والتوبيخ او الاوامر فيحب حمايتها من الانزلاق في علاقات اخرى

تصرفك مع زوجك صح حيث يجب عليه ان يقلل من اهتمامه بها

ارجو ان اكون افدتك

 

[طعنة قلب]

بنات بخصوص زوجي

فهو ينظر لها كاخت حتى مرات يقعد يفتش فكمبيوتر العايلة وشاف انها فاتحة فيلم كوري ومايناسب تفكيرها

فعصب عليها خوفا عليها مثل اخوها

وكل موقف يصير يقوله لي .. يمكن غلطت يوم فهمته عن اختي بس انا ما قلتها كغيرة قلت له لانها مراهقه ومن هالكلام


امممم بس انا صايرة حذرة يعني احاول ما اخليهم مع بعض بروحهم ابدا مهما كانت الظروف

و بنفس الوقت بتبع نصيحتكم اذا تدلعت اقولها عيب تدلعين بهالطريقة جدام الصبيان .. بخليها عامة حتى جدام اخوانها عشان ما افتح عيونها اذا كانت مو فبالها هالفكرة


قولوا شرايكم تصرفي بهالطريقة صحيح

وبالنسبة للاختلاط احنا عادي عند اهلنا واذا اصريت امنعه

 

[طعنة قلب]

اذا اصريت امنعه راح يحسون اهلي انه فيه شي فالموضوع خصوصا انه احنا دايم عندهم

 

[نــور عـيـونـه]

الحمدلله إن الموضوع عدى على خير وما تفاقمت المشكلة كثيير
ايوه طريقتك صح بس كل شيء سوية بحناان وحب لا تخلينها تعتقد إنك تعااقبينهاا أو تشكين بتصرفاتهااا مع الناس...

و أرجع أقولك احتويها احتويها احتويهاا

وشاركيهاا كل شيء بحياتها و إذا تحب تشوف أفلام بالنت شوفيها معها و خبريها عن أفلام جديدة تناسب سنهاا

يعني شوفي ايش هي إهتماماتهاا و أهتمي فيها إنتي كمان عشان تقدرين تتقريبن منهاا..

هي مراهقة يعني طبيعي تفكر بالشباب والزواج و هذه الأمور إنتي اتكلمي معها بهذه المواضيع

يعني لاتعطين فرصة لأحد يلعب بعقلهاا ويضحك عليهاا...

الله يديم السعاادة والهدووء عليكم دوووم



​

 

[يابعدي ياأنا]

فتحتي عيون رجلك...
انت بين فتره وفتره امدحي ولد خالك وانت تكلمين امك ,,اي احد
اهم شي هي تسمع فيه
وعلمي زوجك انك كنت غلطانه بحقها وان الموضوع ماله علاقه فيه
وإنك كنتي غلطاانه
و يا أختي نصيحـــة تصرفي بتاني المره الجايه ولا تعلمينه علطوول
الله يوفقك

 

[يابعدي ياأنا]

الحمدلله إن الموضوع عدى على خير وما تفاقمت المشكلة كثيير
ايوه طريقتك صح بس كل شيء سوية بحناان وحب لا تخلينها تعتقد إنك تعااقبينهاا أو تشكين بتصرفاتهااا مع الناس...​

و أرجع أقولك احتويها احتويها احتويهاا ​

وشاركيهاا كل شيء بحياتها و إذا تحب تشوف أفلام بالنت شوفيها معها و خبريها عن أفلام جديدة تناسب سنهاا ​

يعني شوفي ايش هي إهتماماتهاا و أهتمي فيها إنتي كمان عشان تقدرين تتقريبن منهاا..​

هي مراهقة يعني طبيعي تفكر بالشباب والزواج و هذه الأمور إنتي اتكلمي معها بهذه المواضيع​

يعني لاتعطين فرصة لأحد يلعب بعقلهاا ويضحك عليهاا...​

الله يديم السعاادة والهدووء عليكم دوووم​

كلامك عين العقل بالنسه للبنت
واذا سويتي كذا راح تصيرين صديتها:icon31:واول من تفكر فييه
وتعلمك بالي بقلبها
ولا تنسين تطلعين معها طلعات خفايف
والله ان تكسبينها :icon30:​

 

[طعنة قلب]

راح اسمع كلامكم ان شاء الله

وبالفعل انا احتويتها بعد الموضوع وحاولت انزل عقلي لمستواها

بس هي لحد الين غامضة معاي بس بعد انا افض فض لها عشان تحس بالامان معاي طبعا بمواضيع عادية

اممم هل برايكم اذا زوجي عطاها ويه مثل قبل يتغشمر ويسولف معاها طبعا بوجودنا ,, هل انبه انه يخفف شوي يعني عشان انها كبرت ولازم يثقل معها والا اسكت

 

[باريوتوت]

معليش اختي انتي غلطتي لما صارحتي زوجك الحين حطيتيها براسه والحين بيكبر راسه لان اختك تعرض صوره لربعها وبيقول في نفسه انها معجبه فيها واعوذ بالله من الشيطان وبينشغل فيها وبسالفه انتي ماتعرفين الرجال
الله يعين اختي بما انك قلتي وصار الي صار الحين حاولي انك ماتنبهين وخليك كانك ماتدري وطنشي

 

[نــور عـيـونـه]

حتى لو ماكنت هذه المشكلة موجودة زوجك لازم يعرف إن البنت ماعادت طفله صارت حرمة ولازم يحط حدوود بينهم..

بس إنتي لاتكلمينه الحين لأنه بيفكر إنك نبهتيه من غيرتك عليه ومن غيرتك من أختك وحتى لو شرحتيله مارح يفهم صدقيني..

إنتي بذكائك لا تخلينه يحتك فيها مثل قبل يعني مثلا وقت جمعتكم مو كل الوقت تقعدوون كلكم سوا

يعني اجلسوا ساعة أو ساعة ونص بعدين خذي اختك بغرفة ثانية على النت اتصفحوا المنتديات شوفوا افلام..

أو انتي وأختك وأمك روحوا بغرفة ثانية على التلفيزيون أو تاخذينها المطبخ تسوي معك حلى للقهوة..

وهكذا و إذا مثلا زوجك مزح معها لا تبينين وقتها وخليكي طبيعية..

طمني بالك ولا تنسين زوجك مو غبي هو من حاله بيغير اسلوبه مع أختك وبتشوفين..





​

 

[ياربي انصرني]

اذا كانت اختك بالغه ما يجوز ان تكشف لزوجك وتزيل الحواجز بالضحك والغشمره لابد ان تتحجب الحجاب الساتر

وكلامها مع زوجك بقدر الحاجه---لانها مكلفه ويجري عليها مايجري عليك 0000

ولابد ان تغرسين فيها ذلك00000 وفي نفس الوقت كوني لها صديقه مقربه اجعلي بينك وبينها مساحه كبيره

بحيث تاخذ راحتها معك وتفضض اللي بقلبها وهي محتاجه في هذا السن للعطف والحنان والاحتضااااااااااان
اكثري انتي وامك من احتضانهااااااااااااااااااا00

 

[طعنة قلب]

حتى لو ماكنت هذه المشكلة موجودة زوجك لازم يعرف إن البنت ماعادت طفله صارت حرمة ولازم يحط حدوود بينهم..​

بس إنتي لاتكلمينه الحين لأنه بيفكر إنك نبهتيه من غيرتك عليه ومن غيرتك من أختك وحتى لو شرحتيله مارح يفهم صدقيني..​

إنتي بذكائك لا تخلينه يحتك فيها مثل قبل يعني مثلا وقت جمعتكم مو كل الوقت تقعدوون كلكم سوا​

يعني اجلسوا ساعة أو ساعة ونص بعدين خذي اختك بغرفة ثانية على النت اتصفحوا المنتديات شوفوا افلام..​

أو انتي وأختك وأمك روحوا بغرفة ثانية على التلفيزيون أو تاخذينها المطبخ تسوي معك حلى للقهوة..​

وهكذا و إذا مثلا زوجك مزح معها لا تبينين وقتها وخليكي طبيعية..​

طمني بالك ولا تنسين زوجك مو غبي هو من حاله بيغير اسلوبه مع أختك وبتشوفين..​

طريقتك عجبتني وهذا الي بسويييه بحاول انسحب معاها فمكان يكون هو مو موجود

واذا شفت زوجي مصخها بقوله باسلوب نصح : انه لازم يحط حدود لانها كبرت وغلط تطيح الميانة زيادة عن اللزوم

 

[طعنة قلب]

اذا كانت اختك بالغه ما يجوز ان تكشف لزوجك وتزيل الحواجز بالضحك والغشمره لابد ان تتحجب الحجاب الساتر

وكلامها مع زوجك بقدر الحاجه---لانها مكلفه ويجري عليها مايجري عليك 0000

ولابد ان تغرسين فيها ذلك00000 وفي نفس الوقت كوني لها صديقه مقربه اجعلي بينك وبينها مساحه كبيره

بحيث تاخذ راحتها معك وتفضض اللي بقلبها وهي محتاجه في هذا السن للعطف والحنان والاحتضااااااااااان
اكثري انتي وامك من احتضانهااااااااااااااااااا00

كييييف راح بين لها انه غلط تطيح الميانة مع زوجي

طبعا اذا بفاتحها بالموضوع بفاتحها بعد موقف يصير من ضحك وغيره بس بنفس الوقت ما ابي ابين لها بطريقه تفتح عينها او انه هو مثل اخوانها انه هو غييير

انا ابي نظرتها دايم تكون له كاخ ,, بس اذا صار موقف كيف ابين لها انه عيب تضحك ووتمييع جدامه

مع انه حتى اخواني لي موجودي وضحكت بدلع يعصبون عليها لاتدلعين صيري ثقيلة ولا يخلونها تلبس لبس ضيق او غير محتشم

بس هم ينظرون لزوجي كاخ لها مو تفكيري بتاتا يعني اذا تدلعت بوجوده او من غير وجوده يجري عليها نفس الانتقاد والكلام من اخواني