كيف أكسر الحاجز الذي بيني و بينه ؟!

[غراشيب]

بسم الله الرحمن الرحيم

و الصلاة و السلام على أشرف المرسلين سيدنا محمد صلى الله عليه و سلم و على آله و صحبه أجمعين ..


أكملت 5 سنوات زواج ..
مازالت الحياة الزوجية بحلوها و مرها أمامي ..
و مازلت أرجو من رب العالمين الفرج .. و أتوكأ على عصا صبري .. لأنه لدي أمل و تفاؤل .. بأنه ينتظرني الجميل و الأفضل .. فأنا أستحق الأفضل ..

أنا خريجة جامعية ..
غير موظفة ..
زوجي يفضل بقائي في المنزل و تربية أبنائي ..
تربيت في بيت أهلي على الحوار .. المصارحة .. التفتح .. فعلاقتي مع أخواني أخواتي .. والدي .. والدتي .. كلها قائمة على الحوار و الصراحة ..
و الحمدلله .. تأسسنا و تربينا تربية ممتازة .. جزى الله والدي ألف خير ..

تزوجت ..
و تفاجأت بأن زوجي .. يفتقد إلى مبدأ الحوار .. و هو أساس كل حياة زوجية ..
و يفضل الهروب و عدم المواجهه .. و لو تواجهت معه و اردت النقاش .. لم يناقشي أو رد ردا واحدا ينهي به الحوار ..

أنا بطبعي انسانه مسالمة .. طيبة .. حنونة .. أحب أن أعطي و أساعد الغير .. و أفعل ماأريد وقتما أريد ..فلدي أولويات .. و مباديء .. و قيم لا أستغني عنها ..

الحياة هنا بمنزل أهل زوجي ( زوجي آخر العنقود ) .. لديه أم و أب .. و أمه متسلطه .. و عدوانية .. و من النوع الوسواسي المتشائم جداااا .. تبحث عن أدق التفاصيل و لا تفهم الكلام كيفما تريد هي .. يعني تفهم خطأ .. أي تصرف أو أي حديث ..
زوجي متعلق بوالدته ..
طبعا والدته ربته على مبدأ .. ( الزوجه .. نعال ) الله يعزكم ..
أنا غيرت هذه النظرية عند زوجي .. و لكن مازال يتجاهل وجودي تماما ..

أشعر بحديثي متشتت .. و الأفكار متلخبطة ..

أريد أن أقول .

أني أعيش مع زوج .. يتجاهل وجودي تماما ..
لم ينطق اسمي أمام أهله إلا مرتين فقط من عمر زواجنا ..
لا يقول ( فلانه أحضري الشي الفلاني )
لا ... بل يقول لي ( احضري الشي الفلاني ) ..
يخرج من بعد أن يعود من عمله .. لا يفكر أن يقول لي أين سيذهب أو ماذا سيفعل ..
أشعر وجودي بحياته ( اكسسوار ) ..
لم أخرج مع زوجي في رحلة أو بفندق .. لوحدناااا .. أبدااا ..

أتمنى أن أعيش حياة زوجية سعيدة ..
أن أشعر بأني زوجه ..
أن أجلس مع زوجي نتجاذب الحديث و نضحك ..
نحن في منزل أهله و نادرا مايحدث هذا ..
غالبا .. يكون ( ماد البوز شبرين )
أو يرد رد بمعناه ( جلبي ويهج ماريد أتكلم وياج ) ..
و مريت بمواقف .. كنت أنتظر رد يطيب فيه خاطري ..
لكن .. كنت أجد العكس .. يقف مع امه ضدي .. مع أنها تكون هي المخطئة ..


حياتنا الجنسية رائعه...
و الحمدلله .. أنا متجددة ..دلوعه .. و مهتمه بنفسي كثيرااا .. و الكل يشهد .. ملتزمه .. محافظه على صلاتي و ذكري ..


أنا من أسبوع الآن .. مب طايقة أجلس معاه..
نفسيتي تعبانه ..
من تصرفاته ..
من تجاهله ..
و من تعليقات أمه ..
( فلانة ماتهتم من زوجها ) ( فلانه ماتسويله أكل ) .. .. تعليقات حريم أول ..

أنا سألته ..
قلت له ..
إذا سبب تعاملك وياي أنك مب مرتاح معاي .. و صحيح أني أحبك بس ماعندي استعداد أعيش مع أنسان مايباني .. و مب مرتاح وياي .. و ماينجبر قلب على قلب ..

مع أني متأكدة مليون بالمية أنه يحبني و يموت فيني ..
بس تصرفاته كلها نتيجة كلام أمه ..


تعبان قلبي شو أسوي ؟؟؟
كيف أكسر هالحاجز ..؟!

 

[غراشيب]

يجزاها خير اللي تحللي شخصية زوجي و تساعدني ..

:smoke1:نمط شخصية زوجي ...
-----------------
1- طيب
2- يكلمني مثل الأطفال..
3- يحب التجديد و التغيير .
4- تقليدي بكلامه .. بتصرفاته ..
5- يحب الأكلات التقليدية .
6- مايحب الأشياء اللي فيها تفتح وتخص المرأة .. سواقة السيارة مثلا ..
7- يفرض رايه مايناقشني .
8- واثق من نفسه ..
9- يكره الصوت العالي .
10- متعلق بأطفاله وايد .. عادي عنده يلعبون بالغرفة اللي نايم فيها .. و يتمنى ببيت المستقبل يسوي غرفة نوم كبيرة ينام فيها مع عياله ..
11- متردد يشاور أكثر من شخص حتى ينفذ ..
12- منجز ..
13- سريع التنفيذ ..
14- يخلص أكثر من شغله بوقت واحد .
15- يحب الأشياء الميكانيكية ..
16- يحب ألبس له اللبس الغريب و الجديد ..
17- يحب الألوان الهادية و الماكياج الهادي ..
18- وايد يحب التلامس الجسدي و الاحتضان قبل لا ينام .
19-كريم جدا ..
20-دقيق في الحسابات و الأوراق .
21- عادي بيعفس أغراضه .. مب مرتب ..
22- فكاهي .. وقت الفكاهه .. و جاد وقت الجدية ...
23- وايد يحب يساعد الغير ..
24- يفتخر بمركز أبوه .. و بعلاقاته و واسطاته بكل مكان ..
25-يعتمد عليه ..
26- دقيق جدا ..
27- مركز- مخطط- متمركز حول الجودة .
28-يفضل يقضي وقته يخلص مشاوير و يساعد أصدقاءه على راحته ..
29- أحس داخله فراغ كبير .. أولا لأنه مب ملتزم .. ثانيا .. يتنقل في علاقاته يحاول يجمع له أكبر قدر ممكن من البنات يتعرف عليهن .. أنا أراقبه عن بعد و أسجل تصرفاته عشان أعرف كيف أتصرف بهدوء.. أحسه يبا يتفاخر قد مايقدر جدام ربعه . بس مشكلته اللي لاحظتها ماعنده أسلوب يجذب البنات حقه .. هو وايد تقليدي جداااا .. و حتى يوم يرمس البنات .. ( يالله عاد عطيني رقمج .. أترياج ) ماعنده صبر يجذبها بهدوء .. حتى أحيانا أضحك عليه من أسلوبه أقول بخاطري ( والله لو بنت ماعطيك ويه . ماشي أسلوووب حيل )
يموت بالعزب و المزارع .. يباني أصير نفسه .. بس قلت له هذا مب ستايلي أنا .. أنا عكسك ماحب هالسوالف ..
جدام أهله يطلع نفسه سي السيد .. يكلمني من خشمه .. و كله أوامر ماشي أسلوووب ..
داخل الحجرة مدلعني دلع . حتى أسلوبه وياي غير ..

 

[ام فوفو**]

حبيبتي:اهم شي علاقتك معه حلوه
والا قدام اهله احسن تكونون رسمييين------لان امه لوهي طيبه بتغار فما بالك لو هي متسلطه
واحسن شي تتحاشين الجلوس معه عند اهله ---حاولي يكون مع امه لحالهم او من بعيد لبعيد----يعني لهي نفسك بشغل وقت دخوله عند امه---
ولاتركزين على هالشي لانه بينكد عليك----والحمد لله مبين انه زين وياكم وايد----بس قدام اهله مو زين---عادي من صالحك اصلا لوهو يدلعك قدامهم كرهوك وحقدو عليك-----
وخلي الدلع بينكم والاشياء الثانيه خوذيها شوي شوي بس يبي لها صبر

 

[مايصحش هالحتسي]

اخاف يعاملك كذا بسبب انك تبينين له ان امك متسلطة!! انتبهي تجلسين اتكلمين باهله بالكلام الشين ترا كذا ينفر منك
حاولي تكسبينه عشان زوجك اهديه اغدي يلين قلبه وتبدا تحبك وبنفس الوقت زوجك يفرح

 

[غراشيب]

حبيبتي:اهم شي علاقتك معه حلوه
والا قدام اهله احسن تكونون رسمييين------لان امه لوهي طيبه بتغار فما بالك لو هي متسلطه
واحسن شي تتحاشين الجلوس معه عند اهله ---حاولي يكون مع امه لحالهم او من بعيد لبعيد----يعني لهي نفسك بشغل وقت دخوله عند امه---
ولاتركزين على هالشي لانه بينكد عليك----والحمد لله مبين انه زين وياكم وايد----بس قدام اهله مو زين---عادي من صالحك اصلا لوهو يدلعك قدامهم كرهوك وحقدو عليك-----
وخلي الدلع بينكم والاشياء الثانيه خوذيها شوي شوي بس يبي لها صبر

هلااا عيوني ..
أنا متبعه هالأسلوب وياه حاليا ..


و مشكووورة فديتج ماتقصرين على رايج الحلوو ..

 

[غراشيب]

اخاف يعاملك كذا بسبب انك تبينين له ان امك متسلطة!! انتبهي تجلسين اتكلمين باهله بالكلام الشين ترا كذا ينفر منك
حاولي تكسبينه عشان زوجك اهديه اغدي يلين قلبه وتبدا تحبك وبنفس الوقت زوجك يفرح

لا عيوني ..

أنا مب من هذا النوع ...
أنا ماأطراها جدامه إلا بكل خير ..
و عمري ماشتكيت منها .. لا من أسلوبها و لا من تصرفاتها ..
أحاول ما أتعب عمري معاها .. و أتجاهلها قد ما أقدر ..

اللهم أني أسألك من خيرها و أن تصرف عني شرها يا رب العالمين ..

و هذي أمه بالأول و الأخير ..

 

[الأميرة النآعمه]

زوجك جنوبي شرقي
هذا اللي اقدر افيدك فيه
ودامه معاك في الغرفة تمام خلاص لايهمك الباقي

 

[غراشيب]

زوجك جنوبي شرقي
هذا اللي اقدر افيدك فيه
ودامه معاك في الغرفة تمام خلاص لايهمك الباقي

تسلمين غناتي على مشاركتج .. و ردج ..