كيف أعيش حياتي بعد الطلاق .. ؟

  • بادئ الموضوع بادئ الموضوع قممر!
  • تاريخ البدء تاريخ البدء
مادري ليش ماتروح مشاركاتي الا بالتقسيط فيه احد مثلي ؟؟
 
والحين مستانسه ومبسوطه مع زوجي وصارلي من تزوجته 9 سنسن
ورزقنا ربي بـــ حبايب قلبي الغلين وابوهم
اللي يرزقك مثلي ان شاءالله​
 
لاحول ولا قوة الابالله
اسال الله العظيم رب العرش العظيم ان ياجرك في مصيبتك ويخلف لك خير منها
اختي هدي هدي تري صحتك بدنيا
واحب اهديك قصيدة عايض القرني الله يحفظه لا تحزن
اكتبي في يوتيوب بتظهر لك والله انها عجيبه كل ماضاقت علي اسمعها
ولا تنسين الزواج رزق من عند الله اسالي الرزاق
والله بيعوضك عاجل غير اجل يااارب
 
الطلاق حاجه مو سهله بس ترى الأيام تبرد عليكي ..خليكي واثقة من نفسك ..في البداية ماراح تقدري تروحي عند ناس او طلعات حريم وغير كذا (معليه ماابغى اصدمك بالواقع بس هو واقع وعليكي بالصبر)بتحسين البنات اللي على قد سنك يبعدون عنك ويخافون منك حتى الحريم اللي عندهم بنات على قدك بيحسسونك انو فيكي مرض معدي وغير النظرات الشزر اعوذ بالله منها )بس بعدين لما يعرفون الحقيقة انك مظلومه راح يحبونك أكثر وتتغير نظرتهم ندم على نظراتهم السابقة...على العموم خليكي واثقة من نفسك ومن رأيي اذا بتطلعين وتواجهين المجتمع تكون اول طلعة لك في مناسبه كبيره تكون لكم او لأحد من قرايبكم بيسهل عليكي انو الناس كلها تشوفك مره وحده ويحشون مره وحده وخلاص بعدها تتعودي (من رأيي) أما اذا طلعت على جمعات صغيرة كل مرة راح يوصلك شر وماراح تسلمي كذا او كذا ...هذا اللي قدرت اكتبه لك ..واحمدي ربنا دائما وراجعي توقيعك دائما و الله يأجرك في مصيبتك ويخلف لك خيرا منها ...
.أخيتي ..كل مصيبة معوضة ...أكثري من الإستغفار ومن( ربي اني لما انزلت الي من خير فقير )
دوري لك على شغل أو ادخلي معهد وخذي دورات ..والله يعوضك ويعوض كل مسلمة بالزوج الصالح.
 
الله يصبرك يارب ويسخر لك الطيييييييب ويعوضك خيييييييير
 
حياااتي هذا مجرد وقت ويزول ان شاء الله ...انتي الان في صدمة الله يعينك عليها ...بس اهم شي قااابلية بشجاااعة ,,,وقوة ....وثقة في النفس,,,, من ناحية نفسك واهلك والناااس ...خليك تقولي في كل ويوم ياااارض انهدي ماحد قدي ...لاتخلي الموضوع يااثر على صحتك ..ونفسيتك..والله محد ناافعك غيرهااا ...وخاصتآ انك مظلووومه ....ارفع راسك مااادامك بحضن اهلك ....

الله يعووووضك بحياااة اجمل منها ...... واسعد منها ......
احبك في لله يااااقموره
 
احمدي الله
وانسي الماضي وانظري للمستقبل نظره تفاؤل
والله يسعدك ويفرح قلبك ........
 
ربي ياجرك بمصيبتك ويخلف لك خيرا منهااا
جزااك الله خير نتي وكل الاخوات الي ردووو كلامهم في الصميم انااالسااتني مطلقه طاازه من كم يووم بس وكلامك من جد ريحني ربي يرحكم ويفرج عليكم ويرزقكم من حيث لاتحتسبووو​
 
اللهم لا نسألك رد القضاء ولكنا نسألك اللطف فيه

الله يعوض كل مظلووم
الله يسعدك حبيبتي صدقيييييييييني خير حالك ماتدري وش المكتووب
انا اعرف وحده صارت مشكله بينها وبين زوجها وهو انسان تقدري تقولي بسييييييييط وعندهم بنت ولان زوجها مايعرف يتصرف راح اتزوج عليها مع انها اجمل منه ووو بس ما استغل الفرصه ولما اتزوج طلبت الطلاق ومارضى وخلعته
والحين اتزوجت واحد ذو منصب كبيييييييير فالبلد وسفرات برا وبيت بروحها وتقبل بنتها وووو عاشت حياه فرق 100% والحين اهو لي خسر ,

واتمنالك الخير
 
لا تقولين أنا مطلقة قولي أنا منطلقة للحياه من جديد
وما عليك بأحد والإنفصال مو نهاية العالم
إذا زوج ما يناسبك ولا بيسعدك وما بيربطك فيه أطفال خلاص الحياه بدونه أرحم
والحياه حلوه ولسى فيها فرص أحلى وأحلى
اكثري استغفار ودعاء واشغلي نفسك بوظيفتك إذا كنتي موظفه وإذا كنتي مو مكمله دراستك كمليها أو روحي نادي رياضي أو دور تحفيظ قرآن المهم سلي نفسك واشغليها بقدر المستطاع
وإذا احد سألك ليش انفصلتي قولي نصيب وما الله أراد له يستمر
أدري إن هالسؤال من الناس الفضوليين بيجرحك بس ما عليك من أحد
وبإذن الله ربي يعوضك بزوج يصونك ويسعدك حبيبتي
دعواتك لي
 
غاليتـــــــي...

تدرين متى نصير مثل الجبل قدام اي مصيبه...!! مقدره لنا..؟؟

عندما نتيقّن ان ما كتب لنا هو من رب العزه وحده وليس من غيره... هو من يختار ويسيّر حياتنا.... عندما تستشعرين ان من كتب لك الطلاق او الزواج لو كان اجباري وا اي شي يصير لنا... ونتأكد من انه من اختاره لنا هو ربي.. وانه ارحم علينا من امهاتنا .. عندها فقط.... تهون كل مصيبه ويزول كل هم....

حبيبتي الناس بكل حاله متكلمين.... متزوجه او ارمله او مطلقه...

انا تطلقت غصب عني وعن طليقي والطلاق صار فجأة ومرت علي ايام سوود وحزن مايدري به الا ربي... بس يوم حطيت براسي ان اللي صار لي خير من ربي وربي ارحم علي من امي اللي جابتني..... هانت مصيبتي .. ورجعت البسمه لوجهي.. وابتسامتي سبهها اني كل يوم اقول ربي ارحم علي من امي واي شي ربي كاتبه لي هو خير لي وادفع عني شر مايبيه يصير لي....
ووربي هانت مصيبتي.... لانه بالفعل اللي صار لي خيـــر انكشفت لي وجووه كنت مغشووشه فيها وطاحت اقنعه ماتوقعت اللي وراها.... ولو ماصر اللي صار ماكان عرفت حقيقتهم...
غاليتي... استشعري هذه الكلمات...:
لو يرى ابن آدم كيف يسير الله امور حياته.. لذاب قلبه شوقا لرؤيتــه..

كل ماضقتي توضي وصلي ركعتين....واطلبي ربي يعوضج ويكتب لج الخير.... ويقويــّج. وماراح تقوين الا بقربه ....

دعاء: ربي اني اسألك الانس بقربك... كرريه دائما..
ربي اجرني ف مصيبتي واخلف لي خيرا منها..

كوني بمعية ربي يكن ربي بمعيـّتك... واذا ربي بمعيـّك منتي محتاجه اي بشر حتى لو كان اغلاهم ع قلبج.....

ربي وبس!!!!!!

وتأكدي ترى من دون اليقين بالله ماراح تستفيدين من اي شي.....
تيقني بأن كل شي ينكتب لنا فهو خير من ربي لنا... خير او دفعة بلا من شي اكبر... حطي هالشي براسج وبتروح همومج كلها....

اسال ربي ان يعوضج بسيد سيده.... والطلاق ياغاليه مو عيب بالعكس يصقل شخصيتج ويقويج ع التجربه الجايه ان شاء الله وتستفيدين من كل شي مر فيج......

ربي وقلبي معاج​
 
اسائل الله ان يصبرك ويجيرك في مصيبتك ووالله الزمي الاستغفار فانه دواء لك داء وعليكي بصدقه فانك ترين بام عينك كيف تنفرج وتتسهل لك امورررك ويعوضك الله خيرمنه يااااااااااااااااااارب
 
لا تعبين نفسك على شيء مايستاهل وخيره انك تطلقتي بدون عيال الدينا حلوه قدامك لا تظلمينها بالتفكير بواحد مو داري عنك
 
حبيت اعقب على كلامك
ليه في عداد الأموات
ايش هالنظرة المأساويه والمتشائمة
الرسول خير البشر تزوج مطلقات وهو اشرف الخلق
الطلاق لا عيب ولا حرام
المجتمع هو الظالم والمتخلف وبس تتطلق المره العيب يكون فيها والرجال برئ ومعصوم من الغلط
مجتمع متخلف مجتمعنا الشرقي للاسف
 
البنات ما قصرو كفو ووفو بس حابه ازيد حاجه اذا ماديتك تسمح روحي السوق وقضي كأنك عروس وملابسك القديمه وديها الجمعيه الخيريه حافظي على مظهرك واناقتك ولا تنكسرين لاي حد والله يرزقك بالاخير والاصلح
 
أثلج الله صدوركم
وريح صدوركم من كل هم وغم
لاتنسوني من دعائكم والله أني بأحوج للدعاء من قلوب لا اعرفها
انا مظلومه مره وتعبت مره
حسبي الله ونعم والوكيل فيه

وأحبك الله الذي أحببتيني فيه ياغاليه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل