كيف أعجل بالولادة..

[عيون حربية]

يا جماعه سؤالي وبدون مقدمات كيف أعجل بالولاده ....... رمضان قرب وأنا أخلص التاسع بنهاية شعبان يمكن 25 ..........وودي أولد اليوم قبل بكره...لأني ودي أرتاح أولا وماأبغى بداية نفاسي برمضان.......... فأتمنى اللي عندها أي معلومه لا تبخل بها عشان الكل يستفييييييييييييد.......​

 

[coffee]

يا عزيزتي متى رب العالمين كتب لبيبي يخرج للدنيا بيخرج لا تستعجلين على رزقك على العموم بعد دخول التاسع انصحك بالمشيييييييييييييييييييييييييييييييييييييييييييييييييييييييييي وشرب القرفه الغليه والمنقوعه دافئه واخذ حمام ساخن بالليل والرطب الرطب لا تنسين تاكلين رطب وتمر ترى ممتاز بس اختي توكلي على الله والي ربنا كاتبه بصير.وان شاء الله تقومين بالسلامه

 

[love4life]

لا تستعيلين اختي .. اسمعي مني .. أنا كنت مثلج وما خليت شي ما شربته ولا جماع الا وسويته بس ربج ما راد أولد الا 8 أيام بعد موعدي .. وكل اللي سويته مجرد تعبني عالفاضي ..

بيطلع البيبي باذن الله في الوقت اللي كتبه الله ولحكمة لا يعلمها الا هو سبحانه .. والأهم انج تدعين الله يهون الطلق ويسهل الولادة

والله يقومج بالسلامة حبوبة

 

[prnsesحلا]

حبيبتي كثري الجماع خلي زوجك يجيك كل يوم والله له مفعول قوووووووووووووي الله يهون عليك

 

[~ ناريز ~]

سبحان الله ماالله أراد
ياكثرهم اللي آخذو أشياء تساعدهم تدرين وش صار لهم انفتح عندهم الرحم الى 7 سم بس مافيه دفع من الطفل يعني مافي طلق
لان الله ماكتب له
وكلي أمرك لله عليك بكثرة الاستغفار بنيه تسهيل الولاده واقري الادعيه وآيات تسهيل الولاده وإكلي الرطب وآكثري المشي
هذي كلها باذن الله تسهل الولاده لكن لاتعجلها لان ربي كاتبها عنده
الله يسهل عليك يارب

 

[عيون حربية]

تسلموا حبيبتي عالمرور والرد... وأكيد البيبي ما بيجي إلا بوقته ... بس زي ماأنتوا عارفين أطول شهر هو التاسع ... وكل اللي قلتوه من مشي وأكل رطب وجماع سويته بس شكلي بأكمل التاسع كله :sad_1:.... بس بأكمل هذي الشغلات وإن شاء الله تفيد وأولد.. الله يسهل علي ولادتي وعلى الجميع إن شاء الله قولوا آمين.....​

 

[هند بنت عتبة]

حبيبتي كثري مشي

واكل التمر

والله يهون عليج يارب

 

[اجمل شعور]

عليج بالحلووووووووووووووول هذا دوا يمشي البطن وكانت اختي تشربه كل اسبوع والحمد الله , هذا يطلع كل الغازات بتستفيدين منه يوم بتربيييين بالسلامه , لان الغازات هيه إلي اسوي ويع .

 

[ام الفيصلي]

الله يسهل عليك عيوني وعلى كل حامل مدري وش اقولك ذكرتيني بالولاده !!!!
انا ولدت مالي من التاسع الايوم واحد والسبب الدرج كل يوم اروح الدوام وفتح الرحم بسرعه ولكن بدون طلق وجلست قبل الولاده اسبوعين منومه وكانويقولون مانبي نولدك توك مادخلتي التاسع واول يوم بالتاسع سبحان الله انفجر الكيس وظليت 3 ساعات بدون طلق بعدين جاني الطلق وولدت اختي لاتسوين شي عليك بالاستغفار

 

[أم عايشه 2009]

انه يووم ولاادتي ياابو لي مرقدووش وتمر وقالو لي ع الجماع وغير ان حطو لي طلق صناعي يوم كامل ولا

شي صار واليوم الثاني بعد حطو لي التحميله لكن ثالث يوم ولدت ع الي الله كاتبه ولاشي يفييد ترى

ادعي ربج انه يسهل واكثري الأستغفار ترى يفيد وانه لأني أول ولاده ليي واذا انتي

بعد اول ولااده بيتم واايد لأن مو بسرعه تنفتحيين للولاده في البجر

والله يسهل عليج انشاء الله وتفرحين فييه قريب

 

[هندية]

يا عزيزتي متى رب العالمين كتب لبيبي يخرج للدنيا بيخرج لا تستعجلين على رزقك على العموم بعد دخول التاسع انصحك بالمشيييييييييييييييييييييييييييييييييييييييييييييييييييييييييي وشرب القرفه الغليه والمنقوعه دافئه واخذ حمام ساخن بالليل والرطب الرطب لا تنسين تاكلين رطب وتمر ترى ممتاز بس اختي توكلي على الله والي ربنا كاتبه بصير.وان شاء الله تقومين بالسلامه

وزيدي عليه اكثري من الجماع

 

[أخصائية إدارة]

شوفي يا قلبي بديكي نظام تعمليه وربنا يسهل عليكي يا رب
اولا كل ليله جيبي كف مريم من عند العطار واغلي منه وحطي في تلاجة الشاي واشربيها لتر باليوم
فايدتها
تسهل الولاده وتفتح الرحم وتلينه بدون ماتعاني من الطلق الكثير
تانيا جيبي كل يوم زعفران ايراني اصلي وانقعي منه في لتر مويه لين يصفر المويه مره تصير مايل لونها على الاورنج وحطي معها موية ورد واشربيها بارده تجنن مره وتروي العطش
فايدتها تحمي الطلق وتسهل الولاده بإذن الله
بعد ماتمى 38 اسبوع بالضبط تكون الولاده امنه علىالطفل ويكون نموه ان شاء الله مكتمل وصحته ممتازه وممكن الولاده الامنه يعني الان نجي على الخطوه التالته
لمن تستعدي للولاده يا عيني وتكوني جاهزه خذي منالصيدليه زيت الخروع الى من انتاج وادي النحل عشانه مركز شويه واشربي نص اللقاروره بالضبط بعد خلطه مع عصير المنجا او البرتقال حركي الخليط واشربي بسرعه لان طعمه جدا سيئ
راح تتعبي ليلتها وبيجيكي اسهال مره وهو دا الى بيحمي لطلق ويجيب الولاده واحتمال 80 % تولدين
اذا ما ولدتي اعملي نفس الشي الليله التانيه وانا اوعدك انك بتولدين بالسلامه
تحياتي يا قمر

 

[جاكلين]

نفس حالتج اختي اليوم كلمت دكتورتي قالت امشي واشربي ملعقة واحده من زيت الخروع

ومادري كله على الله

 

[يتيمة]

نصيحة اختي ادعي الله دائما الخيرة في امرك فانت تريد وانا اريد والله يفعل ما يريد

 

[شئ اخر]

مافي شي يجي قبل وقته
واللي كاتبه ربي بيصير
انا في حملي والله لواقولك مافي شي ماشربته اوسويته ماراح تصدقين

هلكت عمري بالادويه والمشي واطوف التاسع بعشرين يوم

ووقت الولادة اتعب لان جسمي تشبع من الادويه المسهله اللي تهلكني

والمشي كسر عضامي وتعب عندي الحوض

نصيحه مني امشي في حدود المعقول ولاتتعبي نفسك

واهم شي انسي انك بالتاسع عشان ماتحسبين لنفسك

ولاتنسي اهم شي

انك ماراح تولدي الابالوقت اللي ربي كاتبه
والله يقومك بالسلامه

 

[فداك الجرح]

لاتستعيلين على رزقج

الله يسهل عليج

 

[فرحةالكادي]

اختي ماانصحك تفكرين التفكير هذا تتعبين نفسك وكل شيء بيومه


توكلي على ربك وماهو مهم تعجيل الولاده كثر تسهيلهااااا


انا انتظرت موعدها اللي قالولي لمستشفى ولدت بعده بااسبوووعين لان نفسيتي تعبت

الله يسهلك ياااااارب


طمنينااا عنك

 

[أم حميدة]

في اليوم الذي تخلصين أربعين اسبوع أو قبلها بيومين ، خذي ملعقة خروع مع عصير او ماء ، كل ست ساعات ,إذا إراد الله ممكن ترين بعد ست ساعات الأولى يبدأ الطلق ، مجرب

 

[عيون حربية]

الله يفرجها ويسهلها لي وللي بحالتي قولوا آمين.....

 

[مس رسم]

الله يسهل عليك اختي الحربية0000000000 وعليا كمان والله استفدت من سؤالك بخبرة اخواتي اللي بالمنتدى 00وانا كان يراودني نفس السؤال شكرا" لكل اللي ردو