كيف أحافظ على علاقتـي بـزوجـي ..؟؟

[KeeFe]

السـلام عليـكم ورحمـة اللــه وبركاتــه

شلـونكــم خـواتــي حبيبــاتـــي

لــكم وحشـــة

ودي استشيـركـــم بمـوضــــوع شـــاغل بــالــي ومضــايقنــــــــي

بـالبـدايــة انـا متزوجـه من سنتيـــن ونصــف

والحمـدللـــه سعيــدة بزواجـــي وأحب زوجــي ويحبنــــــــي

ربـــي رزقنـــــا بطفـــل عمـره الحيـــن 10 أشهــر اسم الله عليـــه

تغيــــر روتين حياتنـــا واخـذ كثيـــــــــــر من وقتــــي الخـــاص مـع نفسـي ومع زوجـــي

وزاد الوضــع ســـوء حملــــي الثـانـــي الغير متوقـــع

استغفر اللــه العظيـــم ما كنت ارغـب في الحمل في هذا الوقت المبكر

لكـــن هــذا اللي صــــار .. أحمـــد ربــي وأشكره على كــل حـــال

المشكلــــة نفسيـــة الحمل والثقــل مع اهتمــامي بطفلـــي وبيتــــي

خلتنـــي في حــالـــة ضغــط نفســي وجسـدي مستمر

ماعنـــدي وقــــت لنفســـــي يجـي الليــــل وأنــا للحيـن افتر من مكـان لمكــان

ما اصدق ينــــام ولــــــدي عشـان أبــدأ شغـل البيـــت

غسيـل .. كــوي .. تنظيـــف

لأنــه إذا كــان صـــاحــي مايخلينــي اســوي شـــي بــس أقـــابلــــه

مــاخــذ وقتــــي كلـــه خــلال النهـــار

بالغصــب أخلــص شي بسيـــــــــــط من شغلــــي

والمشكلــه ان زوجــي يرجــع البيـــــت وأنـــا باقــي في حـوستــي وعفستــــي

وبعـد ما أخلــص اخـذ شور عالسريـــع وأجلـس مـع وأنــا تعبــــــــــــــــــــــــــانــه

نجلــس سـاعة سـاعتيـــن حــلويــــــــــــن

بيـن جـــد ومــــــزح .. عشـاء خفيـــف .. مـداعبـــات خفيــفــــه

وينتهـــي يومـــي على هـذا الحـــــــال

لكـــن زوجــي بـدأ يتمــلل ويطـالب بحقـــة الشــرعـــي

اعـرف ان هـــذا حقـــه وحـاجتـــه وحـاجتــي أنــا بعــد

تنـاقشنـا فـي هالموضـع أكثـر مـن مــره

كنــت اجهـز لــه ليـالـي خـاصـــه لكـني أكـون تعبـانه

وهــو يلاحظ هــذا شـــــــي ويقـول ماتعطينـي من قلبــــك

يلــومنــــــي دايـــــــــــــــم .. وهالشــي يزعلنــــي حيـــل

وضحـت لــه وبررت لــــه ,, يقـول انــه مقـدر التعـي والجهــد اللي أبذلـــه

لكـن ما يعنـي انـــه يتــنـازل من حقــــه

بصـراحــة طالبتـــه بشغــــالـــه تشيـل شغـل البــت عنــــي

رفــض .. رفــض تــــــــــــــــــام

قــال ما جبتهــا لامـي عشــان اجيبهـــا لك

لان امــه ماعندهـــا بنــــات .. كل خلفتهـــا أولاد وشايلـــه شغل البيت كلـــه

انـا عارفــه ان مستحي من امـــه لان اكبر عيالهــــا

المهـــم قبـل فتره استلفــت شغــالــه اختـــــي يوميـــن

وفي هاليومين تفرغت لنفسي ولزوجي

وهــو لاحظ هالفرق حتى نفسيتــي ارتــاحت

والحمــدللـــه غير رايـــه بموضـوع الشغـــالـــه

وصـار هو يدور عليهــا ويبيهــا قبل ولادتــــي

لكــن على مـاتوصــل الشغــالـــه شســوي ..؟؟

شالحـــل ..؟؟

شلــون اقضـي وقــت حلـــو مـع زوجــي وانــا مستعـدة ومرتــاحــه

شلـون مـا أتعـــب مــع شغـل البيــت وتربيــه طفلــي وحملـــــي الثقيـــل

تعبـــت .. تعــبت من لووومــه من تقصيـــري فـي حقـــه

شســوي..؟؟

بليـــــــــــــــــز جاوبونــــي ..

ســـــــــوري طولــت عليــكم ..

لكـن حبيــت افضفض عن اللي فـي خـاطــــــــري

 

[آنهيآر]

/

روحي آقرب مكتبه ومثل ماتدوري حل لزوجك
دوري حل بعد لطفلك اذا كان عنيد وياكثر مايصيح ومتعبك
فيه في المكتبات كتب مرررره رهيبه عباره عن نصائح تستخدميها
تفيد طفلك وتفيدك بحيث تعطيك وقت وتقلل من الجهد اللي انتي فيه
عزيزتي ... حاولي اذا كان زوجك موموجود ترتبي امورك بهالوقت
واذا صار موجود تتفرغي له وطفلك ربي يساعدك عليه مهما كان طفل
وماعنده الا انتي ( آم ) تحملي يالغلا ويارب توصل شغالتك وتسسساعدكـ وتشيل عنكـ ..!​

 

[احاسيس المشاعر]

أنصحك تخلصين شغلك الصباح أو الظهر_أصحي قبل ولدك_وخلصي أشغالك_وسوي لك جدول لاتراكمين الشغل ع بعضه_لأنك ماراح تخلصين_وماراح تستفيدين من ترتيبك لأنه راح يكون عشوائي_مثلا"السبت_غسيل ملابس.
الاحد_كوي الملابس.
الإثنين_تنضيف المجالس وغلقها مو كل البيت مفتوح قفلي الغرف اللي ماتحتاجيها.
الثلاثاء_والأربعاء_نفض البيت نفض _يعني ترتيب عميق_
الخميس_ليله رومانسيه حالمه_بزياده عن باقي الليالي.
الجمعه_راحه.
لماتشتغلين إشتغلي بخفه_وبسرعه_وعادي إذا أشتغلتي ولدك صاحي حطيه في المشايه وخليه يدور معاك في البيت_عطيه في يده لعبه_وإذا بكى عادي طالما شبعان ونظيف_

 

[Bentadam]

السلام عليكم ورحمة الله وبركاته

الله يهدي ابنك ويعينك ويسخرك لزوجك وابنك ويحفظكم جميعا ويكمل حملك على خير آمين

صراحة ما تنفع كتب او دراسات نفسية مع بعض الحالات, انا ايضا اعاني من نفس المشكل مع الفرق "ان ابنتي عمرها الان سنة و 3اشهر و زوجي ماصارحني الا مرة ويومها بالغلط انا ارتبكت وتعصبت .... ومن يومها توقف عن المصارحة و لو طلبت منه ملاحظة ما يصرح وانا اعرف نفسي جد مقصرة و السبب الوقت لا يرحم مع اني لا اعمل ...

ممكن اقول لك الحل الذي نجح معي في بعض الاوقات :
اولا القيام بالعمل في المطبخ بمرافقة ابنك يعني تحاولين ان تكوني داخل مجاله البصري و بعيد عن الموقد او البراد او ... او اي خطر اخر. انا كنت اضع لابنتي بعض العابها لتلعب في القرب من باب المطبخ و تتبعني بنظرها و احاول اسراع تحضير ما كنت خططته واخترته سهلا و مغذيا...والوصفات الثقيلة خليها عطلة اخر الاسبوع او برمجيها و حضير اكثر من طبق و جمدي ... كما يمكنك تجميد خضر مقطعة و بقوليات مصلوقة

التنضيف في وقت القيلولة مع انه صعب..يعني المجبورة عليه وليس كل التنظيف الازم,,,برمجي بعضه في عطلة نهاية الاسبوع... ليساعدك هو او على الاقل يهتم او يلاعب ابنه...

 

[شموخ ذآتي]

هلا قلبي

نضمي وقتك..

وحاولي تغيري طبع طفلك...

 

[كل الغــــلا]

اصحي بدري ورتبي بيتك واطبخي وكل شي جاهز واذا عندك غسيل قدمي اصحي قبل بووقت

ومايجي زوجك الا كل شي اووكي وبعد الغدا نومي طفلك وخصصي الوقت لزوجك وانتي

رتبي حياتك وتتصلح امورك

..

بالتووفيق​

 

[الفجر القادم@]

ربي يساعدك

استعيني بالله

ونظمي وقتك ولاتسوي الشغل في يوم واحد

ولاتخلي ولدك يحوس

اجلسي انتي وهو في غرفة واعطيه العاب ماتئذيه
والعبي معاه واعطيه اهتمام واحضان حتى لو كنتي تعبانة
ووزعي الشغل يوم غسيل
يوم كوي
الحمامات مثلا غسلي حمامكم اللي تستخدموه يوميا
والباقي كل كم يوم غسلي واحد
المواعين اول باول
وجيبي غسالة تماتيك اذا تقدري
وان شاء الله تخفالاعباء عنك ولاتنسي التغذية السليمة لك ولطفلك
واذا كان مقتنع في الشغالة
ومستحي من امه ممكن يجيب لها اذا امكانيته تقدر او يتعاون مع اخوانه ويجيبوا لها

 

[KeeFe]

يا حباااااااااايب قلبي

فديتكم والله

قريت ردودكم قبل كم يوم بس ما فضيت ارد

حاولت انظم وقتي مثل ما قلتوا واصحى قبل ولدي

وفعلا خف الشغل عني

الحمدلله

بــس بعض الايام اكسل وارجـع انـام

ان شاءالله انتظم أنــا بالجدول الجديــــــد

واللـــــه يعيــنــــا ويــاكـــم

ويجـــزاكــــــــــــــــــم كــل الخيـــــــر

 

[عشقي عيووونه]

نضمي وقتك وسوي جدول على حسب نوووم طفلك للاستعدااد لترتيب المنزل وتفضين لزووجك ؛؛؛؛؛؛؛