كيف أتعايش مع زوجي وهو بهذه الصفات القاتلة

[الخط الفاصل]

السلام عليكم ورحمة الله وبركاته

أخواتي الغاليات أسعد الله أوقاتكم بالخير..

أتمنى تنصحوني وتوجهوني فأنا كل يوم أندمر أكثر من اللي قبله..

أنا مطلقة وعندي بنية.. ومتزوجة مطلق عنده عيال..

أنا موظفة طبعا زوجي موظف ومايصرف علي إلا فتات الفتات وراتبه لعياله ..

كانت بالنسبة لي هذه مشكلة !!!

لكني مع العشرة مع زوجي اكتشفت المشكلة الحقيقية

وهي

زوجي للأسف الشديد حسود طماع لحد الجشع وما يملي عينه شي..

عشان تفهومني

يحسدني إذا اشتريت شي لنفسي وللبيت

يحسد بنتي إذا اشتريت لها شي

يتمنى كل شي يشوفه عندي وكل فلوسي تكون لعياله...وأخواته..

يعني محرومة مايصرف علي..وكنت أعتبرها مشكلة

لكني محرومة أمتع نفسي وبنتي بفلوسي

صراحة تمشكل معي مشكلة كبيرة منبعها الحسد ..

من بعدها انكسر خاطري منه ولا أعتقد بيوم يرجع له قلبي

لكني مشيت الموضوع وهديت الوضع..ماودي بالطلاق..

كيف أسد عينه عني وعن راتبي؟؟

وش الأسلوب المناسب اللي مايسبب مشاكل؟؟

كيف أوصل له ربي موزع الأرزاق والناس طبقات واللي يطالع فوق رقبته تنكسر؟؟
مع العلم هو جنوبي وأنا شمالية.
أنتظركم الله لا يحرمني منكم.

 

[فراولا]

وعليكم السلام ورحمة الله وبركاته

مرحبا اختي .......حاولي شوي شو ي تقوليله عن القناعه ......

وقوليله القناعه كنز لا يفني .........يوم على بني آدم بني آدم ما يشبع مول ودائما نتمنى الأفضل حتى لو كنا بخير ونعمه

هاي طبيعة الإنسان

 

[ابي اوصل فوق]

لايدري وش اتسوين في فلوسك سوا اشتريتي شي لك والا لبنتك لايدري وقولي له ترا لو تموت كل ها الخير الي تحت يدك بيروح لي ولبنتي ولعيالك فا تمتع ومتعنى

 

[شيهانة نجدية]

يغنيك ويصرف عيونة عن راتبك

 

[hadifa]

لاتعوديه تعطيه من راتبك وقفيه عند حده بأدب وش هذا الزوج اهمال حقوق الزوجة وطماع في راتبها كمان

اصرفي على نفسك وبنتك وارفعي رأسك هذا راتبك ماله حق فيه ​

 

[استغفرالله@]

تعوذي من نفسه وحصني نفسك وبنتك والعين حق وربي يهديه

 

[نقااء الثلج]

الله يهديه انتي لا تقصري على بنتك بشي ابد وهو لا تخليه يتحكم براااتبك هذا تعبك ومن حقك تشتري لك ولبنتك وهو طنشيه

 

[لحن المفآرق]

اختي ماقول غير الله يصبرك ويفرج همك ..
دام هذا الطبع فيه ما راح يتغير لانه انسان ماادي

بس انت لا تعطيه على جوه ..
وانغزيه بالكلام كل فتره وفتره
قوليله والله راتبي ما عاد يكفيني مصروف لي ولبنتي .. والواحد وش بسوي .
بعد فتره تسلفي منه قوليله محتاجه فلوس ابي مقاااضي للبيت بيقول وين راتبك وين فلوسك قوليله وش يكفي لما يكفي الراتب .. وانت رجال البيت المفروض انك ما تتكل على حرمه .. .. يعني لا تبينله انك مكتفيه براتبك وانه يزيد عليكي
يعني من هالكلام .. عشان يحس شوي على روحه ..

تقبلي مروري( اختك: لحن المفارق)

 

[حزن اليال]

الله يعينك كله الا الحسد

 

[مدري ليش]

يقهرون الرجال اذا شاف ريال بيد زوجته قال إيه عندها خير

 

[^_^الشامخه^_^]

المفروض يصرف عليك مويحسدك على راتبك فلاحول ولاقوة الا بالله

 

[ردية الحظ]

الله يعينك على الرجال كل هذا حسد لاتعطينية من رتبك علشان مايتعود عليك

 

[زوجة شاهين]

ان شاء الله يتعدل ويصلح الله باله خوذيه باللين ... والكلام الطيب

 

[حياة حقيقية]

والله شي جديد زوج يحسد زوجته يمكن فهمتيه غلط او لانك قلبك انصرف عنه صرتي تشوفي فيه كل الصفات السيئة مثل مايقولون حب وقول وكره وقول اتمنى ان تعيدي تقيميك لعلاقتكما وحاولي إصلاح ماترينه يحتاج الى محاولة قبل ان يتغلب عليكي الشيطان وتطلبين الطلاق لاسمح الله وللمعلوميه من القلب للقلب مرسال زوجك فهم انك غير معجبة فيه فااظهر كل الصفات السيئة اللي داخله حاولي ان لاتكون الحسد مشكلتك اما المطالبة بحقوقك المادية يحتاج الى وضع أسس للإنفاق عليكي والله يفرج همك ويسخر زوجك لك

 

[احساس صعب]

أختي الفاضلة عليك بالدعاء إلى الله أن يصلح زوجك وأن يجعله عوناً لك على طاعة الله
ثم أختي أرى كثير من النساء الموظفات تعطي زوجها لتكسب رضاه من أول الزواج وماعلمت أنها لربما جرت على نفسها مشاكل هي في غنى عنها وان كان مصر على الأخذ فتعطيه قدر ما ينقص من حقوقه مقابل عملها فقط وأنا اجزم أنه لا يتعدى بالكثير ألفين لكن الطمع يغوي ابن آدم والرجل يرا امرأته العاملة صرافة تمشي امامه انتي افهميه بطريقة مباشرة أو غير مباشرة أن مالك ملكاً لك لا يحق له أن يأخذ منه إلا بطيب خاطر واذكري مثلاً قصة خديجة رضي الله عنها مع رسول الله صلى الله عليه وسلم وقد كانت من أغنى نساء زمانها ولكن النبي صلى الله عليه وسلم لم يستولي على أموالها ولم يتزوجها في الأساس لمالها و إنما لرجاحة عقلها وحسن عشرتها رضي الله عنها بل عمد اللهم صلي وسلم عليه إلى تنمية اموالها ومساعدتها في تجارتها
والتي تقول كيف بزوج ان يحسد زوجته قد يحصل ذلك وقد يحسد الإنسان نفسه او ولده لكن استعيني بالله وتصرفي بعقلانية وأبدي له أنك تحبينه وتحترمينه مهما وصلتي إليه من منصب أو كان معك من أموال فالاحترام يقلل من نظرته إليك
أسأل الله أن يهديه ويسخره لك ​

 

[n7jla]

الله يقهرررررررررررررررررررررره ياشيخه قهرني انا

 

[الصمت البري]

الله يعينج

لاتحطين درهم واحد فالبيت واذا طلب فلوس منج لاترضين

حتى لو دين وطالبي في حقوقج قدر المستطاع لكن باسلوب

حلوووووو ياحلوووووو

وحصني عمرج وبنتج

والله يحفظكن​

 

[عطر الكون @]

الله يعينك ويفرج همك شكلك عودتيه من البدايه تعطينه
مالك مني الا الدعاء
اسأل الله ان يفرج همك ويحقق لك ماتتمنين ويسخر لك زوجك كما سخر الريح لسليمان والبحر لموسى
آآآآآآآآآآآآمييييييين​

 

[رازيا]

انا زوجي دايما يقولي
الرجل اذا شاف فلوس بيد زوجته يمرض ههههههه
اسمعي كلام احساس صعب

 

[د.فتو]

وش حدك على الزواج يااختي مادمتي موظفه كان يوم تطلقتي اول تركتي فكره الزواج وعشتي انتي وبنتك احسن عيشه الرجال ماوراهم الاالغثاءانصحك نصيحه لو تطلقتي من ذا الحسود لاتتزوجي ابدا وعيشي حياتك بالطول والعرض واذا امك وابوك عايشين بريهم وهما احق بفلوسك من زوجك هذا يارب وش فيها الدنيا خليت من الرجال وين النخوه والشهامه المفروض اي واحد يتزوج وعارف ان حرمته موظفه يسالها بالمعروف وبطيب نفس من فلوسها عطته ولاما تعطيه كيفها