كيف أتصرف مع زوجي العنيد؟ أرجو المساعدة

ذ

ذبلت ورودي

New member
إنضم
2007/08/08
المشاركات
92
أخواتي الحبيبات

السلام عليكم ورحمة الله وبركاته..

مشكلتي بإختصار هي أن زوجي عنيد جدا..
هو انسان طيب القلب ويحبني أعرف ذلك.. لكنه في الفترة الأخيرة بدأ يتغير..
ابتعد عني كثيرا بعد ولادتي بطفلتي الأولى قبل 8 أشهر.. بعد ما رجعت البيت صار ينام في غرفة منفصلة بحجة أن عنده دوام ولازم ينام زين.. حاولت أعترض لكن ما قدرت لأنه جاراني وحاول ينام معنا بالغرفة لكن بنتي كانت كل شوي تصحى من النوم.. تعرفون كيف الأطفال..

بقينا على هالحال 7 شهور وأنا مو عارفة أرجعة لغرفتي.. لا بالكلام ولا بالنقاش ولا بالزعل ولا بالإغراء.. ولا شي نفع (قمة في العناد والتمسك بالرأي).. لكن في عيد الفطر سافرنا واضطر أنه يتعود على النوم معنا أنا وبينتي في الأوتيل (تخيلوا يآخذ غرفتين بعد! هههه) شر البيلة ما يضحك

عموما.. من بعدها رجع لغرفتي.. لكن يا أخواتي البعد جفا.. تولدت الكثير من المشاكل بيننا وكل مالها تكبر وتزيد.. وأنا مو قادرة أتحمل أكثر..

كبرت المشاكل لأني أحسه تغير كثير وكأنه انسان ثاني.. صار عصبي وينرفز بسرعة.. حصل نقاش قبل أسبوعين.. وعصب وعلَى صوته وخبط يده في الباب بقوة.. بعدين سكر الباب في وجهي.. هذا فعلا انسان ما اعرفه..

طبعا زعلت وضليت اسبوع ما أكلمه وهو ولا كأن شي صاير.. بالأخير أنا بديت الكلام (كالعادة) وتناقشنا بحدة وجرحني بكلامه.. لدرجة أني بالأخير انهرت وضعفت وحسيت أني مستحيل أقدر أتحمل وأستمر مع هالانسان.. وطلبت الانفصال..

زعل وتضايق مرة.. لكن تخيلوا عناده لأي درجة.. جاني بعدها بوقت (في نفس اليوم) وحضني بقوة كأنه يعاتبني على طلبي وكأنه يقول لي كيف هنت عليك.. ترجاني أننا نطلع من البيت لأنه متضايق مرة وأصر أني أطلع معاه.. في السيارة مسك يدي وباسها وطلب مني نرجع مثل زمان.. وأخذني مطعم.. قال لي يمكن نحتاج بريك.. وعلشان ترتاحي انا مستعد اقعد بالبيت وانتي سافري أي مكان تبين وغيري جو.. ولو بنتي أكبر شوي كان خليتها عندي علشان تنبسطي بسفرك..!!! وممكن تصيري كل فترة تسافري وترجعي لي فريش...

ثاني يوم أخذ موعد عند أحد المشايخ.. ورحنا يقرأ علينا الشيخ.. لما سأل وش فينا.. قال له " احنا نبي بعض ومتمسكين ببعض بس كثرت مشاكلنا"..!!

هل معقول أنه لما يسوي كل اللي سواه أسهل عنده من أنه ببساطة يعتذر....!!

مع العلم أني قلت له بالضبط أنا ليش زعلانة وأنه المفروض يعتذر لكن لما نتكلم يبدأ يبرر ليش هو عصب وووو الين ما يضيع الموضوع بدون ما يقول كلمة آسف..

معقول يوصل العناد لهالدرجة؟؟ أو أن كرامته ما تسمح له...

أنا ظاهريا صرت عادي معاه هاليومين.. لكني بداخلي مو قادرة أنسى وأسامحه.. ما أعرف وش أسوي..
 
حبيبتنا نورا
حبوبه سأليني عن عناد الرجال انا و زوجي دخلنا الشهر الرابع وما يكلمني ومقاطعني ومو هاينه عليه نفسه ان يبدي الاسف ودخلنا الحين بالعناد
المهم حبوبه انتي في بادره حلوه بزوجك وهي انه بعد فتره مسك يدك وطلب منك ان تريحين صج مايعرف يعبر بالكلام بس هذا الموجود
حبوبه والله زوجك شاريك بس طولي بالك ووسعي صدرك
ونصيحه لاتخلين زعلكم يطول والله البعد يقسي القلب ويولد الجفا
الله يهنيكم ويسعدكم يارب
 
حبيبتي ..

لا تخلي العناد يدخل بينكم خاصة اذا طبيعة زوجك عنيد ..
لا تخسريه ..
و ترى مو مهم يقول كلمة آسف اهم شي انه اعتذر لك بافعاله و حاول يرضيكي و الاهم انه ما يكررها

شوفي ايش طبيعة زوجك و عامليه على اساسها

و ترى بنتك كبرت و ممكن تطلعيها من الغرفة خلاص .. واذا بكيت اطلعي من الغرفة و لمن تهدا ارجعي ثاني اذا كان عنده دوام من بدري

و بالنسبة للسفر ليه ما تقترحي عليه تسافرون سوى و تتركين البنت عند اهلك


و الله يصلحكم و يسخركم لبعض
 
عزيزتي استهدئي بالله وخلي ابليس بعيد عنك


ترى الامور هاذي عادية وباين ان زوجك ايجبك
وموبس ايحبك بعد ما يقدر على زعلك

والواضع انة يبي رضاك بس انتي اعرفي مفاتيح زوجك وحاولي

تتقربين منها وبتعرفينة عدل وزين ما زين

واضح انك ببداية حياتك الزوجية وعلشان كذا حسيت انة حياتك

مضطربة

لا عليك اختاة .... فقط حاولي تهدئة نفسك بالتقرب لله وبقراءة القران
 
شكرا لكم أخواتي الحبيبات..

أعرف أنه يحبني.. بس تصرفاته غريبة..

وش أسوي علشان تخ المشاكل وما تزيد.. أنا بعد أنقهر وأنجرح منه.. هل الحل أني أعديها له كل مرة وأتنازل حتى عن أنه يعتذر لي ويعترف أنه غلطان؟؟
إذا سويت كذا بيتعود مع الوقت وبيجي يوم ما اعاد يهتم أبدا..

بنفس الوقت لو عاندت أكيد ما راح أقدر أغلبه.. لأنه عنيييييييد جدا بدون ما يحس على نفسه.. وما يعترف أنه عنيد..!
 
حبيبتي صعب على الرجال الاعتذار وكفايه انه حضنك وطلعك من البيت هذا تعبير عن اعتذاره لاتكون حساسه زياده عن اللازوم لسه انت في بداية حياتك والله يكون زوجي معصب مايخلي كلمه مايقوله وانت ساكته بس يطلع ويرجع ويكلمني ويضحك اعتبره اعتذار ولو الصبر ماحد عاش بس يكون الرجال طيب وحنون ويحبك تتحمل الوحده عصبيته ماحد كامل
 
اختي الغاليه كل ارجال بعد الزوجه ما تولد يتغيروا ويتتبدل طباعهم يمكن غيره من الطفل يمكن يحس انه في احد اخذمحله كل رجال له تفكيره
لكن لازم تصبري وتحاول تخففي من حدت المشكلا يعني حاولي لا تكبريها وسايريه عل انه طفل والله انه رح يرجع مثل اول واحس انا عانتيت قبل الولده وبعدها لكن باسلوبي طولت بالي رجعنا مثل اول
ولا تبعدي عنه ابدا لانه هومحتاج لك مو محتاج لبعدك
وحاولي ان بنتك لا تنام في النهار كثير عشان في الليل تنام زين
ولا تطلبي من الكثير شوي شوي وكل شي صير مثل ما تبي
 
انا اقولك شي زوجك اعتذرلك من دون ماتحسين اعتذر لما ضمك واعتذرلما باس ايدك واعتذر لما خرجتوا للمطعم واعتذر لما قالك روحي سافري
يعني احمدي ربك غيره والله مايسوي هالشي لا اعتذار ولا اي شي من هذا وانتي اكسبيه اكثر بعد هالمشكله
 
جددي حياتك الروتينيه واخلقي حياه بافكار جديده
 
والله نفس عناد زوجي

نفس عناد زوجي بس زوجي عناده أفظع من كذه .. ممكن يمر شهرين وهو مايكلمني مع انه هو الغلطان ..

ان شاء الله الاستشاريات يساعدونا .

وفقك الله
 
غاليتي

او بعد الذي حصل تنتظرين كلمة اسف ؟

عند الرجل الاعتذار له لغة اخرى

العناد صفه ذكوريه معروفه

الشاطره من تعرف كيف تلين الحديد

غاليتي

زوجج شاري


24.gif


هناك طرق كثيره ممكن تتعاملين معاه فيها بدون ما يوصل الى الطلاق

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل