بادئ الموضوع تاريخ البدء
  • المشاهدات 1,191
  • الردود 12
إنضم
17 يونيو 2008
المشاركات
9
مستوى التفاعل
0
النقاط
0
السلام عليكم يأخواتي ....

أنا عندي مشكلة ودي حد يساعدني فيها ... طبعا المشكلة مع زوجي.... أول فترات من زواجنا كانت الأروع والحين مادري شو صار معاه أحس بدأ يتغير ... ونحن صار لنا من عرسنا تقربيا خمس شهور ... أول شيء أحس إني ماقدر أستحمل إنتقادات زوجي في كل شيء مثلا يقولي شوفي الغرفة كيف صايره ودي يكون في الغرفة كذا وكذا .. وأنا والله ماحس عمري قصرت في شيء كل يوم أسوي شيء والمشكلة إني مش في بيت بروحي أنا عايشة في بيت أهل زوجي يعني شو عندي غير الغرفة و ماقدر أطلع مكان إلا معاه وهو طول الأسبوع فالدوام إذا كنت أريد أفاجأه في شيء بعد مايرد من الدوام .... حتى الطبخ ماقدر أطبخه عندهم مطبخ في الطابق الثاني بس مايحبون حد يطبخ فيه وماعندي غير المطبخ اللي خارج البيت وهذا فيه طباخ وبشاكير ودريوليه يعني وين أروح أطبخ وياهم... ومع ذلك مايقدر موقفي لا يقعد يقارني بين فلانه وفلانه يقولي يحافظ ع الحريم اللي يطبخن حق ريايلهم ويوم أزعل يقولي أنا ماقصدج في الكلام بس قاعد أقولج .... وهاي مشكلتي أن من يقولي زوجي شيء على طول أزعل وأبوز ( أمد البراطم ) وساعات يعني في أشياء تصير المفروض ماأزعل عليها بس مادري أحس خلاص روتين من يقولي شيء ريلي أزعل ع طول وأحس زوجي بدأ يتذمر من تصرفاتي وكل مره أحاول اسمع كلامه ولو إنه جارح يس ماأقدر يا إني أرد عليه ولا أزعل ... والله تكفون ما أعرف شو الحل أباكم تساعدون وتوقفون معاي .....
 
إنضم
17 يونيو 2008
المشاركات
9
مستوى التفاعل
0
النقاط
0
بغيــــــــــــــــت الفزعة وحد فزعلــــــــــــــــــــــــي

وينكم يا أخوات....
 
إنضم
17 يونيو 2008
المشاركات
9
مستوى التفاعل
0
النقاط
0
بغيـــــــــــــــــــت الفزعة وما حد فزعلــــــــــــــــــــــــــــتي
 

حور1402

New member
إنضم
10 يناير 2008
المشاركات
81
مستوى التفاعل
0
النقاط
0
حبيبتي مشكلتك هينه الله يسعدكم ويخليكم لبعض يبغالك شوي من التغيير
-حافظي على مظهرك واناقتك طول الوقت ونظافتك
-احمدي ربك ماعندك غير تهتمين بغرفه وحده خليها تلق من النظافه والعطور وغيري الشراشف كل يومين افرزي ملابسك وملا بسه اذا راح الدوام حطي القصير مع بعض والطويل مع بعض وادخلي مواضيع البنات في عالم حوا حقت ترتيب المنزل فيها افكار روعه مع تعطير الملابس وترتيبها اول باول وكل فتره افرزي والي ماتحتاجينه تصدقي فيه
-ضعي لمساتك في كل صغيره وكبيره تخص زوجك
-اذا انتقد اي شي صغير او كبير قولي ابشر حبيبي من عيوني اسوي الي تبغى حتى لو تبغاني انظف البيت كله من عيوني اسوي الي تبغى
-استغلي المطبخ الي فوق ولاتستاذني من احد هذا من حقك جيبي شوي اغراض وحطيها فيه وتفنني لزوجك خاصة في وجبة العشا ولا تنسي تذوقي الجميع عادي اغلطي مره مرتين ماهي مشكله خليك دايما روحك رياضه وخلي في غرفتك شاي اوقهوه مع حلا وخليلها مكان وشوفي ايش يحب واحضريه له
-دربي نفسك على المرح والقوة والغموض وذلك بمنتهى النعومه والانوثه خليك مميزه في كل شي وهذا يبغى له تعب وتعويد لا تجلسي حاطه يدك على خدك وتقولي ايش اسوي
-ابحثي حول لكل ما يعترض سعادتك وثقفي نفسك ماعاد فيه احد جاهل هاليومين
-اكسبي الجميع من حولك بالكلام الحلو والمعامله الحسنه حتى لو ماهم محتاجينك عندهم من يخدمهممثلا: قربي لكل واحد صحنه احضري لحماتك المويه بنفسك سوي الشاي والحلا وسولفي معاهم وهكذا
-زوجك خليك الحبيب القريب البعيد شوفي شخصيته وتفنني له في كل شي عندك غرفتك هي مملكتك خليه كل يوم يتشوق ايش انت مفاجأته فيه هبلي به :in_love::in_love:
-اهم شي الاستمرار وعدم الياس موتسويها يوم وتسيبيها عشره ونجلس نقول زوجي وزوجي:icon1366:
-ولا اوصيك بالدعا والصلاه والله يوفقك وطمنيني:icon26:
 

جروح الزمن

New member
إنضم
16 يونيو 2008
المشاركات
104
مستوى التفاعل
0
النقاط
0
حبيبتي الزوج مايحب المرئه اللي كله تزعل بعدين يمل ويصير ازعلك بنسبه له شي عادي وارجال مايصدقون عن الله يشوفون في المرءه عيب عشان يدورون البديل
 
إنضم
21 يونيو 2008
المشاركات
21
مستوى التفاعل
0
النقاط
0
الرجل مايحب الزوجه النكديه يبى يرتاح غيرى من معاملتك قبل لا تخسرينوا ولافات الفوت ما ينفع القول
 
إنضم
18 يناير 2007
المشاركات
1,591
مستوى التفاعل
0
النقاط
0
الإقامة
اماراتيه في امريكا
الغاليه
خذيها ببرود
يوم بيقولج احب الحرمه اللي تكبخ
قوليله من عيوني... اطبخ لك الي في خاطرك يوم بنكون في بيتنا
احرجيه
وخليه يفهم انه هالبيت مب بيتج عشان تتصرفين عكيفج
ونفس الشي الحجره
 

الجذابه

New member
إنضم
7 ديسمبر 2007
المشاركات
565
مستوى التفاعل
0
النقاط
0
ليش يقولك شوفي الغرفه كيف صايره يعني يبيك تغيرين في اثاثها ولا وش؟؟

ولا موب مرتبه ونظيفه ولا وش؟؟

يمكن هو زهقان يبي يطلع في بيت بروحه!!!!!!ويبيها تجي منك..

انتي ادرى بظروفه..وانتي ادرى باللي يضايقه..

شكله يبي عالم خاص فيه..يبيك تكونين الكل بالكل..

تطبخين له تلبسين له تتدلعين معاه مو يجي ويلاقيك نفس الشي تنتظرينه وطبعا ماتقدرين تدلعين وتتعرين بلبسك دام البيت موب بيتك؟؟

تكلمي معاه بصراحه وش يبي منك مثل ماهو يبين لك اللي مضايقه قولي وش اللي تبي توصل له تبينا ناخذ راحتنا بعلاقتنا..؟؟ قولي هالامر بيدك..

تبي اطبخ لك براحتي.. الامر بيدك..

تبي البس براحتي ونتصرف براحتنا ونسوي اللي في بالنا..الامر بيدك..

طبعا هالامور كلها تحتاج بيت مستقل..

وقبل هذا كله انتي ادري بزوجك.. يعني لاتفكرين تجيبين له طاري اذا هو مرتاح بوجودك في بيت اهله.. بس مجرد مضايقات بسيطه..

وانتي بعد حددي رغبتك ووضحي له وش تبين..اذا تبين بيت لحالك قدمي اسبابك واقنعيه وبيني تأثير هالموضوع فيك وفيه..

واذا مشكلتك مالها علاقه بالبيت ارجوا انك تفهمينه بذكأء وتقربي منه وان شاء الله ربي يسخر لك الحل..

ولاتقعدين كل شوي تمدين براطمك على قولتك بدون ماتفهمينه اكيد انه مايعلق عبث واكيد قصده شي..

يبي يوصله لك..

ياانك مو عاجبته بمظهرك وحاولي تهتمين زياده ياانك مو عاجبته بشخصيته وحاولي تتعاملين معه ببساطتك وبحب

ياانه مالك دخل بالسالفه بس متضايق بوضعه بالبيت وهنا الحل بيده بس يبيك تساعدينه..

وغير كذا الله اعلم..

اختي معليش يمكن اكون قاسيه معك بس والله اتمنى لك الافضل والله يسعدك بحياتك ويسمعنا عنك اخبار حلوه..


بالتوفيق..
 
إنضم
1 أبريل 2008
المشاركات
56
مستوى التفاعل
0
النقاط
0
حبيبتي أول الزواج كلنا جذي نزعل بسرعة وعلى أي شي ، لا تخافين مع الأيام كل واحد يفهم الثاني ويخف الزعل إن شاء الله ,,,,,,,,,,, موفقة يا عسسسسل ,,,,,,,,,,,,
 

وصيت قلبي~~

New member
إنضم
12 مايو 2008
المشاركات
350
مستوى التفاعل
1
النقاط
0
حبيبتي الزوج مايحب المرئه اللي كله تزعل بعدين يمل ويصير ازعلك بنسبه له شي عادي وارجال مايصدقون عن الله يشوفون في المرءه عيب عشان يدورون البديل
لاتنسي هذه الكلمات
وفقك الله اختى
 
إنضم
17 يونيو 2008
المشاركات
9
مستوى التفاعل
0
النقاط
0
أشكر كل من رد ع موضوعي ويعطيكم العافية... والسموحه لأني مارديت عليكم من قبل صارلي كم ظرف بس الحمد الله رجعت ويوم شفت ردودكم ارتحت وفرحت حسيت إنه في حد فاهمني وقدرت أقول حق حد وساعدني...

مشكورين
 
إنضم
17 يونيو 2008
المشاركات
9
مستوى التفاعل
0
النقاط
0
السلام عليكم يأخواتي ....

أنا عندي مشكلة ودي حد يساعدني فيها ... طبعا المشكلة مع زوجي.... أول فترات من زواجنا كانت الأروع والحين مادري شو صار معاه أحس بدأ يتغير ... ونحن صار لنا من عرسنا تقربيا خمس شهور ... أول شيء أحس إني ماقدر أستحمل إنتقادات زوجي في كل شيء مثلا يقولي شوفي الغرفة كيف صايره ودي يكون في الغرفة كذا وكذا .. وأنا والله ماحس عمري قصرت في شيء كل يوم أسوي شيء والمشكلة إني مش في بيت بروحي أنا عايشة في بيت أهل زوجي يعني شو عندي غير الغرفة و ماقدر أطلع مكان إلا معاه وهو طول الأسبوع فالدوام إذا كنت أريد أفاجأه في شيء بعد مايرد من الدوام .... حتى الطبخ ماقدر أطبخه عندهم مطبخ في الطابق الثاني بس مايحبون حد يطبخ فيه وماعندي غير المطبخ اللي خارج البيت وهذا فيه طباخ وبشاكير ودريوليه يعني وين أروح أطبخ وياهم... ومع ذلك مايقدر موقفي لا يقعد يقارني بين فلانه وفلانه يقولي يحافظ ع الحريم اللي يطبخن حق ريايلهم ويوم أزعل يقولي أنا ماقصدج في الكلام بس قاعد أقولج .... وهاي مشكلتي أن من يقولي زوجي شيء على طول أزعل وأبوز ( أمد البراطم ) وساعات يعني في أشياء تصير المفروض ماأزعل عليها بس مادري أحس خلاص روتين من يقولي شيء ريلي أزعل ع طول وأحس زوجي بدأ يتذمر من تصرفاتي وكل مره أحاول اسمع كلامه ولو إنه جارح يس ماأقدر يا إني أرد عليه ولا أزعل ... والله تكفون ما أعرف شو الحل أباكم تساعدون وتوقفون معاي .....

أنا مش مقصره وياه في أي شيء كل اللي في الغرفة مرتب ومسويه نفس ماتقولين بس أحس ساعات يدور علي الزله هذا قصدي... ومشكوره إختي
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى