كيدهن عضييم .تعالو شوفو وش صارلي مع صديقتي

[غلاوي زوجها]

السلام عليكم ورحمة الله وبركته


أول شي اشكر كل البنات الي دعموني معنويآ في موضوعي

http://www.niswh.com/vb/showthread.php?t=351827&page=5

وبقولكم الي صار ...

كان زوجي في الدوام .. واتصلت على اخت صديقتي .. وحلفتها بالله وذكرتها بالموت وان ابوها تو متوفي ماله شهرين .. جاه الموت وهو غافل ... لامريض ولاشي ..


وقلت لها السالفه .. البنت انصدمت وحلفت لي انه ماصار ولاااشي من الي قالته ... وان رقمها غيرته .. عشان اقطعوه الشركه لانه بدون اسم ...

تقول الحمد لله انك اتصلتي علي .. عشان ما ينزرع الشك فيك ويخرب بيتك .. تقول انا مستعده الحين اجيك واحلف قدام عينك انو ماصار شي من الي قالته اختها ..


تقول .. اختي دوم تتكلم عن لبسك وشياكتك وعطورات واثاث بيتك ... ولبسي مو مثل لبس فلانه وماشميتي عطرها كان تدوخين .. وجوالها شاريه زوجها بثلاث الاف :33:

ومن هالكلام .... يعني صديقتي تغار مني ..


تقول بينها وبين زوجها مشاكل ويمكن ماتدوم علاقتهم مع بعض لانهم مو متفاهمين ..

وهي موضحت لي ان زوجها يموت عليها ويرسلها رسائل حب وغرام .. انا اتمنى لها الخير صراحه ..



البنت بعد ماسكرت مني اتصلت على اختها .. وتهاوشو مع بعض .. اتصلت تبي تعتذر مارديت عليها ارسلتي رساله ...


تقول انا يمممكن زودتها :33:

وتراسلني رسائل اعتذرا على الوت ساب

اختها تفشلت من الكلام ياحرام شوي وتبكي ..


...............................................................................................


البنات الي قالو ليش تعلمين زوجك ...



انا وزوجي متعودين على الصراحه في كل شي .. أي شي يضايقه يقولي وانا بعد ...

اي اتصال يجيني اقوله وهو كذالك ..


...............


شكرا لكل الي تواصلو معي ودعموني وارشدوني ..

الله يوفقكم ويرزقكم الي تتمنونه ..


الي عندها زوج الله يسخره لها

والي مابعد تزوجت انشاء الله تتزوج واحد يموت فيها :32:

 

[اغادير-]

يؤ يؤ صدق كيدهن عظيم ودام انها غيرانه منك تسوي هالشي ليه ؟

يعني بتكون سعادتها اذا دمرت بين اثنين والله الدنيا هذي تخوف


المهم اختي بعد هالكلام اتركي صديقتك هذي وابعدي عنها


الله يهدي الجميع.

 

[غلاوي زوجها]

يؤ يؤ صدق كيدهن عظيم ودام انها غيرانه منك تسوي هالشي ليه ؟

يعني بتكون سعادتها اذا دمرت بين اثنين والله الدنيا هذي تخوف


المهم اختي بعد هالكلام اتركي صديقتك هذي وابعدي عنها


الله يهدي الجميع.

انا ارسلتها رساله .. قلت لها بدال ماتخربين حيات غيرك .. حاولي تلقين حلول لمشاكلك مع زوجك .. والي بيننا انتهى


شكرا حبيبتي على تواجدك واهتمامك

 

[غلآ عــmــري]

الحمدلله بانت الحقيقه والسالفه ماتعقدت اكثر واكثر

الله يحفظك يااختي من عيون الحساد

 

[أنثى راقيه]

سبحان الله هالحريم ايش يبوووون!!!
والله لو اشوف وحده اسعد مني وحياتها احلى من حياتي والله اني ادعيلها واقول الله لا يغير عليهم ويزيدها كمان
سبحان الله ليش الحسد والحقد وكل شي مقدر ومكتوب
تصدقين صارت نفس سالفتك لاختي اختي عندها بنوته دلوعه احبها مووووت جت عمتها وقالت لاختي فلانه تقول عن بنتك كذا وكذا وكذا ماخلت شي بالقاموس من سب ماقالته ودق اختي معصبه قلت لها قبل لاتصرفين تاكدي من السالفه لانها عندها سوابق بس اختي من القهر دقت على فلانه وقالتلها الموضوع وهاوشتها وقالت لها والله ماقلته واللي قالك الموضوع كذاب واصلا انا افتخر اني اعرفك وافتخر ان بنتك صديقت بنتي وووووووولحد ما انحرجت اختي ودقت علي قلت لها قولي لها اللي قايلتلك السالفه علشان تتوب ماعاد تكذب وتعرف ان الناس خلاص كاشفينها وان الكذب حبله قصير والله يمهل ولايهمل بصراحه انقهرت من هالبنت ليش تكذب ايش استفادت حتى البزران ما سلموا منهم
سبحان الله هالحريم ما ادري ايش يبوووووووووووون!!!!!!!!!!!

 

[High ambition]

هذي السالفه نستفيد منها انه مانقول لحد عن حياتنا ولانبين شي حلو لهم حتى اعز صديقه

 

[ناني الشاميه]

والله فرحت لك
للللللووووووووش
وادي زلغوطه
وزوجك حافظي عليه
ولاعاد تدخلين احد بخصوص
حياتك الزوجيه فاهمه ولا لاااء

 

[الجرح نازف]

اهم مافى السالفه زوززززجك صاااااادق
اكيد فرحانه ان ضنها خاب وفشلت خططها

 

[مطرية]

صدك طلعت حقيرة

أقطعى علاقتك فيها نهائىىىىىى

لاتردين عليها لاى سبب جانت

 

[زوجة المسافر]

الحمدلله

واحسن شي عندما يكون هناك مصراحة بين الزوجين

 

[رندا كووول]

حسبي الله عليها شوهت سمعة اختها
الحمدلله ظهر الحق ..
الله يعينها ع عقليتها ويهديها للصواب

 

[غلاوي زوجها]

شكراااااااااا بنات الله يجاكم خير

وهذي نصيحه مني مو اي صديقه تنصادق << علمي نفسك هع

الحمد لله انها جت على كذا

 

[ميانج&]

لاحول ولاقوة الا بالله
ماااااااعاد في صداقة
كويس انها مااخدت رفم زوجك من جواللك انتبهوا يابنااااااات خلوا جوالاتكم دايما مقفلة برقم سري من الملاقيف
يعني الواحد ايش يسوي يقاطع الناس
انت كنت تمدحي ولا تجيب سيرة زوجك ولابس حكمت من جوالك ولبيسك
وكم مدة صداقتكم
بالله جاوبي علي سؤالي
وانتي حصني بيتك وزوجك انتبهي

 

[مامت جود]

سؤال هي كيف جابت رقم زوجك ولو هو الي داق عليها كيف عرفت انه زوجك ياشيخه كذابه واكبر نصابه وفراقها عيد على القلب

 

[غلاوي زوجها]

انت كنت تمدحي ولا تجيب سيرة زوجك ولابس حكمت من جوالك ولبيسك
وكم مدة صداقتكم

لا ولامره تكلمت عن زوجي وحياتي الخاصه .. بس لمن تشوف معي جديد تسألني

من شراه لك .. انا استغرب من سؤالها ..

صداقتنا لها 7 سنوات اذا مو 8

 

[مجنونه زعلاته]

شفتي شفتي اااااه حسبي الله عليها كنت حااااااااااااااسه عشان كذا رديت عليك مره ثانيه وقلتلك معليش بتحسب عليها مره ثانيه وروحي وشوفي ردي الثاني (((( احساسي عمره ماخاب الله يديها على نيتها ))))​

 

[نحمدة ونشكره]

والله هاي مو صديقه هاي حيه وعدوة لدودة دير بالك تردين على اتصالاتها لو اجتك لباب البيت لا تفتحي لها انا عرفت من البدايه انها عندها مشاكل مع زوجها وتغار منك
دير بالك على بيتك والله يحفظلك زوجك قولي امين

 

[رند22]

حلو جدا

بس انتي ما استغربتي ليش اختها تقول عن اختها كدا

حتي لو كانت قالت لك انا ما اتصلت ولا ااعرف الرقم
مافي داعي تتكلم علي اختها بهذه الطريقه وتزيد تشعل النار

غريب

 

[غرام انسانه]

ياااااااااااااااربي عليهم هالحريم وش يبون اعوذ بالله
يلا الحمدلله يارب الي ماصارت مشكله كبيره بينك وبين زوجك
وانتبهي على نفسك وحصني نفسك كل يوم وحافظي على بيتك
ترا مهما كانت صديقه الغيره تسوي كل شي...​

 

[سلفرادو]

حبيبتي خلاص قفلي على موضوع صاحبتك هدي

ولا عاد تدخليها بيتك ولا تروحين لها ..
نفس هالنوعيه المخادعه عادي تسويلك سحر من الغيرة والمرض اللي فيها

عشان كدا اقطعي علاقتك فيها طنشيها وادا جت بيتكم لا تفتحين لها وخلاص