كنت احسب اني خبيرة بالشمالي ..طلعت محتاجه لخبيرات ودكاترة الشمالي

  • بادئ الموضوع بادئ الموضوع أم غالي
  • تاريخ البدء تاريخ البدء
الاخت : سارا

ربي يكون بالعون.
 
الاخت : بنت النشااماا

صحيح يحبني ربي لايغير علينا ...لكن كثرة السكوت تزهق ..تملل...
وانا احاول دائما اني ألطف الجو..افتح مواضيع..لكن مايحب يتكلم ..يعطيني كلمتين ورد غطاها وخلصنا..
مايعطيني فرصة اقرب منه لابالكلام ولا بالجلسة ولا بالشعور ..عايش لحاله..
لدرجة غطاء السرير له واحد لحاله ولي واحد لحاله...ليش !!! لما اساله يقول غطاء ثقيل يجيب الحر...
كفاية انه اذا كان بينام يدخل يتشطف ويغسل اسنانه ويدخل الغرفة يتمدد ويتغطى كامل بالغطاء وخلصنا ونام..ولا يمكن يتكلم بعد هذه الحركة او يتحرك ..
اوقات اشبهه ..اقوله انت خلاص بتعزززل..يعني مثل اللي بيقفل دكانه...مافي امل يفتحه ثاني..

الله المستعان
 
الله يعينك ويفرج همك ياااارب

سبحان الله وبحمده سبحان الله العظيم
 
ام غالي الله يخلي لك الغالي ان شاء الله ..

تدرين اختي انا ما عرفت زوجي الا من خلال هالمنتدى ..

زوجي تدرين شمسوووي بالمشاعر طلعها لي فترة خطوبتنا و من ألتمينا مع بعض .. راح شيع المشاعر و العواااطف و كفنها و دفنها ..

اول الزواج كنت ابغي من يتغزل فيني و يطلع الكلام المعسووول عرفت اني ابحث وراء سراب ..

بقولج موقف تووه صااير امس .. كان لابس عشان يطلع قربت منه وقلت محتاجة انك تضمني طالعني بنظرة استحييييييييييت حدي منه بس قبل ما يطلع ناديت على ولدي و ضميته بالحيييييييييل و هو يطالعني وتالي طلع وما كلف على نفسه بشيء و لمن رجع عادي ماكأن صاير شيء ..



هم كذا الشماليييين ما يحسبون حساب ان المرأة كائن يعيش بالعواطف و المشاعر و تحتاج لمن يدغدق مشاعرها بكلمة ..
شيء ثاني زوجي مستحيل يجلس يتكلم عن حياتنااااا او ايش صاير او يسأل ولده شخباره مع المدرسة او ايش اللي بخاطره ..

الله يصبر قلبنا بس ..


موفقة يارب ..​
 
الاخت : قلب مكلوم

الله يصبرني ويصبرك ...وانا مابيدي غير الدعاء ..

ربي يحسن الاحوال.
 
أم غالي قال:
عندي سؤااااااااااااااااااااال يمكن اكون اعرف اجابته لكن عيوني حاليا معمية مااشوف شي...استغفر الله ..

ليش يخاف من الجو الرومانسي ..ليش يتلاشى اي جلسة حب بيننا...ليش يكره نطلع سوى لمطعم ..ليش يخاف يبين لي حبه..اوكي هو يبين بالافعال لكن الكلمة الطيبة صدقة....ليش يخاف يحط عينه بعيني وينظرلي بحب وبعطف..ليش يتلاشى اي لمسة دافئة بيننا....

كيف اقنعه ان لازم نطلع لحالنا لو يوم في الشهر عشان نخفف ضغط الدوام عليه وضغط دراستي وضغط الاطفال ومشاكلهم ...
أنقر للتوسيع...

حبيبتي انا ابرد عليك ولا تزعلين تراني جيت من تجمع الشمالي عشان ارد عليك واعذريني ما انتبهت لسؤالك الا اليوم يوم كررتيه

الحين انتي تسألين ليش وليش وليش

طيب ليش الجنوبي يعيش طول عمره بديون وسلف
ليش الجنوبي يحب النوم وممكن يتأخر عن مواعيده ومايهتم بأغراض البيت
ليش الجنوبي ممكن يعيش طول عمره ببيت اجار
ليش الجنوبي تعيشين برعب معاه من الناحيه الماديه ماعنده رصيد بالبنك ولا عنده شي يأمن مستقبلك انتي وياه


الشمالي ياعيوني لما يأمن مستقبله ويكون عنده رصيد كافي بالبنك يكون انسان رائع بمعنى الكلمه لكن الحين مايقدر اصبري عليه وسانديه بتشوفين العز والدلال بإذن الله

طيب بقولك الجواب الشافي

الشمالي ربي خالقه كذا وش يسوي مايعرف ومايقدر ويحس ماله داعي هالاشياء كلها خرااااااابيط

من صفات الشمالي يابعد قلبي انه مايقدر ياخذ اجازه لنفسه وممكن يخلص عمره وهو من شغل لشغل يحس الاشياء هذي خرابيط

هنا يجي دورك لوكنتي جنوبيه ويجي تكامل الانماط بالحياة ربي خلقنا متكاملين كل واحد يكمل نقص الثاني

بذكائك تقدرين شوي شوي تبينين له الفروقات بين الشخصيات وتقرين له عن الانماط وتعرفينه عليها

وتبينين حاجتك له بدون ضغط حاولي تشغلين نفسك عنه لأن الشمالي مهما تطور ومهما تغير ماراح ياصل للرومانسيه اللي تبينها انتي كجنوبيه

انتي تبين ضم وبوس وحضن وشموع ونظرات مطوله وعينه بعينك لا ماينفع

اضغطي على الوتر الحساس عنده الشمالي يحبك بالافعال انتي بعد قدمي له افعال خلي بيتك نظيف اصحي معه الصبح للدوام وسوي له اللي يحب سواء فطور او بس شاهي على رغبته هو رتبي ملابسه وعطريها لما يجيب مقاضي البيت امدحيه وقولي له يازينك انا اعرف انك تحبني عشانك جبتلي كل اللي قلت لك عليه

هو الحين محتار يحس انك ماتفهمينه

وبقولك همسه ياقمر الرجل عطيه جنس ولا تنتظرين كلام اصبري عليه بتلاقين الكلام والحب يجي بالتدريج

الحياة يبي لها صبر والرومانسيه حقت الافلام والمسلسلات كلها اكاذيب من عمل الشيطان

والله اني يوم تركت المسلسلات وانا حياتي احسن بفضل الله

تحمليه بعيوبه وحبيه مثل ماهو وعدو طريق الحياة على خير امسكي بإيديه زين وتعاونو للوصول للجنه
 
الشمالي مثل البغباء رددي عليه إلكلمه الحلوه وشوفي شلون بعد فتره بيقولها لك مثل فديتك كنت أقولها لزوجي والحين صار هو ال يقولها ترا يقلد كثير صبري رومانسيه بيصير رومانسي معك
 
انامثلك شماليه غربيه مايعجبني شي .. لقيت ان العيب فيني موب زوجي ههههههه >>> معترفه الاخت


طبقي كلام الاخت هذا رأيي ............ ان شاءالله تستيدي وفعلا ابدئي انتي الرجال ترى والله مايفهم اللي يدور بعقلنا اتمنالك التوفيق
 
رووووووووووووووعه كلامك يانجاح عين العقل جزاك الله خير
 
يالغاليه
كل انسان ان كان في مشكله ما يعرف يحلها الا لمنه طرحها على الناس او كتبها وقرائها مرتين ثلاثه حتى يعرف وش الي يلزمه عشان يتغير
اختي صح الشمالي بارد ما يعبر عن مشاعره بس لانك شمالي منتي عارفه تطلعي الرومنسيه الي داخله الشمالي غامظ لكنه عباره عن طفل كبير يحتاج تتعاملي معه بحنان وحب اكثر
هو يحب يعيش حياته لحاله لكن اتذكري انه مايستغنى عنك ويعشق العائله والبيت
لو مثلا سوى مشكله بسيطه انتي كبريها الي درجه انك تهددي انك تبي تتركي البيت وقولي كل الي بخاطرك انك ما تهتم ولا تسال بس معصب وووووووووو
طبعا انتي ابداء سوي نفسك انك من جد تبي ترتبي اغراضك وتروحي بيت اهلك لكن خلي شي انه معطلك مثلا اختبارات اولادك بس ينتهوا بتروحي بيت اهلك او امك تعبانه بس تتحسن بروح عشان ما تتعب زود وتعاملي معه بجمود طول فتره ما انتي عنده

ليه قلت لك هذي الطريقه لان الشمالي اذا تبي تتعاملي معه باي شي لازم تعتمدي على الحيله والدهاء والمكر طبعا باسلوب غير ماذي وتلقيه من جد تنطلي عليه الحيله ويصدقها لانه طفل كبير من داخله انسان مسالم
 
حبيبتي ام غالي والله مشكلتك نفس مشكلتي وكانك تتكلمين عني وحاسبتها مالها حل

بس بعد ماقرات موضوعج وردود استفت وتغير اسلوبي في الكلام

الله يكون في العون
 
الاخت نجاح...هلا بك

المشكلة انا شمالية غربية...دائما احس انه لانا شماليين مع بعض فتزيد المشاكل ..لكن كل واحد مننا يبغى كلمته تمشي ..وانا طبعا اتنازل كثير له بحكم انه رجل البيت تلقيني اتنازل عن موضوع القايدة واسلمه له...لكن حكاية اني رومانسية وابغى دلع يمكن مو من شخصيتي ..اكيد نابعة من كوني انثى .>>شمالية ورومانسية ماتجي مع بعض

وتصدقي من كثر الجفا اللي في حياتي صرت احس اني عجوزة مجرد بيت واولاد واشوف متطالباتهم واربيهم وبالنسبة له اشوف طلباته ونواقصه واخر الليل جنس وخلصنا...مليت مليت من هذه العيشة..
وابشرك والله من كثر انشغالي مع الدراسة والاطفال والله مااتابع مسلسلات ولا افلام.الناس تجي تقولي تابعتي مسلسل زوارة الخميس تابعتي اميمة في دار الايتام تابعتي المدبلجات؟؟؟وانا ماكأني عايشة بالدنيا..مااتابع شي ومريحة نفسي..

الله يعين ويساعد ...ومشكورة حبيبتي على ردك بردتي قلبي شوي.
 
اهلين أم أحلى بنت

واااااااه تصدقي انك فتحتي عيني على شي

في بعض الكلمات انا دائما ارددها وصار زوجي يرددها لما يجي يتكلم مع اهله او مع اصحابه...وكنت استغرب انه يعيد نفس كلامي

حتى اوقات لما اقوله وجه نظري في موضوع وبعد فترة طويلة احد سأله عن نفس الموضوع ..اتفاجأ انه يقول له نفس وجه نظري نفس الكلام بالملي..كنت استغرب..

لكن من اليوم ورايح وبإذن الله ..استخدم معاه هذا الاسلوب....الي ابغى اسمعه اعيده اعيده عليه حتى يحفظه ويقوله لي...
خطة جهنمية....تسلمي
 
الاخت اميرة8
مشكورة لمرورك ...
واكيد ماطرحت مشكلتي غير اني ابغى الحلول ...
 
الاخت وهم 79
لاااا ماتنفع خطتك عارفة ليش....لانه اسهل ماعنده الباب يفوت جمل....كنت زمان لما ازعل اقوله بروح لاهلي يقولي مع السلامة ...والان طبعا ماصرت اقول بروح لاهلي صار هو يجي يقولي واذا بتروحي مع السلامة الباب يفوت جمل...صرت لما يقول كذا اجي واقوله : ترى انا اللي احدد من بأروح لاهلي ومتى بأجلس لاتتعب نفسك.

والله يعين راح احاول واكيد طالما هو ساكت وصامت ومايتحرك اكيد لازم انا اللي اتحرك وانقذ حياتنا ..

تسلمي.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل