كم مره بالاسبوع تقابلين اهل زوجك

ريشه ورديه

ريشه ورديه

New member
إنضم
2010/02/03
المشاركات
369
السلام عليكم بنات كيفكم؟؟ عساكم بخير

بس حبيت اسأل :21:واشوف انتم لو ساكنين بنفس العماره مع اهل الزوج

تروحون لهم كل يوم ؟؟ او لا يعني لزم اروح لهم كل يوم

لان انا ساكنه بشقه واهل زوجي فوق واروح لهم مرتين الى ثلاث او اربع مرات بالاسبوع

واقابلهم وزوجي يزعل يبيني كل يوم اروح لهم
​
 
افضل دام انكم ساكنين فنفس البناية روحي زوريهم يوميا عشان تفرحين زوجك وبعد اهله وتقضي وقت معهم تتعرفي عليهم اكثر
 
بالعكس انا اشوف مرتين بس كفايه
والله يطفشون منك وهم بعد يبون ياخذون راحتهم ببيتهم
 
انا ماعندي مشكله بنزل بس ابي علاقتنا تكون احترام متبادل

وهم الله يهديهم الاحظ انهم اذا صرت عندهم كثير اسمع كلمات ماتعجبني\\

ولاهم من النوع اللي ماياتتضايق عادي عندهم
 
أنا بعيدة عن أهل زوجي ولا أشوفهم إلا كل شهر تقريبا ومع ذلك ما أسلم من تلاطيش الكلام وتثاقلهم لجيتي
مع أنهم يرحبون ويجاملون إلا أني انسانة حساسة وأتضايق لما يروحوا لغرفهم ويخلوني لحالي لكن الخطأ من زوجي لأنه يجلس مع أمه يسولف وشوي يجون البنات عندهم وأنا ما أحب أفرض نفسي عليهم
لكن بما أن وضعك مختلف أنا اشوف كثيييييييير حولي نفس وضعك لكنهم نوعين اللي ساكنة عند أهل زوجها وأهلها موجودين في نفس الديرة تروح لهل زوجها مرة بالأسبوع وما تحتك فيهم كثير ولا تجيهم كل ما جاهم ضيوف إلا إذا كانوا مجموعة كبيرة وما تقيد نفسها بالضيوف يعني تروح قبل بفترة بسيطة وما ترسل عيالها لهم إلا إذا كانوا كبار يتصرفون بأنفسهم
أما إذا كانوا أهلها في ديرة ثانية ممكن تجي أهل زوجها مرتين بالاسبوع وتقترح على زوجها يوم طلعة خاصة وكل فترة تطلع مع أهله وترسل عيالها عندهم لما تحتاج مستوصف أو ما شابه وتساعدهم لما يكون عندهم ضيوف لو بطبق عشان يعرفوا أنها محتاجتهم ومقدرتهم وتساعدهم قد ما تقدر
أما زوجك فممكن تقنعيه بأنك ما تبغي تجيهم دايم عشان ما يملوا منك وما تصير مشاكل بين الحريم وتطلبي منه يطلع فيك ومو مهم يدرون أو لا وتعزمي قريباتك واللي تحبي وقت ما تبغي وممكن تنادي حماتك أو بناتها إذا تشوفي أنه مناسب عشان يحسوا أنك اختهم
الله يوفقك ويسعدك
 
انا ساكنه مع اهل زوجي فوق ومرت حماي بشقه ومرت ابو زوجي بشقه يعني اربع بيوت وكل يوم العصر عند وحده القهوه
 
انزلي قهوه بعد المغرب انتي وزوجك ولاتطولين ساعه ساعتين واطلعي شقتك منها تراضيين زوجك
 
اما انا يومياً انزل عندهم لاني فوق وهم تحت وحتى لوغبت عنهم يوم يسألون عني
وبالنسبه لك انزلي لهم فترة العصريه وبعدين اطلعي بيتك بس علشان خاطر زوجك وبس
 
شوفي حبيبتي الرسميه حلوه خليها مرتين فالاسبوع بركه
 
مافي احلى من الرسميات
خليك رسميه وقولي لزوجك انا بعد ابي اشوف نفسي شوي
غير مره بالكثيررررر مرتين وبس
 
حسب ارتياحك ..

وانا لو اهلي بنفس العماره ما اقابلهم كل اسبوع ...كيف اهل الزوج ..... انتي عندك بيت وزوج ومسئوليات واذا عودتيهم تروحين كثير بيزعلون اذا مارحتي .... قولي لزوجك خل ابوك يسير عليك بالمجلس تتقهون اسهل وانا طلعتي ثقيله ... وامك بروح لها كل جمعه واخذ قهوتي واسولف عصريه خصصيها لها ... هذا الصح .... شوي شوي تصير كل اسبوعين ..
>> شكلك تشيلين عباتك وتسيرين مثل خالتي قماشه ... اقول ترززي واكشخي لا يسبونك عند زوجك ويطالع بغيرك ياحلوه ..

بس صراحه ضحكني العنوان > كم مره بالاسبوع تروحين لاهل زوجك خخخخخ ليش ماعندي شغله الا اهما !!
 
انا اقول اهم شي ام زوجك اذا كانت تتقهوى المغرب او العصر انزلي خذي معها فنجال

ساعه وروحي بيتك

هذه طريقتي انااا
واذا غبت عن قهوتهاا ارسلت ولدي يناديني لانهم جنبنا سااكنين

وبالتوفيق غلاي
 
حبيتي انا بنفس بالبيت معهما لازم بعد المغرب أنزل عند أم زوجي نتقهوه
 
حبيبتي كل عائلة تختلف فيها التواصل مع اهل الزوج في ناس يجلسون بالشهور ما احد يسال عنهم وفي ناس يومين يصير مشكله شوفي وضعك ولا تخلينها مشكله بينك وبينه
 
أنا مرة في الاسبوع .. بس بما انكم في نفس العمارة ممكن تروحين مرتين -3 عادي ..مافيها شئ ..حسب هم كيف ردة فعلهم .. ؟؟

انا افضل بشكل عام مااحب الوحدة تحدد يوم معين لو صدفة حصلتلج ظروف ماقدرتي هاليوم تروحين لهم بيسألونج ليش ماييتي..

فانصحج ماتعودينهم على ايام محددة .. يعني ممكن تسيرين يومين 3 ورا بعض .. ويومين او يومين او حتى اسبوع ماتروحين اذا قالولج خير ليش ماييتي .. تقولين كنت مشغولة شوي وماحصلت فرصة!

اللي عودتهم على زيارتهم مرة وحدة في الاسبوع .. اقولهم كل مرة غيري اليوم هذا مرة الخميس ومرة السب ومرة الجمعة وممكن اسبوع واحد ماتروحينلهم .. عشان مايتعودون ان هايوم في الاسبوع اجباري..

طبعا هالكلام ماينطبق على كل الناس.. لأن في ناس في يوم محدد يجتمعون كل العائلة (بناته المتزوجات واولاده مع حريمهم مثلا) فتكونين مجبورة تزورينهم في نفس اليوم بس ممكن تخلفين عن الحضور مرة في الشهر.. هذي وجهة نظري الشخصي..
 
هههههههههه انا اطلع في اليوم اكثر من اربع مرات بس اطلع شوي وانزل وهم عادي مايتضايقون

وفي اوقات يعدي اليوم مااطلع باالمره حسب المزاج يعني
 
اوما يوميا ليه متزوجتهم

فعلا انتي ماقصرتي معهم وفي مشاغل للواحد

انا كمان كذا وكنت ازورهم يوميا تقريبا واحيانا اقطع يومين

بس حسيتهم مايبغوني اتردد عليهم كثير حتى مطبخهم ممنوعه من دخوله الا لو كان عندهم ناس غصب عنها ام زوجي ههههههههه

فصرت ماروح كثير لاني مرة حساسه

بس لمن جات سلفتي باليوم تنزل يمكن خمس مرات ههههههههههه

وباي وقت تروح لهم طبعا هما في البدايه كانوا يلمحون لها بس هيا ماكان يهمها هههههههههه

وحتى رمضان تفطر معهم يوميا عشان ماتكلف على نفسها بالطبخ ههههه
 
أنا والله اروح لهم مره مرتين على حسب واحيانآ مااروح لهم
أطووووووووووول
 
شوفوا يا جماعة الخير لو ام زوجك هى امك اللى ولدتك لا تامنينها لو اخوات زوجك خواتك شقيقاتك لاتامنينهن انا ما عرفت الدنيا الا لما عاشرتهم الله لا يعيدهم ولا يعد ولدهم يا اختى انا عشت فى بيت زى اقفاص الدجاج كنت اعانى من اهله ومن حريم اخوانه و من عيال اخوانه متى ارتحت لما صكيت بابى على نصيحه منى لا تحتكين فيهم الا فى المناسبات بالتدريج ابتعدى وزوجك خذيه بالسياسة و قولى انا عندى شغل والله اذا ارتحتى معهم الان راح تشوفي البلاوى بعدين وش اللى سكنك عندهم الله يكون فى عو نك
 
حب الله من زار وخفف (انا كنت حاسبه نفسي وحده من بناتهم الي ان اراد الله وبانو على حقيقتهم وللاسف ولدهم معاهم وبعدها قررت ازورهم لوجهه الله مره في الشهر واكون رسميه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل