مرحبا احلى بلقيسيات
انا راح ارد في هذا الموضوع لان عجبتني روح الايجابية اللي فيه .. تعقدت كم كثر ماقريت في سلبياته ههههه
عاد انا توني اكتشف نمط شخصيته انو شمالي غربي .. توني اعرف امس تصدقووووا
و انا متزوجته صار لنا ثمانية شهور
راح احاول اذكر بعض ايجابياته و الاشياء الحلوة اللي تطلع منو حتى لو قليلة .. لعل وعسى انها تنفع وحدة يائسة او ترفع معنويات بنوتة محطمة .. مع اني حالياً طالبة الطلاق منه لان نفسيتي تعبت منه و من صفاته
لكن خذو عندكم
مرة كنت تعباااانة مررة من الارتجاع و الحموضة .. و ماكان عندنا بالبيت دوا حموضة ولا عندنا حليب و كانت الساعة تقريبا اربعة الا ربع الفجر .. انا كنت بحالة سيئة جدا لدرجة اني مو قادرة انسدح على ظهري .. قام بهالفجر لبس ملابسه و طلع جاب لي علاج
بس مو دايما , احيانا كثيييرة اكون تعبانة مايعبرني
انا تجيني حالات صداع نصفي خاصة لما ابكي بحرقة او اعصب او اجوع لفترات طويلة , هو ما يعبرني مع انو احيانا كثيرة يكون هو السبب , بس يقول ماتسمعي الكلام تجلسي تصيحي و تسوي بعمرك كذا .. طيييييب يابن العالمين انا اصيح من القهر اللي انت قاهرني اياه
لما كنت اداوم .. انا دوامي طوييييل و انا من النوع اللي لما انضغط كثير بالدوام ما اتحمل روحي .. فيصير احيانا اني اعصب عليه او اني اكون سبب في مشكلة , هو يراعي اني توني جاية من دوام و تعبانة فما يلومني كثير و كثير يسكت و يتحمل حتى لو غلطت بحقه ,, و يطلب مني ارتاح و انام اذا رجعت البيت غصب ههههه عشان يفتك من توتري
الشمالي صراحة انسان قددددددد المسؤولية و تقدري تعتمدي عليه و انتي مغمضة
يعجبني في الشمالي بعد , ان لكل مشكلة عنده حل و جواب , وتلاقيه جنبك يساعدك في حلول مشاكلك بشرط تكوني واضحة في مطالبك , انا عندي مشكلة كذا و ابي الحل كذا
انا مرة صارت لي مشكلة و هو جالس جنبي, خبرتني بها صديقتي على الجوال , انا انهرت و على طوووول قمت اصيح ما ماي اتكلم , انا قلت بيخاف علي بياخذني بحضنه , ولاااااااشي ولا كأنه هووووو و كمل اكل بعد ههههه
بعد ما خلصت قالي وش فيك , و علمته وش صاير , قال لي بسيطة ماتحتاج كل هالتوتر شوفي احنا نسوي كذا و كذا وماتخافي كملي غداك , و اذا ما صار و انحلت , شنو يعني نهاية الدنيا؟ اهم شي احنا بخير و اهلنا بخير و كل شي ملحووووق
و بالفعل ظل يتابع معي مشكلتي لين حلها لي بنفس اليوم ماشاء الله عليه
امممم بعد وشووو .. ايه دايم يفتح لي باب المحل عشان ادخل قبله .. عملا بالمثل القائل ليديز فيرست ههههه
<<< تصدقوووا لما بديت اذكر محاسنه بديت احبه شوي مع انه باااااط قلبي بجفافه العاطفي ههههه
شفتوا هذا فايدة الموضوع بدينا نفكر في محاسنهم بدل مساوئهم
بصراحة انا مثل ما قلت لكم ماعرفت انه شمالي الا امس
و تذكرت اللحين بعض التصرفات اللي كنت اسويها من طبيعتي لاني تعبت معاه , و اتذكر ردة فعله عليها ..
مرة كنا نتمسخر على بعض بالطبخ , انو مين فينا يطبخ احسن من الثاني <<هو يطبخ احيانا لانه يحب الطبخ
المهم اني اول ماتزوجت ماعرف اطبخ اي شي , ولا اعرف للفرن لانه اصلا جديد
المهم جربت اسوي بالفرن كب كيك و احترقوووا لدرجة اكلنا منهم بمعالق هههههه
المهم انه ذكرني بالكب كيك اللي سويته , قال سكتي لا اذكرك بالكب كيك المحترق, انا قمت اضحك و مديت شفايفي بدلع اني زعلت <<<يا ملحي بس ههههه
قلت له نسيت ايام رمضان يوم اقوم و اعلم نفسي و اطبخ لك مالذ و طاب , ماذكرت الا الكب كيك المحترق !!
قام يضحك و اخذ ايديني و باسهم .. و قال كلام انه يقدر لي تعبي و انه يمزح
.....................
الزبدة ترا الشماليين على جفافهم العاطفي ترا يجي منهم
بس برضو بتستغربو اني طالبة الطلاق و رايحة بيت اهلي
ماتحمل عصبيته و كلامه الجارح لما يعصب .. و اني اصييير اسوأ وحدة و مدري وشووو حتى لو الموضوع بسيط
و كثييير يهددني بالطلاق .. و يقول اننا ما نصلح لبعض
عاد آخر مرة قالها لي .. قلت خلاااااص عاد , عز نفسك تنعز , لمتى اسامح و هو يتطاول علي
سوري طولت بالموضوع
