كل وحده تدخل وتقول( كيف عرفتـــي انك) ..... حامـــــل !!

[papero0o]

ماشاء الله قصصكم روعة

الله يتمم عليكم و يرزقكم الي تتمنون يارب

 

[أمل سالم]

من يوم زواجي وزوجي يقول يارب ماتجيك الدوره الابعد 9اشهر وكل شهر الدوره تقدم يوم يومين الاالشهر هذا ماجات اتصلت اختي عروس تقولي جاتك الدوره قلت لا قالت روحي المستشفى وامانه انا اول وحده تقولين لها طبعا انا اصغر منها بس اتزوجت قبلها ب3 اشهر وام زوجها وجدته دايم يقولوا: هاه امل حامل؟ تقول لا واصرت امس علي اروح المستشفى وزوجي مايبغى يقول مايبغى يتحطم ورحنا بالقوه وقالوا نص ساعه وتكون النتيجه جاهزه رحنا مطعم تعشينا وانا وربي بالي مشغول وادعي ربي وبعدها رحنا والممرضه قالت:: بوزتف:: يعني ايجابي واحنا نطالع فيها يقول زوجي ايه قالت مبروووك فيه همل وجلسنا نمشي ونضحك بالمستشفى موعارفين مصدومين..والله يتمم لي على خير

 

[بس عاد]

قصصكم وايد حلوه
ادعووولي ،، انا من سنتين ونص اتريا مثل هاللحظه ...

الله يحفظلكم عيالكم

 

[دلوعة _ريلي]

آآآه .. وانا اقراا أتذكــرت حملــي ..

انا الله يسلمــكم ريلي كان يقولي الدوره ما بتييج .. اقوله لا بتييني .. يقولي والله ما بتييج وبتشوفين وواثق الرياااال .. قلتله اشدراك قالي احس .. حتى كنت ابا اسير اشتريلي حق الدوره وما طااع قال ما بتشترين لانها ما بتييج وانا كنت اضحك عليه لاني اساسا مب حاطه فكرة الحمل فبالي ابــــــــــــــــدا .. المهم سرنا العياده هب عشان احلل لا لانه كنت الله يعزكم احس بحرقان فالبول المهم خذت مضاد حيوي وطلعنا وسرنا المول فالمووول ضااع المضاد الحيوي .. ما خذت منه شي .. المهم سرت عقب يومين للمستشفى مره ثانيه هههه << مااشي شغل

قلت حق الدكتور المضاد الحيوي ضااع .. قالي انتي نزلت عليج الدوره قلتله لا وهي كانت متأخره عليــه أسبوع .. بس انا ناااااااااااسيه ولا مفكره حتى فالموضوع ...قالي خلاص بسوييلج تحليل وعقب بكتبلج الدوا مره ثااانيـــه ...

المهم سويت تحليل قالي مبروك انتي حامل :tears: .. قلتله شوووو ؟؟
قالي حامل قلتله والله صـــــــــــــــــــــدق والله فرحت فرحـــــــــــــــه عمري ما فرحت فرحه مثلــها
قالي هيه صدق شوفي ويلس يرويني الجهاز وهو يتكلم وانا كل شوي اقاطعه اقوله صدق انا حامل << هب مصدقـــه هههههههههههه

عقب ظهرنا وركبت السياره قلت حق ريلي حبيبي وقف قال صبري قلتله لا الحين توقف قالي فالشارع قلتله معلييه بسسسسسسسسسسرعه وقف هو خااف تم يطالعني ويقولي شو فييــه .. في شي مستوي ما رديت عليه لين ما وقف قلتله حبيبـــــــــــــــــــــــــــــي انا فرحااااااااااااانه وااايد قالي ليييش قلتله لانه فبطني شي منك .. انا حااااااااااااااااااااااااااااااااااامل وعليـــه شهر .. :tears: والله ما انسى هاللحظه ومستحييييييييل انساااااااااااااااها عيوووووووووونه دمعت من الفرحه واستاااااااااااانسنا واااااااااااااااايد .. دقيت حق امي قلتله امــــــــايه انا حااااااااااامل سكتت قلتله شو فيج قالت مبرووك حبيبتي لين الحين اسالها ليش سكتتي يوم قلتلج قالت خفت يوم قلتيلي حاامل خخخخخ وخبرت يدتيه وخالاتي وفرحوولي واااااااااايد ... بس الحمد لله ع كل حاال عقب اسبوعين كنت انزف واكتشفت انه حمل خاارج الرحم وشلوووه ... الحمد لله على كل حاال الحمد لله ...

والحين صارلنا 8 شهور انا وريلي نتريا وكل ما اقوله يتني الدوره احســــــــــــــــــــه يزعل بس ما يبين ويقولي عاادي الشهر الياي حبيبتي ... كل ماا اتييني الدوره ايلس اصيييييييييييييح .. بس الحين من شهريين الحمد لله ما اصييح << اوني عاد قويــه ههههه ... الحمد لله على كل حال

ربي يعييييييييييييييد هاللحظات الحلوه عليه انا وريلي واحمل حمل طبيعي وافرح بشوفة البيبي بين احضاااني عاجلا غير آجلا .. وربي يرزق كل محرومه هاللحظه وهالنعمــه

ربي لا تذرني فردا وانت خير الوارثين وارزقني الحمل الطبيعي عاجلا غيرا آجلا وفرح قلبي وقلب زوجي يا رب يا رب يا رب :tears::tears::tears:​

 

[مرور]

اول حمل كنت عايشة عند اهل زوجي 000طبعا في هذي الفتره لاتسالوني عن اي شي لاني كنت خارج التغطيه

كنت اعيش فتره من حياتي اصعب فتره مرت عليه000ظلم 00وخوف 00ويتم 00وضياع 00زوج متسلط وغير مبالي

واهله حدث ولا حرج 00اجرام بمعنى الكلمه لدرجة لما ولدت بولدي البكر كنت اتمنى يموت وخرجت من المستشفى وانا ابكي ماابغى اخذه معايه

الحمد لله على كل حال 0000وشكرا على الموضوع

 

[كلام الورد]

ربي لا تذرني فردا وانت خير الوارثين وارزقني الحمل الطبيعي عاجلا غيرا آجلا وفرح قلبي وقلب زوجي يا رب يا رب يا رب :tears::tears::tears:

 

[شهــد]

والاحلى كيف علمت اهلي واهل زوجي سويت حركه روعه كتبت رساله وكتبت فيها يسرنا ابلاغكم بانه سوف ينضم فرد ثالث لاسرتنا المتواضعه وسيكون موعد وصوله بعد 9 اشهر وارسلتها لهلي واهل زوجي دقيقتين الا المكالمات زي المطر تجي كلهم يتصلون علينا الي يزغرد والي يصارخ من الفرحه والحمدلله يارب ديمه علينا نعمه ولا تحرمنا الذريه والمسلمين اجمعين

عجبتني الفكرة الله يرزقنا الحمل ان شاء الله وابوق فكرتج هههههههههه


انا اليوم رابع متأخرة عليي وحللت تحليل منزلي وطلعت سلبية :schmoll:


ادعوا ليي اكون حامل يااااااااااااااااااااااااااااااااربي
​

 

[سميت نفسي]

يارب
ترزقني وأبشركم

 

[أم حمودي22]

عاد انا سبحان الله .. أعرف اني حامل من أحــــــلامي .. فالشهر الي اكون فيه حامل و بعدي مب مكتشفه الحمل أحلم حلم و افسرة بيني و بين نفسي اني اكيد بحمل او حامل و سبحان الله .. فحملي فبجري فديته و فحملي هذا الله يتمم على خير و فرح.. لكن حملي الاول كان عقب سنة و 4 شهور طولت شوي و قلت لريلي ياخذلي تحليلين مدري ليش!!!!
و كانت الساعة 12 ف الليل و سويت التحليل و على طوووول بين الخط الثاني بوضوح ( طابوقة طاحت فوق راسي ) و قمت انتفض مب مصدقة اقوول فخاطري : و اخيــــــــــرا .. و قمت اصيح مهسترة و ريلي فوق يسبح و جان ارقض له فوق ادق عليه الباب و اصيح مثل الميمونة ( الحمدلله و الشكر خخخ ) و اهو مسكين تصرقع طلع مفصخ من الحمام و يقوول : شفييييج شصاااااار و متخرع حدة و انا ماسكة التحليل و انتفض جني عيوووز و اصيح ابي اقوولة اني حامل و مب قادرة من الصدمة اتكلم بس بدون صووت .. و عرف من التحليل و ضحك و استانس و تلوى علي من الوناسة و جسمة مبلل خخخ و قال: الله انتي حامل بيجينة بيبي كتكوت الف مبرووووك حبيبتي و لا اتصيحين خلاص مب زين لج انتي حامل و هالله هالله فالبيبي و تم لازق فيني طول الليل و انا ما جاني نوم لين الصبح و مب مصدقة .. مع ان ما كان عندي مشكلة او خلل فجسمي و رحت المستشفى جيكت على عمري قالوا كل شي طبيعي و ريلي بعد نفس الشي .. و الحمدلله على كل حال..

 

[ماينحني راسي]

هاااااااااااي ..
موضوووووع حلووو مشكوووره ..
انا ياطويلة العمرمن يوم ماتزوجت ماكنت ابي احمل الا بعد 6 شهووور
ع الاقل او سنه ..
بعد 3 شهور تأخرت علي الدوره وكنت خااايفه اكون حامل وسويت التحليل المنزلي وطلع ايجابي (( حامل ))
بغيت اموت ورحت جبت جهاز ثاني وسويت التحليل مره ثانيه وطلعت حامل ..
ورحت لزوجي ابككككككي واقول انا حاامل مااااااااااااااابي اهئ اهئ اهئ ..
طبعا مايحتاج اقول ردة فعل زوجي .. وجهه صار الوان يقول هذي مو صاحيه الناس تفرح وهذي تزعل ..
وخربت فرحته ((مسكييييين ))
بس عوضتها اليوم الثاني يوم رحت العياده سويت نفسي فرحانه ..​

 

[@غرشوبه@]

ربي لا تذرني فردا وانت خير الوارثين وارزقني الحمل الطبيعي عاجلا غيرا آجلا وفرح قلبي وقلب زوجي يا رب يا رب يا رب :tears::tears::tears:

 

[يارحيم ارزقني]

يـــــــــــــــارب يـــــــــــــــــــــــــــــــارب...

اني احسن بأحساسكم...عاجلا غير اجل يارب العالمين...

ولا يحرمكم ...

ادعولي

 

[شهــد]

رفعت الموضوع.. لان بجد موضوع رائع وحماس وابي اشوف قصص حلوووة منكم

 

[gmr15]

انا سالفتي غير
طبعا كنا مسافرين واحس نفسيتي تعبانه جدا وزوجي تعبان مرره
المهم كلمت صديقتي وهي متزوجه وعندها اطفال وقالتلي صوتك تعبان وشكلك حامل ورحت شريت تحليل المنزلي البولي المهم وسويت التحليل وطلعلي خط احمر والثاني بعد ربع ساعه باهت جدا وماكنت متاكده
طرت لزوجي وهو تعبان ونايم قومته وقلتله شكلي حامل وانا فرحانه قالي بدون نفس مبروك وطلعت اصيح من القهرمن ردة فعله والخوف انه مايصير صدق المهم يوم رحنا للمدينه وانا كنت تعبانه واحس بدوخه كانت معاملته قاسيه ويقولي مو انتي اول لا اخر الحريم كلن يحمل ويخليني اشيل الله يسامحه ووراني الهم بهديك السفره الله يسامحه وطول واحنا بالطريق وهو مايكلمني مسوي زعلان ولاكلمته الين وصلنا لمنطقتنا تقريبا 6 ساعات بالسياره وبس اصيح ومو حاس فيني وانا مالي توي عروسه مالي الا شهرين يوم وصلنا قريت سوره البقره لان قبل سفرتنا رحنا لاهله وعرضنا عليهم يسافرون معنا ورفضوا وخفت تكون عين او شي فينا لان السفره مرت بنكد عجيب ومرض ومدتها 7 ايام تبهدلت فيها وللاسف كنت حامل وعانيت من الطريق والنفسيه الصعبه ولمن وصلنا لديرتنا وسويت تحليل دم بعد وصولنا ب 10 ايام لان احس الاعراض تزيد من الالام ودوخه وقالتلوبرضوا فرحت والحمدلله على كل حال اني حامل بس ماحسيت بفرحة زوجي ابدا ويقول بدري والمفروض خططنا ومن هالكلام وانا زادت نفسيتي سوء وخوف منه وتعبت بحملي كثير وتنومت بالمستشفى وهبوط بالضغط ومغذيات وشفت الموت الله لايوريه احد حتى عدوي مااتمنى يشوف الي شفته
وصبرت واحتسبت لله وربي ان شاء الله ماراح يضيعني ولايضيع كل وحده مثل حالتي
وخصوصا بغربه
وحسيت باهتمامه بالموضوع بعد ماشاف الناس تسئله عن في شي بالطريق وبشر ومن هالكلام بدا يرق قلبه علي ويهتم بموضوع الحمل واتحمس له والحمدلله على كل حال الله يجعل قدوم هالمولوده خير علينا ويهدي ويصلح ابوها ويسخره لنا دعواتكم يالحبيبات

 

[ثلجه ورديه]

:icon26:طال عمركم انا تزوجت بعد الثانوي على طول وهذا الشي بحد ذاته مسوي مشكله مع الحمل لاني احس اني بزر وبتربي بزر:e130: كنت متحمسه ودي احمل على بالي الدعوه سعة صدر وفلة حجاج اتاريني توهقت بعمري:nosweat: حملت بعد 9 شهور من زواجي والحمدالله ولدي الحين عمره سنه وشهرين اما المشكله اني الحين حامل بالسابع والله لا يوريكم شلون عرفت طبعا تأخرت علي الدوره وحللت كم مره ومافي حمل بس عندي احساس سبحان الله اني حامل لان حملي يجي متأخر دايما ويوم دريت اااااااااااخ انواع الصياح تقولين صايرتلي مصيبه استغفرالله الله لا يعاقبنا بس والحمدالله هاذاني بالسابع راح الكثير وبقى القليل مع العلم انو اكثر شي مصبرني انه زوجي مقتنع وراضي بالوضع وسلامتكم :icon26:
والله يسير لي وكل بنات المسلمين ويرزق كل محروم.......ااااااااااااامين:shiny:

 

[بيت فهد]

موضوع حلو
مشكوره حبيبتي

لي عوده اسمي بنت فهد

 

[الما حساسه سه]

اه ذكرتوني ايام الجهل لي شهر من زواجي نزل علي دم يوم واحد بس خفيف وادوره كانت ملخبطه قبل الزواج قلت لزوجي ابروح للدكتوره اتنظم الدوره واخذ مانع حمل مابغى السنه الاولى شي قال خلاص رحت للدكتوره وقلتلها على كل شي من ناحية الدوره والمانع قالت خلاص ابسوي تحليل حمل علشان اتاكد ونبدا بالعلاج وانااسوي التحليل وادعي يارب اني اكون حامل وهذا الي ماتبي حمل السنه الاولى اخخخخ مخفه انا وطلعت حامل ياي وناسه طرت على طول لزوجي اقوله باركلي بكل برود ومادريت الا نزلني عند محل ذهب قالي اختاري لك طقم ذهب والله واناسه قايلتلكم مخفه ثلاث تربع ذهبي مالبسته على جدته وانااختار ذاك الطقم الي احولت عليه عيوني وانااخذه وبعد 6شهور الفرحه ماكملت جاتني ولاده مبكره ومات الطفل وبعد اربع سنين عوظني ربي بببنوتي الله يخليها لي والان اتعالي ابجيب اخت لبنتي وابقول اذافظيت وشلون علمت زوجي اني حمل المره التانيه قلت قصت حياتي اخخخخخخخخخ

 

[شهــد]

موضوع حلو
مشكوره حبيبتي

لي عوده اسمي بنت فهد

خيوو شكلج تبين اسم بنت فهد.. روحي لوحة التحكم تبعج وغيري اسمج منها.. يصير تبدلينه من لوحة التحكم في هذا المنتدى

 

[@ ضي @]

ياااااارب يرزقني مثل فرحتكم هذا الشهر يااارب قولوا آمين


موضوع أكثر من حلوووووووووو

الله يرزق كل من تتمنى الذرية عاجل يااااارحمن ..

 

[شهــد]

ابغي اكتب قصتي بس فيني نومة ههههههههههههه

مرة الجاية بكتبها لكم...