كل وحدة تخبرنا شو حاطة على تسريحتها...

[Queen Bee]

حلوو موضوعج

مواضيعج وااايد حلوة يا روح النسيم

أنا حاطة اكسسوارات الشعر

العطور العربية والفرنسية

الكحل

المكياج في صندوق كرتوني بني مزخرف

وبعض الكريمات - كريمات الوجه واليدين​

 

[heart beat]

ودي اشارككم ....................

انا حاطه علبتين بغطاء دائريه وحده للمكياج ووحده للاكسسوارات والعلبه الثالثه مستطيله وطويييله بدون غطاء حاطه فيها ورد مجفف وتل وراصه عطوري وعطور زوجي فيها والمسك والعود وحاطه هالعلبه المستطيله بين العلبتين الدائريه ..........

وحاطه كمان صورتين لزواجي ..........

ساعات اكب ورد عالتسرحه او اعلق عليها تل احمر وارص شموع يعني كل بين فترة وفترة اغير اللوك .................

 

[دلوعه ممنوعه]

ان شاء الله بصور لكم تسريحتي وانزلها ان شاءالله بس تصوير جوال ..

 

[دلوعه ممنوعه]

انا ان شاء الله بصور تسريحتي بس بالجوال وانزلها

 

[القلب المفتوح]

أنا مع ان تسريحتي كبيرة إلا أني أفضل أترك وسطها فارغ لأني أولع الشموع وما أبغا يكون شيء قريب منها وحاطة من اليمين أباجورة وسلة زبالة صغييييرة يعني للمناديل وماهي مبينة
ومن الشمال فرشاة الشعر واكسسوارات
وياما حصلت حوادث مع عيالي على الأغراض اللي أحطها على التسريحة عشان كذا اللي أخاف عليهم منها أحطه في الأدراج لأنها لي كلها وأبو الشباب ماله نصيب
وسلامتكم

 

[هزي يانواعم]

حاطه بعض عطورتي وشوي مكياج وعلاقة اكسسورت اولدي مايدخلون غرفتي ولا يشمون ريحتها

 

[هزي يانواعم]

شوقتوني اصور تسريحتي بصوره وبجيكم لاحقا

 

[روح النسيم]

اهلا غالياتي..

اشكركم كثيير على مشاركاتكم الحلوة..

والله كثيير انبسطت وانا اقرا ردودكم..

ومستنية صوركم..

لا تحرموني من طلاتكم على موضوعاتي..

اتمنالكم التوفيق..

دمتم بود..

 

[الرميصاء]

انا كنت احط كل المكياج لكن لقيت الدنيا زحمة
الان حاطة عطر وفازلين وفرش الشعر وصندوق اخضر تبع البكل

 

[ثقتي عاليه]

ديكوووووووووووووووووووور رووووووووعه عباره عن ورود وسلاسل وشلش لونه عنابي
وعطوري وعططور زوجي وشموووووووووووووع لونها احمر وذهبي
يعني تسريحتي تشرف ووايد حلوه والكل يمدحها

 

[~كل الوفا~]

أول شيء
علاقه الإكسسوار مرة عجبتني و أنا من جدة أحد يعرف فين ألاقيها؟؟؟؟؟؟؟؟؟؟؟؟؟؟؟؟؟؟
ثاني شيء أنا تسريحتي فاضية و من كنت بنت ماأحب أحط عليها شيئ لكن من فترة نفسي أنسقها بشكل جميل لكن ما بديت العمل و علا قة الإكسسوار عجبتني لو لقيتها بحطها ​

و تساريحكم رايقة ما شاء الله​

شكرا روح النسيم على الموضوع​

 

[طالبه الهمه]

تسريحة فاااااااضيه

لااااااااااااااااااااااااااشي الاطفال يحربون عليك كل شي حلو:busted_red:

 

[روعة مشاعر]

وأنا حاطه شموووع وصندوق اكسسوااارات وصوره لي ولريلي

 

[ست البنات2009]

انا .. بكشخ عليكم... حاطه اشاربين واحد احمر والثاتي فيروزي وكم ريش طاووس وصوره لي ولزوجي حلوه وصوره اصغر لزواجي علب عطورات جنيد لانها تجي بشكل انتيكات وعلب فضة عليها احجار كريمه ...وكل اغراض التجميل في الدروج

 

[ام الخلود]

انا حاطه شوية عطور والكريمات مجمعتهم في سله كبيره مع اني ما استخدم ثلاث ارباع فيهم بس حاطتهم كدة ديكور اما المكياج في الادراج

 

[OVERLOVE]

مرحبا الغالين موضوع وايد حلو وعطتني افكار هم روعه اما تسريحتي شاريه من ايكيا علبه مفتوحه بلستيك وحاطه فيها عطوري نويت اغير فيها بعد ماشفت افكاركم وسله صغيره على اليمين فيها الكريمات مع ديكور بسيط بالشموع حواليها وصوب اليسار حاطه علبه للبكل اما المكياج عليه قفوله والسبب بنتي تحب المكياج ولو شافته على الدنيا السلام

 

[حلم المدينة]

حمستوني ارتب تسريحتي ..لانها معفوسة مرررررررررررررررة بناتي الله يصلحهم 24 ساعة بغرفتي... ارتبها وانزل لكم صورتها قبل وبعد

 

[أم بندر 5]

انا من ناحيتي حاطه عطوري وعطر ابو العيال وكريمه الخاص لانه ما يحب اللي انا استعمله لانها معطره
ومشطين حقه وحقي وطبعا علبة البخووور وحاليا مع الجو ذا بخاخ بنتي تبع الربو الله يشفيها
وعلبه للبكل ووحده للارواج ووحده للمحددات
وبالنسبه للعيال انا متعوده اقفل غرفتي
وسلامتكم

 

[ماشيfast]

انا عندي غرفة الملابس كلها خزاين مافيها تسريحه مع هذا والحمد لله ولدي يفتح الخزاين ويطلع اللي فيها :e136: اما غرفة النوم فالتسريحه عاليه شوي ماعليها الا العطور والشموع بشكل منظم