كل من تأخرت في الإنجاب تدخل تفيدني...ولها دعوة

[الصبر جميل24]

السلام عليكم ورحمة الله وبركاته


عزيزاتي بلقيسيات ......

حقيقة لا أعلم ماذا أكتب وبأي حرف أتكلم ...
لقد هربت من الكل وأتيت إلى هنا

فبعد الإنتهاء من كلام الناس حولي >>>متى تتزوج وتزوجنا ..برغم إني أبلغ من العمر 25

نأتي ل.هـــــــمً جديد وهو الإنجاب >>>

الحمد الله يوجد لدي ارتفاع في هرمون الحليب وصغر في المبايض...>>>اللهم إشفيني

انا أبحث هنا عن ..

*كـــــــيف تتصرفون عندما ترين وتسمعين من يتشمت بك؟؟؟؟؟
يضع يده على كتفك ويقول"الله يرزق.....إن شاء الله نشوف بطنك ..."وأنت تعلمين كل العلم أنه لا يقصد إلا الشماته ولس الدعاء!!!

*انا الحمدالله موكله أمري لله ولدي ثقة عمياء بأن الله لن يخيب ظني وأملي إنه يقول >>أنا عند ظن عبدي بي ,

لكن كل ما أريده منكن

ما أقول لمثل هذه الأشكال وكيف أرد عليها ؟؟؟
أصمــــــــــــــــت!!!


أأمن >>وأنا طبعا لا أريد أن أظهر بمظهر محزن !!!

أتــــــــــهرب !!! لا أنا لا أحب أن أكون كذلك

أتمنى أن أكون كما يجب .........................فما هو الذي يجب


ساعدوني ...........


اللهم أرحم وستر وحقق آمال كل من يريد علي ولو برفع الموضوع
:tears:

 

[الحولا الرفلا]

الله يرزقك ياارب بالذريه الصالحه عاجل
ياحبيبتي هالناس مدري وش تبي بالضبط اذا ماعرسنا تشمتو اذا ماحملنا تشمتو مدري وش يرضيهم
من جد شي يتعب مالك الا تردين عليهم اذا قالواي شي والله انا لسه صغيره وعروس وابي استانس
وبدري على الحمل وبعدين انا وزوجي متفقين على سالفة الحمل ليش متعبين انفسكم وشاقين
ومتى ماربي رزقنا مانقول لا نقول حياه الله يعني تكلمي بثقه وان الشي هذا باامر الله وبعدين باتفاق بينك وبين زوجك يعني قولي حنا لسه نبي نستانس مع بعض مابعد نمل ونشبع من بعض وبعدين لاحقين على البزران مانبي من الحين مانبي يجون بدري عليناا
وبكذا ماراح تلاقين منهم لاشماته ولاشي على الاقل بتلاقين سكوت وذهول انك كلك ثقه وان هالشي اللي فيك مو عيب او عجز انك تحملين الا هالشي اللي ماخليك تحملين انك انتي وزوجك حاليا ماتبون تبون تستمتعون مع بعض اكثر

والله يعينك على هالنفسيات اللي ماتخلي احد بحاله ومالك الا تطنشين وخليك دايم ثقه بنفسك والله يوفقك ويسعدك

 

[تامار]

اختى الغاليه ..
انا ليه ثلاثه سنين لم يكتب الله لى الحمل والحمد لله على ذلك ..
اعلمى يا اختى الغاليه قول الله تعالى (وعسى ان تكره شئيا وهو خيرا لكم ) وانا الله اذا احبا عبدا ابتلاه فى الدنيا فيا سعدك وهناكى ان الله يحبكى ..واحتسبى امرك الى الله واعلمى ان الله غفورا رحيم ..
واكثري من الاستغفار ..
وقولى لانسان (الله كريم )..
ارجو انا اكون فرجت همك ,,,,,
دعواتك

 

[خلهاياقلبي كذا]

حبيبتي ما يجوز تقولين ثقة عمياء........خلي املك بالله قووووي وانشالله ربي يرزقك الله قال انا
عند حسن ظن عبدي بي....استغفرررررررررررري كثثثثثثثثثثثيرفالاستغفار والدعاءوالصدقة وقيام الليل
فوالذي نفسي بيده انه لن يخيب املك...ادعيه بتضرع فهو الذي خلقك قادرعلى فك كربك..لاتستجيري بلخلق
استجيري برب الخلق........دعواتي القلبيه ان يرزقني واياك بالذرية الصالحه التي تقر بها اعيننا يارب
عاجلا غير اجل......

 

[ام شذى وياسمين]

الاستغفار

ثم الاستغفار

ثم الاستغفار

والله يرزقك بالذريه الصالحة ان شاء الله

 

[الصبر جميل24]

عز الله ماأنت حولا ولا رفلا ...............جزاك الله خير ورزقك ما تتمني
كلامك أعجبني وجااااااااااااري التنفيذ
تامار.................جزاك الله خير عزيزتي الله يرزقك الذرية الصالحة


خلها ياقلبي كذا ...أنا أقول واثقة بالله كل الثقة-هذا قصدي-.....الله يرزقك الذرية حبيبتي

أم شذى وياسمين .....مشكورة حبيبتي الله يجزاك خير

 

[*رنا*]

الله يرزقك ياارب بالذريه الصالحه عاجل
ياحبيبتي هالناس مدري وش تبي بالضبط اذا ماعرسنا تشمتو اذا ماحملنا تشمتو مدري وش يرضيهم
من جد شي يتعب مالك الا تردين عليهم اذا قالواي شي والله انا لسه صغيره وعروس وابي استانس
وبدري على الحمل وبعدين انا وزوجي متفقين على سالفة الحمل ليش متعبين انفسكم وشاقين
ومتى ماربي رزقنا مانقول لا نقول حياه الله يعني تكلمي بثقه وان الشي هذا باامر الله وبعدين باتفاق بينك وبين زوجك يعني قولي حنا لسه نبي نستانس مع بعض مابعد نمل ونشبع من بعض وبعدين لاحقين على البزران مانبي من الحين مانبي يجون بدري عليناا
وبكذا ماراح تلاقين منهم لاشماته ولاشي على الاقل بتلاقين سكوت وذهول انك كلك ثقه وان هالشي اللي فيك مو عيب او عجز انك تحملين الا هالشي اللي ماخليك تحملين انك انتي وزوجك حاليا ماتبون تبون تستمتعون مع بعض اكثر

والله يعينك على هالنفسيات اللي ماتخلي احد بحاله ومالك الا تطنشين وخليك دايم ثقه بنفسك والله يوفقك ويسعدك

حبيبتي انا مع الاخت هذي وانا كانت عندي مشكلت ارتفاع هرمون الحليب اول سنه تزوجت فيها
وعالجت والحين عندي ولد ربي يحفظة لي ...

اهم شئ نفسيتك لان النفسية لها دور على تقبلك للعلاج ماعليك منهم وانا باول سنه قلت نفس
كلام الاخت اني لسه صغير انا عمري18 اول ماتزوجت فالكل سد حلقه وسكت وبعد ماحملت
واخذت النتيجه خبرت الكل وليومك هذا مافيه احد يدري عن موضوع ارتفاع هرمون الحليب
الا انا وزوجي بس ولاقلت لاحد ابدا والكل يفكر اني جلست اول سنه بكيفي...

ربي يوفقك ويرزقك بالذرية الصالحة عاجلا غير اجلا .​

وهذا موضوعي http://www.niswh.com/vb/showthread.php?t=62314

لاتنسين اذا حملتي تجين تفرحينا :bigsmile:

 

[fofo***]

انا جلست ثلاث سنوات وكان عندي مثلك ضعف في المبايض وارتفاع بسيط في هرمون الحليب وتعالجت في سنتين طبعا مو كل شهر وبعديت حملت يعني لا تيأسين
وبالنسبة لكلام الناس اعتبر اني ماسمعت وكنت اذا تكلمو في الاطفال اتكلم عااااادي مثلا اقول ان شاء الله اذا ربي رزقني طفل بسوي كذا منغير ما ابين اني متلهفه على الحمل وذا احد سالني ليش ماحملتي اقول الحمد لله مومستعجلين و اذا الله كاتب بنشوفه وماحد يدري وين الخير

 

[ام عبدالرحمن@]

الله يرزقك بالذريه الصالحه عاجلا غير اجلا حبيبتي اشربي كاس حليب مع حليب طازه ومع ملعقة عسل وملعقة طلع النخيل اتبخري بالشاي اخت صديقتي لها 4 اسنين اتبخرت بالشاي وحملت استخدميه خامس يوم الدوره لمدة ثلاث ايام وثلاث ايام لاتجامعي زوجك لانوراح تطلع منك بلاوي وبعديت يبدا الجماع
الله يوفقك ويرزقك بالتوام وياااااااار ب تبشرينا قريب

 

[مطلبي رضا ربي]

وبالنسبة لكلام الناس اعتبر اني ماسمعت وكنت اذا تكلمو في الاطفال اتكلم عااااادي مثلا اقول ان شاء الله اذا ربي رزقني طفل بسوي كذا منغير ما ابين اني متلهفه على الحمل وذا احد سالني ليش ماحملتي اقول الحمد لله مومستعجلين و اذا الله كاتب بنشوفه وماحد يدري وين الخير[/QUOTE]

كلام عين العقل بصراحة ما اقدر اقول الا . لا تنسين الاستغفار بنية الانجاب والدعاء والله يجزاك خير الجزاء

 

[نووده]

ربي لا تذرني فردا وانت خير الوارثين
الله يرزقك يارب ويرزقني ويرزق كل محرومه ياااااااااااااااااارب

 

[روز..]

نفسسسسسسسسسسسسسس حالتي كذا الناس والله حاسه فيك لقافه بصراحه انا قررت اذا سالوني بقول لهم مالك شغل انا كدا مرتاحه وانتم وش حشركم

 

[بقعة ضوء]

أختي أنا ظليت 8 سنوات لم أحمل خلالها وكل ماأحد كلمني رديت عليه الله كريم

وكنت دايم اتكلم وأقول إن حياتنا حلوة ومو ناقصها شي وإن زوجي مرتاح معي ويقول لي إن حنا سعيدين حياتنا والحمد لله والأطفال نعمة من الله لو الله رقنا فيهم الحمد لله ولو حرمنا منهم ماراح ينقصنا شي وكله بيد الله

وكان هذا فعلاً كلامه لي كنت أرتاح لم اسمعه يقول هالكلام لأنه مؤمن بقضاء الله وقدره
وكان يقول كمان إن الله عز وجل رزقني بكل شي والحمد لله فأخجل أن ادعوه ليرزقني بالذرية ..

والحمد لله بعد هذه السنوات رزقنا الله ببنت والأن أنا حامل بشهوري الأخيرة ..

ولتعلمي حملي من الله ولم يكن هناك تدخل طبي مع العلم ان كل دكتور ندخل عليه يقول مافي أمل حمل طبيعي يا أطفال أنابيب او تلقيح صناعي ..

ولكن أمر الله بين الكاف والنون جل وعلا ..

 

[๑ــلآڱ]

الاستغفار وسمع سورة البقره
وبنسبه لناس هذي قولي بعدني صغيره وهذا الشي من رب العالمين وانا راضيه

 

[فقط انثى]

اهلين حبيبتي... اسأل االله العظيم رب العرش العظيم ان يهبك الذرية الصالحة المعافاه..
والله العظيم اني دايما ادعي ان ربي يرزق كل محروم من الذرية بالذرية الصالحة لاني عانيت من ذلك..

انا وحده بدأت رحلة المستوصفات والعلاج عندي بعد 8 شهور من الزواج فقط.. والتشخيص كان ارتفاع بسيط بهرمون الحليب ومع الادويه اصبح طبيعي.. ولكن مرت الاشهر بدون حمل اخذت كلوميد قالوا ماتحتاجين ابر منشطه بس مانفع فلجأت بعد الله الى الابر ولكن للاسف ليس هناك اي نتيجة.. صبرت على كلام الناس واسالتهم كنت اتظاهر بالقوه وانه ماهمني وانا بداخلي ابكي.. كان زوجي انسان يحب الاطفال وبشده لما يشوفهم بالاماكن العامه يلاعبهم كنت دايما ادعي الله لايحرمه شوفة عياله..
كثرت الاسئله عن سبب تأخر الحمل من القريب والبعيد وانا اجاوب مالله كتب .. ماكنت ابين لزوجي اني متضايقه من هالموضوع مع انه يلاحظ اني اتضايق لما اجي من المناسبات..
تخيلي اختي في احد المرات وحده من البنات الصغار قالت لي وبوسط الحريم ((( ياللي ماتحملين!!))) دخلت وانا ابكييييييييييي ومابينت لاحد اني تضايقت.. يعني حتى الاطفال صاروا يتكلمون علي!! ومرة وحده من قريباتي قالت لي (وبنيه طيبه) <امس انا وبنت اختي ندعي لك رحمناك وانتي تلاعبين الاطفال> جلست اضحك واقول ان شاء اللة وانا احس بمراره مابي احد يرحمني..
سويت تلقيح صناعي ومانفع.. سويت انابيب بالاردن على ان الدكتور قال لي انتي مايحتاج انابيب بس مع كذا فشلــــــــــت!! مانسى ذاك اليوم والله صرت ادعي على نفسي بالموت من الضيق!!
مايأست سويتها مره ثانيه ودعيت ودعيت وانتظرت النتيجه وبعد عشر ايام حللت وهنا كانت الصدمه (((لايوجد حمل)))
تخيلي شعوري...
صرت ابكي بحرقه مع كل صلاة وادعوا الله ليل نهار واكثرت الاستغفار ليل نهار لاكثر من 1000مره باليوم حاولت اشغل بالي بغير الحمل لان حياتي اصبحت مأساة بعد فشل العمليتين((علما ان ماحد يعرف اني سويت الانابيب غيري انا وزوجي )) ووالله بعد كثرة الدعاء والاستغفار بشهر حللت(وانا مستبعده ان اكون حامل) لأتفاجأ ((انا حامل)) نعم انا حاااااااااااااااااامل بعد 3سنوات من الزواج ..لاانسى فرحتي ذاك الوقت.. والحمد لله الحين عمر ولدي تسع اشهر وانا حامل بالثاني وايضا بدون اي تدخل طبي ولله الحمد..
اختي لاتيأسي من رحمة الله واكثري من الدعاء والاستغفار والبكاء والالحاااااااااح بالدعااااء..
قوي نفسك ولايهمك كلام الناس وش راح تاخذين منهم غير ضيقة الصدر؟؟!!
ان شاء الله ربي يرزقك بالذريه وتذكري ((( ان مع العسر يسرا)) ...
ادعي لي ربي يخلي لي ولدي ويحفظ جنيني...

ودمــــــــــــــــــــــــتم بـــــــــــــــــــــــــــود,,

 

[الدلع لى]

حبيبتي لا تسمحي الى اي شخص يتدخل في حياتك و كوني واثقة من ردك بأن الله سوف يرزقك و يرزقني وكل من حرمت هذه النعمة مع العلم بان عندي بنتين مثل القمر و انا اريد احمل منذ ثلاث سنوات وعندي امل كبببببببببببببير بأن الله سوف يعطيني عليك بالأستغفار بحيث تقولي سبحان الله 70 مره و استغفر الله 10 مرات ثم تقولي سبحان الله 9 مرات و استغفر الله مره واحده وكرري قول رب لا تذرني فردا و انت خير الوارثين

 

[لون الشفق]

اللي تقول كذا "الله يرزق.....إن شاء الله نشوف بطنك ..."بقصد الشماته ... اضحكي بوجهها وقولي منك انتي مابي دعوه .. مغنيني ربي عن دعواتك ههههههه
خليها تموت قهر...
او ممكن تقولي ايه الله يعطيك على قد نيتك خخخخخخ خليها تنجلط

 

[لون الشفق]

حبيبتي فيه عنوان دكتوره شاطره بالرياض .. اذا تبيني ادلك عليها انا مستعده

 

[صبا بردى]

شوفي ياقلبي أنا تميت 6 سنوات ماحملت ولما أحد يسألني كنت أقول الله يكتب اللي فيه الخير بس تو الناس العيال مسؤليه لا زم نستعد لها وأنا مش مستعجله وأبي أكون نفسي قبل ووبس 6 سنوات وكنت لما أحد يسألني أجاوب بمرح وببتسامه مشرقه تصدم اللي قدامي ويتفشل ولما أحد يفاحل والا يطولها كنت أرد عليه بابتسامه وجهة نظر ياقلبي وكل واحد مرتاح بعقلة بس لاتشغلين نفسك انت الله يجزاك خير
وأنا كان السبب عندي ضعف في المبايض أو أنا اتوقع والله ما أدري لانهم قالوا مافي سبب والحين ولله الحمد وماشاء الله تبارك الله عندي3 والرابع في الطريق ويقولون لي لييييبه ورا بعض والله ابتلشنا بها الناس قلت لهم كتبت الله وأنا عااادي خليهم يتربون سوى أحسن وووبس

نصيحة أخيرة ولاتزعلين شكلك من اللي يعطي الناس أذانه بليز دخلي من جهه وطلعي من الثانيه وخلك قوية وواثقه من نفسك ولو ماجاك عيال وش يعني وش بيصير بتمين تحسرين لاااا خلك قوية ووكلي أمرك إلى الله واستودعي زوجك عند ربك عشان يحفظة لك من كل من يوسوس له وثقي بالله وأنه ماراح يكتب لك إلا الأصلح وانشغلي بدراسة بعمل بأي شي حتى تلتهين عن هالموضوع شوي والله يرزقك وكل محرومه بالذريه الصالحة المعافاة عاجلا غير ياآجل هو القادر على كل شي آمين يارب العالمين

 

[نهر راكد]

شوفي يالغاليه عن تجربه استمرت عشر سنوات لزوجة اخويه الغاليه كان عندها هرمون الحليب مرتفع وكمان عندها مشاكل بالتبويض واخويه عنده كمان دوالي بالخصيه والله ثم والله انها في السنوات الاولى تعبت وهي تروح للدكاتره بس اخويه مع انه عنده هالمشكله مافكر بالمره انه يتعالج هي المسكينه اللي تروح وتجي من مستشفى لمستوصف وتحاليل وياما تعبت نفسيتها وبالذات لما تعرف ان فيه وحده من العيله حامل والله انها تبكي وكانت من تعبها تتفكر كل وحده حامل تخبي عنها موضوع الحمل عشان خايفه انها تحسد الحوامل على حملهم وصارت من جد في مشاكل هي واخويه على سالفة انه مو راضي يتعالج معاها وبعد عشر سنوات سلمت امرها لله وصارت خلاص مسلمه امرها لله وتجي لاخويه ديك السفره الطويله مع العمل في انتداب لمدة شهرين ويتركها ويروح ومن شوقهم لبعض ماشاء الله رجع منتصف المده يتطمن عليها وحصل ماشاء الله الحمل وبعدماكمل الشهرين كان ناوي يطلع مكه مع اهلي وهي بالصدفه كان موعد دورتها وكانت تبي تاخد حبوب منع الدوره وقالتها زميلتها سوي تحليل حمل احسن قبل ماتاخدديها قالت لها مرة اخويه لي عشر سنوات ماقد سويت تحليل حمل الحين اسويه لا ماني مسويه المهم اقنعتها وسوته وطلعت النتيجه وزميلاتها نادت عليها وقالت لها انتي حااااااامل وهي ماهي مصدقه وجا اخويه وسوت التحاليل عشر مرات لانها تشتغل في مستوصف لانها ماهي مصدقه واتم لها ربي الحمل وجابت لنا بنوته زي القمر وسماها اخويه اشواق الله يحفظها يارب وبس رب يرزقهم باخ لها
المهم لاتفكري في موضوع الحمل انتي وخليه وراء ظهرك وانسي لان النفسيه لها دور وقبل كدااااااااااااا الاستغفااااااار ثم الاستغفااااار
اللي عرفتهان حبس المني لمده طويله بمشيئة الله ينشط الحيوانات وتتم فايدتها
يعني غيبي عن زوجك فتره طويله شوي وخليه يشتاقلك وان شاء الله ربي يرزقك الذريه الصالحه