كل مشكله بإذن الله لها حل

[حنين الاشواق]

السلام عليكم ورحمة الله وبركاته

هذي اول مشاركه لي ولحاجتي فعلا لمن ينصحني ويوجهني

بأيام خطوبتي بعد الملكه باسبوع او اثنين بديت اشك ان عند زوجي

معاكسات لان الوقت يكون متاخر بالليل واحنا كنا نكلم بعض لما اتصل والاقيه انتظار

اول مره مشيتها بدون شك ثاني مره بدا الشك وفتحت الموضوع معه وطبعا برئ نفسه

بعد الزواج بكم يوم كنت في دورة المياه تكرمون توني بطلع الا اسمع زوجي يكلم بالجوال

والوقت متاخر..سمعته يقول(( محتاج حنانك ))جاتني صاعقه الله ستر وماصار فيني شي

بعدها طلعت وقلت له اللي سمعته قال لا انا جالس اكلم خويي وطبعا ماصدقته

وبشهر العسل كله وهو يعاكس وانا حاسه وساكته ومرات اتكلم وبرضو يكذبني بعدها

قلت مافي فايده في النهايه بخليني اتوهم..ورديت على جواله عشان مايكذبني وبعد

كذبني وصرف الموضوع بالطريقه اللي تريحه هو ودايما يسكتني بكلمة ((صدقتي والا بكيفك))

ومرت سنه واكتشفت مصيبه ثانيه انه مدمن افلام اباحيه كان يوديني بيت اهلي

ويرجع بالبيت بروحه الين ارجع انا قلت هذا طبعه واهو بيتوتي ومشيتها بس اللي

فاجاني انه يقفل عليه الباب حتى باليل وانا نايمه يتسحب ويقفل عليه باب الصاله

بعد ماراح دوامه قمت اتفحص القنوات الا واشوف اللي بعمري ماشفته الله يسامحه

وبعد تكلمت معه بالموضوع ونكر انه يشوف وبرئ نفسه وانه حاط الهوت برد بس عشان افلام الاكشن

واحين انا عند منه بنت وولد واهو قريب من العايله تقولون وبعدولادتي باول طفل ب45

يوم تقريبا حجزلي ولولده تذاكر وسفرني مع اهله غصب عني بحجة خواله يبون يشوفون البيبي

امه من مصر وانا كنت ابكي من الصدمه كيف هنت عليه ولليوم انا مو متخيله كيف رحت وسمعت كلامه واهو جالس بالسعوديه بحجت العمل انا ماابي اطول اكثر

بجد انا تعبت نفسي يتغير ويحس ان عنده زوجه محتاجه لحبه وعطفه وحنانه اكثر من

اي انسانه بالدنيا ..ا وفي قصص ومواقف كثييييييييييييييييره بس حبيت اختصر مشكلتي

واشوف ارشاداتكم

ولا حظو المشكله بزوجي من قبل ما اخذه يعني انا ولله الحمد من حبي لنفسي وللحياه

كل شي احب اسويه بس هو ماشي يرضيه ..واحلى مافي حياتي احين عيالي واكثر شي اتمناه وابيه

زوجي يحبني ويحترمني ويحتويني بكل مافيه..

 

[دموعي شي معتاده]

والله زوجــك أمره غريب متزوج ويناظر افلام اباحيه
وين دينه وعقله ؟؟
المهم انصحيه
والمكالمات اخربي شريحته او حطي له وحده خربانه تشبه شريحته
عشان تضيع الارقام
والله يفرج همك

 

[حنين الاشواق]

اخر معاكسه له شفتها في جوله البلاك بيري انا حاسه وحبيت اتاكد

الله يهديه خلاني افقد ثقتي فيه لمشكوره حبيبتي على ارد

 

[حلمي ما أكتمل]

الله يكون بعونك .. الخيانه صارت شي عادي عند ارجال

حسبي الله ونعم الوكيل مايدرون انه الخيانه تذبح الزوجه

اتكلي على ربك وفوضي امرك لله تعالى ..

آآآآه حاسه فيك الا الخيانه ماينغفر لها

الله يفرج لك همك يارب

 

[حنين الاشواق]

اذاكانت الدكتوره ناعمه تدخل المنتدى ياليت المشرفات يبلغها مشكلتي

والله اني اطمع ردها علي لاني طبقت كثيير من نصايحها والحمد لله تغيرت حياتي وزادت

وثقتي بنفسي وصارت

احسن وافضل من بدابة زواجي

 

[حنين الاشواق]

فديت قلبك كلنا احلامنا ماكتملت

ياااارب عفوك وبجنان الخلد مسكنناجميعا