كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله

[بنت القصصيم]

موضوع روعهه
يعطيكك الف عافيه
ولاحرمتي الاجر ان شاء الله
والله يسعدك ويخلي لك زوجك ولا يطالع غيرك
جد استفدت منه كثير

 

[موكا فليك]

عودا حميدا رقة
ومن العايدين
الفايزين إن شاء الله

 

[رقة خزامى]

يآملحهم اللي يعآيدون :cupidarrow::icon26:

كل عآم وانتم بخير بعد الزحمه ..
رآجعه نكمل سوآ :icon26:​

 

[استشارية الحب]

 

[ღ طيف المشاعر]

متاابعه وبقوووووووووووه​

 

[رقة خزامى]

العرآيس الكيوتآت المقبلآت ع الزواج :cupidarrow:
والمتزوجآت الجميـلآت :icon26:
اسئله خفيفه لكم:

عرآيسنا :ايش اللي تتمنينه بزوآجك .. ايش الصوره اللي بمخيلتك .. والعادات اللي حابه تدوم والرومانسيات اللي متخيلتها ..:cupidarrow:
والشغلات اللي حابه قد مافيك تتجنبينها وماتتحملين فكرة انها بتكون موجوده بحيآتك !!

مداماتنا اللطيفات:msn-wink: : أيش اللي فخوره فيه بحياتك .. والعادات اللي مبسوطه عليها وتتمنين تستمر .. والرومانسيات اللي تسعدك وحابه تتمسكين فيها ..

والاشياء اللي منكده عليك حياتك .. والشغلآت اللي تتمنين تغيرينها ..!!


بإنتظاركم ! ​

 

[حياتي معك]

عرآيسنا :ايش اللي تتمنينه بزوآجك .. ايش الصوره اللي بمخيلتك .. والعادات اللي حابه تدوم والرومانسيات اللي متخيلتها ..:cupidarrow:

ابي وهو داخل وخارج يبوسني ويحضني
ابي مرتين في الاسبوع ع الاقل نطلع مشوار
ابيه مستحيل ينام وحنا زعلانين ولازم يحضني وهو نايم
يساعدني بشغل البيت عن طيب خاطر
وياليت لو يفاجئني بين فترة والثانيه بطبخه من صنع ايديه
ابيه يفاجئني بهدايا وعبارات حب
والشغلات اللي حابه قد مافيك تتجنبينها وماتتحملين فكرة انها بتكون موجوده بحيآتك

مارح اتحمل يكون بخيل ماديا
مارح اتحمل يكون فض ولسانه جارح او يمد ايده
مارح اتحمل يحاسبني على الصغيره قبل الكبيرة ومايغض الطرف
مارح اتحمل الشك

 

[رقة خزامى]

حيآتي معك .. أهنيك على وضوحك :idea: ودقتك بالأجابه ..بإذن الله كل هذا مقدور عليه .. راجعتلك إن شاء الله بعد ما أشوف إجابات اكثر :icon26:​

 

[هاكونا متاتا]

عرآيسنا :ايش اللي تتمنينه بزوآجك .. ايش الصوره اللي بمخيلتك .. والعادات اللي حابه تدوم والرومانسيات اللي متخيلتها ..:cupidarrow:


آتمنى تكون حيـآتنـآ هآآآآدية بعيدة عن المشـآكل ...

يكون حنوووون معـآآآي .. مـآيجرحني آو يدق بالكلام ..

قبل مـآيروح الدوآم وبعد مـآيرجع يبوسني و يضمني :cupidarrow:

ننـآم بحضن بعض و مـآننـآم وآحنـآ متزآعلين و يعتذر لو غلطـآن مـآيكـآبر ..

لمن نكون برا بالسوق او نتمشى يمسسك يدي .. مره هالشي يهمني .. لآنو حتى اخواني يسوو كذا معاي .. ومااحسه يهتم بهالامور

آذآ شـآفني تعبـآنه مـآيطلب مني شي ويسهر ع رآحتي ..

يجيبلي هدآيآ بالمنـآسبـآت و اللي آبيه يجيبه ومـآيستكثره علي ..

وقت الزعل مـآيجرحني بكلامه او يسبني او يغلط علي وع اهلي ..

يقدر اهلي ويحترمهم و مايغلط او يتريق عليهم

لو آحد غلط عليا من اهله وهو غلطان وانا مظلومه .. يوقف معاااي ويدافع عني و مايسمح لأي آحد يغلط علي ..:32:

مايجبرني ع شي بالقوه وانا راافضته .. يقنعني بأسلوب و بالتفاهم

تكون عنده عزة نفس .. مـآيرضى يـآخذ من آهلي شي ..

يكون صريح معااي .. اي شي انا مقصره معاه يجي يقوول مو يكتم بقلبه ويدوره برا ..


^
^
دخلت الرومنسيات مع الطلبات مع كلش ^^:31:

فديتك ياعثل نستنــآآآكي بفـآرغ الصبر .. :3:​

 

[بنت القصصيم]

عرآيسنا :ايش اللي تتمنينه بزوآجك .. ايش الصوره اللي بمخيلتك .. والعادات اللي حابه تدوم والرومانسيات اللي متخيلتها ..:cupidarrow:
يدوم الاحترام بينا
يصبح علي ببتسامه
ومايقدر ينام بدوني *_*
والشغلات اللي حابه قد مافيك تتجنبينها وماتتحملين فكرة انها بتكون موجوده بحيآتك !!
مآتحمل الشك
ومايمد يده

 

[رقة خزامى]

888
يآرب تحقق لكل عرآيسنا اللي يتمنونه :icon26:

ليش سئلتكم هالأسئله !!

لأن الوحده حلو تكون عارفه ايش تبغى بالظبط وأيش محتآجه ..
رآح يوفر عليها عواصف وتناقضآت داخليه كثيره ,

( حيآتي معك ).. إسمحيلي بستلمك :evil_lol:

نشوف حيآتي معك ايش تبغى :

ابي وهو داخل وخارج يبوسني ويحضني
ابي مرتين في الاسبوع ع الاقل نطلع مشوار
ابيه مستحيل ينام وحنا زعلانين ولازم يحضني وهو نايم
يساعدني بشغل البيت عن طيب خاطر
وياليت لو يفاجئني بين فترة والثانيه بطبخه من صنع ايديه
ابيه يفاجئني بهدايا وعبارات حب

حلوه جداً رغبآت حياتي معك .. لآكن تتوقعون زوجها رآح ينفذها لها كلها !!

أكيد لأ ..

رآح تظل هذي كلهآ مجرد رغبآت إلا إذا خلتها حيآتي معك بنفسها واقع ..

يآعروسه يآجميله ويامدآم يالطيفه ..:cupidarrow:
[ زوجك زي العجينه عندك انتي بيدك شكليه ]..
انا ماقولك تغيرينه لاطبعاً صعب جداً يعني فيه سمات بشخصيته
متأصله فيه من سنين تربيته وموروثه الثقافي والعرفي لها يد فيها
تجين انتي ببساطه تغيرينها .. صعب ..لآكن مش مستحيل
انا قصدي بتعامله معك انتي تشكلينه ,,

فيه مقوله قديمه رآآآآآآآآآآآآآآئعه وسليمه 100%

[ ابنك على ماربيتيه وزوجك على ماعودتيه ]

كلآمي مهم جداً جداً لكم يآعرآيس ..

اول سنه من زواجك مهمه جداَ لباقي حياتك ..

نجي نشوف ايش المفروض تسوي( حياتي معك )عشان يتحققلها بإذن الله اللي تبي :

ابي وهو داخل وخارج يبوسني ويحضني

تبدئين انتي بتعويده اول مايجي من الدوام تركضين لعنده كأنك ملهوفه عليه ومبسووطه وتضمينه كأنك بتدخلينه لجوفك وتبوسينه بشوق

ابي مرتين في الاسبوع ع الاقل نطلع مشوار

تجينه ببشاشه وفرح وبأرق والطف كلمات واحبها على قلبه وتطلبين من تطلعون تغيرون جو

وفرضاَ رفض ممكن تستعطفينه وتقولين أنا محتآجه اغير روتين وارفه عن نفسي كتمني شغل البيت

انتبهي تقولين انت ماتطلعني وحابسني وكاتم على انفاسي احلمي بعدها تعدين الباب لاتستخدمين انت استخدمي انا وانتي الربحانه

ابيه مستحيل ينام وحنا زعلانين ولازم يحضني وهو نايم

لما تكونون زعلانين والوضع مشحون بينكم ما أقولك روحي اعتذري كل اللي عليك تكشخين

وتدخلين فراشك وتتمايلين عنده هنا اضمنلك انكم ماراح تنامون زعلآنين

يساعدني بشغل البيت عن طيب خاطر

لما تطلبين منه يقطلعك الخضار مثلاً اطلبي منه بأسلوب ذكي يجمع بين دلع وتحفيز وحاجه ولما ينتهي من تقطيع الخضار امدحيه مددح واشكرريه شكرر وشوفي كيف بينبسط قايلتكلم ترآهم أطفاآآل اطفال

وياليت لو يفاجئني بين فترة والثانيه بطبخه من صنع ايديه

ههههه اغرب رغبه نفس الطريقه اللي فوق تتبع

ابيه يفاجئني بهدايا وعبارات حب

من البدايه لما يهديك خلي ردة فعلك تكون حلوه

خليه يتحمس يهديك مره ومرتيين والف

وانتي بعد اهديه

وافرحي بعباراته وسمعيه مثلها واحلى

**

هذا كمثال بسيط عل ىالطرق اللي ممكن تتبعها حياتي معك والأمثله اكثر

مثلاً بأول سنه لكم وأول عيد اطلبي منه تطلعون تتعشون بمطعم وثاني عيد نفس الطلب وبيصير هذا روتينك كل عيد ..

اللي اهلها بعيد عنها عوديه يوديك عندهم مو بعدين تندمين لما ماياخذك لهم إلا بالسنه مره ..

idea
قريت تجربتين اعجبتني ..

الأولى وحده تحكي عن عمتها ,تقول لزوجها مو عآجبني انك نايم بجهه وأنا بجهه نبي ننام على مخده وحده بالبدايه ما اعجبه لاكن بعدها تعود مره لدرجة بالإجازات لما تجيهم عمتهم مايستغني عنها ..

الثانيه بلقيسيه هنا تقول .. إن زوجها لما كان بيدخل ينام تقول لحظه وين بوستي !!
تقول كان يجيها متذمر وماااله خلق ويبوسها .. وبعدها تعود وصآر زي الفرض عنده ..

المغزى ياعزيزتي .. شكلي زوجك مثل ماتبين لاتحطين يدك على خدك وتنتظرينه يصير مثل ماتحبين .. لأ اسعي واجتهدي ..

نجي للشغلات اللي ماتبينها مع زوجك ...

أحسن ردة فعل لكل فعل قبيح من زوجك

تقطعين العرق وتسيحين دمه ,,

كوني حآزززمه

بحكيلكم استشاره قريتها بمنتدى مع اني ما اذكرها مزبوط :

وحده تقول لما كانت عروسه مع زوجها بشهر العسل كانوا بمطعم جى الويتر وسألهم وش تشربون !!
طالع زوجها فيه اوقال عادي اشرب خمر !!
هي استغربت طبعاً
قال بس كاس واحد
قالتله : كيفك ..
قال اكيد مافيه مشكله ..؟ قالتله خذ راحتك ~> وهي تقول انها كانت مش مصدقه ومسستغربه وزي اللي تبي تفرحه وتعطيه راحته ..

رجعت من شهر العسل وصار زوجها يشرب كاس وكاسين وثلاث بدون مايستئذنها
ولما تعصب منه وتشكي مايعطيها اي اهتمام .. وقاللها انتي كنتي راضيه ..


لو كانت حازمه معه من اول مره ورفضت واستنكرت وعصبت وقومت الدنيا فوق راسه ماكان الوضع بيكون أفضل وأهون !!

هو اللحين ماخذ راااحته لأني اللي ثبته براسه اول ردة فعل لها يعني مهما ناحت وصاحت ماراح يعبرها ..

ومره قريت لوحده بالمنتدى تقول ان وحده من قريباتها ماتجيب عيال قاللها زوجها بتزوج عليك .. قالتله اوكي بس طلقني ..
وماتزوج عليها من خوفه انه يفقدها ..


انا نصحت بأول موضوعي انك ماتزعلين وماتهدرين دموعك لآكن .. عند اي تصرف خطير يستدعي.. مبآح الزعل والصيآح والنيآح ..

من البدايه خليه يحسبلك الف حساب لاتقبلين منه اي تقليل من شأنك حبي نفسك وعزيها ولاترضين اي انتقاص او احتقار ..

واي تصرف غير لائق من زوجك مايرضي الله لازم تكونين حازمه بردة فعلك ..

انا ماقولك خذيها عناد واستقوي لأ قصدي بردة فعلك لازم يشوف عدم رضآك واستقباحك لفعلته وبعدها عاد انتي واسلوبك واللين مآكان في شيء إلا زانه
:icon26:
يتبع ,~​

 

[هاكونا متاتا]

وآآآآآآآآآآآآآآآآآآآو كملي ياقلبووو كلامك جووناااان وآستفدت منك كثيييير

وآكثر شي فآدني .. آكون حـآزمه وقت الغلط و كيف اعوده ع شي انا ابغااه

متاابعتك ياعثل ​

 

[حياتي معك]

ياحبي لك ولاسلوبك يارقة خزامى
انا من هالحين احاول اعوده على اللي اقدر عليه
من امنياتي باعتباره يزورني
وان شاء الله تستمر معنا لبعد الزواج

لاتستغربين من رغبتي ان ودي يفاجئني بطبخه
ماجات هالامنيه من فراغ
هذا لان الله يسلمك انا ماعرف وماحب اطبخ وحطي تحت
ماحب اطبخ خطين

حتى اهلي يقولون لي كيف بتزوج وانا ماحب اطبخ
تدرين اني بطبعي رايقه واخذ الامور سهاله
بس من اقرر اطبخ شي وادخل المطبخ تجيني الضيقه
واصير متنرفزة

وطبعا ماخليتها بنفسي قلت لخطيبي اني مابي اطبخ
انفجع من الطلب
وصار الحين بالطالعه والنازله يكلمني عن الطبخ
وايش طبخت ليتني ماقلت له

سوري طولتها بزياده بس تعرفين نحب نفضفض

 

[soOo baby]

متابعة ربنا يبارك لك

 

[وردة آل بنفسج]

ولكمووووا صبايا ..|​

هذي اول مشاركه لي
حبيت اعرف زوجك او الرجل
ليش يتزوج !!؟
انا اتكشخ له واهتم بالبيت وشكلي
لكن نوعيته زوجي مايتكلم
الا نادر وانا مثله
يعني فيه شيء جديد سوااء بدوامه او حدث عندي
اقوله او يقوله
انا خجوله شوي وهو جريء بس ما عنده رومنسيه ابد
لا بوسات ولا ضم
انا الحين اذا جاء استقبله
بس خرجاته لاصدقاء كثيرة
​

 

[أجراس الأمل]

مووووووووووووضوعك روووووووعة واسلوب شيق وسلسل ماشاء الله تبااارك الله .. الله يجزاك خير رقة خزامى ويوفقك ويسعدك ياااارب .. مرة استفدت من موضوعك وموضوع الملكة كثيييييييييير

ملكتي ان شاء الله بعد اسبوعين .. وان شاء الله اطبق كلامك الله يسعدك سويتي فيني خيررررر ومواضيعك بوقتهااا ..
بس عندي استفسار .. فترة الملكة شهرين (احسها قليلة مرررررررررة ) .. ولو ما كلمني فيها كيف أتصرف عشان يكلمني لانة خجول واخاف يااااخذ وقت وما يكلم .. والفترة قصيرة ولا أيش رايك ؟؟

 

[dondooon]

ماشاء الله تبارك الله..
موضوع ررررررررررررائع لانسانة أكثر من رائعة..
الله يحفظك ويحميكي..
متاااااااااااابعة..

 

[احبة فديتة]

يعطيك العافية
ننتظرك ..

 

[ღ♥المخروشـہ♥ღ]

الله يوفقكَ ويسعدكَ ويسخرلكَ
والله يجزآآآآكَ ألف خير ​

 

[بنت القصصيم]

يعطيك العآفيهه
بنتظآرككك
بس عندي سؤال كيف الوحده تتغلب ع الخجل بداية الزواج وتعود زوجهآ ع اللي تبيهه