كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله

[ضحكة شقاوه]

ما شاء الله تبارك الله لكي
انا كنت ايام الخطوبه اقلوه يادب لانه كان يحرجني:5: بي الاحم
وبعد الزواج ياحمار لما يحرجني فلما قلت الاختي قالت مايصير الكلام هذا لانه زوجك !
بطلتها وانتي لما ذكرتيني فيها جلست اضحك ع نفسي:17:
انا لي متزوجه ستة شهور فكان بعد الاحم ااضمه واسولف عن استمتاعي معاه واحينا اكتفي بضمه فقط

ومره فقدها حس انو انا زعلنا منه :8:وهو الي ضمني مع انو كات غير مقصوده السالفه


شكرا لكي واسعدك ربي

 

[غــ K ــلاي]

رقة خزامى


انا مو مصدقه عنوني :clap:

وحشتيني ..
غيابك اقلقني عليك ,,
الحمد لله انك طيبه وبخير ,,


مبدعه كعادتك
وكلماتك كالدرر ,,..


بالنسبه للشوبنق
عندي تعليق بسيط !!
حلو ان الوحده تشتري وماتستخسر على نفسها شيء
لكن في المقابل لازم ماتضغط على زوجها ماديآ
خصوصا ان كان محدد للسفره ميزانيه خاصه وما معه سيوله كبيره ..
والغرض الاول والاخير لشهر العسل هو السياحه والمتعه والتقارب الروحي والجسدي
اللي بيبقى بذاكرتكم طوووول العمر​

 

[رقة خزامى]

هآي صبآيآ ...

هالجزئيه الزعنطوطه تابعه للجزئيه اللي قبل نسيت شغلات بسيطه ..

اولاً حبيت شمولية رد كل العطاء كيغ نوهت ان الثقل او التمنع ينفع حتى على الفستان المفضل او العطر او الكلمه ..

ونسيت اذكر موقف بسسسيط لاكنه معبر جداً..

زوجه كل ماتجي تصحي زوجها تبوسه وتدلعه وتلعب بشعره
المهم كان زوجها مرهق وتعبان مره مره جت تصحيه هزت كتفه وقالتله يصحى
وانسدحت جنبه وعطته ظهرها ايش سوى !!
ربت على ظهرها بخفه التفت لقته نايم ولافيه يتحرك ولاحركه من الارهاق ..

لاحظتوا !!

تعبان وفيه نوم ولايبي يصحى حتى ..
لاكن حتى وهو بعز نومه كان يبي منها حنانها ودلعها واهتمامها حتى لو ماكان ناوي يصحى ..
ربت على ظهرها يعني كملي لاتعطيني ظهرك ونام ..
جد الموقف جداً جداً معبر ..


(

) ​

 

[صوتي نغمه]

الحمدلله رجعتي لنا ​

 

[●{ فيونڪــہ ●]

يالله الموقف مرة حلو

 

[رقة خزامى]

مرحبآ صبآيا

هذي الجزئيه المفروض تكون تابعه للجزئيات اللي قبل
الموضوع مو مرتب وقتي على قدي
بأذن الله اذا حطيت نسخة قراءه برتبه

جزئيتي هذي عن شغلات تشوه عليك متعة شهر العسل

للأسف احنا احياناً نشوه متعتنا بأنفسنا ..




أخطر شيء ممكن ينغص عليك المقآرنه ..

* اكيد كل عروسه يمر بحياتها كذا نموذج لعروسه سعيده تشوف مواقفها مع زوجها تمشياتها طلعاتها وناستها مع زوجها مواقفها الحلوه وتخزنها كلها وتتوقع بيحصلها نفس السعاده .

ولما تعيش شهر العسل .. وهي مخزنه المواقف براسها تنتظرها من زوجها .. وممكن تفتعل نفس الموقف وتشوف ردة فعل غير متوقعه من زوجها ويصيبها احباط ..

وتقعد تقارن ..فلانه صار لها كذا وقالها زوجها كذا وأنا لأ .. فلانه وداها زوجها المكان الفلاني وشراالها بالشي الفلاني وانا لأ ..

وتبدى تدخل الهم لقلبها شوي شوي ..
ومهما سوا زوجها ~> وممكن يكون فوق اللي سوالها زوج فلآنه ومع كذا مو مقتنعه ..

شفتوا شلون تخرب على نفسها بنفسها ..
لو زوج صديقتك أو أختك مثلاً .. سوالها شي معين .. ممكن زوجك سوالك شي افضل منه وزوج صديقتك ماسواه لها .. ~> دختوا صح ..

الفكره هنا انك لو اطلعتي على حياة اللي تقارنين نفسك فيها ممكن هي تحسدك على حياتك ..

ارضي بكل شي واقنعي فيه وشوفي السعاده اللي بتحسينها ..

* مبالغتك بتضخيم المواقف المحرجه :blushing:
اجزم انه مافيه عروسه ألا وصار لها موقف يفقع ضحك .. ويحررج ..

هالمواقف لذيذه وبتحسين بلذتها بعدين ..

يعني لاتكبرينها وتنحرجين منها وتتذكرينها وتبكين ~> وياكثر اللي يبكون ..

* غيرتك وعدم ثقتك بنفسك ..

قبل كم يوم قريت زوج منزل استشاره بمنتدى منزل قصته كلها من إلى ..
يعشق زوجته مجنووووووونها ..
لاكن زوجته غبيه .. قليله فيها كلمة غبيه

من سياق القصه ~> ولاحظوا الزواج ماذكرها ..
اتضح ان زوجته اقل منه جمال .. يعني جمالها على قدها مع ان الزوج بالأستشاره مالمح من بعيد ولامن قريب انها موب جميله بس يكتب وش قد يعشقها لاكن من المواقف لاحظت ..

المهم جننت زوجها وهدمت بيتها بيدها بغيرتها ..
ماتتخيلون زوجها يسويلها مواقف رومانسيه تجنن
وهي تتصيده وتقوله انه حق بنات
(نفسي احط قصتهم جد فيها عبر كثيره )

زوجته جننته بغيرتها

كان فيها نقص ثقه بالنفس ..

رغم عشقه لها ماقدر غير يطلقها ..

اغلبكم بشهر العسل بيروح بلدان اجنبيه البنات فيها كل وحده تقول انا اكشف من جسمي أكثر ..!!

اذا طالع زوجك بأي بنت قدامه .. طالعي فيه ~> بينيله اني انا مراقبتك واعرف وين تناظر ..
خليه يحسبلك الف حساب ..
وبينيله انك ماتغارين ..

كان فيه زوجه بشهر العسل لاحظت زوجها شلون يناظر الحريم اللي يلبسون شورتات وطالعت فيه قزته ولافيه فايده .. قالتله~> على سبيل السوالف .. واي شورتاتهم خامتها جنز مدري شلون يستحملون الحر َ<~ بعدين تدرجت .. مع انها مره قصيره كل شي مكشوف ..كل شي طالع مايستحون .... بس اجسامهم مو حلوه .. الفخذ والساق على استقامه وحده ~> شوفوا الذكاء ..

طلعت فيهم عيب غصصصب ..
ماقالت لاتطالع ترى اغار و.....الخ
اوكي حلو تحسسين زوجك بغيرتك بس خليها بمواقف ثانيه
دام الموضوع متعلق بالجمال بينيله ان مافيه شي يستاهل انك تغارين
لأنك واثقه بنفسك


يتبع بأذن الله

~​

 

[شجوون2000]

يعطيك العافيه يالغلا على معلومات المفيده

 

[صوتي نغمه]

بأنتظـــــــــــــــــــــــــارك حبيبتي

 

[افق الدعوة]

الله يجزاك خير يا رقة

واشكرك على تلبية طلبي مع كثرة مشاغلك وقلة دخولك



حبيت اشكرك ودعواتك لي ما عاد بقى ع زواجي الا قلييييل

 

[احبة فديتة]

مبدعه رقه خزامى تتطرقتي لمواضيع فعلا احنا محتاجين نفهم وشلون نتعامل معها
الله يجزاك الجنة.....

 

[كل العطاء]

مشكورة ياعسل .........

بأذكر موقف طريف صار لوحده بشهر العسل ... كانت مع زوجها بالمول يتسوقون ....

وكانت فيه وحدة كاشفة وجها وشعرها ولابسة عباية اشبه بالفستان وجدا مغرية ...

زوجها لمحها وسال زوجته هذي وش شكلها ( سورية ) والله يابنات انها عبدة وكلنا عبيد لله بس اقصد من السمر مرة بس الشيطان خلاها سورية بعيونه .......

من القهر قالتله زوجته بكل ثقة سحبته بيده وخلته يلف عليها وقالتله بصوت واطي هذي سورية والله انها ( ... )

انحرج هو طبعا وماطالع ... بس بعدها تأدب ....

بقول معلومة كل الرجال طبيعة فيهم يطالعون بالحريم الا مارحم ربي ....
بس من المفترض منك يازوجة عدم الاهتمام بهذا الامر واعطائه اكبر من حجمة اي يكون هناك غيرة بس معتدله مو بااااردة ولا غيورلاة مرة ...

الله يسخر ازواجنا لنا ويسخرنا لهم يارب...

مداخلة بسيطة مما جال بخاطري ....

 

[نجديه سعوديه]

ماشاء الله تبارك الله
الله يوفقك ياررررب ويسعدك بحياتك
مرررررة استفدنا من موضوعك الله لايحرمك الآجر يارررب
واصلي بانتظاررررررك خزومة

 

[ترانيم الطفوله]

اختتتتتتتي رقه ربي يبارك فيك ويجزااااك الف خييييييييييير
بجد استفدت مرررررررره انا اكبر خوااتي وبجد متوهقه وزواجي بعد 20 يووووم
والحمد لله مدري
شلون طحت ع موضوعك واستفدت منه كثثثثير
ماشاء الله عليييك وربي يجزاك خير
حتى سجلت عشانك (((

ربي يوفقك رقه ياليت لو تستعجلين شوي لان زواجي قرب >> وفي اشياء كثيره اجهلها

ربي يسعدك دنيااا واخرررره

 

[طهر قلب]

الله يسخر لك زوجك يارب ويوفقك ويسعدك مره أستفدت من نصايحك ..

الله يجزاك خير ...​

 

[سروره القموره]

الله يجزاك الف خير

ممكن تفصلي جزئيه الخرفنه هههه خرفنه الرجل اكثر ؟

يعيني كيف اخليه يشتري كل الي ابيه بالاسلو و الكلام الحلو

الله يحفظك اشرحيها اكثر

ابي اخرفن زوجي هههه ؟

 

[ستبقى عشقا]

ماشالله تبارك ..الله لايضرك

 

[عصفورة بحضنه]

انفصلنا انا وخطيبي ادعوووووووولي

معليش رقه اني دخلت بموضوعك بس ابي البنات يدعون لي

اليوم جمعه وفيه ساعة استجابه

اذا كان فيه خير يرجعه واذا شر يعوضني خيرا منه

السبب طبعا تدخلات الاهل

ومتابعه بصمت

 

[ياربي أسعدني]

اللهم أني اسألك يارب أن تكتب الخير لاختي "عصفورة بحضنه" فأنت تعلم ولانعلم
اللهم أربط على قلبها وارشدها لطريق الصواب ووفقها ...اميييييييين

 

[هاكونا متاتا]

يـآحيـآتي يـآآآرقه والله انتي مررره ذوووق ماشاءالله عليكي

اتفدت منك كثييييييييييييييييير ..

متاابعتك دووم

 

[حفيدة نيوتن]

جزاك الله خير
استفدت من موضوعك مره
ماشاءالله تبارك الله
الله يوفقك ويسعدك مع زوجك ويحفظكم من كل شر​