كل اللي يتقدمون لي مايعجبوني!_إستاذه ممكن شوي من وقتك؟

[الحُرّه]

بسم الله الرحمن الرحيم

بعد التحية والسلام ...أبعث اليكن ارق التحيات العطره!

لارق مخلوق في هذا الكون!....

أعجبني منطق الإستاذه -ناعمه....والإستاذه موزه...لاني التمست من كلامهم منطق ...وعقل فاهم!

لذا اعرض عليكم مشكلتي بكل خجل...

لان كثير من قريباتي هم من رواد هذا الموقع...فشيء محرج اني اكتب هذا الكلام ويقرأونه!...


مشكلتي بكل اختصار...

اني انا بنت في 21 من العمر...انخطبت اول مره من احد الاقرباء من كان عمري 18 سنه

كانت هالخطوبه عن قصة حب...عرف عنها كل اقاربنا...

هالانسان ...كنت احبه من وانا صغيره...من كنت في ابتدائي...وكنت راسمه له صوره في بالي

رغم ان اكيد ماراح اعرف شخصيته ...واطباعه الا بعد الخطوبه!

لكن يوم خطبني قريبي...وصرت اكلمه ...وازورهم بالبيت ويزورنا...

صارت معاه مواقف كثيره ...اهو عنده اخت متجبره... وكانت تكرهني ماادري ليش؟!

رغم انها كانت صديقتي من ايام الابتدائي؟

ويوم خطبني اخوها نغصت علي عيشتي...وكانت تغلط علي قباله وهو يسكت!

والله مو مره _ولا مرتين ولا ثلاثه!...

3 سنوات وانا اكتشف كل فتره شي جديد فيه ....يخليه يطيح من عيني!...


وبعدها وبعد ماكبرت ...وفتره المراهقه الطفوليه راحت...وبديت افكر بعقلي...

وضحك الصوره ...واكتشفت اللي كنت غافله عنه...

شخصيته ...كانت ضعيفه مره ...

ماعنده اسلوب! ابداً...

واخر 6 شهور قضيتها معاه حسيت انه عضمه في حلقي....تبون الصدق؟

كرهته!....وكرهت اليوم اللي حبيته فيه وكرهت اليوم اللي جاء وخطبني...!

ليت ترجع ايام طفولتي...من وانا صغيره...كنت احاسب نفسي على اني كبيره!


انفصلنا...

آآآآآه ماتدرون شقد ارتحت....حسيت ان جبل انشال من صدري!


وزاد وزني من الفرحه (الله كان شعور جميل)...اوصف لكم اكثر...

حسيت اني خفيفه ...شفتوا لمن تسبحون في بركه...

طبعاً انفصلت من قريبي السنه الماضيه ...بشهر ربيع اول...

في شهر رجب...خالتي خطبت لي ولدها(اصغر مني بكم شهر)وطبعاً رفضا لانه اصغر مني....


وبعده بشوي خطبني واحد وقلت ماابيه لان شكله ماعجبني...:thumbdown:


وبعده خطبني واحد...هههه:nosweat: مدحوه اهلي خلوه يصير بالسما مابقى شي ماقالوه عنه...

عضلي...انيق...غني...(((((((ذكي)))))))....


ووافقت...ومه مرور الايام اعذروني...ومع مكالماتي معاه اكتشفت انه مسكين...

مو مكمل الدراسه...والذكاء هه يعني مو لهناك...

تصرفاته صبيانيه....كان عمره 15 :sadwalk:....

شنو هذا....انا اتضحك عليا ولا ايييييه؟:schmoll:....ورفضته

رفضته=قلت ماابغاه وتفركشت الخطبه=انتهت!

وبعدها انخطبت لواحد ومن دون مااشوف اهله ولا اشوفه ولا اعرف عنهم شي...ماوافقت

لان عمره صغير ومانعرفهم....


واخر واحد خطبني هالاسبوع ...كنا بزواج

طبعا اخو العريس هو اللي خطبني...

وفي شي غريب لاحظته بالعرس...

ان يوم دخل المعرس واخوانه وابوه...

اخو المعرس كان جالس بالمسرح وشفت خطيبته جات بدون شيله=شعرها يبان

وقامت ترقص بالمسرح!!!

شنو هذا ؟؟؟؟:shutup: شهالعايله المصخره؟!...وين احنا بديسكو؟

ويوم طلعوا اخوان المعرس ودخلت العروسه!!!

جت خالات المعرس جنب الابو لابسات عباه وشعرهم باين من تحت الشيله...

ويرقصون ...

المنظر الفضيع اللي صدمني....

ان خالة المعرس ترقص بالمسرح ...ويجي ابوا المعرس يكب عليها فلوس...(رقاصه )ههههههه


وجلسنا انا وخواتي نتمصخر عليهم

وكلها يومين الا ام المعرس تتصل وتقول نبي نخطبك لولدي :shutup: هههههههه


طبعا ماوافقت...

الحين ياجماعة الخير....انتوا تشوفون اني عندي مشكله؟!


امي تفكر اني محسوده

وجدتي تنذر علي!!!

وخالتي بعد...!

انا كل مشكلتي اني حذره ....ولازم ادرس شخصية الواحد...

اجل وش يبغون اتزوجه واتطلق؟!


اخاف اني حاطه نفسي بوهم....وان فارس الاحلام اللي راسمه صوره في بالي له

ماهو الا خيط دخان..



الاسئله اللي بطرحه على الاستاذتين وعليكم يانساء...

+هل انا غلطانه بحذري الزايد؟

+هل تشوفون ان صفات فارس الاحلام اللي حاطته في بالي خياليه بزياده

(ذكي_اكبر مني عمر_مثقف_عنده اسلوب)


انا والله احس بارق...احس اني انسانه ذكيه...ومابي واحد مايجاريني بالذكاء

ومتعبني التفكير...


افكر في حياتي..في شخصيتي...في الماضي...في عملي وفي اللي راح اسويه


رغم اني اشتغل ...وبنفس الوقت ادرس دورة مكياج=مافي وقت اطلع واتمشى

او حتى احك راسي

الا اني احس بفراغ....



كل يوم قبل ماانام...اجلس افكر...(بتقولون كلنا نفكر)؟...

انا ما افكر ساعه ...اكثر من ساعه


احيانا والله يكون فيني نووووووم وانسدح بالسرير وماانام واقوم وارجع

اوصل للساعه 12 الظهر او حتى 3 العصر وانا مانمنت!



انتظر ردكم بفارغ الصبر

 

[ترانيم دجلة]

اختي العزيزة ان كل ما تمرين به هو حالة طبيعية وتمر فيها اي بنت في عمرك انا أيضاً في فترة من حياتي مررت بنفس ما تمرين به الان ...اختي الغالية ان موضوع الزواج هو قسمة ونصيب ورب العالمين بيجيبلك نصيبك لحد عندك ,,,كل ماعليك هو ان تدعين الى رب العالمين ونحن في افضل الايام في شهر رمضان ان يرزقك الزوج الصالح وان لا ترفضي اي شخص بدون استخارة رب العالمين فعسى ان تكرهوا شيئاً ويجعل الله فيه خيراً كثيراً وانت بعدك صغيرة والحياة كلها امامك لا تفكرين بموضوع الحسد صحيح هو موجود ومذكور بالقران لكن ليس كل الامور نرجعها للحسد واذا كنت تخافين من الحسد فأقرأي قل اعوذ برب الفلق وان شاء الله ييسر امرك
امنياتي لك بالتوفيق اختي الغالية

 

[@خوخه@]

اختي الحبيبه...
انتي عادي وطبيعيه ميه الميه...
كل البنات تجيهم في مرحله ما نفس حالتك..
افتكر قبل سنه كنت جالسه مع بنات عمتي وسبحان الله كلهم نفس كلامك..
نسخه.. وحده منهم نفس حالتك بالضبط.. نصيبها ما جا.. وهي تقول هل انا تفكيري غلط؟
هل الشئ اللي باسويه حرام؟؟
ليش كل صاحباتي اللي اقل مني جمال اتزوجوا وانا لسع؟؟ انا بنت الحسب والنسب والجمال؟؟
..
اخت زوجي كانوا ابوها وامها كانوا برفضوا اي عريس مو مناسب وهي حزينه.. تقولي يا خوخه ابغا اتزوج وخلاص!!!
طبعا انا اقولها اعقلي ايش تتزوجي وخلاص.. انتي ادعي ربي يسخرلك ولد الحلال.. ماشاء الله عمي وام زوجي مهتمين بيهم مايبغوا يرموهم لاي شخص ما يستاهل..
..
وبنت عمي الثانيه.. لو اقولك ملكة جمال.. ماشاء الله بياض ونعومه وجاذبيه.. والخطاب عليها كثار محل ما تروح.. بس النصيب ما جا...
...
سبحان الله كلللهم اتزوجوا العام الماضي..
..
يا حياتي عادي...
هذا النصيب..
...
ماعليكي انتي بس الا الدعاء.. والتوكل على الله.. والتفاؤل بالخير..والنظرة الايجابيه...
وتذكري الطيبات للطيبون.. والطيبون للطيبات.. ان شاء الله...
وهذي ارزاق واقدار مكتوبه .. منذ الازل..
...
وزوجك مكتوب لك ...ماعليكي انت فقط الا الدعاء...
استغلي هذا الشهر الفضيل .. كل يوم مع الفطور.. ادعلي ربي يسخرلك ولد الحلال اللي يستاهلك ويقدرك.. وتحبيه ويحبك.. ويكون لك زوج الدنيا والاخره..واهله طيبين.. وحياتكم سعيده وطيبه..
...
راح تفتكري كلامي هذا .. ان شاء الله في القريب العاجل..
انا بنات عمتي واخت زوجي لليوم امزح معاهم واعايرهم.. ونجلس نضحك..
اقولهم في التاني السلامه وفي العجله الندامه..
..
واذا جاكي النصيب لا تنسي صلاه الاستخاره...
يوميا ولو تقدري مع كل فرض صلاه.. يعني اكثر من مره في اليوم..
واخرجي صدقه .. ووكلي امرك لله..
...
وان شاء الله نسمع منك اخبار حلوه قريب...
....
اختك المحبه................خوخه

 

[الحُرّه]

مشكورات ...على التفاعل!