كلنا مطنشين بعض

ا

المها2010

New member
إنضم
2009/07/28
المشاركات
151
تصدوقون زوجي مطنشني ما يكلمني قال لبنته الفطور الساعة 9 ما يبي يقول لي
هو يسوي كذا وأنا أصلا مسوية كذا كأنه قاعد على المنتدى
طبعا هذا بعد مشكلة لأنه يضغط علي ويدور أدنى غلطة يسجلها علي
أنا يوم اشوف إني على حق ما يهمني زعله وأبطنشه لحد ما يمل
المشكلة يبي العزايم عندي وزوجته الثانية لا فيضغط علي
والله ما أدري بكره كيف أسوي
 
ماينفع التطنيش حبيبتي وبعدين بيتعود على تطنيشك وانتي تموتي قهر ....لاتنسي الإستغفار..
 
يا قلبي هو تعود وخلص صار هو اللي يطنشني بس هو مخطي
ما أقدر أتنازل صعبة
بداية المشكلة إنه خيرني بين أمرين العزايم ولا أسكر الباب اللي على الصالة وهو قاصد يفرض العزايم علي
بعدين قلت خلاص أسكر الباب انجن لأنه ما يقصد التخيير ما يتوقع أخلي له البيت ما آخذ غير جزء صغير
بعدها زعلنا وطنشته لاحظت إنه مطنشني
 



اقدر افيدك بس جاوبيني على هذي الاسئلة:

هل العزايم هذي يوميا؟؟اذا كان لا كم مرة في الشهر ستكون عندك؟؟

هل زوجته جديده يعني ما لها فترة طويله معاه؟؟

هل لديك خادمة او احد يساعدك؟؟


اجيبها لك من الآخر

اذا لم تكن العزايم يومية وكان عندك خادمة او من يساعدك
مشي الأمور بسلاسة اكثر

وخليها عندك واضبطيها تمام خلي الناس تحكي عنك
وعن سفرتك الرائعة

وبكره هي من تلقاء نفسها راح تطلب يكون عندها نصيب من العزايم عشان تسطع نجومها ههههههه

وينحكي عنها


وبكدا تكوني ارتحت من شيء من المشقة


واستفدت خبرة في المطبخ :bigsmile:


الله ييسر امورك

جاوبتك عن تجربه
اي سؤال انا حاضرة
​
 
ما اختار بيتك لعزايمه الا لثقته انك راح ترفعي راسه عند ضيوفه

ومستحييييييييييييييييل راح يقولك هذا الشي


يخاف تنفخي راسك وتتدلعي عليه
​
 
تسلمون على المرور
حبيبتي الملكة الأولى بصراحة ودي آخذ حقي ما يفرض علي هالشي واستسلم وبعدين هذا ظلم
زوجته هذي لها سنتين وعنده خدامة والعزايم الصراحة كثيرة بس بالعطلة حسب الضيوف إذا جاء ضيف عزم ولو جاء غيره عزم ممكن تتوالى ورى بعض وممكن تقل
يعني أسكت للظلم هي تشاطرني زوجي في كل شي إلا هذا ليش يجيبها طيب
وغير كذا ودي مثل ما حط بيت ثاني يتحمل لا تحسبون اني أغار منها ليش مرتاحة لا أنا أتعامل مع زوجي أبيه يتعب ويرقي الضيوف لأنه حط بيت ثاني وهذا جزائه ولا بعد أريحه
تدرين انه يفكر بمصلحته راحته تحت بوقت العزيمة
اللي ما يقدر يتحمل بيت ثاني لا يتزوج
الصراحة انا أعاقبه ولا هي ما دريت عنها
 
والله انت أدرى بزوجك
بس المهم لا يتعود على بعدك
وربي يسخره لك
 
مافيه الا تجلسي معه


وتتباكي وتقولي انك منى عينك رضااه ويهمك انه يتشرف قداام ضيوفه


بس اساليه هذا مو ظلم ؟


مو يحق لي انقهررر؟



طيب ليه اذا صار يومها ليه مااتنزل وتطبخ هي تحت ؟


او تطبخ فوق وينزلونه العيال او هو ينزله على قولتك خله يتعب





تكلمي بصدق .. وصراحه في نفس الوقت حسسيه انه يهمك هالشيء


بس فيه ظلم .. لك ..



قولي حبيبي حنا وضعنا غير انت رجل يمكن ماتفهم بس الحريم يفهمون وانا ماارضاها


اذا زعل وتلفظ اسكتي



وقولي



انا مأموره اطيعك ... ولكن .. انت بعد مأمور تطيع الله ..بالعدل


واطلعي ..



وانسي .. الموضوع واسكتي .. وصدقيني .. اذا شاافك يهمك طاعة الله


ومن ثم طاعته

راح يفكر ويقول مسكينه .. ومطيعه مو ( عوبا )



وانا لاحظت انك عاااااااااااااقله مررره



من ردودك وطريقة كتاتبتك ..



واعجبتيني .. لما قلتي ( ولا هي مادريت عنها ) ياليت كل الحريم مثلك






الله يسعدك ويسخره لك
 
كتبت لك رد طويل بس انطفى الكمبيوتر وضاع علي

لكن راح اختصر لك الموضوع

انت تبغي زوجك يطلع ضيوفه فوق ،، صحيح؟؟

عناد الرجال يزيده عناد انتبهي من هذا الشي

الأمر بسيط جدا

تصالحي مع زوجك

وخبريه انه رضاه اغلى عندك من اي شي وضيوفه في عيونك

وانكم خلاص صرتو اسره وحده و جارتك وحده من هذي الأسرة ولازم تتقاسمو التعب
بينكم يعني اليوم اللي عندك يكون ضيوفه عندك واذا فوق فوق

ولا تلحي عليه في الموضوع يعني كل كم شهر ارمي له كلمة من بعيد،، تعليق مناسب في الوقت المناسب :shiny: وانت اشطر الشاطرات وادرى بشخصية زوجك

مرة مع مرة بالمسايسة والهدوء راح يستجيب

بس اصبرررررررررررررررررري ي ي ي ولو كانت استجابته بطيئة لا تتحطمي ابدا
​

وبصراحه بيني وبينك
انا افرح اذا جاب ضيوفه عندي في يومها
بعد العزيمه اسأليه كيف ضيوفك خرجو مبسوطين؟؟؟ وخذيلك شوية شحن من حضنه الدافي وكم :a194:

ياسلاااااااااااااااااااااااااااااااااام

كنت زيك وصرت عكسك ،، اتمنى لو كل يوم وهو جايب لي ضيوفه لأني عودته عالخطة السابقة الذكر ، وحطي 10 خطوط تحت عودته لأنه زوجي جافي شوي وما كانت تعجبه هالحركات


خذيها مني نصيحه

قللي من المشاكل قدر الإمكان مع زوجك

واشعريه بالسعاده ايا كان مصدرها

اذا كان زوجك مثلا سعادته مع كثرة الضيفان اسعديه في هذا الجانب
وراح تشوفي نتائج ما كنت تتوقعيها ابدا


​
 
الله يوفقكم
كلامك رائع ياملكة لكن زوجي يتمادى ما يصرف علي يعني الكسوة فقط ولا البيت يجيب كل شي بس رامي مصاريف العيال علي ويخاف يدفع شي
فيه حاجة بنفسي كيف أنا أتغاضى وأتقبل كل شي لو كان ظلم وآخذ الموضوع لصالحي وهو مادرى عني يبي يحس إني أسوي كذا عشانه أهم شي مصلحته ما أحس إن فيه نتيجة هل بيعطيني مصروفي
أنا أعالج الموضوع من ناحية إني ما أتنازل عن حقي أوريه قوتي بس بهالزمن ما تنفع التضحيات
وش رايكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل