كلام الاهل ليس دائما صحيحا

[راجيه الرضا]

كلام شديد بس فين الفهم
مطلقة سألوها بعد الطلاق ، إيه الدروس الى أتعلمتيها من التجربة ؟ قالت ، عدم التهور ، وأسمع أكتر ما أتكلم ، أسيب ديما الباب موارب يمكن يكون في فرصة تانية ، أواجه مشاكلى بنفسي ومسمحش لحد التدخل فيها ،
سؤال
ومين شجعك من أهلك على طلاقك ؟
كلهم تقريبا ؛؛ مفيش حد فيهم حاول مره واحده يقولى حافظى علي بيتك ،،، مفيش حد فهمنى إنى بخرب بيتى وبضيع مستقبلى ومستقبل أولادنا ،،،
سؤال
وأهلك واقفين جمبك دلوقتى زى ما كانوا واقفين معاكى وبيشجعوكى على الطلاق ؟
مفيش حد فاضيلى ولا فاضى لاولادى ،
أخويا إللى ياما شتم وسب طليقى أتجوز وعايش مع مراتة وخلف ؛ لو يوم غضبت يعيط زى العيال علشان ترجعله ،،، اختى بعد ما أنا اتطلقت ؛ اتعلمت من تجربتى لو حصل خلاف بينها وبين جوزها تحله في بيتها ،
سؤال
عملتلك إيه فلوس الطلاق والقايمة ؟
كل إلى أحتاج حاجه من أخواتى وأهلى خدوها وباقى القايمة مرميه في مخزن تحت البيت
سؤال
لو طليقك عايز يرجعك لعصمته ممكن ترجعى
انا أتمنى ارجع لكن هو مش ممكن يفكر يرجعنى بعد اهانته ، ولف ودار على محاكم الأسرة
الخلاصة
أنتى كنتى مجرد حقل تجارب ؛
وليمة كلهم كلوا منها وشبعوا وبطونهم اتنفخت بس أنتى هتعيشى وتموتى من الجوع جوع المشاعر ،،،
جوع الأسرة والبيت المستقر
قدرك أنك تشوفى غيرك مبسوط و مرتاح وأنتى بتتحسرى علي حياتك إلي ضيعتيها بإيدك وبأرادتك ،، والكل بيقولها اتطلقى ،، وابتدى من جديد ،، والحياة فاتحالك دراعتها ،، مين قال إن الطلاق حاجة سهلة وبسيطة ومحببة كده؟
مين أصلا يجرؤ يعطى واحدة نصيحة يقولها اتطلقي؟ مين يقدر يشيل وزر قرار انفصال اتنين كانوا سكن لبعض ،، قال تعالى ، ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن فى ذلك لآيات لقوم يتفكرون ،،،،،،،،،،،،،،،،،،،،،،
اللهم احفظ بيوت المسلمين من كل سوء
منقول...

 

[راجيه الرضا]

للتوضيح نعم هناك حاللت لابد فيها من تدخل الاهل وهناك حالات لا حل لها الا الطلاق لكن للاسف هناك بعض حالات يتدخل فيها الاهل بغير وعي ولا نضوج ولقد عاصرت حالتين هكذا فلم تجن الزوحه في الاخر الا الندم لان نوعيه المشاكل كانت لا تستحق تدخل الاهل واهانتهم للزوج ....حفظ الله بيوت المسلمين

 

[omdeema]

احسنتي راجية ع الموضوع
تسلمي عزيزتي​

 

[راجيه الرضا]

احسنتي راجية ع الموضوع
تسلمي عزيزتي​

أحسن الله إليك حبيبيتي

 

[Lena Dareen]

بارك الله فيك راجيه حبيبتي ..

مشكورة ​