كـــيف تجعـــ،،ـلين [[ الـشـــــــ%ـــرقي ]] يعـشــقـ،،ـــكـ للأبـــــــ%ـــد!

الحالة
مغلق و غير مفتوح للمزيد من الردود.
الكــــلام اللي يخبل بالشرقي

اول شي نبدا بالكلام اللي يحب يسمعه..
بيني له اهتمامك فيه ولو عندكم اطفال، لانه يغار احيانا لما يشوفك مهتمه فيهم ومو فيه.
لما يكون مشغول البال او مضغوط من الدوام والشغل، اقعدي بكل رقه معاه وقولي له "يا تاج راسي، الله يقويك، الله يحفظك ويخليك لنا يا رب، الله ييسر امورك ويسهل عليك شغلك يا رب" قولي هالكلام وانتي تبوسيه على راسه مثلا.

لما يقلب وتشوفيه ماله نفس لاي شي، خصوصا انه احيانا يتغير عليك، قولي له او ارسلي له مسج..
" ماني عارفه شو اللي مكدر خاطرك ومضايقكك، بس تأكد اني دايما موجوده بجنبك واسمعك"
ومن هالكلام اللي يحسسه بوجودك معاه حتى في ضيقته.
لا تتركيه ولا تهمليه ولا تقولي ما يحبني وهو اصلا متضايق وانتي في عالم ثاني.


لما يقهرك والا يغلط بكلمه او كلمتين .. اسكتي عنه
وبعدها قولي له وانتي جايه ركض تضميه ههه "اذا انا ما صبرت عليك منو اللي راح يصبر عليك"، صدقوني راح يتذكرها.

لما يحاول يجرحك حطي في بالك انه طفل ولا تعصبي عليه وتعاقبيه، بالعكس، خليك مرحه وياه وضميه وحسسيه انك صح زعلانه بس صابره عليه لانك تحبيه.

قولي له " صح اني زعلانه بس انت غالي علي وما تهون"
" لو اني زعلانه منك لانك عملت كذا وكذا.. بس انت غالي عندي وغلاك شافعلك"
ومن هالكلام اللي يفتح نفسه ويخلي مزاااجه يرووووق على الاخر

 بالنسبه لكلام الحب،
خليك حنوووونه وياه، عطيه الحنان والحب، لان مهما كانت امه حنونه عليه مثل حنان الزوجه ما راح يلقى بهالدنيا. لان حنانها وحبها وحرصها وشوقها له يختلف تماااااااما عن شعور امه تجاهه.
يعني لما تحسي بدا الروتين يدخل حياتكم وصارت صحوه الصبح عاديه، غيري فيها..
مثلا تعالي مره لما تصحيه من النوم وبوسييييييه وبوسيه وقولي له " احبك احبك احبك.... " "يااااااا ربي كييييييييييف احبك"
الشرقي اللي عندي استهبل علي وقال شو فيك تخبلتي على الصبح، بس لما راح ورجع من الشغل رجع مستااااااااااااانس على الاخر بعد الحركه ورجع مبكر بعد هههه
يعجبهم الخبال شوي بس مو دايما.

وكمان لما ودك تصحيه.. اهمسي في اذنه بكل رقه.. "حبيبي يلا اصحى من نومك"، وبعد ما يصحصح شوي ، قولي له "صباح الحب يا حبيب الروح"...الخ
وكمان جربي واهمسي في اذنه بكلمه "احبك" لما ما يتوقعها منك.


لا تلاحقيه بالمسجات بس عوديه يوصل منك مسج ..
لما نقول لا تلاحقيه يعني مو كل شوي مسج حب وشوق وهو توه طالع.. والا انت وين؟ متى ترجع.؟؟ و و و
لااا..

بس عوديه على مسج معين.. او اسلوب معين..

مثلا الشرقي اللي عندي من كثر ماهو متعود مني ارسل له مسج كل يوم على وقت الغدا اسأل اذا بيرجع البيت يتغدا والا لأ ودايما اكتب له كلمه ادلعه فيها
مثال: ( "اسم الدلع" بترجع البيت تتغدا عندنا؟)
لا تستخدموا حبيبي لانه راح يمل منها، خلوا هالكلمه نادره علشان يكون لها طعم ومعنى عند الشرقي..
فــــــمره نسيت ارسله المسج ولقيت مرسل هو المسج
نسسسسسسسسسسسخه على اللي ارسله له كل يوم هههههه
يعني احلى شي في الشرقي حبه للروتين لما تستغليه لصالحك.

ارسلي له احيانا مسجات مثل:
"كل عام وانتي في حياتي حياتي،
مبروك عليك السنه اليديده، عسى نعيش احلى ايام العمر سنه ورا سنه.
قبل لا تبدا السنه اليديده، كلمه ودك تقولها لزوجتك؟"

"اذا عطيتك يديني وسكرت لك عيوني، وعطيتك دقيقه تقولي كلمه من قلبك، شو راح تكتب؟"

وقيسوا على ذلك.. من الحركات اللي تجذب الشرقي وتخليه يعبر بكلام حلو.

اختااااااااروا الوقت المناسب في ارسال المسجات او الكلام معاه بكل حب..
يعني مو يكون في اجتماع او مشغول او عنده شغل وانتي مرسله مسج شوق وغرام ..
ما راح يرد عليك.

وكماااااااااااان مهممممممم
من فتره لفتره، خليك على كلمه معينه تكرريها كثير,, راح تلاحظي ان الشرقي حفظها وراح يعيدها عليك بعد فتره..
مثل.. لما تسولفوا وودك تعرفي تفاصيل شي معين تكلم فيه.. قولي له..
" كيف يعني؟"
"ما فهمت عليك"
"كلام حلو"
"حبيت هالكلمه منك"
"حبيت هالحركه منك"
"يا عيني عليك"
"يا خطير انت"

يعني من الكلمات اللي ممكن تتكرر في كثير من حديثكم..
ليه؟؟
لانه لما يروح عن اصدقائه مثلا ويسمع كلمه انتي كنتي تقولينها له دايما، راح تظهر صورتك وصوتك قدامه، هههه يعني تصيري ساحره كل شوي تنط له في خياله
اعملي حركه دلوعه مثلا كل ما تتكلموا وتسولفوا،

يعني تلعبي بطرف شعرك، وبحركه دلع .. راح يذكرها لما يكون بعيد عنك.
خليك تتكلمي بدلع وما تقولي غير الكلام الطيب الحلو..

يعني حتى لو احيانا تتميعي شوي ههه وتصيري دلوعه بزياده راح يعجبه. موووو دايما.. قلت احياننناااا..
مثلا, تكلمي بدلع غير عن الاسلوب اللي هو معتاد عليه، خفظي نبرت صوتك بزياده، خليها نبره بنت اكثر واكثر .. راح يلاحظها ويمكن يعلق عليك. بس ما عليك، راح يجي في باله لما يكون مشغوووول.

انا الشرقي اللي عندي مره قالي.. "لما فعلاااااا تكلم"
انه كان بالدوام وفي اجتماع، وجيت على باله فجأه.. يعني سرح فيني، وقال.. هذي شو جابها على بالي الحين.
فرحت كثييييييييييييييييير..


للاثااااااااااره ووقت الجنس

استخدمي من فتره لفتره كلمـــــــــــآت تثيـــــرهـ وتخــــبل فيــــــه،
وامدحــــــــي ال"احم احم"..
وقولي اشياء مثل "هالشي اللي يعذبني بس اموت فيه" مثلا..
خليج مبهمه في تلميحاتك بس يكون هو عارف معناها ، لا تخافي تراه ذكي ويفهمها..


في احد قال عن الشرقي "اذا نطق فانه يصير شاعر ويهيم بك في عالم الحب والشوق"
كيف راح يصير شاعر اذا ما كنتي انتي القصيد!؟؟
خليك القصيده اللي يتغنى بها..
وصدقوني راح تسمعوا منه اشياء انتوا ما تتوقعوها ابدا!



يلا انتظر تفاعلكم وحركاتكم ^^
 
الصراحة انا محتارة كتيييييييير
ماعم احسن اعرف زوجي جنوبي شرقي ولا شرقي جنوبي
ممكن تدلوني عالفاصل الي بفرق فيه وبميز شخصية زوجي
شو الفرق بين النمطين ؟؟؟؟؟؟؟؟
 
،،،صدقتي اقوتشي في كل كلمه قلتيها
فعلا لما يحب بقووووه تعالي شوفي المسجات من تاليفه جد جد كنز احتفظ فيه
يااارب يرسلي هاليومين وحده زماااان عنها انشغل الله لايشغلنا الا بطاعته
 
حيى الله شريشاتي

:10:ياربااااااااااااااااه حشى حشى منتو حريمات من اقطاار المعموره كلكم طباييييييييييني بسم الله وش هالشررقي المنتشررر في كل مكان بصراحه موضوع في قمه الروعه ابدعت راعيته وطفووشه انا 8 سنين متزوجه شرقي جنوبي وانا جنوبيه غربيه متفقيييييييين في جنوبيتنا ياربي لك الحمد ّّلاكن انا جناااااااااااااني الرومنسيه وهو جنااااااااانه الروتين ّّوالله ثم والله ثم والله اني ماقتنعت ان ربي خااالقه كوذي الى يوم عرفت نمطه وقريت عنه ساار كل طبع مايعجبني فيه اررررجع افتكر ان هذي علومه من الي خلقه مابيده حيله :35: ((اللحين لاهنتووو عرفنا اللبس والاسلوب والاحييييييه :32:كيييييييف نخليه هو يفاجئنا بشي غريب عجيب يحبس الانفااااس والله اني من يوم اعرست اشحثه ورده شحثثثثه شااد علي احلى سيفون عربي بالعالم الي يقهرررني ويموتني قهرررر انه يعرف وش انا ابي بالضببببط ويسوي حاله اهبل ويرفع ضغطي ))ياطبايني العزيزات جاوبوني على هالسوال الي ماكل راسي اكل ليييييييش هم يعرفون وش نبي بالضبط ولا يسووونه مع انه يعرفون بالضبببط وش نبي ليييييه حنى بنموت عشان نلبي متطلباتهم لو على حساب حالنا ونقراء ونتثقف وهم يابااااااااسط حاطين رجل على رجل ّّّادري ان كللللللللل صفاتهم زينه الحب والطيبه وحي الحشمه والحكمه

ابيه يسير رومنتيكي نفسي فورده عشره 8 سنين ولادخل علي بزرعه من جنب الاشاره ّّنفسي يييفاجئني باي مصيبه ههههههههه قصدي ليله تخليني اقعد ورى الباب واصيح زي الاطفال :11:


عطووووووووووني الحل ياربع ولا والله ثم والله ((سوف اتشقلب ))هههههههههههه >>يالبيييه على هالتهديد الاليم والرنان ّّردوو علي فديتكم لاتخلوني ارجع للفيس والشات وهالخرابيط >>ودي اعقل :23:​
 
،،،اساليني انا عن الهدايا والله والله حفيت لين صار يجيب
واذا جاب او فكر يجيب مايسكت تروح فرحه المفاجأه لانه يلمح
بصراحه انا بديت معه بالهدايا الين يأست وانا دايم المح بالهدايا وودي بهالشي تجيبه هديه
او اتمنى تدخل علي بمفاجأه
انا مرت اتشرط يجيب لي ورده مكافأه لي انو تعبت بشي معين مثلا
او قثبل الولاده اقلو ابغى الشي الفلاني هديه نفاسي
وهه هه الحمدلله في تحسن طفيف لكنت الفترات بعييييييييييييييييييييييده بينها

لااااااااااااابد من الصبر الصبر الصبر لانه روتيني فصعب يغير نفسه في مده قصيرررره


بس ماراح تلاقي تجاوب في الهدايا الا حتى تتعمقي بقلبه وتطبقي كل شي يعزز رجولته ويحترم غموضه وضمته وروتينه ويعزز حبك بقلبه
ساعتها وانا قلت يصير مثل الطفل المطيع

اذا انتيب جنوبيه غربيه تعالي جنبي نأزر بعض ​
 
مس قوتشي يازينك ويازين حكيك
تراني لطشت الرسائل حقتك ههههههههههههه

لا تحرمينا نبغى المزيد
مس قوتشي الله يسعدك ممكن طلب ابغى فقره خاصه كيف تتعاملي مع اهل الشرقي
وانتي ياطفوشه اذا عندك خبره لا تبخلين علينا بليز او اي وحده تعاني منهم تقول كيف تعاملت معاهم
 
بالنسبه للجنوبيه الغربيه من جد الله يعينها جهاد مع الشرقي الله يعينكم
اكيد عندكم فراغ عاطفي
لان الشرقي هو الي يطلب الدلع منك بس مايقدر يدلعك حسب رغبتك وطاقتك
 
قوتشي فعلا انا زوجي مايحب اني انشغل عنه بشي زي جلستي عند النت مايحبها ينقهر مره يجي يشوف ايش قاعده اسوي وفي باله يقول هذي في ايش منشغله
انقهر منه مرات ماابغاه يشوف اني ادخل على هذا المنتدى
يجي عندي ويقول هذا النت مدري ايش اخرته لازم ينفصل من البيت بس اعرفه مارح يسويها بس عشان يستفزني بس انا مااعصب ولا ازعل بالعكس اقفل النت واقوم عنده ادلعه وامزح معاه واسولف شوي
واذا وقت النوم اسوي له مساج خفيف او اهتم فيه بأي شي بعدها اسئله اذا يبغى شي وبعدين اقول تصبح على خير وابوسه وطبعا اخبله بنفس الكلام الي قلتيه ياقوتشي والي اكتشفت انها تعجب زوجي
يستانس مررررره خاصةة اني ماالزق فيه طول اليل هذا الشي يكرهه الشرقي كأنك ماصدقتي على الله انه يناديك عنده وعاد طول ماانا جالسه معاه يدلع مثل الاطفال
واقوم بعد ماتطمنت على ولدي والله احسسه كأنه ولدي وهو يدلع مثل البزران يازينه
قبل مااطلع من عنده يمسك يدي وهو مبتسم ويقول احبك واقوله وانا بعد احبك
وعلى طول سيده على النت وهو في سابع نومه
 
،،،والله اهل الزوج يحب انك تنسجمي معهم بعيد عنه يعني لاتبيني انو انتي توصليهم عشانه لالالا خلي علاقتك فيهم زي اي علاقه ماله دخل فيها اذا بترسلي اكل ارسلي بدون ماتستشيريه او تهدي بدون استشاره
مابقول حبيهم
بس بقول احترمييييييييهم وخلك احسن منهم بكل شي
امدحيهم بوجهه بس مو بشكل مبالغ وقت المدح امدحي واذا شكى منهم اوقفي بالحق حتى لو في صفهم
امه امه امه امه امه خلك بصفها حتى لو شكى منها قولي هذي امك مهما كان
مو كل كلمه تنقط عليك او دقه بالكلام تقولي له

الا اذا ي قوي مره قولي له في اوقات المصارحه مجرد فضفضه لاتقولي له ينصرك او يروح يتمشكل او يتكلم حتى قولي بس حبيت افضفض لان بجد متضايقه يمكن ماتقصد بس انا تضايقت

فهمتوا علي ​
 
كلام راااااااااااااااااائع مشكوووووووووووووره ياقلبي وننتظر المزيد................................
 
شلووون أعرف خطيبي شمالي شرقي ولاجنوبي غربي ؟؟؟
مافهمـــت كييف تعرفون؟؟
 
واو رهيييب الموضوع
كملوا لا يووقف :22:= 450) this.width = 450; return false;">
فديت شششرقيي ياناااس ​
 
موضوووع واايد حلووو تسلموووو يالنشميات ع الطرح المميز

وفي انتظار البقية
 
نبغى نفهمم الشماااالي الشرقي نبغى نرتااااااااااااااااااااااااااح من مشااااااكله الي ماتخلص
 
يالبى قلوبكم

كل كلمة تقولها تفيدنا من جد

ونفسسسس الشرقي اللي عندي

متابعة بقوووة

ولي عودة للمشاركة
 
هلا والله حبيباتي

أمس كنت اتباعكم من بعيد لبعيد وكان نفسي اشارك معكم بس ما أعرف كانت النفس شينه أمس ما أعرف ليش

قلت يمكن لأن الدودو قربت

فقلت ان شاء الله اليوم أرد عليكم

بالنسبه لكلام مس قوتشي طبعا كلام درر لامنازع

أما يا نغومه الشرقي اللي عندي يحب أهله وبالذاااات أمه ما يرضى عليها

يعني حتى لو كان تعبان وطلبت منه يوديها مكان ما يرفض لها طلب وهذا اللي محببني فيه أكثر الله يحفظه يااا رب

أما أنا أول ما تزوجت حطيت هالنظريه في راسي إذا تحبي زوجك حبي أهله هذه أمي وصتني عليها الله يخليها


يعني حاولي تنسجمي مع أهله وتحترميهم على الأقل مثل ما قالت طفوشه

مثلا أنا زوجي عنده أخوات صغار يعني بعدهم ما متزوجين المهم خواته بشكل عااام هاديات وما يختلطوا مع أي حد


في بداية زواجي وحده منهم أحس لما نجلس مع بعض تشوف علي بنص عين وكنت أخبر زوجي فخبرني انه هي طبعها كذا اللي يشوفها يفتكرها عصبيه

المهم هو خبرني عن طبع كل وحده وخليتهم مثل خواتي أنا بطبعي ما أحب حد هادي معي فصرت لما أجلس معهم أفتح لهم قلبي وما أخلي بيني وبينهم حواجز

والحين صارت أم نص عين هي اللي تجلس معاي أكثر وتطفشني بعد والحمدلله خواته صاروا فرفوشات معي وفي كل شي يشاورني يعني اعتبروني مثل اختهم الكبيره

بالمختصر المفيد حاولي تفهمي كل واحد من عايلة زوجك عشان تعرفي تتعاملي معهم


بنااااااااات الله يخليكم لا تخلوا الموضوع ينااااام نريد حركه فيه وحماااااس :34::2:​
 
الحالة
مغلق و غير مفتوح للمزيد من الردود.
عودة
أعلى أسفل