Realady
New member
- إنضم
- 2007/07/04
- المشاركات
- 314
تغيير X تغيير
رجعت البيت وما صدقت وصلت على طول طرت حق أمي وقلت لها : يما يما يما يما وأنا أطامر من الفرحة ومستانسة ماراح تصدقين منو شفت ونسيت أبوي أسلم عليه نسيت البيت كله حتى عيالي مادري شلون طار عقلي ولا فكرت أروح أسلم عليهم وإلا أدور عليهم ... ردت أمي علي : هلا والله هلا الحمدله على السلامة شفيج طايرة من الي شفتيه مادري شتفيها ؟؟!!! ، و نادت اليهال من فوق نزلوا مستانسين ينادوني ، هني شوي فطنت شوي على نفسي ولميتهم حيل وقلت في قلبي بدال لا أسأل عنهم وأشوفهم شخبارهم على طول طرت بقول حق أمي عنه ؟؟!!! ليش ومنو أهو .... حبيت عيالي ولميتهم وقعدت ويا أهلي وبصراحة هالليلة ما نمت بس أفكر وأفكر وأقول ياربي شنو كان يفكر لحظتها .. هل اشتاق لي هل ، ليمة الحين يحبني والا يحبها أكثر .... وبنفس الوقت عيوني تدمع واقول ياريتني ما شفته ولا صادفت رقعة ويهة .... ونمت ، ثاني يوم اتصلت على مدربتي من الصبح ، أول ماردت علي قالت لي : هاهاهاهاي داقة من الصبح شكلج مانمتي أمس بالليل ، قلت لها : تبين الصج إي ما نمت بصراحة ظلليت أفكر فيه وأقولها : تهقين فكر فيني ليلتها ، ردت علي مدربتي: شرايج انتي في بالج ، فكرت قلت : أممممم مادري ، مرات أقول إيه بس أغلب الوقت أقول أكيد أهي ولا يدري عن هوى داري ، ردت مدربتي : شوفي يا شريهان الله العالم انا ما شفته بالمطار ولا أعرف شنو براسه حزتها ... ولكن أعرف شيء واحد ومتأكدة منه ، رديت عليها : شنو شنو عفيه قولي شنو ؟؟!!! قالت لي : أنه ما فارقتي أفكاره ليلتها ، سكت بصراحة لأنه أقولكم بكل صراحة كنت مو متأكدة من كلامها أو مو واثقة فيه 100% ، ردت المدربة : ألو ألو معاي ، قلت لها : اي وياج هاهاها عادي عادي سكت أفكر ، قالت لي: شنو تفكرين فيه ؟؟؟ ، قلت لها : مو مصدقة انه يفكر فيني عقب الي صار هذا كله تقصدين انه يحبني ؟؟؟ يعني ماعتقد ، قالت لي: أنا ماقلت لج حب لأنه ماعرف شنو براسه بالضبط شنو قلت لج ولا مشاعره ، بس الي أعرفه ومتاكدة منه انه فكر فيج ليلتها الله العالم شنو التفكير بس كنتي في باله .... والدليل على كلامي أنه قلتي أنه كان يخزج بالمطار ... الخز يصير نتيجة تفكير وتركيز وهذا كله نتاج المخ ؟؟!!! مو على الله الخز ، قلت لها : تهقين يعني ، قالت لي : أكيد بالله اهو الريال صادفج ووخر ويهة ولكن رد طالعج شنو الي خلاه يرد يطالعج إشارة فكرة حق مخه J فأكيد هالفكرة ظلت في باله تحوس J بصراحة بنات وما جذب استانست مو استانست اني أبيه وهالخرابيط لا الله يغنيني عنه بس أحس انه جنه نوعا ما رد اعتباري
المهم ، سولفت أنا وياها شوي ، وقالت لي آخر المكالمة : صدقيني يا شريهان اعتبارج راد وراد من زمان ومو شرط يكون جدامج هالشيء ، رديت عليها : أنتي ليش تعرفين شيء أنا ماعرفه ، قلت لها : لا ماعرف بس الله سبحانه موجود ويطالع ويشوف ، ولكن حتى لو فكر فيج وطالعج ، استانسي ولكن لشغلة وحده لنفسج مو حقه ، قلت لها : أكيد أي أدري ... ردت قالت لي : المهم خلاص أنا أخليج الحين لأنه بدش الدوام انشالله نتكلم وقت ثاني ؟!!! وسكرت الخط ... كملت طريجي للشغل ودخلت دوامي وبصراحة كنت حدي مشتطة يومها هاهاهاهاي مو تضحكون علي بس كاشخة زيادة عن اللزوم يمكن يا حليله والله عطاني دافع هاهاهاهاي ، الكل رحب فيني ولاحظ والبعض استغرب الكثير ولكن عادي أنا اليوم مستانسة ولحد يكلمني ؟؟!!!
مثلما قرئتن أخواتي العزيزات رد فعل شريهان من موقفها مع زوجها ، لقد كان جميلا وإيجابيا ، فهي لم تأخذ زاوية بغرفتها وتقفل بابها وتبكي لأيام ، أو تترك مسؤولياتها العامة والخاصة سواء بالعمل أو الحياة العامة وتفكر به ، ولكنها فتحت من نظراته لها أبوابا متسعة من التفائل والأمل بنفسها ... سبحان الله ، كيف ساق الله من ضرها لينفعها من دون أن تشعر ، لقد تحولت شريهان من مرأة ضعيفة يسكن قلبها الحزن والألم إلى ملكة قوية وساحرة ، قلبا قبل أن يكون قالبا ..... لقد كونت شريهان لنفسها في نفسها مملكة ، وتوجت شريهان عليها ملكة بحكم دستوري من شعبها ( عقلها قلبها جسدها وجهها ) وذلك شكرا وعرفنا من شعبها لما لاقاه منها من احترام وحب له من كل النواحي ...
مرت الأيام مثل البرق وعشت حياتي عادية ، ولكن لا أنكر أخواتي بأن لحظة التلاقي تروح وترد على أفكاري وما تعمد أني أييبها لأفكاري ولكن لا شعوريا تييني ؟؟!! بروحها .... وفي يوم من الأيام رجعت من الشغل وجلست مع أولادي أسامرهم ومع أسرتي ، وبصراحة يومها كنت أحس بشعور غريب متضايقة لا متعبة لا ، ضجرة اممم نعم تقريبا أريد شيئا جديد في حياتي .... أريد الاستمتاع والابتعاد عن العمل ؟؟!!
ربما أريد أجازة ... ربما أريد أن أسافر ... لا ليس كثيرا أريد شيئا جديدا بحياتي ولكني لا أعرف ما أريد ... ربما أن أشغل نفسي في عمل خاص أو ممارسة هواية ، ولكن ماذا أفعل ؟؟؟!! ماعندي أي صنعة بأيدي .... قلت : اممم بالوقت الحالي خلوني أسوي عشا بنات وخططت واتفقت ويا خواتي ورحبوا بالفكرة وأمي بعد J وجهزت اللستة بالبنات الي نبي نعزمهم ، و جهزنه لستة الأكل الي بنسويه وبنييبه ... والمسابقات الي بنسويها والجوائز صراحة صج كان يوم حلو وايد ..... وبس قررنا تكون يوم الأربعاء بالليل انشالله .... رحت الدوام ثاني يوم و شفت رفيجاتي وعزمتهم على العشا .... وجهزنا كلنه ، قعدت على مكتبي وكنت أدور على محل تسجيلات سعره زين عشان أبي أحجز دي جي ، وكل من دقي على محل طلع لي غالي وما يناسب السعر ... شوي وإلا أسأل زميلي اللي بالمكتب ، لو سمحت فلان : التفت علي وقالي : هلا ، قلت له : عندك جريدة الوسيط وإلا أي جريدة من هذولي الصغار ؟؟!! مالوت الأعلانات قالي : إي هااهاهاي لا ماعندي شتبين فيها ؟؟!! قلت له : أدور على دي جي رخيص و زين وكل من دقيت على أحد قالوا لي : عندهم مواعيد ، و إلا بصراحة مايعجبني ، رد علي : مايعجبج ليش انتي اشدراج جربتيه يعني والا ساله ، رديت : لا مادري جي ما يعجبني صوت الي يرد والا الي ترد وضحكت ، قالي : ماشالله بس على طول ، مو مشكلة ألحين أسأل لج واحد من الربع خبره بالسوالف هذي ماشالله عليه ، بعد شتبين وابتسم ... تشكرت له وقلت له : ترى الأهل معزومين بعد انشالله ، قالي : أي أدري قالت لي أختي وابتسم ، قالي عيل بساعدج عبالج عشانج وضحك ، وضحكت أنا J ... بس هالله هالله فيهم بالأكل الزين ، مو سوالف بوفيهات من برة وخرابيط خو عادي انتوا يالحريم ، ضحكت وقلت له : لالالالا أحنه بيتنه انا وخواتي بنسوي العشا وفي شغلات بسيطة من برة ، قالي : اي نعم صدقتكم ولا انتوا عاد يالكويتيات .. قلت له : حرام عليك لا لا تقول جذي وضحكنه ، وهني تدخلت موظفة ثانية في الغرفة اللي يمنه وقلت لها : تعالي سمعي الأخ شنو يقول و بس بدت الحرب وصج يومها ضحكنه وايد ..... على نهاية الدوام قالي زميلي أنه خلاص انشالله الدي جي لقاه ، وقالي هاج هذا رقمه انا ضبطته لج ... و بس خلص اليوم حجزت الدي جي ، وييه يوم الحفلة والحمدلله عدت على خير وحسيت صج بتغيير جو J .... عقب تقريبا 4 أيام سمعت الخبر وصعقني ...!!!:icon31:
رجعت البيت وما صدقت وصلت على طول طرت حق أمي وقلت لها : يما يما يما يما وأنا أطامر من الفرحة ومستانسة ماراح تصدقين منو شفت ونسيت أبوي أسلم عليه نسيت البيت كله حتى عيالي مادري شلون طار عقلي ولا فكرت أروح أسلم عليهم وإلا أدور عليهم ... ردت أمي علي : هلا والله هلا الحمدله على السلامة شفيج طايرة من الي شفتيه مادري شتفيها ؟؟!!! ، و نادت اليهال من فوق نزلوا مستانسين ينادوني ، هني شوي فطنت شوي على نفسي ولميتهم حيل وقلت في قلبي بدال لا أسأل عنهم وأشوفهم شخبارهم على طول طرت بقول حق أمي عنه ؟؟!!! ليش ومنو أهو .... حبيت عيالي ولميتهم وقعدت ويا أهلي وبصراحة هالليلة ما نمت بس أفكر وأفكر وأقول ياربي شنو كان يفكر لحظتها .. هل اشتاق لي هل ، ليمة الحين يحبني والا يحبها أكثر .... وبنفس الوقت عيوني تدمع واقول ياريتني ما شفته ولا صادفت رقعة ويهة .... ونمت ، ثاني يوم اتصلت على مدربتي من الصبح ، أول ماردت علي قالت لي : هاهاهاهاي داقة من الصبح شكلج مانمتي أمس بالليل ، قلت لها : تبين الصج إي ما نمت بصراحة ظلليت أفكر فيه وأقولها : تهقين فكر فيني ليلتها ، ردت علي مدربتي: شرايج انتي في بالج ، فكرت قلت : أممممم مادري ، مرات أقول إيه بس أغلب الوقت أقول أكيد أهي ولا يدري عن هوى داري ، ردت مدربتي : شوفي يا شريهان الله العالم انا ما شفته بالمطار ولا أعرف شنو براسه حزتها ... ولكن أعرف شيء واحد ومتأكدة منه ، رديت عليها : شنو شنو عفيه قولي شنو ؟؟!!! قالت لي : أنه ما فارقتي أفكاره ليلتها ، سكت بصراحة لأنه أقولكم بكل صراحة كنت مو متأكدة من كلامها أو مو واثقة فيه 100% ، ردت المدربة : ألو ألو معاي ، قلت لها : اي وياج هاهاها عادي عادي سكت أفكر ، قالت لي: شنو تفكرين فيه ؟؟؟ ، قلت لها : مو مصدقة انه يفكر فيني عقب الي صار هذا كله تقصدين انه يحبني ؟؟؟ يعني ماعتقد ، قالت لي: أنا ماقلت لج حب لأنه ماعرف شنو براسه بالضبط شنو قلت لج ولا مشاعره ، بس الي أعرفه ومتاكدة منه انه فكر فيج ليلتها الله العالم شنو التفكير بس كنتي في باله .... والدليل على كلامي أنه قلتي أنه كان يخزج بالمطار ... الخز يصير نتيجة تفكير وتركيز وهذا كله نتاج المخ ؟؟!!! مو على الله الخز ، قلت لها : تهقين يعني ، قالت لي : أكيد بالله اهو الريال صادفج ووخر ويهة ولكن رد طالعج شنو الي خلاه يرد يطالعج إشارة فكرة حق مخه J فأكيد هالفكرة ظلت في باله تحوس J بصراحة بنات وما جذب استانست مو استانست اني أبيه وهالخرابيط لا الله يغنيني عنه بس أحس انه جنه نوعا ما رد اعتباري
المهم ، سولفت أنا وياها شوي ، وقالت لي آخر المكالمة : صدقيني يا شريهان اعتبارج راد وراد من زمان ومو شرط يكون جدامج هالشيء ، رديت عليها : أنتي ليش تعرفين شيء أنا ماعرفه ، قلت لها : لا ماعرف بس الله سبحانه موجود ويطالع ويشوف ، ولكن حتى لو فكر فيج وطالعج ، استانسي ولكن لشغلة وحده لنفسج مو حقه ، قلت لها : أكيد أي أدري ... ردت قالت لي : المهم خلاص أنا أخليج الحين لأنه بدش الدوام انشالله نتكلم وقت ثاني ؟!!! وسكرت الخط ... كملت طريجي للشغل ودخلت دوامي وبصراحة كنت حدي مشتطة يومها هاهاهاهاي مو تضحكون علي بس كاشخة زيادة عن اللزوم يمكن يا حليله والله عطاني دافع هاهاهاهاي ، الكل رحب فيني ولاحظ والبعض استغرب الكثير ولكن عادي أنا اليوم مستانسة ولحد يكلمني ؟؟!!!
مثلما قرئتن أخواتي العزيزات رد فعل شريهان من موقفها مع زوجها ، لقد كان جميلا وإيجابيا ، فهي لم تأخذ زاوية بغرفتها وتقفل بابها وتبكي لأيام ، أو تترك مسؤولياتها العامة والخاصة سواء بالعمل أو الحياة العامة وتفكر به ، ولكنها فتحت من نظراته لها أبوابا متسعة من التفائل والأمل بنفسها ... سبحان الله ، كيف ساق الله من ضرها لينفعها من دون أن تشعر ، لقد تحولت شريهان من مرأة ضعيفة يسكن قلبها الحزن والألم إلى ملكة قوية وساحرة ، قلبا قبل أن يكون قالبا ..... لقد كونت شريهان لنفسها في نفسها مملكة ، وتوجت شريهان عليها ملكة بحكم دستوري من شعبها ( عقلها قلبها جسدها وجهها ) وذلك شكرا وعرفنا من شعبها لما لاقاه منها من احترام وحب له من كل النواحي ...
مرت الأيام مثل البرق وعشت حياتي عادية ، ولكن لا أنكر أخواتي بأن لحظة التلاقي تروح وترد على أفكاري وما تعمد أني أييبها لأفكاري ولكن لا شعوريا تييني ؟؟!! بروحها .... وفي يوم من الأيام رجعت من الشغل وجلست مع أولادي أسامرهم ومع أسرتي ، وبصراحة يومها كنت أحس بشعور غريب متضايقة لا متعبة لا ، ضجرة اممم نعم تقريبا أريد شيئا جديد في حياتي .... أريد الاستمتاع والابتعاد عن العمل ؟؟!!
ربما أريد أجازة ... ربما أريد أن أسافر ... لا ليس كثيرا أريد شيئا جديدا بحياتي ولكني لا أعرف ما أريد ... ربما أن أشغل نفسي في عمل خاص أو ممارسة هواية ، ولكن ماذا أفعل ؟؟؟!! ماعندي أي صنعة بأيدي .... قلت : اممم بالوقت الحالي خلوني أسوي عشا بنات وخططت واتفقت ويا خواتي ورحبوا بالفكرة وأمي بعد J وجهزت اللستة بالبنات الي نبي نعزمهم ، و جهزنه لستة الأكل الي بنسويه وبنييبه ... والمسابقات الي بنسويها والجوائز صراحة صج كان يوم حلو وايد ..... وبس قررنا تكون يوم الأربعاء بالليل انشالله .... رحت الدوام ثاني يوم و شفت رفيجاتي وعزمتهم على العشا .... وجهزنا كلنه ، قعدت على مكتبي وكنت أدور على محل تسجيلات سعره زين عشان أبي أحجز دي جي ، وكل من دقي على محل طلع لي غالي وما يناسب السعر ... شوي وإلا أسأل زميلي اللي بالمكتب ، لو سمحت فلان : التفت علي وقالي : هلا ، قلت له : عندك جريدة الوسيط وإلا أي جريدة من هذولي الصغار ؟؟!! مالوت الأعلانات قالي : إي هااهاهاي لا ماعندي شتبين فيها ؟؟!! قلت له : أدور على دي جي رخيص و زين وكل من دقيت على أحد قالوا لي : عندهم مواعيد ، و إلا بصراحة مايعجبني ، رد علي : مايعجبج ليش انتي اشدراج جربتيه يعني والا ساله ، رديت : لا مادري جي ما يعجبني صوت الي يرد والا الي ترد وضحكت ، قالي : ماشالله بس على طول ، مو مشكلة ألحين أسأل لج واحد من الربع خبره بالسوالف هذي ماشالله عليه ، بعد شتبين وابتسم ... تشكرت له وقلت له : ترى الأهل معزومين بعد انشالله ، قالي : أي أدري قالت لي أختي وابتسم ، قالي عيل بساعدج عبالج عشانج وضحك ، وضحكت أنا J ... بس هالله هالله فيهم بالأكل الزين ، مو سوالف بوفيهات من برة وخرابيط خو عادي انتوا يالحريم ، ضحكت وقلت له : لالالالا أحنه بيتنه انا وخواتي بنسوي العشا وفي شغلات بسيطة من برة ، قالي : اي نعم صدقتكم ولا انتوا عاد يالكويتيات .. قلت له : حرام عليك لا لا تقول جذي وضحكنه ، وهني تدخلت موظفة ثانية في الغرفة اللي يمنه وقلت لها : تعالي سمعي الأخ شنو يقول و بس بدت الحرب وصج يومها ضحكنه وايد ..... على نهاية الدوام قالي زميلي أنه خلاص انشالله الدي جي لقاه ، وقالي هاج هذا رقمه انا ضبطته لج ... و بس خلص اليوم حجزت الدي جي ، وييه يوم الحفلة والحمدلله عدت على خير وحسيت صج بتغيير جو J .... عقب تقريبا 4 أيام سمعت الخبر وصعقني ...!!!:icon31:
