كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
خذي راحتج يا قلبي
بالعكس
انا مستمتعه باسلوبج
 
في انتظـــــــــــــــــــــــــــــــــــــــــــــــــــــــارك يالغــــــــــــــــــــــــــــــــــــــــلا
 
بعض البنات الله يهديكم ويسامحكم ليش هالكلام
البنت ماخذه من وقتها وراحتها عشان تكتب لكم وتحلل لكم وتضع النقاط على الحروف وتبسط لكم النصيحة بأقصى درجة ..تردون لها الجزاء بالاستهزاء والافتراء الباطل.؟
:icon26::icon26::icon26:

ان بعض الظن ســـــــــــــــــــــــــــــــــــــــــــــــــــــــــــــــــــــــــــــــوء

:icon26::icon26::icon26:

ريل ليدي كملي حياتي واخذي راحتج حبيبتي ولج مني دعوة بظهر الغيب ربي يرزقج باللي يستاهله قلبج وتفرحينا فيج وأييج أتدرب عندج عشان أضعف وأتزوج ههههههه :) فديتج والله



:icon26::icon26::icon26:​
 
تسلم أناملج وأبداعج الفكري لنقل الاحداث وأختصارهه بأسلوب أكثر من رائع يشد ويلفت الانتباه ويصحي العقول النائمه ويعطي التفاؤل انه لازال يوجد طريق أمل بداخل كل واحده منا أنهت حياتها على يد زوجها

الله يوفقج ويبارك لج ويقدرج على فعل الخير متابعه لكل الاحداث صارلي 4 ساعات اقره لاني كنت مسافره اسبوعين فديت قلبج ولا حسيت بالوقت
 
طيري الأخضر قال:
هذه القصة عبرة للجميع

هي واقعية ، عاشتها ريل ليدي بكل مشاهدها المؤلمة والمفرحة
أحبت أن توصلها لكم بشكل مبسط وبأحداث متسلسلة
كل هذا يأخذ من وقت الكاتبة ومن مجهودها الفكري والبدني ​

هي بالأخير إنسانة لها إلتزاماتها وارتباطاتها ومسؤلياتها
على الجميع مراعاة ذلك وعدم المطالبة والإلحاح بإكمال القصة
من خلق المسلم أن يسأل عن أخيه المسلم إن افتقده أو لم يراه لفترة
حتى يتطمن عليه أولاً ثم يطالب بما يريد !!!
كم لحوحات أنتن !!!​

أخواتي ريل ليدي إنسانة محترمة وبنت ناس ما عليها قاصر
لم تهدف من وراء هذه القصة إلا الإستفادة للجميع
لم كل هذا الكلام ؟؟!!
وضحت منذ البداية بانها مدربة في نادي لكي تكون هناك مصداقية في الشرح وسرد أحداث القصة
لم تهدف لكل ما قيل عنها !!!
سامحكن الله ​

أنا شخصياً مستمتعة بقراءة قصة ريل ليدي
وإن دخلت في كل مرة ولم أرى التكملة أرجع وأقرأ
المشاهد السابقة مرة أخرى في الإعادة راح تكتشفون أمور كثيرة طافت عليكم ولم تركزوا فيها تمام
وراح تستنتجون أن هناك الكثير من الرموز ما بين السطور
دونوها في مذكراتكم الشخصية ، اكتبوا ملاحظاتكم علي المواقف حتى ترسخ في أذهانكم
لا تجعلوها قراءة لمجرد القراءة ، تمتعوا بالقراءة واستفيدوا ​

أتمنى لك كل الخير عزيزتي ريل ليدي
الله يوفقج حبيبتي ويرزقج بولد الحلال (في القريب العاجل :msn-wink:)​
أنقر للتوسيع...


صح لســــانـــك
وانا بعد عذرتها قلت يمكن سافرت :nosweat: او معزومة مو حالها حالنا خخخخخخخ يعني تنشغل في هالدنيــا

وانا سيم سيم انتِ :bigsmile: لازم اقرأ القصة من جديد .. بس طبعاً بعد ماتنتهي :showoff:

**
ننتظر التكمــلة ررررريــل << شكلي بسافر وبرجع اشوفها كامله خخخخخخ​
 
الله يوفقج لما فيه الخير ويسعدج

ونحن بالإنتظار
 
سلمت اناملج غاليتي على الكلام الولا اروع بصراحه اسلوبج مرررررررررررررررررره راقي ويخل الوحده منا تتشوق اكثر مع كل كلمه تكتبينها انا صار لي فترة مسجله بالمنتدى وبسبب انشغالي ويا ريلي ما عندي وقت اقراء القصه كلها وما عندي مجال اني ارد كلــــــــــــــش قدام ريلي لاني ما احبه يشوف الي انا اقراه ..
غالياتي كل وحده منا ممكن انها تكون بمكان شريهان لكن بأسلوبنا وبثقتنا بروحنا وبذكائنا راح نصير ناديه بس بالحلال ومن غير خبث صدقوني انا عن تجربتي الشخصيه ويا ريلي وااااااااااااااايد استفدت منها خاصة انه ريلي انسان معروف والي امثال ناديه يركضون وراه ركض الله يبعده منهم يا رب العالمين كوني انتي عشيقته لا زوجته في حياتك الزوجيه لا تهملينه واعشقي حبيبك(الزوج)ودلليه مثل الطفل....
الله يعتيج الف عافيه عزيزتي ريل ليدي والله لا يحرمنا منج يا رب ويجعله بميزان حسناتج يارب العالمين ويرزقج بولد الحلال يارب يارب يارب....
وبأنتظار بقية القصة بشغف ​
 
التعديل الأخير:
ريل ليدي عسى المانع خير ؟؟؟؟؟؟
حبيبتي ريل ليدي قرأت هذه المقوله وأعجبتني
" لا تكن كالإبرة تكسو الناس وهي عريانه،وكالشمعة تضيء للناس وهي تحترق ،وكالبخور ينفع غيره بمضرة نفسه"
وكنت للأسف كالمقوله الى أن تداركتني رحمة الله وعرفت قيمة نفسي
فأنا انشاء الله في طريقي الى التغيير .
 
التعديل الأخير:
الغاليه ريل ليدي وينج .......... كملي الأحداث بلييييييييييييييييييييييييييييز

على فكره كلمت وحده بالدوام عن المعهد هذا اللي ذكرتيه
وقالت أنه على مستوى عالمي وحيل راقي وفي بعد عندهم اخصائية تغذية
وله كذا فرع بالكويت يا ليت تذكرين أماكنهم وين
وبالنسبه للمعهد شنو الأقسام اللي فيه غير الرقص والرياضه


:c017:​
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عسى المانع خير
 
شوفوا الكويت شنو صغيرة

خذيت الرقم وبصراحة انا كتبته بسرعه بسرعه وقلت عشان اتاكد كتبته صح والا غلط خل ادز له مسج الأول ... دزيت له مسج وقلت له : هاي شلونك فلان شخبارك وايد ولهنه عليك فلانه معاك، طبعا فلان هذا كان معاي بالشركة وكان حبوب وبنفس الوقت الي بقلبه على لسانه ، وبصراحة كنت ادري انه يحب يكون في الصورة والبنات المعجبين حوالينه مثل المجانين يركضون وراه ، لانه كان متعود على هالشي بصراحة كونه خليجي وعايش بامريكا ومن عايلة غنية جدا وبيته في بيفرلي هيلز ، وعنده سيارات ومعارض ويخت ووووووو إلى اخره وكان عمره تقريبا امممم 46سنة وكلن لبسه وتصرفاته وكلامه وعقله تقريبا 25 ، مارد علي بنفس اليوم ، وانا كنت عارفة انه مصيره يرد علي لأنه J دق علي ثاني يوم بالليل تقريبا على الساعة 10 ونص ، رديت عليه : ألو أهلين هلا والله ، قالي : هلا اشلونج دازة مسج حقي واهو يضحك ، رديت عليه : ايه ههههه انته غطيت مرة وحده فقلت اتصل واسلم عليك ، قالي : ايه واله تدرين بعد المشاكل اللي مريت فيها مع الشركة والقيل والقال عشان جي غيرت موبايلي ومادقيت على أحد ، انزين انتي تعالي من وين يبتي رقمي قلت له سر مصادري الخاصة J مالك شغل ، قالي : حريم لووول وضحك ، قلت له : زين سؤال ، انته ليمة الحين ساكن في عمارتك هذيكي والا طلعت منها ، قالي :لا والله طلعت منها ؟؟ ، قالي : لا طلعت منها من زمان بس ليش تسألين ؟؟؟ تبين تأجرين هناك ، ترى غالي ، قلت له : بصراحة رفيجتي تفكر تأجر هناك وأهي أجنبية مو عربية ، بس تحاتي لا تكون العمارة زحمة ووايد كويتين فيها ماتبي عرب اهي كلش ، رد علي امم والله لا مافيها وايد ساكنين ، ترى كنت انا بس ويا ولد اخوي قبالي بالطابق الأخير ، وتحتي بدور في كويتي ويا رفيجته JJ أنا هني رديت عليه : وويه بعد هالرياييل الكويتين ماخلوا شي اهو ورفيجته انته بالله شدراك ، قالي : أعرفه عدل اهو متزوج وعنده مرأه بس كله مجابل هذي رفيجته ، وانا اعرفهم يو زاروني مرتين بالشقة عندي ومرة يوم عيدي ميلادي تعشوا عندي كنت مسوي حفلة ، انا هني قلت له :رديت عليه ، حفلة ؟؟؟؟ متى ماقلت انته ، طبعا تلعثم!!! قالي : لا من زمان هذا وبعدين وين انتي يعني بتيين انتي متحجبة بترضيين تين لو عزمتج ، قلت له : زين كا هذا ويا البنت يووو شلون ، قالي : هذولي عادي اهمه فري ،رديت عليه : اها يلا عليهم بالعافيه بس واي شلون جي عاد حلوة والا صخله (يعني جيكرة) الحبيبة ، قالي : عاد انتوا الحريم حلوة والا جيكرة متينه والا ضعيفة الريال ما تتركون احد في حاله ، لا مو وايد حلوة بس عليها وقفة مثل الناقة ، قلت له: الناقة شلون يعني هههههههههههه ضحكت ، قالي : يعني رازة بروحها وحتى لما تقعد قعدتها ونيسة ، انا هني : اممممممممممم ، زين والله زين انتوا رياييل مالكم أمان شوف شلون مخلي مرته مسكينه تولي ومجابل لي هذي ،رد علي : يامعودة خليه مسكين خليه شعليج منهم كيفهم، المهم ماعلينه منهم ، رديت عليه : اي شنو ،قالي: مثل ماقلت لج الاجار هناك ترى غالي شوي بس حلوة العمارة هادية وراقية ، وبصراحة الشقق اللي تحت شوي صغيرة أصغر من مالتي ومايمنع يروحون يشوفون ؟؟!! رديت : اممم أوكي خلاص عيل انا اخليك ، يلا مع السلامة .... وسكرته الحين انا عرفت الزبدة وعرفت اهي وين ساكنة وعرفت انه الريال قعدته وقومته معاها بهذي الشقة ، بس اشلون لو وصلت هالشغله لشريهان ؟؟!! شنو راح يكون شعورها ، طبعا اتصلت على شريهان وسألتها قلت لها ؟؟ ها شنو صار على موضوعج الحين ؟؟ قالت لي : والله بصراحة انا بس افكر طول النهار والليل فيهم وماني عارفة شسوي اخاف اخطي اي خطوة وأخرب على روحي ودي أواجهه ودي أشوف شنو بيقولي ودي أكلمه ... انا مادري هالمرأة شنو مسويه فيه ، يا فلانه انا متملله من الوضع الي انا فيه واحسه كله هم في هم ومشاكل من كل مكان تيي ، قلت لها : المشاكل في كل مكان محد خالي وتنهدت قالت لي : ويه انتي لووول اشفيج طلعت من قلبج شكبرها ، قلت لها : بعد سبحان الله مثل ماانتي عندج مشاكل حتى انا عندي مشاكلي الخاصة ،قالت لي : انتي شنو بعد لا ريل ولا مسئولية ولا يهال ، قلت لها : بعد سبحان الله كل واحد حياته ما تخلى من المشاكل، ردت شريهان وقالت لي: انزين الحين شنو تنصحيني ألحقه والا لا ،وهذيكي متى ترد من السفر ماتدرين ،قلت لها :والله مادري الله العالم ، قالت لي : اممممم انزين انا ترى سويت شغله وبصراحة متخوفها منها واخاف يكتشف ، قلت لها : شنووو ، ردت : قلت حق ناس يراقبونه ويشوفون يعني شنو فيه مافيه بالوقت الي انا ماقدر اراقبه فيه بالليل بصراحة انا تعبت حيل من هالموضوع وابي انهيه من كل النواحي طلاق ماعندي مشكلة أطلق واليهال بينه وكل واحد يروح بطريجه بالسلم ، قلت لها : طيب منو هالناس قراب والا بعاد ، يعني أهل والا برة ، قالت لي : من اهلي لا مو من برة .... وحلفته مايسوي اي شي بس يشوف لي كل شي وبسرية بيني وبينه عشان كل شي يتسير بسهولة وخلاص ؟؟ قلت لها : كيفج والله هذي حياتج انا لحد هني خلاص ماقدر اتدخل وهذا اختيارج ، واهم شي تكونين بالاختيار هذا تكونين رجحتي كفة الميزان لصالحج ، عشان ما تتحسفين باجر ، مع انه احساسي يقول انشالله ماكو اي حسوف قلت لها : توكلي عالله وسوي الي تشوفينه صح ومافيه أي مضرة لا لج وله واهي بعد ، ردت علي : لها وله انا شعلي منهم حتى لو ينضرون بالطقاق انا اصلا ابيها تنضر ، قلت لها : الناس مستويات صح ، ومستواج انتي اعلى بوايد من هذي يعني لو كنت تبين تتعاملين معاه وتعطينها درس لازم تنزلين بمستواها لأنها أبدا ماراح تفهم الغة اللي تتعاملين فيها بحكم انج من مستوى أعلى منها بوايد ، اهي تفهم طريقة وحده وعايشة عليها واهي الحياة بالنسبة لها ، يعني بالكويتي عشان تضرينها لازم تكونين مثل تفكيرها وهذي مو غايتنه هني احنه غايتنه ماننضر ونستفيد يعني التركيز على انفسنه احنه ونكسب من الناحيتين نكسب نفسنه ونكسب احترام ومحبة الي حوالينه ومن ضمنهم زووج الي ماتبيه بالطريقة الي احنه ترضينه ونبيها ،ولو ضريتيه ماراح تستفيدن شي غير الجرح والألم والتعب لأنج من داخلج ليمة الحين تحبينه وماراح ترتاحين ، وحتى لو ضريتي هذيكي ممكن تأثرين على زووج وبالتالي تعطينه الدافع انه يقتنع عدل باللي سواه وماغلط وهذيكي اهي المسكينة ؟؟!! تعلمي يا شريهان انج تطلعين من كل مشكلة وانتي مرفوعة الراس برقيج وتعاملج المحترم ، وتذكري (ان الله يدافع عن الذين امنوا) ولو انتي تدخلتي ودافعتي عن نفسج خلاص رب العالمين راح يطلع من الموضوع فأي واحد الأحسن ؟؟؟ والأضمن والأحكم ؟؟؟؟ هذي تعلمتها من وحده من الخوات جزاها الله خير وصج صج طلع كلامها بمحله ...ردت شريهان : يعني الحين شسوي اكشت جي واخلي الموضوع قلت لها : لا كملي باللي تسوينه بس بحذر .... عشان انتي ترتاحين انه انتي شايفه هذي راحتج ؟؟؟ صح ، قالت لي : ايه بصراحة يمكن انتي تختلفين معاي بوجهة النظر بس انا راحتي جي ، وثاني شي انتي مو متزوجة يا فلانه فماتدرين شنو هالاحساس يذبح ترى يقتل صج ، قلت لها : اي ادري بهذا معاج حق هني .... مرت الأيام ورجعت نادية من السفر وبصراحة ماردت النادي كلش يعني انقطعت اخبارها ، بس مرات كنت اشوف رفيجتها بالصف وماكانت تييب طاريها ، الا مرة سألتها عنها وقالت لي: انهم متخانقين وطبعا ماقصرت بالسب والتلعن فيها ، وغطت شريهان بعد وردت عقب اتصلت علي ، وقالت لي الخبر الي صعقني بصراحة ................... انتظروني وللحديث بقية
 
التعديل الأخير:
مره متضايقه لشريهان .. الله ينصرها .. ننتظرك على احر من الجمر
 
يالله
حماس في حماس
كل مرة تشوقينا أكثر من المرة اللي قبل

ماعاد فيه صبر اكثر
لاتطولين علينا
خخخخخخخخخخخخ
 
بعد مأجر شقة غالية حق هاذي اللي ماتسوى

يدفع هالمبلغ عشان يقابلها

مب زوجته وعياله أحق بهالفلوس اللي تروح حق هاذي اللي وقفتها مثل الناقــــــة

واللــــــــــــه حـــــــــــررررررة:icon28::icon28:
 
التعديل الأخير:
الحالة
مغلق و غير مفتوح للمزيد من الردود.
عودة
أعلى أسفل