كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
الف مبرووووووووك تثبيت موضوعك الخطير اللي هبل فينا الصراحه
فرحت لك من قلب تستاهلين يالغاليه وعساك عالقوه
تااااااااااااااابعي :showoff:
 
الف مبروك حبيبتي علي التثبيت... نحن بأنتظارك فأكملي ايتها الغاليه
 
فنكوشه قال:
المشاركة الأصلية كتبت بواسطة فنكوشه
ههههههههههه
اصلا انا غايشه في الدمام اني واي
الحين انتي مدربه صح؟؟؟؟
طيب
اموووووت على الرقص المصري
بس ماعندي الليونه اللي يتطلبها الرقص
جسمي رشيق بس حركاتي يابسه
ودي اتمخطر على ابونا واترقص له
بس ما اعرف
سؤالي هو كالتالي
هل اي وحده ممكن ترقص او يتطلب يكون عندها نوع من المرونه والليونه
يعني لو القى لي احد يرقصني
قصدي يعلمني الرقص تهقين تزبط معي


مدري احس ساعات انك تنصبين وانك مألفه القصه
بس هم حلوه
الله يوفقك
باي



هذ نص رسالتي اللي على الخاص ماكان فيه اي اهانه لك ياحلوه

بالعكس المقطع الاخير كنت امدحك فيه ما اذمك والله

وعلى العموم ولا تزعل انا اسفه
وهين تقولين فيها
بطب عليكم بالمركز خليني بس انزل الكويت واذكرك

وبخصوص العالم البرىء اللي انا عايشته
خليها على ربك بس
انا شايفه زوجي وعشيقته عريانين سوا وريحة السكس فايحه بالغرفه
صدقيني انا اكثر وحده فاهمه ناديه
لأني كنت شريهان في يوم من الايام

وبس



يلللاااااا شاو
أنقر للتوسيع...

اول شي مبروووك على التثبيت ويستاهل الموضوع بكل امانه متابعته اكثر من مسلسل سنوات الضياع:shiny:
بنسبه للاخت منكوشه الله يهديك مافي داعي للكلام ذا جد عيب احنى خوات ليش الانسان ما يرفع نفسه عن المهاترات والكلام الي لا يودى ولا يجيب نصابه كذابه ايش تستفيدين لمن يصدر منك هالالفاض احتفضي فيها لنفسك ولا تقرين القصه لو مومصدقتها او مشككه في حرف فيها
احنى خوات ولازم نراعى مشاعر بعضنا مو نجرح بعض يالله الغلط وارد ومرجوع ان شاء الله واحنى اخوات وان شاء الله كل وحده تنتبه لالفاضها قبل لا تكتبها وتجرح غيرها
عندها كلمه زينه تقولها عندها كلمه شينه تحتفض فيها لنفسها ولا تاذي غيرها:icon26::icon26:​
 
مبروك التثبيت تستاهلين ياعسل ولاتطولين ترا انسجمنا انتى رائعة
اتمنى انانقدر نحافظ على ازواجنا ونكون احنا العشيقات وبس
 
مبروك على التثبيت ياعسوووله انا متلهفه وكلي شوق :blush-anim-cl:​

لقراية تكملة القصه ​

لا تتأخرين علينا​
 
التعديل الأخير:
العشيقة والزوج في البحرين ، والزوجة في المرينا كرزنت

مرت الأيام وسافر الزوج ،شريهان كانت خلال هذا الأسبوع انسانه ثانيه كانت انسانه مرحة سعيدة حرة ،طلعنه رحنة المرينا مول وقعدنه ويا اليهال ورفيجاتنا على البحر وسوينه مثل ايام قبل سوالف وحب(بذر) وشاي ومعجنات ونطالع الرايح والراد واليهال يلعبون ، ،هنا سالتني شريهان :ممكن سؤال ،قلت لها :اكيد طبعا، قالت: انتي حبيتي من قبل ، قلت لها أي شي اكيد ،ردت علي: والله وناسة قولي لي قولي ليش ما تزوجتوا؟؟!!! ،قلت لها :مات ،قالت لي مات: الله يرحمه ،قلت لها :ههههههههههههه ما مات مات قلت لها هالريال بالنسبة لي ميت مو موجود بس اهو عايش، وتدرين عشت بنعمة ماكنت حاسة فيها ياقلبي إلا لما راح ،قالت لي : ويه حرام عيل ليش تعتبرينه ميت ،قلت لها :حبيبتي انا مريت بنفس الي انتي مريتي فيه بس على شوي في اختلاف بسيط ،قالت :انزين انتي ندمانه على انج حبيتيه ؟؟ ،قلت لها : لا ابدا مو ندمانه ماقلت لج انا عرفت النعمة الي انا فيها منه لما راح ؟؟؟ ،قالت لي: يوووه عاد فهميني ، قلت لها : أنا لوما حبيت هذا الرجل جان ماصرت المرأة الي الحين جدامج ،قالت صج :وناسة حلو لما يحبج الريال ويوصلج لي السما ، قلت لها : يا حليلج أي سما هههه انا زين ما وصلني تحت الأرض، انا مع هذا الرجل عشت ألوان من العذاب والاهانات ،لدرجة اني قمت اشكك في نفسي واخلاقي ومقوماتي كمرأة ،تخيلي انا خذني السوق وقالي اختاري خاتم الخطبة ، هاهاها والي يضحك انه الخاتم الي اخترته بالنهاية طلع مو عشاني كان موديني اختار خاتم للي تزوجها الحين ، والي يضحك انه خطبها بنفس الوقت الي كان فيه معاي هاها انتي عمرج شفتي نذاله جذي ههه سبحان الله ،هذا غير الكلام الي سمعته من امه لكن الحمدلله ،بصراحة لولاهم ماعرفت منو فلانه ولا عرفت اني عملة نادرة ،طالعتها وقلت: (مداح نفسه ها) ، ضحكت وقالت :ووويه حرام مسكينه كسرتي خاطري ،ضحكت وقلت لها : لا حبيبتي ماكسر الخاطر المثل يقول كل طراق بتعلومه والي يظلم اهو اللي يكسر الخاطر ، الحين والحمدلله مرت خمس سنوات على هالموضوع ،وصدقيني والله طول هالخمس سنوات كان في شي يحسسني اني بلاقيه او بسمع عنه ،لانه اخر مرة شفته فيها عزج الله تفل في ويهي (عزكم الله) ، ردت علي : شنوووووووووووووو تفل بويهج شنو سويتي ؟؟ ن قلت لها : وانا رديت برد وواحد واذكر قلت له روح يافلان انته بتتزوج بس والله بتشوف زوجتك بتوريك نجوم الليل بعز الظهر ،حسبي الله ونعم الوكيل ،لفيت ظهري ومشيت وانا امشي ابجي بدموع وكابته صوتي ، ليمة قعدت بروحي بالبيت وبجيت بصوت عالي لدرجة ما تتصورين بس بغرفتي وقمت حطيت سجادتي ودعيت ربي يفكني من هالموضوع بسرعه ، (تدرين في داخلي كنت احس بربي يقولي صبري بتشوفين ) المهم مرت الخمس سنين واشتغلت في وظيفتي مالت الصبح ، المهم اللي بالمكتب الي يمي كانت تتكلم عن واحد متأذي اهو وأمه من زوجته وانه زوجته لسانها طويل وجريئة حيل ووووووو ، وبالنهاية لما ذكرت الأسم طلع اهو ،والموضوع مانتهى عند جي ،قالت لي: وايي قولي قولي : قلت لها في مرة من المرات كنت رايحة استديو الاذاعة اسجل صوتي ،صادفته هناك وظل يطالعني كانه وده يكلمني بس انا مشيت كملت طريجي لي سيارتي وبس ،ردت شريهان :يابختج شلون جذي انا ابي جذي لأنه تعبت بصراحة وايد وموقادرة اتحمل تدرين الحين هاليومين الي مروا علي واهو مسافر احس اني مستانسه حيل حيل ،قلت لها:بيه لي هالدرجة متضايقة من وجوده ،قالت لي : لا عشانه بعيد عنها ، ولو اني اعتقد انه يتصل عليها Lمسكينه يا شريهان ، قلت لها : فلانه ليش ما تبطلين تفكير في هالشي وتركزين على الوناسة الي الحين احنه فيها ، انتي ليش تحبين الاكتئاب وايد ، انتي لو تبين تفوزين في بوفلان انتي الي تقررين بنفسج ،بس انتي ماتبين انتي راضية بوضعج جذي ، انا اسفه يمكن ياقلبي كلامي يجرحج بس هذا الواقع ،يعني جم شغلة وشغله قلت لج سويها وماسويتها تسمعين من هني وتطنشين من هني ، يعني مثلا قلت لج : قعدي ويا شلة نادية واخذي منهم نقولي لي شنو خذيتي منهم ،قالت لي : مادري ماعرف اكون مثلهم ياربي مع انه اهو حده يبي وحده مثلهم ،جم مرة مصرح لي حتى واحنا طالعين ويا بعض للمولات يوريني ويقولي ابيج جذي ، وبصراحة هذيك اليوم نادية قالت لي شي حز بخاطري حيل اخر مرة كلمتها بالتلفون (طلع المستخبي) ،قلت لها : نادية!! نادية شدخلها باللي بينكم انتي وزوجج ؟؟؟؟؟؟؟؟؟ لايكون قلتي لها شي ،قالت شريهان : اتصلت علي مرة وكنت ابجي وبصراحة كنت ابي اتكلم ويا أي احد وانتي كنتي ماردين يمكن صف عندج فقلت لها : عن شغلة صارت بيني وبينه كنت ابي راي أي احد (مو واثقة من نفسها ومن قراراتها)، قلت لها : انزين وشنو الشغلة ، كان يتكلم بالنت وحسيت انه يكلمها لانه الكاميرا كانت شغلاه وكنت اطل عليه من الدريشة اللي تطل على الصاله عرفتيها الصغيرة الستارة كانت مفتوحة شوي وانتبهت انه في وحده على النت معاه لانه كانت فاله شعرها وتتكلم معاه بس وجها مو مبين عدل ،ماتدرين شنو كان مستانس يومها واهو يكلمها شوي ويطير من عالكرسي ،قلت لها : زين اهو يتكلم بالنت وانتي معاه بالبيت امبيه لا هذا وااااايد ، قالت لي : لا والله كنت توه يايه من الجمعية واليهال بالبيت واهو بغرفته الي يشتغل فيها قاعد على النت ، انا بس شفت جذي طقيت الباب عليه وقلت له : ابي استخدم النت شوي ابي اشتري كرت ايزي ، قالي :توج يايه من برة ليش ماشريتي قلت له: نسيت توه الحين طرى على بالي ، كنت بموت بشوف المسنجر ماله كنت ماسكة اعصابي غصب ، وتدرين حسيت انه حاس اني شاكه في شي بس يغطي على روحه ... المهم قالي لحظة شوي بس خل اسكر شغلي واهو يسكر شغله وانا واقفة بعيد شوي ليت المسنجر كان يشب ويطفي وكان مكتوب الاسم بوحسون (ولد نادية اسمه حسن) ، المهم قعدت على النت يعني ببطل السايت واهو على راسي كنت ابي بس اكتشف أي شي اوصل لاي شي ممكن يوصلني لأي نتيجة بس وين L ، بس هني قلت له : مافي الظاهر حسابي مافي فلوس ... وقمت ، على طول اتصلت عليج مارديتي ، وعلى طول قلت خل ادق على نادية واقولها يمكن تساعدني تدرين اهم عقولهم كبيرة ويعرفون للرياييل ،(ترى على فكرة نادية لديها اسلوب عجيب في الاقناع سواء للرجال او النساء فهي واثقة فاهمة لديها خبرات واسعه في شتى المجالات ، واللي ماتعرفه ماتقول ماعرف تروح تسأل لأنه هذا يحسسها بالضعف في جانب من جوانب شخصيتها ، فهي لا تحرص على الجانب الخارجي فقط لا بل ايضا الداخلي ، وهني احب انوه انه الناس دايما تقول انه العشيقات غبيات وهذه نظرية خاطئة هناك فرق بين العشيقة وعزكم الله الساقطة فالساقطة هي الغبية التي تكون فارهة الجمال ولكن خالية من الداخل لا روح فيها ولا منطق ويلاحقها الرجل فقط للجسد والشهوة ولقضاء حاجة فقط ، بينما العشيقة فهي أمرأة بمعنى الكلمة من جميع النواحي ولكنها امراة تعرف كيف تدير رؤوس الرجال والنساء على حد السواء نحوها بذكائها ثقتها فطنتها حيويتها انوثتها ،والعشيقة لو تعلق الرجل بها يكون من الصعب جدا ان تفكيه عنها ولكن ليس مستحيل، لأنها مثل ما قلت لكم تعتبر مثل الالماس النقي والذهب الثمين لا يبور أبدا بالنسبة للرجل طبعا ولنفسها ، والعلاقة بين العشيقة والرجل ممكن ان تستمر للأبد حتى وان رحلت من حياته تظل لها ذكرياتها فهي امراة لا تنسى إلا بعشيقة أقوى منها J ، كما يمكن ان تتوج العلاقة بينهم بالزواج بينما العكس في العلاقة مع الساقطة الغبية التي هي كزجاجة المرطبات تروي ظمأه ثم يرميها سرعان ما يفرغ منها ويروي عطشه) ، المهم قلت لها : شنو قلتي لها طلبتي رايها يعني فلانه انا شنو قلت لج مو قلت لج لما يصير أي موقف اهم شي تحرصين انه تسوين كونترول على نفسج ولا تقولين للأولي والتالي (هذي طبيعة سلبية في المراة اللي تكون مو واثقة من نفسها تدور على الحلو من كل اللي حواليها انشالله لو من الهندي بالشارع ماعندها مشكله ، لأنها مو مقتنعه بطريقتها او افكارها في حل مشاكلها الخاصة وهذا قد يسبب خراب بيوت وهدم أسر لو تم استشارت ناس غير كفؤ في هذا الموضوع) ،قالت: مادري شدراني ،بس اهي قالت لي انه لااخليه براحته لازم ابطل الكمبيوتر وأطالع شنو فيه بس انا بصراحة خفت لا يجكني تهقين اقدر ادش من غير لا يجك ، قلت لها : انتي مينونه تبين يذبحج لا تبطلين شي طبيعي !! شنو هالنصيحة الغبيه هذي ، (طبعا النصيحة هذذي مو غبية ، هذي النصيحة في من وراها شريهان تجيك ورى زوجها ونادية من تحت لي تحت بطريقة غير مباشرة تقوله دير بالك لا تجيك من وراك زوجتك تفطنه على الموضوع عشان تخليه يعيش بتوتر وشك انه اهي ممكن تجيك من وراه ، فمن هني الجو بينهم يصير متكهرب وتبتدي المشاكل ... الخ ) ،قالت :عيل شلون اعرف، قلت لها فلانه انتي هامج وايد تعرفين شنو قاعد يقول ومنو يكلم عشان تنغصين على روحج ، ولا يهمج تردينه لج ترى على فكرة انتي كل من حاصرتيه بالشغلات هذي راح يلقى العذر انه ينحاش منج تدرين والا لا ن ومرة ثانيه لا تدقين على احد وتقولين له عن الي صاير في بيتج انتي ماتدرين الناس تتكلم وايد ، شوي والا رن تلفونها ريلها متصل من البحرين ،سلم عليها وقالها :انا الحين ويا ربعي هني مستانسين في البحرين كنسلنه ترى سفرت قطر ،قالت زين خلاص حصل خير (السفرة متكنسلة وخالصة من زمان طبعا لانها ماكانت في جدول أعماله الاخ) ، قالت له : زين والله ،قلت لها سأليه أي فندق قاعدين انتوا ، أشرت لي ليش ، قلت لها: بس سألي ، المهم سكرته وقالت لي ليش تسألين قلت لها بس جذي بعد عرجي بحريني واحب اعرف بابتسامة عريضة المهم سألته وقالها فندق على قدنه تروبيكان ،طبعا اهو ماقال حق شريهان الا واهو متاكد من انه اهي مالها بالشغلات هذي ولا استغرب على سؤالها أي فندق لانه يدري انه ماراح تتأكد من وراه واهو بديرة واهي بديرة ، المهم قمت انا دقيت على ولد خالتي بالبحرين بعدين عقب بروحي وسألته شنو فندق تروبيكان هذا ؟؟!!! قالي هذا الفندق أي شي يعني بو نجمتين اعتقد وانه يصير نظام شاليهات الشاليه يكون مثل البيت تاجرينه وتقعدين فيه ، قلت له: انزين يعني يحاسبونك على عدد الأشخاص قالي: لا عادي جنه بيتج واللي يبي أيي يقعد معاج المهم انج تضمنين الشاليه حقج ،قالي :انتي ليش تسالين هذا المكان كله الغالب شباب يأجرونه ويعني اييبون معاهم بنات ،قلت له اها يعني ماكو عوايل ،قالي لا في عوايل بلى بس شوي بس الغالب مثل ماقلت لج ،وبعدين هناك وايد في خصوصية مو مثل الفنادق الثانيه يسألونج منو والا شنو والا لو يبتي ضيف ينطر باللوبي تحت لا عادي ، قلت له اوكي مشكور(فهمتوا ياحلوين الي بوصله) ، انا قريت عنه بالنت بسايت بحريني كنت ادور على فندق حق رفيجتي بتسافر فلقيت هذا وشفت سعره زين بس قلت أسألك . سكرته وقعدت افكر ياربي شسوي شلون اساعد هالبنت حاولت بكذا طريقة بس اهي ما تبي تتعلم ولا تبي تطلع من اللي اهي فيه .... قلت يمكن اقدر انا أأثر على نادية بس انا ادري فيها صعبة مو من النوع الي يتنازل ،هل ياربي اصارحها واقول لها منو نادية ، والا شنو اسوي ، بعدها بجم يوم وانا بالدوام الصبح رفيجتي كانت قاعدة تسولف عن سايت قالت لي عنه انه حلو وفيه شغلات وايد كانت تتكلم عن قصة باربي على ما اعتقد ،الله يوفقها انشالله كانت تسولف لنه القصة فقلت لها عفيه شنو هالسايت قالت لي اسمه بلقيس وايد حلو وممتع ومفيد ، وانا شخصيا استفدت منه بشغلات وايد جربيه ،دخلت السايت وقريت كم شغله وسجلت ، وبنفس اليوم العصر اتصلت على شريهان وقلت لها: بطلي السايت هذا وطالعيه، قالت: ماعندي كمبيوتر ماخذه معاه، قلت لها اوكي مو مشكله ... اليوم العصر امرج وكمبيوتري معاي ونبطله انا ابيج بس تقتنعين بالشغلات الي قلتها لج من قبل ، قالت لي: انا مقتنعه بس احسه صعب تطبيقه أو بالأصح موعارفه من وين ابتدي .... قلت لها انتي اقري الحين وبتعرفين من وين تبتدين انشالله المهم دقيتي على الصباغ قالت لي : ايه دقيت عليه قلت بصبغ الغرفة لون وردي شرايج ، قلت : وردي اممم حلو خليه وردي لون حليب الفراولة ،قالت لي ليش انا ابي افتح ، قلت لها لون الوردي حليب الفراولة وايد حلو ويشد للعلاقة الجنسية بين الرجل والمراة لو كان مطعم بالأحمر لون الدم ، او لو اتبين تقدرين تدخلين الابيض احمر لون الجوري ويا الرمادي حلو سكسي بس هم وايد هاي كلاس انتي ريلج من أي نوع ، قالت لي : لا انا ريلي مايحب اشياء كلاس وجي عادي يحب شي يستانس فيه وبس عملي،قلت لها: بس هذا عز الطلب العملي احسن شي مايعور الراس: قلت لها J اهم شي انتي عاجبج اللون تخيلي روحج وانتي بالغرفة معاه شنو شعورج ويا اللون منسجمة والا لا ؟؟؟ قالت لي: اممم هههه أي بلا منسجمة عالاخر خلاص توكلنه على الله ،قلتل ها استعجليه ماباقي شي على جيته الريال انشالله .... انتظروني فللحديث بقية


تحياتي REALADY
 
مرحبا
كيفك أختي
أشكرك كثيرا على كتابة هذه القصة الرائعة والأروع منها نفسيتك المعطأة وحبك لمساعدة الغير .
أسأل اللة أن لا يريك مكروها في حياتك .
تدرين صار نفسي أزور الكويت لسببين : أشوفك والثاني أتعلم رقص .
متابعة القصة بشغف ميييييييييييييييييييييييييييييييييييييغسي .
 
ررررررررررررررررررررررررررررررررررررررررررررررررروعه ككككككككككككككككككككككككككملي ياعسل
 
مبروووووووووك اتثبيت>>>يستاااااااااااااااااهل..
لاتتأخرين علينا ياليت بعد ماتخلصين كاتبه اللي حصل..تلخصين بنقاط الاشياء المهمه اللي يجب تنبه له ونطبقه..
اشكررررررررررررررك والله استفدت حييييييييييييل من القصه..
 
جزاك الله الف خير ياليت تنزلين جزئين بدل واحد هههههههههههه
جد شديتى اعصابي وياليت بعد لو قلتيلها عن ناديه والحقيقه عشان تصحى من غفلتها نايمه بالعسل وزوجها يستانس مع هاشوشو ناديهياناااااااااس اكرها في الله من فعايلها هى والعاشق جون ترافولتا​
 
الحالة
مغلق و غير مفتوح للمزيد من الردود.
عودة
أعلى أسفل