كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
مشكورة حبيبتي ما فصرتي
عدم الثقة هي الداء المزمن عندي .. أتمنى التخلص منها
مشكلتي أني سريعة الإحباط .. ضعيفة الإرادة
أكملي بارك الله فيكِ
 
شكـــــــــــــــــــــــــــــــــــــــــــــــــــرا انشالله راح احط القصة اليوم
 
العشيقة والزوجة في ساحة الحرب

المهم راحت نادية ، وانا بصراحة خفت لا تجكها (تطلعها) وكنت أحاتي لا تلعب أي لعبة خبيثة لأني أدري انها ذكية ومن نوع لو بغت شي توصل له (ايجابية وطموحة ولحوحة في تحقيق أهدافها ) ، ففكرت وقلت شسوي ياربي شسوي ، فطلعت على بالي فكرة وقلت المرة اليايه لما اشوفها اقولها ،والمرة اليايه كانت بعد يومين لأنه في هاليومين كان ماعندي صف ايامها ، يت ست الحسن والدلال كالعادة على الساعة 5 المغرب ، واهي بكامل أناقتها ،ترى على فكرة مرات كانت تيي ملها خلق ولابسه بس عباية بس هم واهي لابسه العباية لازم تطلع مرتبه ماشالله عليها لووووول ،عطتني رقم اشتراكها وفصخت نظارتها الشمسية ولمت شعرها لي فوق وابتسمت وقالت : ها شلونج اليوم في هز والا لا ترى مزاجي شوي متعكر ويبيله شوي اغير جو(حتى ومزاجها متعكر لا ترضى على نفسها بالانكسار جدام الناس ممثلة بارعة تحسن الدور وتتلون بتلون الدور مثل الحرباء) ،فقلت أروح النادي وارقص معاكم .
قلت لها : ايه اليوم في صف انشالله الساعه 6 .
قالت: زين اوكي عيل انا اروح شوي الصالون اغسل شعري واشرب قهوتي واي لكم ، هني انا في قلبي مترددة اقول ياربي اتكلم والا ما اتكلم انشالله ياربي ما اتصرف تصرف غلط .
ناديتها وقلت: نادية لحظة بكلمج ،التفتت ؟؟!!!
وقالت: خير!!
ثم قلت : نادية تذكرين الي قلتي لي عنها هذيك اليوم الي سألتيني عنها ، (طالعتني بنظرة مستغربة منو ؟؟!!) ، فكملت وقلت المراة الي تسألين عنها وانا ابقق عيني !!!
قالت : ايه ايه ايه بلا قولي موجوده الحين وينها ؟؟
قلت: لا مو موجودة جيكت على اشتراكها وطلع انه خلص ( قلت خل أقهرها شوي واخليها تحترق هاهاها) وطلع انه اخر يوم لها كان يوم الاربعاء لما انتي سالتيني عنها JJ سبحان الله شفتي .
ردت وقالت: ويه لا لا لا تقولين ، امبيه انا صج منبطة جبدي ، حسافة لااااااااااااااااااااااااااااااااااااااااا، معقولة ما تعرفينها ولا صادفتيها !!! انتي حتى السيكيورتي الهندي عند الباب تعرفينه كله اشوفج تسلمين عليهم ؟؟!!! معقوله
رديت عليها : (بوجهه بريء ههاهاها) لا يمكن اكون اكون اعرفها بس ماعرف انه هذه فلانه الي انتي تبينها انا شدراني نادية انتي تشوفيني انا اسلم على الاولي والتالي JJ.
قالت : انزين يلا انا اشوفج بالصف أخليج وهي مبتسمة ولكن !!!
(مبتسمة ابتسامة أعطتني شعور يقول امم مو مهم أشوفها أنا عارفه نفسي واثقة،ولكن عينيها كانت حزينة كأنها تقول لا مو انا الي ابجي والا اتضايق على ريال مايستاهل )

في نفس الليله يت لي شريهان وكانت لابسة وردي (بالعادة كانت تلبس اسود) ، وغيرت لون شعرها للون واحد ،اللون الي اهي تحبه (للعلم زوجها الي كان طالب تحط خصل لشعرها واهي ماتحب)، وكان شكلها صغير ماشالله عليها . ومن غير ما أتكلم ولا أقول ولا شي يتني وعبطتني (حضنتني) وبكت بكت بكاءا مريرا وقالت : موقادرة موقادرة اتحمل أكثر ،مسكتها وقلت لها: شفيج وانا قلبي يرقع ، قلت لها: تعالي غرفة التقييم الصحي محد هناك خل نتكلم هناك . فبدأت بالحديث تقول: تدرين يا فلانة ، أحسه يحبني ومايحبني مادري ليش، انا قخر مرة شفتج فيها رحت البيت وتعدلت وغسلت ودقيت عليه : قلت له وينك قالي وياربعي طالع ، وصج كان ويا ربعه بس انا مادري ليش شككت في الموضوع وقلت : متاكد وياهم والا وين رايح ، يعني انته متى بتفضى ولي متى مانقعد ويا بعض انته المفروض بعد الدوام تقعد معاي مو تروح تهيت ويا ربعك( شريهان استخدمت مع زوجها أسلوب الفرض ،يعني كانه طفل بالمدرسة اهي تملي عليه واجباته بصورة جافة واجبارية ، مما يجعل فلان يهرب منها ويركض للعشيقة التي تكون سلسة ولا تجبره على شي كل شي على راحته،فهو اخر اهتمامها) ومن عقبها رد البيت وأخذ شوي ملابس قالي بينام بالدوانية ويا ربعه ، واقص ايدي انه نام عندها (نادية وكل عشيقة تستغل هذه الثغرات لصالحها فلا تعطيها مجالا لذلك) السيناريو الذي تستخدمه نادية هو كالتالي: هلا قلبي شلونك ويه شفيك عسى ماشر صوتك متغير وتقولها وهي تضحك ضحكة متلبسة بصوت الحزن كأنها سعيدة وتنتظر مفاجاة خبر محزن يقول لها : مافي والله بس شوي متهاوش ويا البيت ،ويه متهاوش مع البيت لا ياقلبي ولا يضيق خلقك ولا تحزن مافي بيت مافيه مشاكل انته بس افردها ولو تبي تمر علي نتعشى ماعندي مانع (حطت حضوره عندها بصيغة اختيار يعني بما معناه تبي تيي تعال حياك الله هذا مكان راحتك ولو ماتبي تيي براحتك هم ،عشان تدخله مجال comfort zoneمالها ، ذكية حيل) وعلى فكرة هذه الطريقة الي احنه نكسب فيها الاصدقاء بطريقة اللا شعور يعني نتصرف هالتصرفات من غير ما نحس وبعدين فجاة تلقين فلانه صارت صديقتج وتحبينها J
المهم قلت لها : كملي ، قالت لي قولي شسوي عفيه .
قلت لها :يا فلانه الحل بأيدج ووايد سهل اهو راح نام عندها صح ، مايخالف دوسي على قلبج شوي حق نفسج انتي انا ادري انه يعور القلب ولكن فكري في فلانه نفسها شنو التعب الي قاعدة تاخذه من ورى هالموضوع وغيرها مستانسين (الزوج والعشيقة)، هل فكرتي في يوم من الأيام كيف تسعدين فلانه ، وماهي الأشياء التي تسعد فلانه غير حب زوجها لها ... طالعتني وعيونها تدمع وقالت لي: استانس واهو ويا غيري شلون انتي عبالج سهلة ،قلت لها : أدري مو سهل بس دوسي على نفسج وفرضي سعادتج اول ترى على فكرة يافلانه انتي طالما معلقج نفسج فيه عمرج ماراح توصلين له ، الانسان بطبيعته لما الشي يكون بين ايده على طول يهمله او يركنه ، سبحان الله لانه يدري انه بيروح وبيرجع بيلاقي نفس المكان لكن لو هالشي ضاع واختفى فجاة تلقينه تدور خرايط راسه واهو يدور عليه وينقهر ويقول انا كنت حاطه هني ما توقعت انه بيضيع J وهذا الي قاعد يصير معاج ريلج قاعد يروح يستانس ويدور ويرجع يلاقيج انتي مثل ما انتي موجوده وبنفس الوضع ناطرته انه يلمسج والا يداعبج والا يدلعج صح، حركت رأسها وقالت أي صح ، ولا تخافين الوقت ما طاف وانتي الحين وايد احسن من قبل شوفي لبسج ماشالله تغير ابتسامتج وحتى ويهج احسن من قبل تبينه نرجع من الاول J ابتسمت وقالت :لا بس ابي ارتاح ، قلت لها انشالله بترتاحين بس .
قلت لها تذكرين لما قلت لج تكتبين لي شنو انتي تبين ؟؟؟ هزت رأسها بنعم تدرين شنو كانت غايتي ، غايتي كانت اني اعرف شريهان بما يوجد داخلها وان تعرف انه نفسها عليها حق وهم نفسها تشتهي شغلات وتبي تعيش حالها حال غيرها ، بس انتي شنو سويتي رد فعلج كان عكسي وانا كنت متوقعته انتي ركزتي على زوجج وتعليقاته وشنو يبي واهملتي نفسج عشان جي ارد اقولج ماراح تسترجعينه .
الا لما تركزين على نفسج الأول حبي نفسج حبيها دلليلها ( الخطة الثالثة)، مثلا اليوم رجعي البيت واشكري نفسج لانها طلعت الحزن الي فيها وبكت فالبكاء نوع من التنفيس عن الحزن ويريح القلب J ، اشكريها بان تطلبين عشا من مطعم تحبينه او اشتري عطرأو قميص أو بيجاما من الي زوجج يحبه كهدية لج تهدينها لنفسج ترى راح تحبين هالشغله او راح تتقبلينه شوي شوي لانه انتي اشتريته مكافأة لج على حسن تصرفج ،غير هذا حاولي شوي تسوين كونترول على ردود أفعالج معاه ،ردت وقالت :شلون يعني ، قلت لها : قللي الاهتمام فيه وركزي على الاهتمام في نفسج مثلا قالج بروح ويا ربعي بطلع قولي الله معاك دق علي لو فضيت خلي هالشي اختياري مو اجباري وبتشوفين النتيجة انشالله يمكن مو من اول مرة ولا الثانيه بس حطيها في بالج وصبري خلي بالج طويل وبتشوفين (أسلوب نادية).
في الليل اثناء الاوقات الحميمة معذرة سيطري أنتي على الموقف قولي له ماتحبين .
قالت : شلون يعني ، قلت لها انتي قولي له كيف تريدينه انه يمارس الجنس معك اطلعي من مجال الروتين الي تعيشينه معاه في الجنس.
قالت لي : بس احنه نسوي تغيير يعني من فترة لي فتره يقولي خل نسوي جي نسوي جي.
قلت لها :عليج نور الحين غيري الروتين وقولي له انا ابيك تسوي جي وتسوي جي (بادري انتي بالطلب) بخاطري منك انته حبيبي فلان لا تقولين ريلي عيشيه جو انه حبيبج وعشيقج عرفتي في بعض الرجال يحبون هالجو(اسلوب المراة الضعيفة والمراة الأميرةبنفس الوقت)Jكوني انتي العشيقة واسرقيه منها ،فكري بما تحبين انتي ولو قالج لا انا ابي جي قولي له اول سو لي جي وبسوي لك الي تبيه واكثر، تحايلي عليه وأصري على موقفج بدلع وعناد انثوي وبشغف لأن يفعل لك ماتريدين ومن بعدها كافئيه (الله يعافي نادية هاهاها ماقصرت) العفو على الكلمة بس Be his bitch in the bed
عزكم الله لو لاحظتوا هذولي الفئة من النساء في السرير لا تسال الرجل ماذا يحب بل تأتي هي وتفعل به كل ماتريد وهذا يزيد من شهوة الرجل ويثيره مما يجعله يحس انه مرغوب ومطلوب فيتعلق فيها J .
واهم شيء الأهم بطلي بجي ، لأن البكاء يشل تفكيرج ويجعلك تركزين على المشكلة ، وانأ لا تفهمين اني اقولج كبتي مشاعرج ولكن حاولي السيطرة على مشاعرك قليلا والتفكير للأمام . طبعا هذا الكلام المختصر أخذ مني وقت طويل ومحادثات طويلة لو شرحتها هنا لن ننتهي .... المهم مرت الأيام وشريهان تطبق الي اقوله وبين الي تتقدم وبين الي توقف وانا ادفع فيها للأمام ،وفي يوم من الايام وقبل دخول الصف كالعادة كنا نجلس ونتحدث انا وشريهان ومجموعة من المتدربات ، وانضمت إلينا نادية بالأخيروكانت لابسة فستان لي نصف الساق ناعم وواسع ومسوية ظفيرة طويلة وسوداء ، وقعدت تضحك معانه وتسولف فجاة رن تلفونها وكان منو عالخط ؟؟!!!! كان صوت رجل على الخط وسمعتها تقول له لا عفيه وبدلال وغرور تعال اليوم ابيك بقولك سر كبير بروحك انته بس حقك بروحك ، كانت نادية تتكلم معه وتضحك بدلع L ، وانا اطالع شريهان واقفة على الزاوية مستندة على الحائط الزجاجي وكأنها سارحة بأفكارها لعالم لوحدها بعيدة عنا كانت تتمرن على حركات الرقص بروحها ، كنت أقول في نفسي آه لو تعرفين من تكلم والا شنو يصير ورا ظهرك بس مايخالف الله يهديه ويرجع لك ياربي ، رحت حق شريهان وقلت لها : ترى الصف راح يتأخر ربع ساعة عشان الاذان ، ليش ماتدقين على ريلج وتسوون تغيير الليله شرايج اتفقي معاه وبعلمج حركات تسوينها الليله حقه بس اهم شي اخذي موعد منه الليله (مخطط افساد لمخططات نادية هذه الليله)..... المهم راحت شريهان واتصلت على زوجها ولقت انتظار ، ورجعت قالت لي: اتصلت عليه بس مرة وحده مثل ماقلتي ماكثرت ولا اصريت قلت لها ايه عدل احسن لج ، بس الحين دزي له هالمسج : ياقلبي كنت قاعدة ارقص بالصف وحسيت اني ابي ارقص الليله بأحضانك ..... ياترى ماذا كان الرد من الزوج تابعوني فللحديث بقية

تحيــــــــــــــــــــــــــــاتي
:icon31:
Realady
 
عزيزتي برناديت من غير ما تقولين ، انا علمتها على السايت وراحت دورات ناعمة الهاشمي بالكويت بعد هاهاهاها
 
Realady والله طلعتي خطيره
الله يوفقك وترجعين الحقوق لاهلها
متابعه .........
 
يوووووه ابي اعرف وش صار
اموووووت واعرف ارقص
الرقص يجنن
شيء مره ممتع
متى تخلص القصه
تكفين اذا نهايتها مو حلوه لا تكلمينها
 
اااااااااااااااااااااااااااااااااااااااااااااااه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه ه

تجننت ابي اعرف وش نهاية القصة!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اعصابي تلفت.
وش صار بسرعة الله يخليك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
صدقت بكل حرف كتبتيه ،،،

جزاك الله خيرااا ،،،

موضووووووع اكثر من رائع ،،
 
أبدعتــــــــي فعلا ,,

ما أجمل أسلوب سرد الحكايه بطريقه تعليميه مشوقه ورائـــعه ,,

ماشاء الله ,, متااااابعه بشغف ,
 
والله خطيره عالقصه انا توني قراتها وخلصتها بجلسه وحده *****************


تكفين عجلي علينا والله متحمسيييييييييييييييييييييييييين ****
 
كلام جميل الايصدر الا من امراءه حكيمه

فعلا فالعشيقه الا تختلف في شي بل يمكن على العكس

تكون زوجته احلى منها بكثير والكن من طبيعه الرجل ان يبحث عن الحنان وليس عن الشكل

سلمت اناملك التي كتبت هذا الموضوع

وجزاك الله خير الجزاء
 
الحالة
مغلق و غير مفتوح للمزيد من الردود.
عودة
أعلى أسفل