كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
:msn-wink:الحين شريهان حرمه عن عشرة رياييل:smoke1:
 
التعديل الأخير:
اختي ريل ليدي الله يرزقك الزوج الصالح اللي مايشوف حد غيرك..بصراحة تحليلك لشخصية الرجل متعدد العلاقات وايد عجبني بس السؤال كيف الزوجة تتصرف مع الشخصيتين؟؟؟؟؟؟؟
 
ياااااااااااااااااااااااااااااااااااااااااااااااااااااااربي
بالقطاره
والله متشوقين نعرف النهايه ونفرح مع شريهان ونضحك على بواقة الرييايل
يعطيش الف عاااااااااااااااافيه
 
جاري االانتظار على احر من الجمرررررررررررررررررررررررررررررررررر
 
التعديل الأخير:
Realady قال:
أختي الكريمة البسمة العذبة في أثناء فترة عملي في المطار ،سبحان الله اشتغلت في ادارة كبيرة كلها رجال من المدير حتى عامل التنظيف ، وكنت انا البنت الوحيدة :blushing: سبحان الله كنت أسأل نفسي ياربي ليش قطتيني في ادارة جي لكن بعدين عرفت حكمة رب العالمين والحكمة كانت عشان اتعايش معاهم وأعرف عقلياتهم وشلون يفكرون ، ومن بين الرجال اللي مروا معاي بالادرة كانوا رجال من هذا النوع ولهذا الرجل تحليلين لشخصيته :

غير واثق من نفسه : فيحاول دائما البحث عن الرضا في عيون وسلوى الآخرين برفقته ،كما أنه يعتبر التنويع في النساء نوع من اثبات نظرية انه مرغوب من جميع النساء .

الوثق جدا من نفسه زيادة من اللزوم،هذا الرجل يكون واثق جدا من نفسه لدرجة انه لو اكتشف نقطة لو صغيرة فيه موكاملة لازم يخفيها ، وممكن تكون العلاقات وحده من الطرق اللي يغطي فيها عى هالثغرة بشخصيته الواثقة جدا من نفسها .


:smoke1:
أنقر للتوسيع...


مشكورة على ردك علي

معك بكل كلمة قلتيها ساعات احس انه واثق بزياده وساعات احس انه منعدم الثقة بس مركزه في عمله مقويه

طيب الحل بنظرك شو؟؟؟

اي ا لحلين اللي طرحتهم افضل؟؟؟
 
صاااااادووووووووووه اشوفك الحين موجوده ياقمرهههههههههه

كملييييييي واللي يعافيك
 
صج صج صج

يعطيك مليون عافيه

لاول مره اتابع قصه بالاسلوب المشوق الي كتبتيه

ربي يوفقك على الخير الي سويته

وننتظر التكمله

لاتطولين علينا :)
 
روميو يلعب على الحبلين

ظلت شريهان متنحرة تكرمون بالحمام واتصلت علي وقالت لي: ترى حاكرني بحمام المطعم ، قلت لها : ويه ليش شضاير قالت لي: ماقدر الحين اشرح لج بس انا ابي اطلع قولي لي شنو اقوله؟؟؟ ظلليت أفكر واهي تقولي يلا بسرعه قاعد يدق علي ، قلت لها : طلعي خلاص من الحمام وامشي وياه لي سيارتج تكلمي معاه الهي بالكلام لين توصلين سيارتج وكوني جدية وياه ولي اصر تركبين السيارة معاه قولي له : فلان انا مصرة اني اروح الحين بروحي ، وثاني شي مابي الموضوع يكبر بينه بصراحة .... بجدية وهدوء مو صراخ والا تضحكين ، قالت لي : زين ، طلعت من الحمام طبعا لقت سي سيد واقف ينطر وراحت يمه وقالتل ه : يلا خلصت لازم اروح الحق على الدوام ، ومشى معاها تقول لما مشت يمي كنت احس بحرارة صادرة من جسمه مو طبيعية (Chemistry) وكانه مغناطيس يشدني نحوه ولكن قاومت وقلت لااااااااااااا ،قالي : انا طلاق مراح اطلق ، واعتبري هاللي صار خلاص غلطة وماراح ترجع ، تقول وانا مكملة امشي واسمعه وماكو أي تعبير في ويهي ، ومشيت ليمة سيارتي قالي : انت وين رايحة ، هناك سيارتي ،رديت عليه : وانا قاعدة اتمشى وياك اسمعك لين ما اوصل سيارتي ، لانه انا بجد ماقدر اتخذ أي قرار الحين ، وصلت سيارتها ومسك الباب وقالها : ولو قلت ماتروحين بالسيارة !!، وقفت وقلت له : انته تبي نتفاهم والا نتخانق ؟؟؟ ،ظل يطالعها منصدم من ردة فعلها ، ومن صلابة موقفها ، (جديتها بالموقف الحين خلت شريهان تعرف زوجها بالحدود مالتها الي مايتعدى عليها أي أحد بالمستقبل حتى الزوج ، وحطة اعتبار حق شريهان عند نفسها ، وتعتبر جديتها الحين نوع من انواع التحذير للزوج حتى لا يتمادى بالمستقبل معاها وأن حصل وتمادى فليتحمل العواقب) وخر عن الباب وقال لها: زين ماشي روحي الله معاج ، ركبت سيارتي وحركت من مكاني وظليت امشي بالمسفط واطالع من المرايا اللي بالنص بشوفه يلتلفت على سيارتي والا لا ومالتفت حسيت بخيبة أمل شوي بس بعدين قلت لا ليش يضيق خلقي ماكو شي يسوى اقعد انطر منه يتلفت لي ، وكملت وانا سايقة طلعت عالشارع وكملت سيدة على البحر بعدين خذيت فوق تحت عشان اطلع على خط فحيحيل من صوب الدائري الرابع والا يتصل علي ؟؟؟ مارديت عليه وكملت طريجي لي الدوام ، وصلت الدوام متاخرة شوي ودخلت اطلع النوته مالتي للاجتماع دخل زميلي كالعادة مبتسم وقالي: ها اليوم متأخرة ، قلت له: ايه رحت اتغدى برة شوي نغير عن جو الشغل ، رد علي يلا عليكم بالعافية ... بس انا اليوم يايب معاي أختي وبنتها الصغيرة هذيك اليوم كنت اشتغل باوراقي مالت الشغل واسمج مكتوب على جدول الحضور للدورة وطلعت اختي تعرفج من قبل قلت له : اختك ؟؟ ، قالي : أي الحين اهي تيي راحت شوي هني عن بنت خالتي بالادارة الثانيه وتيي ، دخلت الاخت وطلعت صج اعرفها من قبل كنا مع بعض في كورس ايام الدراسة ،وكنا نسولف مع بعض مع البنات واعرف انه اسمها فلانة فلان بس ماعرف اسم العايلة ، قعدنه نسولف انا معاها وقالت لي : ماشالله وايد متغيرة وايد ؟؟ قلت لها صج : قالت لي: أي انتي اصلا تهبلين بس الحين احلى ، قلت لها: مشكورة من ذوقج حبيبتي ، سألتها تزوجتي والا لا قالت لي : أي ملجت وانشالله عرسي على نهاية هالشهر عطيني رقمج صج خل اعزمج ، استانست طبعا وعطيتها رقمي ، شوي دخل اخوها وقال يلا :ترى راح يبدون ، ردت اخته خلاص عيل انا امشي اخليكم مع السلامة ... راحت الاخت ، ودخلت الاجتماع وكان كل فكري في حالي الحين ، وتذكرت المرة الي طافت لما كنت في الدورة وكنت متضايقة واغمى علي بين البنات واشوف حالتي الحين فرق كبير في الفترة الي طافت كان الموضوع مثل الصخرة الكبيرة الي كاتمة على انفاسي الحين احسها مثل اللي شوي شوي قاعدة تتفتت ، شوي وقلت خلني اركز بشغلي وايد احسن ... مر الاجتماع على خير وطلعت وقلت: قبل لا اروح البيت امر اشتري قميص نوم من الفنار، رحت لاسنزا اشتريت لي قميص ناعم من اللي يحبهم قلبج ، واشتري لي طقم ستيان ناعم مع الاندر وير ( تكافأ نفسها على موقفها الصارم) رديت البيت تسبحت وغسلت وتعدلت وقعدت بغرفتي تعطرت ولبست ويتني فكرة اني اتصل فيه أقوله مابيك مادري ليش كان اييني هالاحساس؟؟!! بس قلت لا مابي اتصل ... وقلت بدال هالافكار الي تهزني وتوزني خل اتعوذ من الشيطان وانام احسن لي ، طبعا ياحلوين في هذه الاثناء وبما انه انتوا لاحظتوا اني غطيت عن ذكر العنكبوت ، لكن انا مانسيتها لأنها كانت تخطط وتكتك حق الي تبي تسويه ، غطت العنكبوت ايضا عن الزوج وظل الرجل وحيدا ، لأنها هم اهي مو طايحة من عين نفسها وتبي تشوف يختارها والا لا ، وعلى فكرة حزت ماكان يتصل على زوجته هم كان يتصل على العشيقة ويحاول يكلمها لأنه احقرته ، وطبعا كنت اشوفها يوميا تيي النادي بس كانت ماتدش الصف عندي كانت تروح يا اما فوق تمشي بالكارديو والا ، اصادفها بالحمام السباحة تتسبح ومستانسه ويا البنات ولا جنه الموضوع هامها ولكن الي كان صاير العكس نادية كانت ماخذه فترة نقاهة من الرجل وبصراحة هالمشكلة ماعاقتها من انه تعيش حياتها عادي وكول وكل مشكلة بتنحل ولكن المسألة وقت وبس ..... مرت الأيام وكنت زايرة رفيجتي، ورفيجتي ساكنة في عماره كلها امريكان واحنه ننزل الاكل من السيارة مرت سيارة يمي جيب لاكزس ووقفت ، وفجاة فتحت الدريشة والا تقولي هااايي فلانة قلت لها هلا ، ويه نادية هلا شلونج قالت لي : زينه ، انتي شعندج هني مو هذي الي معاج ، وطبعا رفيجتي موفاهمه عربي فساكته ، قلت لها : هذي صديقتي معزومة عندها عالى الغدا واليوم انا طابخة لهم ، ردت وقالت صج وين انتوا سكانين هذ البناية ، قلت لها : ايه ، ردت بسرعة ويه زين يمي عيل انا هني في هذي شوفيها وصفطت سيارتها ، البناية كانت كشخة كشخة وفكرت قلت يارب يمن وين تييب ايجار هالشقة واهي اصلا ما تشتغل شغل ثابت !!! قالت لي : تعالي تفضلي عندي فوق رديت : لا بعد الاوادم مساكين ماتوا من اليوع ورانه شغل وايد ، ردت قالت لي: اها اوكي زين عيل ، نشوفج مرة ثانيه . رحت بيت صديقتي فوق وكنت افكر وانا اطل من الدريشة الكبيرة مالت الصالة والي كانت تطل على العمارة مالت نادية وانا بقلبي اقول ياربي هل اهو الي مسكنها هني ؟؟ وبصراحة ياني الفضول اني اعرف ، فثاني مرة لما شفتها بالنادي سلمنه على بعض وقعدنه نسولف عن يوم شفتها وشافتني ، وسألتها : انتي من متى ساكنة هناك ؟ قالت لي : اممم من فترة مو بعيدة يعني 6 شهور قبل كنت في السالمية وغيرت بصراحة وهني وايد اهدى من اللويه هناك ، قلت لها : بس ماشالله البناية وايد حلوة ,, قالت لي : أي كنا قاعدين ندور على شقة حلوة وهادية وراقية والله كتب هذي ، رديت عليها :انتي ومنو ؟؟ قالت لي : منو يعني فلانه لووول الحب ، قلت لها: اها نسيت شدراني من زمان مايبتي طاريه كلش؟؟ ردت ايه : الاحوال الحين مش ولا بد وبصراحة انا سويت حركة متقصدة فيه وصار الي صار (حركة الحميمة على التلفون وقصة لي القصة) كنت ابيه بس يختار بيني وبينها بس لا أكثر ولا أقل ، وقلت لها : وشنو صار؟؟ قالت لي: والله تبين الصج ههههههههههه شكله يبيني ، انا بقلبي يبييييييييييييييييج ؟؟؟؟ قلت لها: شلون دريتي قالج اهو بصريح العبارة ، ردت علي ، والله اهو اتصل علي مليون مرة بس انا مارديت عليه وخاصة عقب ماطلع اخر مرة من عندي وبس ... انا ادري فلانه ترى اللي بيني وبينه مو شوي اليي بيني وبينه حب كبير فوق ما تتصورين ، وقلت لها زين : ومرته ؟؟؟ انتي ليش شايلتها من الموضوع ، قالت لي : انتي من صجج مرته وابتسمت ابتسامة مستخفه بكلامي ... قلت لها: اشفيج تطالعيني جي ، قالت : انتي ماعشتي الحب ولا تعرفينيه فلا تتكلمين ،قلت لها : من قالج بلا عشته بس مو نفس ما انتي قاعدة تسوين ، قالت لي : شنو يعني شنو تقصدين ، قلت لها: انتي تدرين احسن مني الي انتي عايشته هذا مو حب هذا حب لنفسج انتي بس ؟؟؟ ولا حاسة في غيرج شنو ممكن يعاني الحين ، انتي ماتدرين يمكن الحين قاعدة تدعي عليج بصلاتها ؟؟ شو يسوى عليج ،طالعتني وقالت : شنو يعني اهي رسول والا شنو السما السابعة مفتوحة لها بروحها يعني ؟؟؟ اهي لو صج تبيه جان حافظت عليه عدل مو فرطت فيه ، قلت لها : انتي شدراج انه فرطت عايشة معاهم انتي تاكلين من لقمتهم كل يوم ؟؟ ، ردت علي : لا بس كان مبين حبيبتي فلانه الريال مايطالع في مراة ثانيه الا ومرته فيها بلا لا تقولين لي شي ثاني وانا اخبر منج ترى ومر علي الزين والشين ، ولكن هذا في بالي ابيه وبعدين انا عايشه معاه احسن عيشه اروح وارد واستانس ونضحك ومصرف ، واهو بنفسه اعترف لي انه مرتاح معاي والا جا ما خطط للزواج مني ؟؟؟ والا انتي شرايج ؟؟؟ وانا ادري وعارفه انه بنتزوج بالنهاية ، نادية كانت تنطق الكلمة واهي واثقة ومتأكدة منها 1000% جنه عرسها باجر سبحان الله كانت تحفز عقلها الباطن عشان يثبت هالمعلومة وتصير صج (كانت تقوم بما يسمى عملية تلقين النفس) بنهاية الكلام قالت لي: يلا انا بروح بطلع لأنه وراي شغل لازم اخلصه ادعي لي انه يرد لي ؟؟؟ التفت عليها وقلت : انشالله ياربي الله يرده لرشده ويهديه ويسخر قلبه لمرته ، ويهديج J قالت لي: شنوووووووووووووو بعصبية شوي ترى ضايقتني باي، وطلعت .


تحاتي وانتظروا الباقي انشالله :shutup:
 
التعديل الأخير:
السلام عليكم صج والله نحن أول ما يزعلون أزراجنا نقلب الدنيا ونسوي إضراب عن كل شي لين ما يرضون علينا المفروض نحاتي عمرنا ما يستاهل إلا الي يضحي
 
يعطيك الف عاااااافيه ونتظر الباقي على أحر من الجمر
 
واااااو احداث مو طبيعيه جدا ابي اعرف التفاصيل والنهايه بسررعه قبل لا اسافر تكفين ريلي
امممم انا تمنى شريهان تتزوج زميل العمل وتسعد معه وتشوف حياتها بعيد عن القذاره بعد يتصل على ناديه وهو توه جالس مع زوجته هاذا ا منه امل رايح فيها من الاساس ولا يستئمن جانبه ابدا اكــــــــره بصراحه انا وهو يطس مع عشيقته الي بس تتزوجه بتطلع له قرون وتوريه النجوم بعز الضهر اعرف هالعينات الله يكفينا شرها ويبعدها عنا​
 
يعطيك العافيه



شريهان ردة فعلها ذكيه لما وقفته عند حده


فعلا الاحترام الاساس بكل علاقه


يسلموووو يا عسل
 
الحالة
مغلق و غير مفتوح للمزيد من الردود.
عودة
أعلى أسفل