كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
ردود خاصة

الاخت الكريمة سلاف صباح الخير ، شريهان اخذت استشارة عند دكتورة / بالكويت بس والله مايحضرني اسمها الحين ، بالأضافة إلى انها زارت دورات دكتورة ناعمة الهاشمي الي كانت بالكويت من فترة قريبة .... وانشالله ياربي ماكو الا الخير والعافية



الاخت الكريمة همس الامواج لقد ذكرت سابقا بانه هناك فرق بين العشيقة والساقطة عزكم الله ونادية عشيقة ، وهي لا تمارس الجنس الا مع هذا الرجل فهي تحلل كل شي بمسمى الحب عندها والهيمان ، وثاني شي ماعتقد انه الاهل يدرون عن اللي يصير او اتوقع في امكانية انه يدرون ليش لا احنه ماندري والله يهدي الجميع
 
احداث القصه تعور القلب
وشخصية نادية شخصية دنيئه جدا
ريل ليدي انت رائعه
متابعين
 
متااااابعين بكل حماس عقب شوووووووووو صار مع شريهان:tears:
 
التعديل الأخير:
هل ناديه تحبه فعلا
ولا بس تبيه عشانه يوفر لها حاجاتها الشخصيه
يعني يوم انها واثقه من نفسها ليش مدورت لها واحد مو مرتبط
وبعدين وشلون تعرفو على بعض؟؟؟
 
(لسلامتك) حضرة الأسد لا تحاول أن تعبث أبدا مع زوجتك اللبؤة؟؟؟!!

قعدت بالدوام وانا بس افكر،رحت الدوام وبالاجتماع المديرة والموظفين يتكلمون عن الدورة التدريبية وبالي مو معاهم بس أفكر شنو اقوله (زوجي) اصرخ والا اتعامل بهدوء لو تكلمت بهدوء انا بتعب لأني مكبوته ولو صرخت راح تكبر المشكلة ويصير يمكن مالا يحمد عقباه ، ظلت الأفكار تعتصر وتعتصر في عقلي فلم أشعر الا بنفسي اقف واستئذن مديرتي أن اذهب إلى دورة المياه قمت ومشيت بخطوات ثقيلة واغمضت عيني ولم أفتحها إلا وانا اسمع أصوات زميلاتي يصحوني بالمكتب الثاني ،اول مابطلت عيني طالعت حوالي وقمت من على الكنبة وانا اقولهم ابي اروح البيت ماقدر اقعد ،قالت لي زميلتي : صبري انا اوديج انتي ماتقدرين تسوقين ، كنت اتكلم والعبرة تخنقني ولا ابي ابكي واترشف غصات الحزن والتعب ، سالتني زميلتي :انتي مو ماكله صح ، رديت عليها : بسرعة أي بصراحة مو ماكلة بس عفيه ابي اروح البيت انا بروح بروحي ... شلت اغراضي وطلعت وماسكة نفسي لكن امطار دموعي تنزل غصب علي ، وانا بالممر صادفت زميل المكتب معي وقالي: فلانه عسى ماشر ، وبس نطق هالكلمة انفجرت بالنحيب والحمدلله كنت قريبة من الباب الخارجي يعني لا احد يسمع صوتي ،قالي: تعوذي من ابليس واستهدي بالله مو زين تبجين جي مو زين لنفسج انتي ومهما كان الالم والابتلاء فلاتنسي ان الله موجود واحنه خوانج هني ،استغربت كلامه معي وكيف اندفع للحديث معي وحزتها في قلبي كنت مثل الي ريحني بكلامه ، وبين الي كنت اقول انته شعليك منوانته عشان توقفني ؟؟!!! رديت عليه : مشكور وجزاك الله ألف خير ، رحت البيت ودخلت وبكيت لين قلت بس طلعت كل اللي فيني ودخلت الحمام تكرمين وتسبحت وبدلت وخلصت ومشطت شعري وحطيت مكياج خفيف وناعم (ماشالله عليها قوة تحمل مو طبيعية ، هذا وجهه جديد لشريهان أراه الآن ،انها الآن في رحلة التغيير بالضبط في بداية استيج اعادة بناء الذات ،لأنها فضلا عن الجلوس هكذا والنحيب أخرجت كل مافيها ،وذهبت واستحمت وتجملت على الرغم من كسرة قلبها من الداخل) ، واكملت حديثها :رحت غرفتي وقعد اقرا كتاب .. وبصراحة الاستحمام والهدوء وايد فادني (الاستحمام بالماء الفاتر يساعد على الاسترخاء واخراج الطاقة السلبية من الجسم والذهن)،قمت بعدها بدلت ملابسي ورحت يبت الاطفال من المدارس ولا طبخت غدا ولا سويت ولا شي ،رجع من الدوام خليته يقعد وبدل ونطر الغدا ، وانا بوقتها بدلت ملابس اليهال وملابسي وشافني اتجهز بطلع ،قالي: وين رايحين والغدا ؟؟؟؟ ، قلت له : اليوم انا بروح بيت اهلي بتغدا ،قالي : وبعصبية وانا بالله مو موجود ماتعرفين تتصلين تقولين ، رديت عليه وبهدوء تام : وانته ليش ماتصلت تسأل عن الغدا ،قالي:تدرين اني مشغول بالدوام وماقدر ،رديت عليه :مشغول انته امس كنت مشغول بالليل وماوقفك شغلك واتصلت علي !!!! تقولي طبعا وقف مستغرب وويهه مثل اللي يفكر بس مافهمت فكرته (طبعا انا فاهمه ليش منصدم) ،رد عليها قالها : أي تلفون تقصدين واهي طلعت وحقرته وراحت سيارتها ، تقول طول الطريج واهو يتصل علي وانا مارد وبصراحة كانت مشاعري مختلطة بين الي الغضب الكراهية والحزن على حالي وعيالي ، والقساوة عليه ، ولكن في شعور ثاني حسيته يفرض نفسه غصب علي ،سألتها شنو : قالت لي سعادة مو طبيعية يا فلانه لما كنت اشوف تلفوني الرقم يروح ويرد ويرن مارد عليه كنت احس هالرنه كانت مثل انغام ترقص عليها أحزاني وتفرفش وتهيص ، لأني ملكت الموقف وانا كنت متأكدة انه اهو حزتها كان خايف ويحاتي وانا ادري لكن خله (هنا طبقت شريهان احد خصال شخصية نادية والتي ذكرتها في بداية سردي لهذا الموضوع في الصفحة الاولى، شخصية المراة المستقلة) ، وبس ييت بيت اهلي وقعدت معاهم وامي تحس انه فيني شي بس ماقدر اتكلم ولا اقول أي شي ،قلت لها : زين واهو وينه ماتصل على بيت اهلج مابين ؟؟!!! تقولي : ابدا يتصل شلون تبينه يتصل انا متأكدة الحين انه اهو ميت من الخوف ميت ،شافني ساكتة طول هالوقت عباله اني خلاص ماني متكلمة وبسكت باسم الحب اللي بينه وبس من يومها وانا هني ،هني قلت لها :وبابتسامة عريضة صراحة انتي 100% حبيبتي انتي زين سويتي ما تخانقتي معاه ولا دخلتي في متاهات الصراخ الي ماراح تولد من وراها عقب الا الندم !! صدقيني انتي بتصرفج هذا كسبتي ولو ذرة من زوجج وجريتيه خطوة ناحيتج ، قالت لي : شلون والحين انا هني في بيت اهلي ولا فكر ايي يتصالح معاي ، قلت لها : خليه خليه براحته انتي شنو قلتي قبل شوي ممكن يكون خايف والا معصب مادري عنه ، بس انتي الحين ابيج تسوين برنامج نقاهة حقج قعدي مع الاهل وتخيلي انج شريهان الي قبل ، طلعي مع اليهال واستانسي بس هم بنفس الوقت لازم تفكرين بالحل لهذي المشكلة ،وقومي الحين خل نروح نقعد ويا امج شوي نريح بالها ونمطنها لانها مسكينة مو ناقصة هموم واهي بالسن هذا وصدقيني والله ماكو الا كل الخير ، وفي تعليق ثاني بالشغل مسكي نفسج عن البجي J تدرين ترى انتي صرتي اقوى من قبل الحين ماشالله عليج بوايد ، التفلت علي وقالت لي : صج والله الله ونستيني يييييييييي ، قلت لها : حمدالله والشكر زين لا تناقزين وايد J ، انا تأخرت وأبي اروح البيت تبين شي ،قالت لي :لا قعدي تعشي ماتروحين ، امي ترى تزعل وانا ازعل عليج ، قلت لها : ماقدر والله ،بيتنه بعيد وطريج وانا خلقة ماحب السياقة فأحسن اني اروح ، ضحكنه ، يلا تبين شي ؟؟!وقالت لي :لا والله مشكور ة يا فلانه ....

طلعت من بيتهم وطبعا انا في مخي افكر بنادية فقمت ودقيت عليها J وخليكم معاي وشوفوا شنو صار معاها هاهاهاهاهاهاهاي :nosweat::showoff::flex:



تحياتي

ٌُRealady
 
التعديل الأخير بواسطة المشرف:
الجواب موجود في شخصية نادية

فنكوشه قال:
هل ناديه تحبه فعلا
ولا بس تبيه عشانه يوفر لها حاجاتها الشخصيه
يعني يوم انها واثقه من نفسها ليش مدورت لها واحد مو مرتبط
وبعدين وشلون تعرفو على بعض؟؟؟
أنقر للتوسيع...
الجواب مذكور بين سطور شخصية نادية وان اردت التحليل راح احلل واقرى لج مابين السطور :flex:
 
فددديتج انا يا ريل ليدي..

جزاااج الله خير..وفرج همج مثل ما تفرجين هم شريهان :)
 
بسرعة يا حلوة ما تتاخري عليينا

متااااااااااااااااااااااااابعة جيدة
 
:flex:بسرعة يا حلوة ما تتاخري عليينا

متااااااااااااااااااااااااابعة جيدة
 
يعطيج العافية على هالموضوع الرائع والمفيد :icon30::icon30: وفعلا مثل ما قلتي ان العشيقات لا يختلفن عنا في شي وانما
هو دهاء المرأة وحنكتها ومقدرتها على اظهار انوثتها الطاغية بالطريقة الصحيحة لكسب الرجل جعله مبهورا بها :icon26::icon26::icon26: ...



​
 

ياسلام
شعور السعاده وهو يدق عليها وهي حاقرته اكثر من رائع

:clap:

يخليه يحس باللاستغنا من وحده كان ضامنها
مجججججججججججججرب
وخطير

:showoff:

بدون تمادي
​
 
الله يخليك يا realady
لا تتأخرين علينا
قلبي يعورني على شريهان
وأريد أعرف نهاية اللي ما يخافوا الله​
 
الحمد لله
ان شيريهان مثال المراة المجاهدة التي قال الرسول الاعظم ان جهاد المراة حسن التبعل
فهي لم تستسلم وضلت تحارب من اجل حياة افضل
على خلافنا نحن الذين نعيش في النعيم فازواجنا ولله الحمد مخلصين لنا ومع ذلك نشعر بان خلاف بسيط بيننا مثل الغاء او نسيان موعد او اي شي تافه نقيم الدنيا ولا نقعدها..............
فهل لنا ببعض الموعظة من هذه المراة المجاهدة
وعن جد اليوم القصة تبرد القلب
 
الحالة
مغلق و غير مفتوح للمزيد من الردود.
عودة
أعلى أسفل