كـــوني أنتــــي العشيـــقة وأسرقيـــه منها ؟؟؟

  • بادئ الموضوع بادئ الموضوع Realady
  • تاريخ البدء تاريخ البدء
الحالة
مغلق و غير مفتوح للمزيد من الردود.
اللهم شافها وعافها من كل مكروه .......يارب العالمين
 
مشكووورة اختي والله يوفقج ويهنيج..





ولا تنسي قبل ما تنامي تقولي :
اللهم إني قد عفوت مابيني وبين الناس فاعفو ما بيني وبينك​
 
استمتعت بالقرأة جداااااااااااااااااااااااااااااا

ربنا يرزقك بالزوج الصالح ...ويعافى والدتك ..

بس أظن من العدل ان شريهان تعرف علشان يكون عندها همه ..

ولا ايه رايك ....!!
 
my mom is ok

thank u all very much my mom is fine now and sorry for being late as u know that i was bussy with her , i will countinue my story today:in_love:
 
حي الله الغاليه "ريل ليدي"

اولا احب اقووول لج جزااج الله خير يالغاليه..وفي ميزان حسناتج يا قلبي..

وانا الصراحه لي كم يوم اقرا موضوعج..وما اعلق..قلت اخلص قراية كل الصفحات
وبعدين اعلق...وما شاء الله القصة فيها من العبرة والعظة الخير الكثير..


I LOVE U Real LADY:cupidarrow:


وثانيا..العضوات..اللي يحسون ان القصة جذب وشلخ ونصب على قولتهم..
ما في داعي..للتجريح وتوجيه الكلام اللي يقلل من قيمتكم..!

خلاص دامكم حسيتوا ان احداث القصة ما تدش عقلكم..الله وياكم..لا تقرون ولا تعلقون
وتخربون على باقي الأخوات! وترا ما في حد بيقعد يكتب بالتفصيل وياخذ من وقته الكثير
عشان ينصب او يجذب! الناس مشاغل..وريل ليدي لو ما تبي تفيد جان ما كتبت ..وعطت نصايح وتوجيهات!

غريب امر بعض الناس..من يشوفون موضوع ناجح..وعليه ردود كثيرة..جرحوا في صاحبته!


اسمحي لي الغاليه ريل ليدي..بس كلام وحبيت اقووله..وسلامة الوالدة..
 
شكرا جزيلا اختي الكريمة دوومي عالية انشالله ياربي الله لا يحرمني منكم ، وبالنسبة للأخت التي كذبتني موضوع وانتهى وانا اعذرها فانا نفسي لم أكن أصدق بمواضيع كهذه الا لما عشتها سبحان الله والاخت تروح ترد اخت عزيزة وغالية علينه وكلكم غالين عليي
 
ونعم الكلام...
تسلمين غاليتي على كنوزك الجميلة ....
ننتظر المزيد...
الله يوفق الجميع...
 
رحلة البحث عن شريهان

عدلت شريهان الغرفة صبغتها لون لؤلؤي والفرش طبعا اساسا بني محروق وشرينه شراشف كحلي في ابيض مع الازرق الفاتح (رجالي) للسرير ولوحات للطوفة من النوع الستايل الجديد الامريكي ،غيرنه الستاير واشترينه ستاير ناعمة من الشيفون الأبيض مع ستاير من الشيفون المنقوش ابيض وكحلي ،طيب ليوم رجعة الزوج شنو سوينه J شرينا فوط بيضة ملفوفة (2) صغار(2) كبار ،وتدرون شنو سوينه يبنه الفوط ورشينه عليهم عطر اسمه clean ينباع في دبنهامز ريحته صابون مع عطر ثاني بريحة الورد(مثل كنزو اللي فيه وردة طويلة من داخل وايد رومانسي ودافي) عشان يكسر شوي ريحة الصابون، وحطينه الفوط في طشت فيه ماي مع ماي ورد وخلطنه مع الماي بعد صابون سائل بريحة اللافندر والزهور ،هذا الصابون يستخدم للاسترخاء، ونقعنه الفوط لمدة ثلاث ساعات بالماي عقب جبنه كرسي وعصرنا الفوط على شكلهم واهم مسفطين على كرسي الخشب ،بعدين دخلناهم في غرفة النوم ونشرناهم على كراسي الخشب وبطلنه التكييف مع المروحة ولما نشفوا شوي رشينه عليهم بودر جسم من صيدلية بوت وايد حلوة ريحته بريحة الورد والفواكهه ،وسكرنه الباب وطلعنه رحنه نكمل الشغلات ،على مارجعنه البيت الا ريحة البيت والغرفة خاصة كلها ورد وصابون ، اشترينه ورد مقطع لون احمر وابيض عشان يشع مع اللون لاأبيض ويعطي دفا للون الكحلي اللي بالغرفة ، وقلوب حب صغار سويناها من الاوراق الملونه الحمرا (قلت حق شريهان كتبي على كل ورقة شنو الشغلات الي حبيتها في ابو فلان) ،طبعا فرشنا الكوفر الأبيض على السرير وحطينه الوفطة على طرف الكوفر الصوفي لانه راح يكون مكان للمساج حق الزوج بعد السفر والتعب ، واشترينه مثل سفرة صغيرة من عصيان الخيزران باللون الكحلي حطينها على التسريحه وحطينه عليها ماعون صغير ياباناي ابيض وصبينه عليه الزيت اللافندر مخلوط عليه شوي زيت ورد الطائفي كمية قليلة جدا وماعن شوي اكبر حطينه في قطع الفواكهه مع الشموع ،خلصنه انا معاها وقلت لها يلا الحين دورج انتي صبغي شعرج غامج هالمرة صبغناه بالبيت لون بني غامق وكان فظيع ماشالله عليها ولبست بيجاما اويشو ناعمه وحطينه المكياج لها وطلعت ،ايه ونزلنه من النت موسيقى ناعمة رومانسيه ، وموسيقى شوي سريعه ،عشان نطبق الدرس على الرجل ،المهم انا رحت بيتنه ،وانا راجعة البيت والا منو يتصل علي يا حلوين نادية دقت تسلم علي وتسأل ،قلت لها ها شلونج رديتي من السفر قالت لي أي توه قبل شوي وكنت اسمع صوت احد يمها بس بصوت واطي يتكلم اعتقد كان اهوه ، على طول تحججت قلت :نادية شوي وادق عليج زين بس دقايق، سكرته ، واتصلت على شريهان ، قلت لها :ها خلصتي كل شي جاهز قالت لي ايه قلت لها تذكري مهما يكون مزاجه خلج انتي كووول واكسبيه اليوم تدرين توه راد من السفر اكيد مشتاق لج ضحكت اهي ، طبعا في قلبي كنت اقول يمكن يكون مو مشتاق لها بس يلا المهم انه نحاول باللي نقدر عليه ،المهم رجع الزوج ودخل لما بطل الباب مال البيت ينادي الا شريهان تحقره يعني ما تسمع واهي تكرمونب الحمام منخشة تنطر ، يعني جنها تغسل ايدها ، دخل الغرفة طبعا تفاجأ وكان وايد مستانس ،تقول شريهان : اول شي سمعته وانا بالحمام (وأخيرا حسيتي ) تقول انكسر خاطري حزتها بس قلت يلا المهم اني حسيت مثل ماقال ودست على اعصابي وطلعت برة الحمام ،وعندما رآني شاف وحده ثانيه غير مادري ليش حزتها كان بودي ارتمي باحضانه بس ياني شعور منعني وقالي ثقلي عليه حدس المراة سبحان الله ،قالت لي : تدرين ليش ؟؟!! سألتها ليش؟؟! ، تقول تذكرت شاشة الكمبيوتر فجاة لأنه أول مادخل كان ماسكه ،ومادري ليش هالمرة في قلبي قلت خلاص بس انا عقدت النية وملليت من اللي انا فيه بس قلت خل الليله تعدي على خير واكون سويت الي علي . جلست معه تكلموا عن سفرته وين راح وين رد وصار اللي صار بينهم ، والزوجة اتصلت علي ثان يوم وتشكرتني ولكن بنبرة غريبة لم أعهدها في شريهان أبدا ، نبرة كانت قاسية ولكن جميلة بنفس الوقت نبرة كنت اريد ان اسمعها من زمان ،كانت في كل مرة تشكرني فيها اسمع نبرة فيها نوع من الضعف وقلة الحيلة ، ولكن هذي المرة لا كانت نبرتها سعيدة ولكن عادي يعني شنو ليلة وعشتها ؟!!!! قلت لها : ها اليوم الصوت يهبل J،ردت تدرين فلانه خلاص انا مابيه بس قلبي عافاه والله مادري ليش جي فجأة بس بديت افكر انه خلاص كل شي انتهى ، قلت لها : لا اعوذ بالله لا تقولين جي هذا زوجج بوعيالج انشالله ياربي تتعدل الاوضاع ، ليش خطتنه امس ما مشت ، قالت لي : لاب العكس مشت ومشت بطريقة احسن مما خططنه لا ليلتها لما طالع التغيير استانس وايد لكن انا كنت في قلبي مالي خلق وبمرر اليوم بسلام وخلاص فكنت اقزر وقتي معاه ،والغريبه انه حس ولاحظ وعلق علي انتي اشفيج متغيره والا مالج خلق قلت له : لا واله مفايني شي بس افكر في شغلات حقي ،قالي مثل شنو : فقلت له بصراحة ودي ودي اغير دوامي ؟!!!! قال لها : شنو دوامج ليش اشفيه حلو دوامج بعدين الحين مو وقت سوالف عن دوامج ،قلت له : لا من صجي ودي اغيره وكنت اتكلم بنبرة هادية وواثقة وصارمة بنفس الوقت ،هني قالي :في شي صاير يعني ، قلت له : لا والله بس احس انه موقاعدة اسوي شي ولاقاعدة انتج شي فسويت السيرة لاذاتيه مالتي وخلاص بقدمها كذا مكان ، قال: انزين وين بتقدمين ،تقول (انا كنت اتكلم بس جي ابي اقدم أي مكان بس ابي اسولف معاه اضيع الوقت وبخاطري كان ناخذ ونعطي بنفس الوقت ) ،فقالت له : البنوك الشركات يعني ، قالها: قطاع خاص يعني اممممممم سكت شوي (انتبهوا الحين) ،بس دوامهم طويل عادي عندج واليهال شلون ، تقول : رديت عليه وبقلبي اقول اكيد ماراح يوافق اكيد بيقولي اغار عليج والا ماحب الدوام الطويل والا شلون تتركين عيالج ؟؟!! قلت له : عيالي ويا امي مو مشكله امي ماتقصر وبينه وبينهم دوار شرايك ، تقول : كنت انطره يرد يصحي فيني الامل ويحسسني بالاهتمام ويقولي لا ماحب تشتغلين ويا رياييل ووقت طويل (احساس الغيره) ، بس صحيت بطراق قوي حيل لدرجة انه هالطراق مانومني الليل بطوله ،قلت لها : تبجين انشالله ، قالت لي : لا سهرت افكر كيف وكيف أحيي أمراة اللي داخلي مو عشانه لا والله حشى عشاني لأني ابي اطلع من هالعش الموبوء أحس كل شي فيه مو لي خلاص ؟؟؟!! ،رديت : ليش سم الله عليج مافيج الا العافيه بس بقولج انتي حكمي عقلج عدل ولاتكون العواطف اهي الي قاعدة تتحكم فيج الحين ، قالت لي : لا انا اخترت وخلاص اخترت اعيش حياتي انا وعيالي وبس ؟؟!!!!!قلت لها: اوكي حلو ،ومن هني بدت رحلة التغيير على شريهان وأول قرار اتخذته انها ترجع النادي للرياضة ، وحاولت الكثير والكثير عشان تقنع زوجها انها ترد النادي ولكن شاءت الأقدار انه مايرضى ، ولكنها لم تتوقف فغايتها الحين اهي الرياضة عكس قبل غايتها تدش النادي عشان تشوف نادية واللي الحمدلله ماشافتها (الغاية تبرر الوسيلة) فبدأت بممارسة الرياضة بالبيت بالإضافة إلى المشي 3 ايام بالاسبوع كما انا حجزت مدربة متخصصة تأتي للبيت لها عند بيت اهلها ، كما بدأت شريهان بنفس الوقت بتخصيص وقت لها ولأبنائها خلال الويك اند توديهم يلعبون واهي تروح الصالون تهتم في نفسها ، كما أنها قللت اتصالاتها وإلحاحتها السابقة (وهذي نقطة جدا اعجبتني ولاتفهموني غلط اني كنت متملله من اتصالاتها ، لا بل بالعكس كنت ابيها تحاول انها اهي الي تحل المشكلة بنفسها لمصلحتها حتى لا تسمح لمن نفسه مريضة انه يخرب بيتها في المستقبل امثال نادية وغيرها، فأنا اروح ارد طرف خارجي لا اعلم بالجو العام المحيط بها جيدا واهي اكيد ابصر بموضوعها ، وانا علي قدمت لها النصيحة وهي الي تركز على التطبيق) ، قدمت شريهان طلبات توظيف في كذا مكان وبدت تركز على الجانب المهني من حياتها ، وتم قبولها في واحدة من الشركات الاستشمارية المعروفة بالكويت ،وفرح الزوج فرحة عارمة بهذا الخبر لانه فيه زيادة لمعاش شريهان ومساعدة حقه في مصاريف البيت وبالإضافة إلى انه سوف يشغلها عنه ،كانت شريهان تتحدث إلي بين فترة وفترة وبكل فترة القاها غير عن قبل سبحان الله ، وفي يوم من الايام اتصلت علي وتواعدنه نطلع ويا بعض المرينا مول ،شفتها وشفت بنت في غاية الرقة والانوثة وماتصدقون يابنات شنو كنت فرحانه حيل حيل ودي اطير واصرخ باعلى صوت تهبلين تهبلين ، اهي ضحكت حيل ولمتني عند السيارة وقالت لي : اشتقت لج وايد ودمعت عينها ،قلت لها : امبيه وحده ثانيه حيل تغيريتي يالعياره ضحكت حيل وقالت لي : تعالي بقولج سوالف شكثر ماراح تصدقين ، رحنه جوكليت بار وقعدنه نسولف ،طبعا انا حدي على نار ابي اعرف شنو سر هالتغيير ، تقول شريهان : فلانه تدرين الحين صار بحياتي ولا جنه موجود ابد واهو بنفسه حاس بيموت بيعرف ليش تدرين انه ،قبل على النت اشوفه يهذر مع بوحسون الي ادري انها بنت واحتر وانقهر لاحين لا عادي احتر بس مو نفس قبل احتر على نفسي وتلقيني اقوم اشتغل ، وبالعكس اهو الحين مستغرب مني وايد وحاس انه في شي بحياتي عشان جي قام يقعد بالبيت يطول يعني يبي يصيد علي شي J وانا اضحك بيني وبين نفسي ،قلت لها : زين حلو ماشالله الله يوفقج يا شريهان والله فرحتيني حيل J زين والحين يعني انتي تعتقدين انتهى من هذيكي يعني ، والا تقولي : لا ماعتقد ليمة الحين ويا بعض
انا اطل عليه لما ينزل من البيت اشوفه يهذر بالتلفون زين مايبلعه بس كيفه خلاص ؟؟!!! ايه تذكرت تدرين عاد هذيك اليوم موظف عندنه طرش لي مديرتي تكلمين يبي يتقدم لخطبتي لوووول وانصدم انه عندي عيال مديرتي اصدمته وانا ضحكت وبنفس الوقت استانست حسيت اني صغيرة ،تدرين شنو سويت رجعت البيت وقطيت نقزة صار مثل المينون خاصة اني صار لي فترة مطنشته J قلت لها: زين زين والله بس هم ديري بالج لا تييبين هالسوالف جدامه ياقلبي مو زين لج انتي ،قالت لي : لا مرة وبس كنت ابي اضحك شوي فسويت هالموقف J ،(طبعا طول ما شريهان تتكلم كنت بموت ابي اعرف شنو شعور نادية هل حاسة بالتغيير والا لا ؟؟؟ هل اهي متاثرة بعد والا عادي ، سألتها سؤال : زين شريهان لو شفتيها او صادفتيها شنو راح تسوين ؟؟!!!،ردت شريهان : انا تعلمت شغلة انه كنت مو مستوعبتها قبل (الطيور على اشكالها تقع) يعني اهو لو اختارها اهي وشفتها وعرفت شنو اهي بعرف شنو ريلي منها ، وانا متأكده انهم لايقين على بعض (استغربت من قساوة ردها) ،فقلت احسن ما تعرف منو اهي وتركز على نفسها من انه تركز على منو اهي والا شلون اهي ووو؟؟؟؟ (الستيج اللي تمر فيه شريهان ،يسمى ستيج البحث عن شريهان فهي الآن في رحلة داخل نفسها تجوب في غرف قلبها تبحث في كل زاووية من زوايا روحها عن اوراق قد تدلها على شخصية شريهان المفقودة ،هذه المرحلة قد تطول لسنين وشهور، وقد تقصر وهي تختلف من شخص لآخر) ولكن النتيجة ستكون جدا مفيدة ومثيرةانتظروني فللحديث بقية



REALLY LADY
:blushing:
 
***

عزيزتي Realady

الحمدلله على سلامة الوالدة

ومبروك علينا عودتك بالسلامة :icon26:

قصة مؤثرة ومفيييده .. انتظر النهاية بفارغ الصبر

في حفظ الله ورعايته :bye1: ..

***​
 
يعطيج الف الف عااافيه يالغاليه..

والله حبيت شريهان وربي ينصرها..وصلي لها سلامي..
 
الحمد لله على سلامة الوالدة وعلى ردتج لنا قصتج رائعه مثلج وفادتنا وايد ترا وايد في مثل شريهان وانا وحدة منهم يمكن اهون بوايد بس اهي اهي الفكرة(خيانة الرجل) حتى لو كانت بس مسجات وتلفونات.
كنت ميته اشوفها واعرف شكل اللي ريلي نسا نفسه معاها حتى بعد ما الله فكني منها الله لا يهنيها ان شاء الله .بس بعدين قلت حق نفسي واختي نصحتني مو شرط المشكلة في في شكلها . ومن هذه القصة فهمت اشياء وايد
ناطرينج على احر من الجمر لا طولين حبيبتي علينا ولا تبخلين علينا بقصص وخبرات ثانية ترانا في امس الحاجة لتجارب غيرنا
ودمت لنا بكل حب
 
الحالة
مغلق و غير مفتوح للمزيد من الردود.
عودة
أعلى أسفل