كسر خاطري وفرحتي .. وطلقني

  • بادئ الموضوع بادئ الموضوع diamondgirl
  • تاريخ البدء تاريخ البدء
الحالة
مغلق و غير مفتوح للمزيد من الردود.
اشكركم على ردودكم

انا صامته معاه وما اكلمه

وهو كله برا اصلا ما اشوفه كثير من بعد اللي صار

اليوم جلس مع اخوي وسوالف قمت سويت الغدا وحطيته تخيلوا ماقرب يتغدا وقال شبعاان لما اخوي طلب منه يتغدا قال لا شبعان طبعا كذاب بعد ما شلت السفرة واخوي طلع لبس زوجي وطلع يتغدا

وش رايكم شكلها ثابته صح

يعني ناوي يطلق خلاص مو مرجعني

انا مترددة مررة احيان ابي اتكلم معاه بس ردوده الباردة واللامباليه هي اللي تردني

فكرت ارسل له رسالة بس وش محتواها ماضبط معي الموضوع

نستمر على الصامت صدقوني ماراح يتغير شي كثير زوجي واعرفه يجيب الهم

فكرت خلاص يتم الطلاق بس ماراح اجلس له في البيت بروح مع اهلي ولوحدي بدون الاطفال لاني ما ابيه ياخذ راحته ويعيش حياته وانا ارتبط بالاطفال

طبعا الافكار تجي وتروح والحين كملنا اسبوع على هالحال وهو مو هامه ولا سوا شي وانا خايفة يلعب بذيله برااا

طيب البنات اللي قالوا انا الغلطانة يعني اعتذر له والا كيف ؟؟؟

واللي يقولون استمري في لصمت الين متى ؟؟

ما اتوقع يجي منه شي

احيان احس بالضعف والندم
واحيان اقول اعيش حياتي احسن لي

اختي اللي تقول اضحكي وتونسي لما يجي ؛؛ والله ودي بس لما يدخل البيت احس بتوتر واصير غصب عني جدية مررة حتى اتجنب الاطفال عشان ما اعصب عليهم ويبين علي القلق

والله مدري وش اكتب ولا وش اقول

الله يفرها من عنده

لا حول ولا قوة الا بالله

 
اختي... اذا عندك اخ كبير و تشوفي فيه الحكمة والرزانه


يفضل انك تقولي له عشان يكون عنده خبر

وبعدين زوجك لازم يتعلم انه يمسك اعصابة ...مو على اقل شي يجي يطلق

هوالرجل ...وهو المسؤول عن هذه الاسرة ..مو معقول يطلق على الطالعة والنازلة

انت لا تتكلمي معه ...خلي اخوك يكلمة واذا ما كان عندك اخ تقدري تعتمدي عليه

كلمي احد اخوانه اوابوه وربي يعينك ...لكن لا تطوفي عليه هذا الموقف
 
عنقود عنب حبيبتي هاذي مو اول مرة صراحة اطلب منه الطلاق

طلبت منه الطلاق مراات ومراات ولا طلق وكان يطنشني زوجي والله يحبني ولاحظي اللي صار اساسه الغيره علي كل اللي صعد الموضوع وكبره هو غيرته علي

انا عندي ابوي الله يحفظة هو اللي اعتمد عليه مع اني والله ماعمري شكيت من زوجي لاهلي الا مرة وحدة وفقط ل امي دايما محافظة على مشاكلي في بيتي رغم انها مشاكل كبيرة لكن اصبر واستعين بالله وتنحل

هو في زواج اخوي راح يجي اهلي واهله واتمنى ينحل اموضوع قبل هذاك اليوم
 
بسألكم بنات تعرفون انا داخلة على مناسبة زواج اخوي وتنقصني اغراض
اطلب منه فلوس او لا

ولما اطلع مع اخوي السوق اقول له استأذن منه والا اطنشه
انا طلعت اخر مرة بدون ما اقوه بعد ما صارت المشكلة ما قال شي بس هل ممكن يشيلها في نفسه

واللي نفسه كذا حقودة ويشيل فيها كل صغيره وكبيرة م اي نمط

بصراحة سالفة الانماط تعبتني ماعرفت له مررة
 
طمنينا حبيبتي ماذا صار ؟ خير ان شاء الله
 
الحالة
مغلق و غير مفتوح للمزيد من الردود.
عودة
أعلى أسفل